KABILANG ang 1996 Atlanta Olympic silver medalist na si Onyok Velasco na natuwa sa pagkapanalo ni Hidilyn Diaz ng kauna-unahang Olympic gold medal para sa Pilipinas.

Dasal ni Onyok na huwag sanang mapako ang mga pinangako na incentives kay Diaz tulad sa nangyari sa kanya noong 1996.

“Yung kay Hidilyn, sana matupad lahat para hindi lang si Hidilyn, yung iba pang gustong maging athletes na kabataan, magpursige rin na ganun pala kalaki yung mga binibigay,” sey ni Onyok.

Marami kasing hindi natupad sa mga pinangako na regalo kay Onyok noong manalo siya ng silver medal, kabilang na ang P2.5 million na pinangako noon ng kongreso.

Pati raw ang pinangakong scholarship sa kanyang dalawang anak ng Philippine Navy ay hindi raw nabigay kaya pinagsikapang pagtrabahuan ni Onyok ang pag-aaral ng mga anak.

Yung lifetime allowance naman na P10,000 a month ay isang taon lang at bigla itong tinigil. Yung binigay naman na bahay sa kanya ay hanggang ngayon ay di pa tina-transfer ang titulo sa pangalan niya.

Sey ni Onyok: “Ang inaano ko na lang sana, yung titulo lang mai-transfer na ba, kasi nakatira ako doon sa bahay, mamaya bigla akong palayasin doon.”

Sa edad na 22 ay nag-retire agad si Onyok sa boxing at ‘di na raw naulit ang paglaro niya sa Olympics. Mas pinili raw niyang sa Pilipinas magtrabaho para mabantayan ang paglaki ng mga anak niya.

Pinasok ni Onyok ang showbiz at ginawang pelikula ang buhay niya ng Viva Films titled Onyok Velasco Story kunsaan nakatambal niya si Ina Raymundo.

Sunud-sunod naman ang mga naging TV shows niya tulad ng Idol Ko Si Kap, Kool Ka Lang, Da Body en Da Guard, Da Pilya en Da Pilot, Ok Fine Whatever, Everybody Hapi, Show Me Da Manny at Toda Max.

***

MUKHANG si Sanya Lopez na ang “flavor of the season” dahil sa mga susunod na mga trabaho niya sa Kapuso network after ng top-rating teleserye niya na First Yaya.

Nag-renew ng kanyang kontrata with GMA Artist Center si Sanya at sa virtual event ay kabilang ang bagong GMA Artist Center Consultant na si Mr. Johnny Manahan a.k.a. Mr. M na present sa pagpirma ng aktres.

Nag-blush pa si Sanya sa mga papuri na binigay ni Mr. M sa kanya dahil napanood niya ito as Melody sa First Yaya.

“She’s a very talented and beautiful actress and excited to be a mentor for her. I am sure with the guidance of the artist center she will reach new heights. Magaling siya eh, tulad ng sabi ng iba mabait siya, kaya importante rin ‘yun,” sey pa ni Mr. M.

Kabilang si Sanya sa gustong makilala ni Mr. M noong maging offical na Kapuso siya kamakailan,

Hindi makapaniwala si Sanya na si Mr. M na ang nagsabing magaling siya at nangako ito na mas ibibigay pa niya ang mahusay na performance sa mga susunod pa niyang mga proyekto sa GMA.

***

PINABORAN ng US judge ang Jane Doe na nag-file ng civil lawsuit laban sa Oscar-winning actor na si Cuba Gooding, Jr. dahil sa kasong rape.

Ayon kay Jane Doe, ginahasa siya diumano ni Gooding ng dalawang beses sa isang Manhattan hotel room noong 2013.

Bigo raw ang aktor na mag-respond sa akusasyon sa kanya kaya pinaboran ni US District Judge Paul Crotty ay nag-grant ng default judgment kay Gooding dahil liability siya sa sinampang kaso ni Jane Doe.

“Defendant has completely failed to engage with this case,” making his default “willful,” ayon kay Crotty.

Mabibigyang ng pagkakataon ang 53-year old actor na harapin ang kaso at iapela ang hinihinging punitive damages ni Jane Doe na nagkakahalaga ng $6 million. Nakatakdang humarap sa korte si Gooding on September 7.

Ayon sa lawyer ni Jane Doe: “Mr. Gooding failed to respond to the serious allegations made by our client. We look forward to the damages hearing.”

In 2019, nag-plead “not guilty” si Gooding sa isa pang Manhattan court for unwanted touching of three women in separate incidents.

Nanalo ng best supporting actor sa Academy Awards si Gooding noong 1997 para sa pelikulang Jerry Maguire.

(RUEL J. MENDOZA)

NASORPRESA si Glaiza de Castro sa ‘Pinoy Abroad Fun Connect’ ng GMA Pinoy TV, na nakipag–bonding sa mga fans abroad pamamagitan ng zoom event kasama ang cast ng Nagbabagang Luha na sina Rayver Cruz, Claire Castro, Royce Cabrera at Mike Tan. from Ireland.  Lalong nasorpresa si Glaiza dahil kasama rin ni David ang soon-to-be mother-in-law niyang si Susan Rainey.

Nagbigay pa ito ng message sa kanya na, “I just love to see you and David together and I know how much you love each other so comeback soon. We miss you!”

Sayang, kahit tapos na ang taping ng Nagbabagang Luha ay hindi rin pwedeng umalis si Glaiza dahil naka-ECQ na naman tayo, simula sa August 6.

***

APPROVED kay Kapuso actor Gabby Concepcion na si Rayver Cruz ang gumanap ng role niya bilang si Alex sa movie version ng Nagbabagang Luha na TV adaptation na ngayon sa GMA Afternoon Prime.

Kung si Gabby ay sina Lorna Tolentino at Alice Dixson ang dalawang babaeng minahal niya sa story, si Rayver ay tatlo naman, sina Glaiza de Castro, Claire Castro at Myrtle Sarrosa.

Nagbigay ng message si Gabby kay Rayver: “Do your own version. I know you’re gonna do good. Be a version of yourself to be that role. Get out of your comfort zone and love and embrace that role.  And I’m sure you’ll have a great time doing this teleserye.”

Nabiro tuloy si Rayver kung ladies’ man ba siya in real life, tulad ng character ni Alex sa serye?

“Hindi po, good boy ako at stick to one lang. Ayoko po ng paiba-iba ng girlfriend.”

Work daw muna siya at mag-ipon, kaya thankful siya sa mga blessings na ibinibigay sa kanya ng GMA Network, simula raw nang lumipat siya rito, nagsunud-sunod na ang mga projects niya.

Pangatlo na niyang teleserye ang Nagbabagang Luha at sa ngayon ay may regular show siya every Sunday, ang All-Out Sundays at very soon ay magbabalik siya muli bilang isa sa mga hosts ng The Clash, Season 4, third time na silang magkasamang magho-host ng singing competition, ni Julie Anne San Jose.

***

SANDALI munang nagpahinga sa pagdidirek si Ms. Gina Alajar, at nag-artista muna  sa Nagbabagang Luha.

     “After kong dinirek ang afternoon drama series na ‘Prima Donnas,’ dumating ang offer na ito at sabi ko mag-artista naman ako,” sabi ng director-actress.

“Mas madali kasi dito, wala akong iisipin kundi ang sarili ko lamang, how will I look before the camera, mag-memorize ng lines, at since naka-lock-in taping kami, pagkatapos ko ng take, kung wala akong susunod na eksena, pwede na akong bumalik sa room ko at magpahinga.

“Happy rin ako na ang director namin ay si Ricky Davao, marami na kaming pinagsamahang proyekto kaya relaxed lang ako at thankful na muli ko siyang nakatrabaho, and it’s nice working with the whole cast.”

Very soon ay magsisimula na rin ng lock-in taping ng Book Two ng Prima Donnas si Direk Gina. Dapat ay magsisimula na ang lock-in taping nila ngayong August hanggang November, pero sa paglalagay ng NCR sa ECQ, naghihintay pa sila sa desisyon ng GMA Network.

Nag-world premiere na kahapon ang Nagbabagang Luha, kasunod nito ng Ang Dalawang Ikaw nina Ken Chan at Rita Daniela sa bago nilang time slot na 3:25PM.

(NORA V. CALDERON)