2021 August Archive - People's Balita

Archive for August, 2021

Shang-Chi Character Posters Offer a Closer Look at the New MCU’s Heroes & Villains

Posted on: August 9th, 2021 by @peoplesbalita No Comments

NEW posters showcasing the various heroes and villains of Marvel Studios’ Shang-Chi and the Legend of the Ten Rings have been released.

The film is set to introduce a new pool of characters to the MCU, with Shang-Chi representing the first Asian superhero in the franchise. Shang-Chi will see Simu Liu in the eponymous role of a master of martial arts who is drawn back into the secretive Ten Rings organization that he thought he had left behind, led by his father Wenwu (Tony Leung).

Alongside new faces, the film will also feature Benedict Wong‘s Wong from Doctor Strange and Tim Roth‘s Abomination from The Incredible Hulk.

Shang-Chi was initially set for release on February 12th of this year, the first day of Lunar New Year, but filming in Sydney was brought to a halt for several months as a result of the pandemic. Liu has previously stated that he was concerned over whether or not the film would finish production, but things were able to finally get back on track and it is now set to release on September 3rd.

Black Widow, which was also released on Disney+ via premier access, Shang-Chi is set to have an exclusively theatrical release; however, considering the low levels of theater attendance at the moment, it remains to be seen if Disney will change their release plans.

Marvel shared six character posters on Shang-Chi‘s official Twitter account highlighting the various heroes and villains of the film. Each poster provides a close-up look at one of the film’s primary characters in various poses ready to fight.

The posters feature Liu’s Shang-Chi, Awkwafina‘s Katy, Leung’s Wenwu, and Michelle Yeoh‘s Jiang Nan. Also depicted are Meng’er Zhang‘s Xialing and Death Dealer played by Jade Xu, who previously played a Widow in Black Widow.

(ROHN ROMULO)

Football star Lionel Messi aalis na Barcelona FC

Posted on: August 9th, 2021 by @peoplesbalita No Comments

Nakatakdang umalis na sa Barcelona Football Club si six-time Ballon d’O winner Lionel Messi.

Ayon sa nasabing koponan na nagkaroon sila ng problemang pinansiyal para sa renewal ng kontrata ng football star.

Dahil dito ay libre ang Argentina forward na makipagnegosasyon sa ibang mga koponan.

Isa sa top scorer si Messi na mayroong 672 goals ang kaniyang nagawa sa 778 laro.

P-Noy may sariling commemorative stamp

Posted on: August 9th, 2021 by @peoplesbalita No Comments

Ginawan na ng commemorative stamps ng Philippine Postal Corporation (PHLPost) ang namayapang dating Pangulong Benigno Aquino III.

Sinabi ni PHLPost chairman Norman Fulgencio na ang postage ay sumisimbolo ng pagkakaisa, respeto, pagmamahal sa bansa at pag-aalala sa isa’t-isa anumang lahi o paniniwala.

Dagdag pa nito na noong pumanaw ang dating pangulo ay isinantabi ang pulitika at buong bansa ay nagdalamhati.

Ang nasabing munting selyo ay magpapaalala sa pagmamahal at pagmamalasakit ni President Aquino sa bayan.

Mabibili ang commemorative stamp sa halagang P480 kada sheet.

Naging representative naman ng Aquino family si Malabon Mayor Lenlen Oreta na itinuturing paboritong pinsan ng pangulo dahil hindi nakadalo ang mga kapatid ng pangulo bunsod ng COVID-19 protocols.

ICU ng PGH puno na sa mga batang may COVID-19

Posted on: August 9th, 2021 by @peoplesbalita No Comments

Nasa ‘full capacity’ na kahapon ang COVID-19 intensive care units ng Philippine General Hospital (PGH) sa mga batang tinatamaan ng COVID-19.

Sinabi ni PGH spokesman Dr. Jonas del Rosario na mas dumarami ngayon ang mga batang isinusugod sa pagamutan na isang ring COVID-19 referral center, makaraan ang pagdating sa bansa ng mas mapanganib na Delta variant.

Kahapon, nakapagtala ang PGH ng 150 COVID-19 patients, bata at matanda, na siyang pinakamataas nila sa loob ng dalawang buwan.

Sa kasalukuyan, hindi pa kabilang ang mga bata sa ‘vaccination program’ ng pamahalaan kaya nanawagan si Del Rosario sa mga magulang at guardians na higpitan ang paglabas ng mga bata dahil hindi rin sila ligtas na mahawa ng virus.

Una nang inihayag ng Department of Health (DOH) na plano nilang itaas ang target nilang populasyon na mabakunahan mula sa 70 milyon tungo sa 80 milyon.

Dahil dito, sinabi ni Health Undersecretary Myrna Cabotaje, na inaasahan na makakasama na sa naturang bilang ang mga Pinoy na may edad 18-taong gulang at pababa. (Gene Adsuara)

Supply ng oxygen sa Metro Manila sapat

Posted on: August 9th, 2021 by @peoplesbalita No Comments

Sapat pa umano ang oxygen supply sa Metro manila sa kabila ng pagdami ng kaso ng COVID-19 na pinaniniwalaang dahil na sa Delta variant.

“Kahit itong huling ECQ (enhanced community quarantine) marami namang dumating na oxygen tanks hanggang ngayong araw na ito hindi naman tayo nagkakaroon ng shortage pagdating sa tangke dito sa NCR,” ayon ito kay Adrien Alon-Alon, may-ari ng Caremart Medical Supplies sa isang panayam sa DZMM.

Idinagdag pa nito na bagama’t mataas ang pangangailangan dahil na rin sa COVID surge sa rehiyon ay hindi pa rin sila nagtataas ng presyo.

Kasabay naman nito na hiniling niya sa may kahalintulad niyang negosyo na huwag samantalahin ang sitwasyon para itaas ang presyo.

Gumagawa na rin sila ng paraan para matiyak na hindi magkakaroon ng kakulangan sa cylinders ng oxygen. (Daris Jose)

PSC tiwalang bubuhos ang suporta sa Pinoy athletes

Posted on: August 9th, 2021 by @peoplesbalita No Comments

Umaasa si Philippine Sports Commission (PSC) Commissioner Charles Maxey na bubuhos ang suportang pinansiyal para sa sports program ng mga atleta.

Maningning ang kampanya ng Team Philippines sa Tokyo Olympics kung saan sigurado na ang Pilipinas na makapag-uuwi ng apat na medalya tampok ang gold-medal performance ni Hidilyn Diaz.

Kaya naman tiwala si Maxey na tutugon ang kongreso sa mga pinansiyal na problema ng ahensiya.

Tinuldukan ni Diaz ang halos 10 dekadang pagkauhaw ng Pilipinas sa gintong medalya nang magreyna ito sa women’s 55 kg. sa weightlifting.

Naka-pilak naman sa women’s featherweight si Nesthy Petencio habang may tanso si Eumir Marcial sa men’s middleweight class.

Pasok naman sa finals si Carlo Paalam sa men’s flyweight matapos kubrahin ang unanimous decision win kay Japanese Ryomi Tanaka kahapon sa semifinals.

“Naiintindihan natin ang Kongreso pagdating sa budget, pero sa ipinakita ng ating mga atleta sa Olympics, at during the 2019 SEA Games were we won the overall championship, we’re hoping madagdagan kami ng budget,” pahayag ni Maxey sa TOPS ‘Usapang Sports’ via zoom.

May P250 milyong natanggap ang PSC sa National Appropriation Act habang nakakakuha ito ng karagdagang pondo mula sa PAGCOR.

Isa si Tokyo Olympian Cris Nieverez sa mga lubos ang pasasalamat sa suporta ng PSC sa kanilang programa.

Bagama’t sapat ang nutritionist at pychologist mula sa PSC, nais ni Nievarez na madagdagan pa ito ng personal gym instructor upang matutukan ang kanilang fitness.

ALPHA KAPPA RHO FRATERNITY NAG DIDIRIWANG NG IKA-48TH FOUNDING ANNIVERSARY

Posted on: August 7th, 2021 by @peoplesbalita No Comments

Ang ALPHA KAPPA RHO International Humanitarian Service Fraternity and Sorority ay nag didiriwang ng kanilang ika-apat napu’t walong anibersaryo.

Bagama’t pandemya ay hindi naman papapigil ang mga AKRHO para ipag diwang ang kanilang anibersaryo. Sa pangunguna ng Valenzuela Skeptron Council 8309 at ang mga officers na sila Chairman Edmar Jimenez, Vice Chairman District 1 John Paul Evangelista, Vice Chairman District 2 Roi Miguel Alabastro, Chairwoman Irene Olat, Vice Chairwoman Linette Suvillaga.

Isang pagbati na rin sa mga officers and members ng Kappa Rho Community Chapter sa pangunguna ni Grand Skeptron Carl Dacasin, Lady Grand Skeptron Jane Vincent Torremocha, Vice Grand Skeptron Marc Neil Balayo at ang kanilang mga Master Initiator na sila Brod Reniel Doctor, Brod Aldrin Santos at Brod Jayvie Ligutan.

Happy 48th Founding Anniversary Alpha Kappa Rho! LONGLIVE! (CARD)

Marcial may matatanggap pa ring insentibong P7 million

Posted on: August 7th, 2021 by @peoplesbalita No Comments

Bagama’t nabigong umabante sa gold medal round ay may matatanggap pa ring milyones si middleweight Eumir Felix Marcial.

Nakasaad sa Republic Act No. 10699 o ang Athletes and Coaches Incentives Act na ang Olympic gold meda-list ay bibigyan ng cash incentive na P10 milyon, ang silver ay P5 milyon at ang bronze ay P2 milyon.

Bukod sa P2 milyon para sa bronze medal mula sa gobyerno sa pamamagitan ng Philippine Sports Commission (PSC) ay tatangap din si Marcial ng dagdag na tig-P2 milyon mula kina Manny V. Pangilinan ng MVP Sports Foundation (MVPSF) at Ramon S. Ang ng San Miguel Corporation (SMC).

May bonus ding P1 milyon mula kay House Deputy Speaker Mikee Romero para sa kabuuang P7 milyon.

Natalo ang tubong Zamboanga City na si Marcial kay No. 1 seed Oleksandr Khyzhniak ng Ukraine via split decision sa kanilang semifinals bout kahapon.

Nauna nang nabigyan ang 25-anyos na si Marcial ng bye sa round-of-32 at sa round-of-16 ay tinalo niya si Younes Nemouchi ng Algeria at isinunod si Arman Darchinyan ng Armenia sa quarterfinals.

Noong Hulyo ng 2020 ay pumirma si Marcial sa isang six-year contract bilang isang professional boxer ng MP Promotions ni Sen. Manny Pacquiao.

Kasama na ngayon ang pangalan ni Marcial sa mga Pinoy athletes na nanalo ng Olympic bronze matapos sina swimmer Teofilo Yldefonso, tracksters Simeon Toribio at Miguel White at boxers Jose Villanueva, Anthony Villanueva, Leopoldo Serantes at Roel Velasco.

LGUs, kinalampag ng Malakanyang na magpatupad ng hakbang na magko-kontrol sa pagdagsa ng tao

Posted on: August 7th, 2021 by @peoplesbalita No Comments

IPINAG-UTOS ng Malakanyang sa mga opisyal ng local government units’ (LGUs) na magpatupad ng hakbang na magko-kontrol sa pagdagsa ng tao sa Covid-19 vaccination centers.

Ang babala ni Presidential Spokesperson Harry Roque, ang kabiguan ng mga ito na maipatupad o gumawa ng hakbang sa bagay na ito ay malinaw na “dereliction of duty.”

Ang pahayag na ito ni Sec. Roque ay kasunod ng report na may hindi inaasahang dami ng bilang ng taong dumagsa sa vaccination centers sa Maynila lalo na sa SM San Lazaro.

Ipinakita sa report na ang vaccine turnout sa Maynila ay tumaas ng 22,000 mula sa usual daily numbers na 1,000 hanggang 2,000 kada vaccination site.

“Ang pinagbilin po ng Presidente, dapat unang-una, kino-control po talaga ang crowd. Pangalawa, kinakailangan makatao po. Hindi po puwede nagkakagulo,” ayon kay Sec. Roque.

Pinaalalahanan naman ni Sec. Roque ang mga opisyal ng LGUs na tiyakin na ang scheduling system ay nasusunod upang masiguro na may sapat na slots para sa mga magpapakita sa vaccination sites.

“Huwag naman po natin gawing super spreader events ang ating bakunahan because ang bakuna po will save lives, it should not endanger lives,” dagdag na pahayag nito.

Sinabi pa niya na kailangang kontrolin ng mga LGU officials ang dami ng tao dahil sapat naman ang resources para ipatupad ang minimum public health standards.

“Sapat po ang ating resources para magpatupad ng minimum [public] health standards at ang hindi po pagpapatupad niyan ay isang klase ng dereliction of duty ng ating mga lokal na opisyales,” aniya pa rin.

Giit ni Sec. Roque, ang pagpapabaya sa quarantine protocols sa Covid-19 vaccination sites ay maituturing na isang sakuna para sa bansa.

“Nananawagan po kami kinakailangan ipatupad ang minimum public health standards, otherwise, ‘yung ating bakunahan na ang objective ay makasalba ng buhay baka ‘yan pa ang maging dahilan ng pagkakasakit at pagkakamatay,” aniya pa rin. (Daris Jose)

NBI kumikilos na vs mga nagpapakalat ng ‘No Bakuna, No Ayuda’ sa social media – Abalos

Posted on: August 7th, 2021 by @peoplesbalita No Comments

Binalaan ni MMDA chairman Benhur Abalos ang mga nagpapakalat sa social media na hindi makakatanggap ng ayuda ang mga hindi pa nagpapabakuna kontra COVID-19.

Ayon kay Abalos, iniimbestigahan na ng National Bureau of Investigation (NBI) ang mga aniya’y nanggugulo lang sa harap ng pagsisikap ng pamahalaan na makatulong sa mga residenteng apektado ng COVID-19 pandemic.

Ang mga hindi makabuluhan at walang katuturan na “fake news” na ito ang siyang dahilan kung bakit nagkakagulo aniya ang mga tao para makahabol sa pagpapabakuna kontra COVID-19.

Kaninang madaling araw, nagdagsa ang maraming residente ng ng Maynila sa iba’t ibang vaccination sites ng lungsod para humabol sa pagpapabakuna bago ang magsimula ang ECQ sa National Capital Region bukas, Agosto 6, hanggang sa ika-20 ng buwan.

Kaya naman alas-3:00 pa lang ng umaga ay naabot na ang 2,500 cut off sa mga vaccination sites na dinagsa ng maraming tao, dahilan para itigil na ang pagtanggap ng walk-in vaccinees.

Sa pagtaya ng Manila Police, aabot ng hanggang 5,000 ang taong pinauwi kanina. (Gene Adsuara)