2021 August Archive - People's Balita

Archive for August, 2021

DOTR: GAOR ng PMVICs IHINTO MUNA!

Posted on: August 28th, 2021 by @peoplesbalita No Comments

“Hold in Abeyance” yan ang order ng DOTr sa LTO at “conduct immediate and exhaustive review of the policy”ng GAOR. Pero hindi kusang loob pinahinto ito ng DOTr. Ito ay matapos ng sunud-sunod na batikos buhat sa mga motoristang apektado at maging mga transport groups tulad ng 1- UTAP.

Nagpahayag din ang ilang mga government officials ng pag laban dito. Matinding binanatan ni Sen. Grace Poe ang GAOR sa kanyang privilege speech pero tulad ng sinabi ni Sen. Ralph Recto “it might rise again from the dead”.

Dapat bukod sa review ng polisiya ay magimbestiga din ang kalihim ng DOTr sa kung sino ang pasimuno ng malasadong polisiya ng GAOR na nilabas ng LTO.

Hindi ba yan dumaan kay Sec. Art Tugade bago inilabas? Si Usec Artemio Tuazon at si LTO Chief Edgar Galvante lang ba ang may pakana nyan? Hindi katanggap tanggap na pagkatapos pahirapan ng higit sa dalawang linggong pagpapatupad ng GAOR ang mga motorista ay magpapapogi ka na hold in abeyance muna at pag-aralan ng maigi ang GAOR. Pinalusot ba ito? Bakit hindi muna mag public hearing ang LTO at DOTR bago maglabas ng polisiya at hindi yun pag matindi ang latay ng batikos ay babawiin bigla.

Marahil ay dapat na rin magsalita ang mga operator ng PMVIC. Paano sila naenganyo na pumasok sa negosyong ito? Sa totoo lang hindi biro ang investment na ibinuhos ng mga ito para mag put up ng PMVIC. Sino kausap nila sa DOTr?

Sa ngayon ay pasalamat tayo sa mga nakipaglaban para mapatigil ang kontrobersyal na GAOR.

Ang usapin ng PMVIC ay hindi mananahimik hanggat walang napapanagot dito, kung hindi sa panahon ng administrasyong ito ay sa susunod. Kaya sa mga taga transport sector suportahan niyo ang mga taong handang ipaglaban ang hanay niyo at hindi yung mga magpapanatili ng mga polisiyang nagpahirap sa inyo. (Atty. Ariel Enrile – Inton)

ALESSANDRA, GLAIZA, CHARLIE, CRISTINE at lima pa, laban-laban sa Best Actress sa ‘44th Gawad Urian’

Posted on: August 28th, 2021 by @peoplesbalita No Comments

INILABAS na ng Manunuri ng Pelikulang Pilipino ang mga nominado para sa 44^th Gawad Urian.

Nominado sa Best Picture Category ang Aswang, Hayop Ka, Kintsugi, Lahi Hayop, Midnight in a Perfect World, A Thousand Cuts at Watch List.

Best Director nominees naman sina Jay Altarejos (Memories of Forgetting), Alyx Arumpac (Aswang), Dodo Dayao (Midnight in a Perfect World), Lav Diaz (Lahi, Hayop), Ramona Diaz (A Thousand Cuts), Dolly Dulu (Love Foretold by the Stars), Lawrence Fajardo (Kintsugi), Antoinette Jadaone (Fan Girl), Avid Liongoren (Hayop Ka…), Ben Rekhi (Watch List), at Irene Villamor (On Vodka, Beers and Regrets).

Magkakalaban naman for Best Actress sina Jasmine Curtis (Alter Me), Glaiza de Castro (Midnight in a Perfect World), Alessandra de Rossi (Watch List), Charlie Dizon (Fan Girl), Shaina Magdayao (Tagpuan), Bela Padilla (On Vodka, Beers and Regrets), Lovi Poe (Malaya), Sue Ramirez (Finding Agnes), at Cristine Reyes (Untrue).

Magkakatunggali naman for the Best Actor plum sina Elijah Canlas (He Who Is Without Sin), Enchong Dee (Alter Me), Noel Escondo (Memories of Forgetting), Keann Johnson (The Boy Foretold by the Stars), Nanding Josef (Lahi Hayop), Andrian Lindayag(The Boy Foretold by the Stars), Zanjoe Marudo (Malaya), at JC Santos (On Vodka, Beers and Regrets).

Battling it out for Best Supporting Actress are Sandy Andolong (Finding Agnes), Lolita Carbon (Lahi Hayop), Dexter Doria (Memories of Forgetting), Hazel Orencio (Lahi Hayop), and Bing Pimentel (Midnight in a Perfect World).

The nominees for Best Supporting Actor are Micko Laurente (Watch List), Jake Macapagal (Watch List), Jess Mendoza (Watch List), Dino Pastrano (Midnight in a Perfect World), and Enzo Pineda (He Who is Without Sin).

***

PALABAN sa hubaran sina Sean De Guzman at AJ Raval sa psychedelic erotic thriller Taya na dinirek ni directed by Roman Perez, Jr.

Ilang beses din naghubad sina Sean at AJ dahil marami silang sex scenes sa pelikula.

To be fair, okay naman ang performance nina AJ at Sean sa pelikula. May mga dramatic moments sina AJ at Sean na naitawid naman nila nang mahusay.

Pero ang nakakagulat ay ang willingness nila to bare for the camera. Siguro dahil sa tiwala nila sa kanilang director kaya pumayag ang dalawa na gawin ang maraming hubaran scenes.

Tastefully done naman ang mga eksena kaya di dapat mangamba ang dalawa.

Hindi pangkaraniwang sexy film ang Taya dahil masalimuot ang takbo ng kwento na sinulat ni Cinemalaya Best Screenwriter John Carlo Pacala. Hindi mo bibitiwan ang movie pag nasimulan mo na.

Kasama rin sa taya sina Jela Cuenca, Khang, Soliman Cruz, Mon Confiado, Pio Balbuena at Raul Morit.

Mapanood ito sa Vivamax.

***

SIMULA pa lang ng seryeng Huwag Kang Mangamba ay nagustuhan na namin ito agad. May dating sa amin ‘yung pagbibigay inspirasyon ng kwento nito, lalo na sa panahon ng pandemya.

Very timely kasi ‘yung makapanood ka ng seryeng maganda ang kwento at may aral kasi nakabawas somehow ng anxiety habang nabuburyong ka dahil sa pandemya.

Pero lately napansin namin na lately na masyado naman yata sumasama ang character ni Deborah (played by Eula Valdez) at parang mas nakalalamang ang evil over good.

Tapos nung isang gabi, ‘yung gay character ang gustong akuin ang pagnanakaw sa center ni Deborah samantalang alam naman niya na yung mga kapatid nyang kawatan ang may gawa.

Parang medyo lumilihis na pagiging inspiring ng kwento ng Huwag Kang Mangamba.

Sabi tuloy ng kaibigan namin, “hindi na realistic” ang dating ng kwento. Kaya our friend stopped watching.

Pero nakabawi ang HKM sa episode noong Huwebes. Ipinahuli ng Arlene Muhlach ang dalawang anak niyang kawatan na nagnakaw sa Healing Center ni Deborah kaya ang bading niyang anak na aako sana sa kasalanan ay lusot na.

Nakalabas na rin si Barang (Sylvia Sanchez) sa mental hospital sa tulong nina Mira at Joy, na kanya palang mga apo.

Tinulungan sila ng investigative reporter played by Mylene Dizon.

Mas lalo pang magiging exciting ang next episodes dahil siyempre di papayag si Deborah na mabuko sa kasalanan kanilang ginawa.

(RICKY CALDERON)

12 sundalo ng US kasama sa 60 patay sa Kabul Airport bombing

Posted on: August 28th, 2021 by @peoplesbalita No Comments

Kinumpirma ng Pentagon na 12 sundalo nila ang nasawi sa pagsabog sa Kabul Airport sa Afghanistan.

Sinabi ni Gen. Kenneth “Frank” McKenzie, namumuno sa US Central Command, kabilang sa nasawi ang 11 marines at isang Navy Medics.

Mayroong 15 mga sundalo din nila ang nasagutan na dinala na sa pagamutan.

Sa kabuuan ay nasa 60 katao ang nasawi at 140 na ang sugatan.

Dagdag pa nito na inaalam pa nila kung anong grupo ang nasa likod ng nasabing suicide attack.

Magugunitang niyanig ng dalawang pagsabog ang Kabul airport na pinaniniwalaang kagagawan ng suicide bomber.

Iginiit pa rin ng Pentagon na tuloy pa rin ang ginagawa nilang paglikas sa mga mamamayan nila at mga Afghans. (Daris Jose)

Diaz magdo-donate ng P1 milyong weightlifting equipment

Posted on: August 28th, 2021 by @peoplesbalita No Comments

Ayon kay Samahang Weightlifting ng Pilipinas (SWP) president Monico Puentevella, magdo-donate si Diaz ng mga weightlifting equipment sa SWP at Philippine Sports Commission.

Nagkakahalaga ito ng P1 milyon.

Nais ni Diaz na makatulong upang makatuklas pa ng mga bagong talento na susunod sa kanyang yapak sa mga darating na henerasyon,

Kaya naman malaki ang maitutulong ng mga sports equipment para may magamit ang mga interesadong atleta.

“Gusto ni Hidilyn na maibahagi ang pinaghirapan niya sa new breed of athletes especially sa weighlifting,” ani Puentevella.

Marami ang nagkainteres sa weighlifting matapos masungkit ni Diaz ang kauna-unahang gintong medalya ng Pilipinas sa Olympic Games.

Pinagreynahan ni Diaz ang women’s 55-kilogram division kung saan bumuhat ito ng 97 kgs. sa snatch at 127 kgs. sa clean and jerk para sa kabuuang 224 kgs.

Mahigit P50 milyon ang tinanggap ni Diaz mula sa cash prize, house and lot, kotse at ilang negosyo package bilang insentibo sa kanyang pagkakapanalo ng gintong medalya sa Tokyo Olympics.

KYLIE, masasabing ‘at peace’ at genuinely happy’ after makipaghiwalay kay ALJUR

Posted on: August 28th, 2021 by @peoplesbalita No Comments

SA wakas at masasabi na ni Kylie Padilla na she is “at peace” at “genuinely happy” na siya matapos ang pakikipaghiwalay niya sa mister na si Aljur Abrenica.

Sa recent interview ni Kylie, malutong ang mga tawa nito at halatang magaan na ang pakiramdam nito kumpara sa mga nauna niyang panayam na may bigat pa siyang dinadala.

“Okay naman. Kasi nakapaglipat na kami ng bahay, so nakapag-adjust na kami sa kailangang gawin, sa kailangang mangyari, I truly am. I mean, puwede naman sabihin na ‘I’m happy’ just for the sake of it. Pero I’m really, really happy now, masaya talaga ako,” diin ni Kylie.

Malaking tulong daw kay Kylie ang work therapy dahil nakagaan daw iyon sa mga dati niyang dinadalang problema sa buhay.

“Especially after this project na sinasabi ko nga, naging therapy siya in a way to get through I was going through. But now I feel happier talaga. I’m at peace now than I was,” sey ni Kylie patungkol sa project nila ni Andrea Torries na BetCin na tungkol sa isang lesbian relationship na papunta na sa paghihiwalay.

Sey pa ni Kylie na gustung-gusto niya ang character niya sa BetCin as Beth: “There were certain things na mga binasa ko. Sabi ko, ‘Naiintindihan ko siya kung bakit niya nagawa ‘yung mga nagawa niya.’ She’s an imperfect person, but she loves for real.”

Ready na rin daw si Kylie na gumawa ng teleserye. Yun nga lang, kailangan daw mentally at physically ready siya sa lock-in taping dahil malalayo siya sa kanyang dalawang anak ng matagal.

“Ready naman ako anytime, ‘yung lock-in taping lang talaga, nakakatakot kasi magko-commit ka. Siyempre ‘yung ibang lock-in ang tatagal eh, so panibagong isa-psych ko ‘yung sarili ko para malayo sa mga anak ko. Ang hirap talaga, may anxiety akong malayo sa kanila,” sey pa ni Kylie.

***

INAMIN ni Kyline Alcantara na mas naging close sila ni Mavy Legaspi habang nasa lock-in taping sila ng teleseryeng I Left My Heart in Sorsogon.

Ayon sa mga nakasama nila sa taping, mukhang puwedeng mauwi sa higit pa sa pagkakaibigan ang pagtitinginan ng dalawang Kapuso stars.

Nasabi na before ni Mavy na “best feeling” ang makatrabaho si Kyline dahil nag-e-enjoy siya sa kanilang tawanan at kulitan sa set ng kanilang kinabibilangan na teleserye.

Panay naman daw ang tukso sa kanila ng kanilang co-stars na sina Heart Evangelista-Escudero, Paolo Contis at Richard Yap.

“Number one na nang-aasar sa amin si ate Heart. Second si Kuya Pao. Third si Tito Richard. For me, no one knows the future. But right now I’m just really enjoying the moment,” sey ni Kyline.

Pruweba nga naman ang mga nag-viral na photos nila Mavy at Kyline na very sweet na magkasama sa kanilang location set sa Sorsogon. Ayon sa ilang netizens, lalong lumalalim ang dimples nila kapag magkasama sila.

Simpleng sagot naman ni Mavy: “Kung ano man ang mangyari, it is what it is.”

***

MALAKING adjustment ang nangyari kay Juancho Trivino noong maging padre de pamilya na siya.

Kung noon daw ay sarili lang niya ang iniisip niya, ngayon ay priority na niya ang kanyang misis na si Joyce Pring at ang baby nilang si Alonso Eliam.

Ayon kay Juancho, iba pa rin ang mag-alaga ng bata kumpara sa kanyang trabaho bilang artista at host.

“Akala ko kaya ko eh, kasi nagte-taping ako ng nine years eh. Pero iba eh, iba ‘yung 12 a.m. hanggang 5 a.m. Sinusubukan mo ‘yung best mo na tumigil siya sa kakaiyak pero, adjustment. Patience, sobrang laking patience. Hindi ko na iniisip ang sarili ko ngayon. Mas priority ko na si Joyce and ‘yung anak ko,” sey ni Juancho.

Maraming netizen ang sabik na makita na ang hitsura ni Baby Liam. Pero sa ngayon ay gusto munang maging pribado nina Juancho at Joyce ang mukha ng kanilang baby.

“Napag-usapan din namin kasi ‘yun na iho-hold muna ‘yung privacy namin, lalo noong nanganak siya and ‘yung hitsura niya. Para sa mental health din namin, na inu-unti unti rin namin ‘yung mga bagay-bagay. We’re enjoying each moment and sobrang laking blessing din ni Liam sa buhay namin,” diin ni Juancho.

(RUEL J. MENDOZA)

SHARON, nalungkot na naman dahil kailangan ng bumalik ni FRANKIE sa New York para mag-aral

Posted on: August 27th, 2021 by @peoplesbalita No Comments

MALUNGKOT ang araw ni Megastar Sharon Cuneta last Wednesday, August 25, at kahit ang balitang nag-number 3 sa ranking ang movie niyang Revirginized sa Google Play ay hindi nawala ang lungkot niya.

Instagram post ni Sharon:

“My Kakie, my Baba (eldest daughter nila ni Senator Kiko Pangilinan), is flying back to New York right about now… & if my heart had already been breaking for days over her leaving and other matters, today it is in pieces. Whenever a child of yours – especially one so loving and with such a pure and good heart leaves, she takes a big piece of your heart with her.”

Worried din si Sharon sa second child nilang si Miel dahil best friend nito ang Ate Kakie niya, at sa almost two years ng pandemic, lalong naging close ang dalawa, unbreakable ang bond nilang dalawa.

“As for me, the silence in our home now is deafening. Last night during Kiko’s birthday dinner, I couldn’t really eat… and pretty soon, we were all shedding tears. I love you very much, my Baba…Take care of yourself. God bless you and keep you safe, my good girl.”

***

NAKATATANGGAP ng bashings si Tom Rodriguez mula sa mga fans ni Alden Richards sa GMA romantic-drama series nilang The World Between Us.

Kahit si Tom ay nagugulat din sa role ni Brian, na ang sama-sama ng pakikitungo kay Louie (Alden). First time daw niyang gumanap ng ganitong role kaya nang unang i-offer sa kanya, ay hindi niya ito tinanggihan, gusto raw naman niyang gumanap ng bad character sa isang project.

“Pero inaapi ko man si Alden sa harap ng camera, off-camera ay lalo pang lumalim ang aming pagkakaibigan dahil sa serye namin,” wika ni Tom.

“Very sincere person ni Alden, masipag, a very dedicated person to his craft, and at the same time, ramdam mo yung puso niya, hindi lamang sa mga kakilala niya kung hindi sa mga taga suporta rin niya.”

Naka-season break ngayon ang kanilang series kaya pahinga muna si Tom bago sila muling bumalik sa lock-in taping.

Iyon nga lamang miss na miss na niya ang magiging misis niya, si Carla Abellana. Salisi na naman daw kasi sila ng schedule ni Carla.

Dapat daw ay matatapos na siya sa serye ng September 6 at si Carla naman ay tapos na ng lock-in taping ng To Have and To Hold with Max Collins at Rocco Nacino ng September 3, kaya finally ay magkikita na sana sila at mas matutukan nila nang sabay ang wedding preparations nila dahil nagkaroon ng changes sa mga unang plano nila.

Isa rito ay baka hindi na matuloy umuwi ang family niya sa bansa dahil nga sa muling surge ng Covid-19 at Delta virus, ayaw raw niyang i-risk ang safety nila sa pagdalo nila sa wedding.

Pero hopefully, tapos na sila sa taping ng TWBU sa wedding nila ni Carla sa October 23, sa Madre de Dios Chapel sa Tagaytay Midlands sa Tagaytay Highlands.

Today, August 27, mapapanood ang last episode ng The World Between Us bago magsimula ang kanilang season break, after ng 24 Oras sa GMA-7.

***

ILANG buwan na rin natapos ang top-rating romantic-comedy series na First Yaya na first team-up nina Gabby Concepcion at Sanya Lopez.

Nangako ang GMA Network na magkakaroon ito ng book two this year din.

Kaya excited na ang mga netizens sa pag-aabang ng bagong serye, nang lumabas nang ang book two ng First Yaya will be titled First Lady.

Gusto nilang malaman kung ano ang transformation na mangyayari kay Yaya Melody. Mari-retain ba ang dating cast o may mga bagong gaganap sa serye?

(NORA V. CALDERON)

Duterte-Duterte ticket sa Eleksyon 2022, walang pag-asa- Sec. Roque

Posted on: August 27th, 2021 by @peoplesbalita No Comments

WALANG pag-asa na magkaroon ng Duterte-Duterte ticket sa Eleksyon 2022.

Ito ang inihayag ni Presidential Spokesperson Harry Roque kung pagbabasehan ang sinabi ni Pangulong Rodrigo Roa Duterte na ‘out’ na sila ni Senador Bong Go kapag nagdesisyon ang kanyang anak na si Mayor Sara Duterte-Carpio na tumakbo sa pagka-pangulo sa halalan sa susunod na taon.

“Well, unang una, I will quote the words of the President, dahil sinulat ko po ‘yan as he was speaking, I quote, “Kung tatakbo si Mayor Sara, Bong will not run for president. If Sara runs, out na rin ako because of this delicadeza. Hindi pupuwedeng dalawa kami diyan. So iyon po ang mga binanggit na salita ni Presidente. Iyong ipinakita po [kagabi] ay kung hindi nga tatakbo si Mayor Sara. But I think ang naging mensahe ng Presidente, it’s the call of Mayor Sara Duterte, if she runs, then Sen. Bong Go and he will not run,” litanya ni Sec. Roque.

At sa tanong kung kailan malalaman ang pinal na posisyon ng Pangulo sa usaping ito ay sinabi ni Sec. Roqu na depende na iyon kay Mayor Sara.

“But in the words of the President, if Mayor Sara decides to run, then she will be the candidate. At dahil nga po sa delicadeza, wala pong pag-asa ang Duterte-Duterte ticket,” aniya pa rin.

Samantala, tiniyak naman ni Sec. Roque na hindi makaaapekto ang mga election issues sa COVID-19 response ng pamahalaan.

Sa katunayan aniya ay tuloy-tuloy ang ginagawang pagbabakuna ng gobyerno.

Bukod pa sa tuloy-tuloy pa rin aniya ang pag-eengganyo ng pamahalaan sa lahat ng mga mamamayang filipino na “mag-prevention, detection, isolation, treatment, and reintegration.”

” So ibig sabihin po, bagama’t hindi natin mapo-postpone ang eleksyon dahil iyan po ay nakaukit sa Saligang Batas, tuloy-tuloy pa rin po ang ating COVID-19 responses. At ang pangako nga po natin, gagawin natin ang lahat para ma-achieve ang population protection by December of this year,” ayon kay Sec. Roque. (Daris Jose)

PDu30, atras sa pagtakbo bilang bise-presidente kapag tumakbo si Mayor Sara sa Eleksyon 2022

Posted on: August 27th, 2021 by @peoplesbalita No Comments

KINUMPIRMA at nagbigay linaw ang Malakanyang sa naging pahayag ni Pangulong Rodrigo Roa Duterte sa kanyang Talk to the People kagabi na kung tatakbo si Davao City Mayor Sara Duterte ay hindi siya tatakbo bilang bise-presidente sa Eleksyon 2022.

“Lilinawin ko lang po na kagabi nagsalita ang presidente ang sabi niya kung tatakbo si Mayor Sara Duterte, out siya at out din po si Senator Bong Go,” ayon kay Presidential Spokesperson Harry Roque.

“If I were to quote him, “Should Sara decide to run, Bong Go is out. For my part, dahil delicadeza, hindi po puwede dalawa kami diyan, if she runs, out na rin ako, so ‘yun po ang sinabi niya,” dagdag na pahayag ni Sec. Roque.

Malinaw na sinabi ng Pangulo na kung hindi tatakbo si Mayor Sara sa pagka-pangulo ay tatakbo siya bilang bise-presidente.

“Pero ang talagang sagot po ay, tatakbo ba siya bilang vice president? ang sagot ay hindi kung tatakbo po si Mayor sara duterte sa pagka presidente. Tatakbo siya kung hindi tatakbo si Mayor Sara,” aniya pa rin.

Ang katwiran ng Pangulo sa bagay na ito ay “por delicadeza”.

Hindi puwedeng dalawa silang Duterte na tatakbo sa halalan sa susunod na taon.

Samantala, sigurado naman si Sec. Roque na pag-uusapang mabuti ng ruling party PDP-Laban ang bagay na ito.

“Hahayaan ko ang PDP-Laban dahil hindi naman ako kabahagi ni PDP-Laban,” ani Sec. Roque. (Daris Jose)

Duque tiniyak kay Pangulong Duterte, maipamamahagi ang SRA at kompensasyon sa mga health workers sa Agosto 31

Posted on: August 27th, 2021 by @peoplesbalita No Comments

TINIYAK ni Health Secretary Francisco Duque III kay Pangulong Rodrigo Roa Duterte na maipamamahagi na ang special risk allowance at kompensasyon para sa mga health workers sa darating na Agosto 31.

Noong nakaraang linggo kasi ay binigyan ni Pangulong Duterte ng 10 araw na palugit ang Department of Health (DOH) at Department of Budget and Management para bayaran ang lahat ng naantalang benepisyo ng mga health workers.

Ayon sa Pangulo, gamitin na ng DOH at DBM ang ano mang natitirang pera at ibayad sa mga health workers.

“Within your prescribed deadline of 10 days, DBM will release the SARO (Special Allotment Release Order) tomorrow. We’ve been following it up to them and also the contingent fund… We are committed to deliver it in the said time frame you indicated,” ang naging pahayag naman ni Duque sa Talk to the People ni Pangulong Duterte, Martes ng gabi.

Kaugnay nito, kinumpirma ni Senador Christopher Bong Go na na-release na ang P311 million para sa Special Risk Allowance ng mga healthcare workers.

Sinabi ni Go na inatasan na rin ni Pangulong Duterte ang DBM at Executive Department na agad na mag-release ng pondo kapag hindi pa rin ito sapat.

Binigyang diin ni Go na maliit na halaga lang ang nasabing halaga kung ikukumpara sa sakripisyo ng mga health workers bagama’t walang katumbas na pera ang ginagawang serbisyo ng mga ito sa bayan.

Ayon kay Go, entitled sa SRA ang mga health workers na nakatoka sa mga COVID-19 patients at response.

Hinimok naman ni Go ang DOH na bilisan na ang proseso para makatutok na sa kanilang trabaho kasabay ng paghimok sa Senado na madaliin din ang pagdinig sa mga isyu na sangkot ang DOH para makatutok na ang mga tauhan at opisyal nito sa kanilang mandato sa bayan.

Sa ulat, tinatayang nasa P311 million ang hinihingi ng DOH para sa 20,156 health workers.

Ayon naman sa DBM, may mga nakikita nang pagkukuhanan ng pondo para rito.

‘Yung para doon sa government healthcare workers kukunin ‘yun sa isang special purpose fund… Ang tawag diyan eh miscellaneous personnel benefits fund…. Ang medyo may issue lang ‘yung para du’n sa galing sa private hospitals… Within the 10 day period mare-release ‘yon pero optimistic ako na within this week,” sabi ni DBM OIC Undersecretary Tina Canda.

Noong Lunes, ipinaliwanag ng DOH-NCR ang guidelines sa COVID-19 benefits.

Ang special risk allowance (SRA) halimbawa, para lang sa mga naka-assign sa COVID-19 hospitals at facilities.

Ang COVID-19 compensation ay para lang sa mga symptomatic na nagkasakit sa trabaho.

Habang ang meals, accommodation at transportation allowance, makukuha lang kung hindi ito kayang ibigay ng isang pasilidad.

Nagbigay din ng August 26 na deadline sa mga ospital para sa pagsusumite ng listahan ng eligible health workers.

Nauna na ring sinabi ng Private Hospitals Association na marami sa kanila ang matagal nang nakapagsumite ng mga requirements pero sadyang napakabagal ng proseso ng DOH.

Nagbabanta ng malaking protesta ang mga health workers kapag hindi naibigay ang kanilang benepisyo sa September 1.

Bagama’t nakikiusap ang Palasyo na huwag ituloy ito, hindi na rin daw mapipigilan kung maraming mag-resign dahil labis na ang pagkadismaya sa kanilang kalagayan. (Daris Jose)

2 nalambat sa buy-bust sa Navotas, Valenzuela

Posted on: August 27th, 2021 by @peoplesbalita No Comments

DALAWANG hinihinalang tulak ng illegal na droga ang natimbog sa isinagawang magkahiwalay na buy-bust operation ng pulisya sa Navotas at Valenzuela Cities.

Ayon kay Navotas police chief Col. Dexter Ollaging, dakong alas-9 ng gabi nang magsagawa ang mga operatiba ng Station Drug Enforcement Unit (SDEU) sa pangunguna ni PLT Genere Sanchez ng buy-bust operation sa Apahap St., Brgy. NBBS Kaunlaran.

Matapos tanggapin ni Dennis Alvarez alyas “Dinay”, 50, (pusher/listed) ang P500 marked money mula sa isang pulis na nagpanggap na poseur-buyer kapalit ng isang sachet ng shabu ay agad siyang sinunggaban ng mga operatiba.

Nakumpiska kay Alvarez ang humigit-kumulang sa 8.5 grams ng hinihinalang shabu na may corresponding standard drug price (SDP) Php 57,800.00 at buy-bust money.

Sa Valenzuela, alas-9:45 ng gabi nang maaresto din ng mga operatiba ng SDEU ng Valenzuela police sa pangunguna ni PLT Joel Madregalejo si Jerome Alonde, 29 ng Purok 4, Orosco St., Brgy. Mapulang Lupa matapos bentahan ng P500 halaga ng shabu si PCpl Maverick Jake Perez na nagpanggap na poseur-buyer sa buy-bust operation sa Sapa St. Bisalao, Brgy. Bagbaguin.

Ani SDEU investigator PCpl Pamela Joy Catalla , nasamsam kay Alonde ang humigit-kumulang sa 3 grams ng hinihinalang shabu na may standard drug price Php 20,400.00, buy-bust money, P200 cash at coin purse.

Nahaharap ang mga suspek sa kasong paglabag sa RA 9165 o Comprehensive Dangerous Drug Act of 2002.

DALAWANG hinihinalang tulak ng illegal na droga ang natimbog sa isinagawang magkahiwalay na buy-bust operation ng pulisya sa Navotas at Valenzuela Cities.

Nakumpiska kay Alvarez ang humigit-kumulang sa 8.5 grams ng hinihinalang shabu na may corresponding standard drug price (SDP) Php 57,800.00 at buy-bust money.

Nahaharap ang mga suspek sa kasong paglabag sa RA 9165 o Comprehensive Dangerous Drug Act of 2002. (Richard Mesa)