2021 August Archive - People's Balita

Archive for August, 2021

Shang-Chi Movie Images Show Detailed Look At Marvel Superhero Costume

Posted on: August 5th, 2021 by @peoplesbalita No Comments

MARVEL’S newest hero is ready for action in new images from Shang-Chi and the Legend of the Ten Rings.

After the successful released of Black Widow, all eyes are now turning towards the MCU’s next movie release. Shang-Chi will arrive in theaters on September 3, and unlike Black Widow, it will only be available in theaters.

The Destin Daniel Cretton-directed movie was once scheduled to arrive earlier this year, but the coronavirus pandemic delayed it by several months. Luckily, the wait is almost over.

Shang-Chi stars Marvel newcomer Simu Liu as the titular hero, who in the comics is known as the Master of Kung Fu. Though Shang-Chi’s origins have been altered slightly to erase some outdated stereotypes, the essence of it will remain the same. By the time the movie begins, Shang-Chi will have spent years trying to distance himself from his father’s criminal empire.

However, the Mandarin (Tony Leung) is ready to welcome his son back with open arms, making for the ultimate family conflict. Shang-Chi also stars Awkwafina, Fala Chen, Meng’er Zhang, Benedict Wong, and Michelle Yeoh.

As Shang-Chi draws ever closer to release, Empire has unveiled fresh images from the film. In addition to a new shot of Shang-Chi’s bus fight with Razor Fist (Florian Munteanu), there’s a closer, more detailed look at his red superhero costume. It looks even more impressive up close than it does in the trailers.

The costume is often one of the most hotly anticipated aspects of a superhero movie, and Shang-Chi’s was revealed early on with the release of the first poster. It feels different than other MCU costumes, but it still manages to retain the spirit of the comics.

It’ll be interesting to see how Shang-Chi comes to wear it in his solo movie, seeing as he’s attempted to distance himself from an action-packed life. Of course, plenty of action will still find him, and Shang-Chi‘s stunts have been hyped as some of the best in the entire MCU.

Shang-Chi is the first new hero to lead his own solo project in the MCU’s Phase 4, so there’s a lot of interest in seeing how he will fit into the franchise. The action-centric look in the above pictures feels right at home with the MCU, but as the Shang-Chi trailers have hinted, the movie is also a family drama at its heart. Marvel has found success in telling stories grounded in families (Thor: Ragnarok, Black Panther, Guardians of the Galaxy), so this could be another win for the franchise.

Liu’s Shang-Chi looks up to the task of continuing the Marvel legacy. (source: screenrant.com)

(ROHN ROMULO)

Libreng sakay sa rail lines sa mga may bakuna

Posted on: August 5th, 2021 by @peoplesbalita No Comments

Binalita ng Department of Transportation (DOTr) na may libreng sakay ang mga fully vaccinated na sasakay ng Metro Rail Transit Line 3 (MRT3), Light Rail Transit Line 2 (LRT2), at Philippine National Railways (PNR).

“The DOTR is offering the free rides beginning August 3 until August 20,” wika ni DOTr Secretary Arthur Tugade.

Ang mga authorized persons outside of residence tulad ng frontliners na mayron ng isang dose ng COVID-19 vaccines ay maaaring din na sumakay ng mga rails lines ng walang bayad.

Kinakailangan lamang na ipakita nila ang kanilang vaccination cards upang makasakay ng libre at walang bayad.

Ayon kay Tugade na mas mahalaga sa DOTr ang kalusugan ng mga mamayan kaysa ang kumita ngayon may pandemya.

Samantala, ang Light Rail Transit Line 1 (LRT1) na nasa ilalim ng private consortium ay hindi naman nagpahayag kung sila ay mayron din libreng sakay. Ang nasabing tatlong (3) rail lines ay nasa ilalim ng pangangasiwa ng DOTr.

Ilalagay ang Metro Manila muli sa enhanced community quarantine simula August 5 hanggang August 20 dahil sa tumataas na bilang ng COVID 19 cases.

Ang LRT 2 ay mayron 13 na estasyon simula sa Recto hanggang Antipolo. Samantala, ang MRT 3 naman ay may 13 na estasyon na nagsisimula sa Pasay hanggang North Avenue. Ang PNR naman ay 20 na estasyon. LASACMAR

Hidilyn Diaz nagpasalamat kay Nesthy Petecio sa dangal na inuwi nito para sa Phl

Posted on: August 5th, 2021 by @peoplesbalita No Comments

Nagpaabot ng kanyang pagbati si Hidilyn Diaz kay Nesthy Petecio matapos na makasungkit ng silver medal ang naturang Pilipinang boksingero sa women’s featherweight division sa Tokyo Olympics.

Ang panalo ni Petecio ang ikalawang medalya ng Pilipinas sa Summer Games kasunod nang gold medal finish ni Diaz sa women’s weightlifting.

Pinuri ni Diaz ang silver medal finish ni Petecio, at sinabi rin na ang Pinay boxer ang panalo sa puso ng lahat ng mga Pilipino.

Nagpasalamat din ito kay Petecio dahil sa dangal na ginawa nito para sa Pilipinas.

Ang panalo ni Petecio ang kauna-unahang silver medal ng Pilipinas sa larangan ng boxing sa Olympics magmula noong 1996.

Ito rin ang ika-anim na medalya ng Pilipinas sa Olympics magmula nang manalo ng bronze si Jose Villanueva noong 1932.

2 barangay sa Navotas, isinailalim sa lockdown

Posted on: August 5th, 2021 by @peoplesbalita No Comments

ISINAILALIM sa dalawang linggong lockdown ang dalawang barangay sa Navotas City simula August 3 ng hating gabi hanggang 4am ng August 16 dahil sa mabilis na pagdami ng hawaan ng COVID-19.

“Napilitan po tayong magpatupad ng lockdown sa Tanza 1 at Tanza 2 dahil sa mabilis na pagdami ng mga nahahawaan ng COVID-19 sa nasabing mga barangay. Sa mass testing na ating isinagawa kamakailan lang, 25% ang nagpositibo. Bagaman may ECQ na sa August 6, kinailangan nating maglockdown para mahinto ang mabilis na hawaan,” ani Mayor Toby Tiangco.

Lahat ng mga residente sa Tanza 1 at Tanza 2 ay dapat manatili sa bahay at kailangan sumailalim sa swab test ang mga residente sa lugar na mataas ang hawaan. Sinumang magpositibo ay dadalhin agad sa Community Isolation Facility. Bibigyan din ng relief packs ang mga pamilyang apektado.

Samantala, ang mga may trabaho o negosyo ay papayagang lumabas hanggang August 5 pero dapat ay hindi sila close contact at kailangan lang magpresenta sila ng valid company ID, certificate of employment o business/DTI permit.

Sa August 6-20, makalalabas lamang kung sino ang papayagan ng IATF.

Habang umiiral ang lockdown pati na ang ECQ, ang araw ng pamamalengke o pagbili ng essentials ng Brgy. Tanza 1 ay Miyerkules, Biyernes at Linggo. Sa Brgy. Tanza 2 naman ay Martes, Huwebes at Sabado. Pagsapit ng August 6, mga polisiya na ng ECQ ang susundin.

“Hindi po natin gusto ang lockdown; mahirap ito para sa ating lahat. Ngunit kailangan po ito para sa ikabubuti ng bawat isa. Hinihingi po namin ang iyong lubos na suporta at kooperasyon,” pahayag ng alkalde. (Richard Mesa)

‘Matigas talaga ulo ko’: Paalam sure medal winner na sa Olympics kahit na-headbutt

Posted on: August 5th, 2021 by @peoplesbalita No Comments

Siguradong makapag-uuwi ng medalya mula sa 2020 Tokyo Olympics ang isa pang Pinoy na atleta — sa pagkakataong ito, sa larangan ulit ng boksing.

Natalo kasi ng Pinoy boxer na si Carlo Paalam ang reigning Olympic champion na si Shakhobidin Zoirov (Uzbekistan), dahilan para dumiretso siya sa semifinals sa Huwebes. Dahil dito, bronze ang pinakamababang pwedeng makuha ni Paalam.

‘Di sadyang nagkaumpugan sila ni Zoirov habang nasa quarterfinals, pero okey lang daw ‘yan, matigas naman daw ang ulo niya na isa sa mga dahilan kung bakit ihininto ang laban.

“Umi-istraight ako ng tiyan eh kasi tinatarget ko yung body niya. Kasi magaling siya sa ulo magmove,” sabi niya sa panayam ng One Sports pagkatapos ng bakbakan.

“So [yung katawan] yung part na suntukin ko, ayun nagkasalungat kami. Kasi umi-straight din siya… Matigas lang talaga ulo ko nasugatan siya sa ulo.”

Parehong duguan ang dalawa matapos ang accidental headbutt.

Kahit itinigil ang laban at may 1:16 pang natitira noong round two, sapat ang puntos na naibigay sa kanya ng apat na hurado para maipanalo ang laban.

Lockdown sa kanya-kanyang tahanan, hiling ng Malakanyang na ideklara ng “head of the family”

Posted on: August 5th, 2021 by @peoplesbalita No Comments

HINILING ng Malakanyang sa bawat pamilya na magdeklara ng lockdown sa kanilang tahanan bago pa ang nakatakdang Enhanced Community Quarantine (ECQ) sa Metro Manila at ilang lugar sa bansa.

Ang National Capital Region (NCR) ay isasalalim sa ECQ mula Agosto 6 hanggang 20 para pigilan ang pagsirit ng kaso ng COVID-19 at mapigilan na rin na mapuno ang mga ospital ng mga COVID-19 patients.

“Huwag na tayo mag-rely sa ECQ-ECQ. Family lockdown is the solution,” ayon kay Sec. Roque.

“Family heads, mag-declare na po kayo ng lockdown. Huwag na po ninyong palabasin ang inyong mga mahal sa buhay dahil baka mamatay pa iyan dahil sa Delta variant,” dagdag na pahayag nito.

Tanging ang mga essential trips lamang ang papayagan sa ilalim ng ECQ.

Sinabi naman ng Department of Health na maaari kasing makapanghawa ang Delta variant ng lima hanggang walong katao “in one setting.”

Sa ngayon, nakapagtala ang Pilipinas ng 216 Delta variant cases.

3 kulong sa P340K shabu sa Valenzuela

Posted on: August 4th, 2021 by @peoplesbalita No Comments

NASAMSAM ng mga awtoridad ang mahigit P.3 milyon halaga ng hinihinalang shabu sa tatlo umanong drug personalities na naaresto sa isinagawang buy bust operation sa Valenzuela City, kamakalawa ng gabi.

Kinilala ni Valenzuela Police Station Drug Enforcement Unit (SDEU) chief PLT Joel Madregalejo ang naarestong mga suspek na sina Jimmy Iligan, 46, construction worker, Darius Cabrales, 55, aircon technician, at Ernesto Savarez, 50, construction worker at pawang ng Brgy. Marulas.

Sa report ni PSSg Ana Liza Antonio kay Valenzuela police chief Col. Ramchrisen Haveria Jr, dakong alas-7:30 ng gabi nang magsagawa ang mga operatiba ng SDEU sa pangunguna ni PLT Madregalejo ng buy-bust operation sa No. 34 De Guzman St., Brgy. Marulas.

Kaagad sinunggaban ng mga operatiba ang mga suspek matapos bentahan ng P7,000 halaga ng droga ang isang pulis na nagpanggap na poseur-buyer.

Nakumpiska sa mga suspek ang pitong transparent plastic sachets na naglalaman ng humigi’t-kumulang sa 50 grams ng hinihinalang shabu na may standard drug price P340,000.00, buy bust money na isang tunay na P500 at 13 pirasong P500 boodle money, P350 cash, cellphone at pouch.

Kasong paglabag sa Section 5, 26 at 11 under Article of RA 9165 ang isinampa ng pulisya kontra sa mga naarestong suspek sa Valenzuela City Prosecutor’s Office. (Richard Mesa)

Bong Go: Bilisan pamimigay ng ‘ayuda’ sa apektado ng ECQ

Posted on: August 4th, 2021 by @peoplesbalita No Comments

Pinuri ni Senator Christopher “Bong” Go ang naging desisyon ng pamahalaan na bigyan ng special financial assistance ang mga residente ng Iloilo province, Iloilo City, Cagayan de Oro City at Gingoog City, Misamis Oriental na naapektuhan ng pagpapatupad ng enhanced community quarantine restrictions noong Hulyo 16 hanggang 31 na nag-extend hanggang Agosto 7.

Ang pondo ay mula sa Assistance to Individuals in Crisis program ng Department of Social Welfare and Development na ililipat sa concerned local governments na siya namang mamamahala ng distribusyon ng ayuda.

“Nakikiusap ako sa gobyerno na bilisan na ang pamamahagi ng ayuda sa mga naapektuhan ng ECQ sa lugar nila. Siguraduhin dapat na nakarating sa mga nangangailangan ang ayuda na inilaan sa kanila,” sabi ni Go.

Ang quarantine status sa mga nasabing lugar ay base sa rekomendasyon ng IATF.

Kasunod nito’y inanunsyo ni Presidential Spokesperson Harry Roque na ang national government ay magkakaloob ng ayuda sa mga apektadong LGUs.

Bilang vice chair ng Senate committee on finance, personal na umapela si Go sa lahat ng implementing agencies na bilisan ang paglalabas ng Supplemental Amelioration Program kasunod ng paglalagay sa ECQ sa mga tinukoy na critical areas.

Samantala, iginiit din ni Go sa executive department na tiyaking mabibigyan din ng ayuda ang “poorest of the poor” na labis na maaapektuhan ng ECQ sa NCR simula August 6-20.

Isang tao lang ang papayagang lumabas kada pamilya kapag nagsimula na ang two-week ECQ sa MM- Padilla

Posted on: August 4th, 2021 by @peoplesbalita No Comments

SINABI ni National Task Force against COVID-19 Spokesperson Restituto Padilla Jr. na isang tao lamang sa kada pamilya ang papayagan na lumabas ng bahay para bumili ng pagkain at iba pang pangangailangan sa oras na magsimula na ang two-week Enhanced Community Quarantine (ECQ) sa Metro Manila.

Ito’y habang hinihintay pa ang guidelines na gagamitin sa paparating na two-week ECQ na magsisimula sa Agosto 6 hanggang 20, 2021.

“Simula ng ECQ, maaaring isa lang ang hahayaang lumabas para makakuha ng pangangailangan sa kanilang mga bahay,” ayon kay Padilla sa Laging Handa public briefing.

“Ang ating hinahangad na limitahan muna ang paggalaw ng ating mga kababayan nang sa ganon ang transmission ng bagong mutation ng COVID-19 ay mapigil,” aniya pa rin.

Nauna rito, ilalagay sa mas mahigpit na ECQ classification ang Metro Manila mula sa Agosto 6 hanggang 20, 2021 dahil sa banta ng Delta coronavirus variant.

Subalit, simula muna sa July 31 hanggang Agosto 5, nasa ilalim ng general community quarantine (GCQ) “subject to heightened and additional restrictions” ang Metro Manila.

“No need for panic buying because we have one week to prepare,” sabi pa ng opisyal.

Tiniyak din ni Roque na makatatanggap ng pinansiyal na ayuda ang mga maaapektuhang manggagawa.

Kaugnay nito, sinabi ni Padilla na ang guidelines hinggil sa cash aid, public transportation, at galaw ng mga tao sa panahon ng two-week lockdown period ay ipalalabas bago pa magsimula ang ECQ.

Sa ilalim ECQ, tanging ang mga essential trips at services lamang ang pinapayagan habang sa ilalim naman ng GCQ “with heightened restrictions” at additional restrictions protocol ay ipinagbabawal naman ang indoor at al fresco dining.

Ang desisyon na magpatupad ng “strictest quarantine mode” ay tugon sa apela ng Metro Manila Council, kinabibilangan ng Metro Manila mayors, nang makipagpulong ito sa inter-agency COVID-19 task force ng pamahalaan para sa pagpapatupad ng “stricter measures” sa rehiyon. (Daris Jose)

250K katao target bakunahan sa Metro Manila kada araw

Posted on: August 4th, 2021 by @peoplesbalita No Comments

Target ng mga Metro Manila mayors na makapagbakuna ng 250,000 katao kada araw habang nakataas ang ipatutupad na pagbabalik ng enhanced community quarantine (ECQ) sa National Capital Region (NCR), ayon kay Metropolitan Manila Development Authority (MMDA) chairman Benhur Abalos Jr.

Sinabi ni Abalos nitong Sabado na napag-usapan sa pulong ng Metro Manila Council (MMC) kamakalawa ng gabi, bukod sa target na maturukan ng COVID-19 vaccines, tinalakay din ang ayuda na ibibigay sa mga higit na maapektuhan at ang border controls para sa pag-iwas na lalo pang lumaganap ang kinatatakutang Delta variant.

Dumalo rin sa pulong sina vaccine czar Carlito Galvez Jr., testing czar Vince Dizon, Defense Secretary Delfin Lorenzana, at si Interior Secretary Eduardo Año.

Samantala, tiniyak din ni Abalos na patuloy ang pamamahagi nila ng ayuda sa mga kuwalipikadong benepisyaryo habang paiira- lin ang minimum health protocols.

Samantala, nakahanda nang talakayin ang isyu kung magpapatupad ng liquor ban, at sakaling ipatupad ay magkakaroon ito ng uniform guidelines. (Bishop Jesus “Jemba” M. Basco)