HINDI pa rin makapaniwala si Marco na nakagawa siya ng pelikula with Sharon Cuneta at siya pa ang leading man ng Megastar.

Matagal na raw siyang fan ni Sharon at dream come true para sa kanya na makatrabaho ang singer-actress. Laking tuwa niya nang sabihin sa kanya ng Viva na makakasama niya sa Revirginized si Sharon.

Hindi nga niya akalain na ang dream niya na makatrabaho si Sharon ay matutupad agad via Revirginized.

Sobrang enjoy daw katrabaho si Sharon, ayon kay Marco.

“She’s very down to earth. Hindi niya ipararamdam sa iyo na inferior ka,” sabi pa ni Marco.

“Ms. Sharon made us feel comfortable to be with her, especially on the set. She’s so genuinely nice, approachable and easy to talk to.”

Bukod sa body shot scene kung saan uminom si Sharon ng tequila from his tummy, memorable rin ang eksenang may tinutulak silang kotse dahil yun ang turning point ng pelikula.

“Doon kasi naging mas free ang feeling ni Ms. Sharon as Carmela. She became a really changed woman at nawala ang pagiging uptight niya,” kwento pa ni Marco.

Hindi raw niya malilimutan ang experience na maging leading man ng Megastar. Marami raw siyang natutuhan from Sharon and he absorbed everything that he learned from her.

Para naman kay Direk Darryl Yap, natupad na isa sa bucket list niya at ito ay ang makatrabaho si Sharon. Hindi raw niya inakala na this early in his career as a director ay darating agad ang pagkakataon to work with the Megastar.

Pwede na raw niyang ipagyabang na naidirek na niya si Sharon sa pelikula. At napaka-pleasant experience ito.

“Sharon is an angel to work with. Wala siyang ere. She’s a very happy person at very generous pa,” hirit ni Direk Darryl na niregaluhan ni Sharon ng Louis Vuitton na bag.

Sinabi rin ni Direk Daryl na very professional si Sharon.

Revirginized is now streaming on KTX.ph, iWant, TFC, IPTV, Sky PPV and on August 27, at Cignal PPV. It’s also going to be shown in actual theaters in the USA and Canada .

***

REUNITED sina Coco Martin at Direk Brillante Mendoza sa pelikula kung saan leading lady ni Coco si Julia Montes.

Untitled pa ang movie na dinirek ng Cannes best director awardee para masaya siya to be working again with Coco na nagbida sa debut directorial film niya na Masahista.

For that movie, nagwagi si Coco ng Best Performer Award mula sa Young Critics Circle.

Sa chikahan with Direk Dante, sinabi nito na malaki ang naging improvement ni Coco as an actor. Dala na rin ng maturity ng actor na masasabi natin na isa sa favorite actors niya.

Nang ialok daw niya ang movie na ito (kung saan pulis ang role ni Coco pero kakaiba sa character ni Cardo Dalisay, na isa rin pulis), nagkataon na may break si Coco sa taping ng FPJ’s Ang Probinsyano kaya nagawa niya ang pelikula.

“Sabi ni Coco sa akin, artista lang ako rito. Kahit na ano pwede mo ipagawa sa akin. Gusto mo mag-tumbling ako? Sabi ko naman, okay lang basta patay lahat ng kalaban sa isang bala,” natatawang kwento ni Direk Dante.

Very professional daw katrabaho sina Coco at Julia. Nakatrabaho na raw niya si Julia sa isang project for DOH kaya alam niya na very professional ito.

(RICKY CALDERON)

NAGBABALIK ang nag-iisang Megastar Sharon Cuneta para sa kanyang pinakamainit, pinakamakipot at pinakamasikip na role sa bagong pelikula sa Viva Films, ang Revirginized.

Ang direktor ng trending digital movies na Paglaki Ko Gusto kong Maging Pornstar, Tililing at Ang Babaeng Walang Pakiramdam, na si Darryl Yap ay may bago na namang comedy film na handog para sa mga titang mashikip pa rin!

Sa pelikula, wasak sa katatapos lang niyang annulment, tulala si Carmela (Sharon Cuneta) habang nakatambay sa isang tindahan. ‘Di sinasadyang nagkita si Carmela at ang kanyang inaanak kasama ang mga barkada nito na bumibili ng alak bago pumunta sa isang beach party.

Gustong tumakas sa lahat ng kanyang problema, tinakot ni Carmela ang kanyang inaanak na isusumbong niya ito kung hindi siya isasama sa pupuntahang beach party.

Doon, sa halo-halong “awkwardness”, trying hard na pakikibata at pagpupumilit maging wild, susubukan ni Carmela pumarty, magwalwal, at pati makipag-one night stand kay Morph (Marco Gumabao), ang makisig na binata na owner at tattoo artist ng venue kung saan ginanap ang beach party.

Talaga namang kakaibang Sharon Cuneta ang mapapanood sa Revirginized. At dito din ipapanganak ang bagong love team na sasakyan mo, ang #TeamCuBao! Dahil talaga namang ang lakas ng asim at kilig factor ng tambalan nina Sharon at Marco.

Kaya naman ‘wag palalampasin ang pinakamainit, pinakamakipot, pinakamasikip at pinakamasayang movie ngayong taon, ang Revirginized.

Yesterday, August 6 nag-worldwide premiere sa ktx.ph, iWantTFC, TFC IPTV, SKY PPV at sa Vivamax. Ipapalabas din ito sa Cignal PPV sa August 27. Maaaring mag-stream ng Vivamax sa web.vivamax.net. Mag-download na din ng app at mag-subscribe via Google Play Store, App Store at Huawei AppGallery.

Magkakaroon din ito ng theatrical release sa Amerika at Canada sa August 13.  Ang Revirginized ang most pre-sold tickets on ktx.ph ng Viva Films.

Samantala, sa Zoom media conference noong August 4, maraming revealations si Sharon at isa sa inamin niya ang breast reduction procedure habang nasa bakasyon sa Amerika.

Habang nasa virtual mediacon, ‘di mapakali si Sharon dahil sa paulit-ulit na nalalaglag ang strap ng kanyang bra kaya inaayos niya.

Kaya nagsalita siya na, “pwede bang magsabi…

“Nagpunta ako ng Amerika, di ba? Tumaba ako pero konti lang, may lumiit sa akin,” sabay pakawala sa malulutong na tawa.

Kaya binalikan ni Giselle Sanchez, ang moderator and host ng mediacon, kung ano ‘yung lumiit kay Sharon.

“I had my chest reduced,” kuwento niya, dahil tumaba talaga siya nang husto at nag-breastfed pa kay Miel noon.

“And after gaining and losing, a lot if it was skin and fats. No, I didn’t have implants. It was all natural.

“But it’s all skin and fats and so I had it reduced. At siyempre pina-lift ko na rin.”

Nai-post na pala ito ni Sharon sa kanyang Instagram ang tungkol sa pagbabago sa bahagi ng katawan.

“Sinabi ko na ‘yan sa Instagram. Meron akong ipinost na ‘tingnan niyo nang mabuti itong picture namin ni Pawi…’

“Kami ni Pawi yata ‘yon, yung naka-bathing suit ako sa movie, ‘kasi baka may liliit po diyan, e.”

Bukod sa pagpa-reduce ng breast, may pinagawa rin siya sa loob ng kanyang ilong, dahil hindi pala pareho ang kanyang paghinga, dahil isang maluwag at masikip.

At ngayong naayos na ang problema, excited na si Sharon kumanta at mag-record ng upcoming albums na gagawin niya, ‘yun isa collection of Odette Quesada songs at Christmas album.

Pahayag naman ni Sharon tungkol sa pagtatambal nila Marco, “In the movie, I call him Pawi.

“With Marco, I tried to keep it really straight. ‘This is Pawi, this is my honey in the movie.’

“So, hanggang promo, pinaninindigan ko ‘yon for the sake of the movie.”

Sabi pa niya, “But he’s a dream to work with because he is professional. He is obviously the heartthrob of Viva now.

“He’s a good boy. We’re both Christians and, you know what, he’s a friend of mine.”

Dagdag pa ni Sharon, “To Marco, my Pawi, I love you sweetie. I’m so glad I was able to work with you and proud to be your friend.”

(ROHN ROMULO)

KINIKILIG si Enrique Gil sa naging podcast interview ni Matteo Guidicelli sa kanilang dalawa ng girlfriend na si Liza Soberano.

     Tinanong kasi ng diretso ni Matteo ang mga ito kung kailan daw pakakasal.

Then, nagbigay pa ito ng assurance kina Liza at Enrique na tulad nga ng experience niya ngayong mag-asawa na sila ni Sarah Geronimo, sinisigurado raw niyang ibang level.

    “It’s different level of comfort. Different level of happiness.”

     Sinegundahan naman ito ni Enrique na the way pa lang nga na mag-response sa tanong ni Matteo ay parang gusto na rin at kinikilig nga.

Pagsang-ayon ni Enrique, “I’m sure, brother. ‘Yun na, e.  Everything. It’s all.” May business venture sina Enrique at Liza, ka-partner si Ranvel Rufino. At ayon kay Liza, marami pa raw silang naka-plano na hindi pa lang nila maia-announce.

Walang duda na isa ang LizQuen sa matatag din talaga ang relasyon on and off cam.

***

POSIBLE kayang si Julia Montes na ang huling magiging leading lady ni Coco Martin a.k.a. Cardo Dalisay ng FPJ’s Ang Probinsyano?

Kung sa totoong buhay, hindi man umaamin ng lantaran ang dalawa, pero ilang taon na rin talaga ang anumang namamagitan sa kanila.

So, not unless kahit walang forever pero sa FPJAP ay “may forever” na siguro naman nga, senyales na ngayong si Julia na ang leading lady ni Coco ay hanggang sa huli na siya.

Dahil sasabak sa action, may pa-motorcycle training na rin si Julia na shinare niya sa kanyang Instagram account.

Sey niya, “Watch this sneak peek ng motorocycle training ko for Ang Probinsyano! Madami nakakasabik na eksena ang dapat po ninyong abangan kaya sana samahan po ninyo ako. Promise ko po sa inyo is to keep you updated. Wish me luck, guys! This is thrilling!”

Bago ang motorcycle training, nag-post din si Julia ng video na nagta-target shooting naman siya.

Wala man sa video, hindi na kami magugulat kung nasa tabi lang niya at naka-alalay si Coco, huh!

***

MINSAN talaga sa isang teleserye, hindi mo mapi-predict agad kung sino ang magsa-shine o magma-marka.

Kaya applicable pa rin talaga ang walang malaki o malaking role sa talagang mahusay.

Imagine, sa rami ng cast ng GMA Primetime series na Legal Wives ang napapansin at napag-uusapan at madalas din mabanggit talaga sa mga post ay ang Kapuso Star na si Ashley Ortega bilang si Marriam.

Meaning, effective itong kontrabida at ang dami ng naiinis sa kanya. So, malamang very happy si Ashley sa natatanggap niyang mga galit, este, papuri.

Aba, sa female cast na lang na tatlo ang leading ladies ni Dennis Trillo na sina Alice Dixson, Andrea Torres at Bianca Umali, heto’t nangangabog si Ashley ha.

(ROSE GARCIA)