2021 August Archive - People's Balita

Archive for August, 2021

Pacquiao todo kayod na sa ensayo

Posted on: August 11th, 2021 by @peoplesbalita No Comments

Dalawang linggo na lamang bago ang laban kaya’t todo ensayo na si eight-division world champion Manny Pacquiao para sa laban nito kay Errol Spence Jr. sa Agosto 21 (Agosto 22 sa Maynila) sa T-Mobile Arena sa Las Vegas, Nevada.

Naglabas pa ng video si Pacquiao upang ipakita sa mga fans nito ang bilis ng kanyang kamao at footwork na gagamitin sa blockbuster fight nito kay Spence.

“Two weeks to go,” ayon sa post ni Pacquiao sa social media.

Tuwang-tuwa ang mga fans nito nang personal na masilayan ang training ni Pacquiao.

Umani ito ng malakas na palakpakan mula sa mga nanood.

Ayon kina Hall of Famer Freddie Roach at strength and conditioning expert Justine Fortune, halos abot kamay na ni Pacquiao ang 100 porsiyento.

Subalit nag-iingat na rin ang Team Pacquiao upang makaiwas sa injury at sa coronavirus disease (COVID-19).

Inaasahang makukuha na ni Pacquiao ang 100 porsiyentong peak form sa susunod na linggo.

“Kailangan kong maging handa para sa laban. Kaya tuloy lang sa training dahil hindi birong kalaban si Spence. Isa siya sa pinakamagaling na boxer na makakalaban ko,” ani Pacquiao.

Hindi naman nakalimutan ni Pacquiao na magpasalamat sa lahat ng Pinoy athletes na lumaban at matagumpay na iwinagayway ang bandila ng Pilipinas sa Tokyo Olympics.

Pormal nang nagtapos ang Tokyo Olympics kahapon sa Japan.

“Congratulations to all the Filipino athletes for their excellent performance in the Tokyo 2020 Olympic Games. We salute your commitment and determination to bring honor to our country. Mabuhay!” ani Pacquiao.

Wala pang anunsiyo si Pacquiao kung magbibigay ito ng pabuya sa mga medalists sa Tokyo Olympics.

VILMA, pangarap pa rin ni Direk BRILLANTE na makatrabaho sa isang movie; type ding maidirek sina JOSHUA at NADINE

Posted on: August 11th, 2021 by @peoplesbalita No Comments

BIHIRA ang pagkakataon na makakwentuhan ang Cannes Palme D’Or winner director na si Brillante Mendoza.

We were fortunate na naimbita ng award-winning director sa kanyang Secret Garden sa Mandaluyong, na ang laki na nang pagbabago since the last time we were able to go there many years ago.

Kahit na mahaba ang kwentuhan with direk Brillante, karamihan naman dito ay off the record muna. Saka na lang daw niya sasabihin pag pwede na isulat ang mga off the record statements na kanyang tinuran.

Pero may mga portions din naman ng kwentuhan na pwedeng i-share. Tulad ng reunion movie nila ni Coco Martin kung saan katambal ng actor si Julia Montes.

Nakatrabaho na niya si Julia sa isang project before and pinuri niya ang kahusayan nito.

“It is a wonderful experience to work with her. Dahil nakatrabaho ko na siya before kaya hindi na siya nanibago sa artistic and creative process ko. Alam naman ninyo na ang mga pelikula ko parang improve. Wala akong script. I just give the situation sa artista at sila na ang bahala sa linya nila. Kaya ang mga dialogues totoo. Galing sa puso, hindi scripted.”

Ang mahirap daw pag may script, sabi ni direk Brillante, the actor has the tendency na memoryahin ang linya. Ang gusto niya, spontaneous ang dating. Natural.

Kami rin ang unang group of people na nakapanood ng bago niyang movie titled GenSan Punch, na tiyak na magugustuhan ng mahihilig sa boxing.

Kwento ito ng isang Okinawan boxer na may disability at ang kanyang naging pagpupursige para makakuha ng professional boxing license.

Bida rito si Shogen, na one year nag-training ng boxing bago sinimulan ang pelikula. Mga tunay na boxers sa GenSan ang nakalaban ni Shogen kaya tiyak nagkasakitan din sila during the shoot. Maganda ang kwento and very engrossing.

Kasama sa movie ang mga Pinoy actors na sina Beauty Gonzales, Ruby Ruiz, Jomari Angeles, Jun Nayra, Vince Rillon at ang namumukod tanging si Ronnie Lazaro.

Pangarap pa rin ni direk Brillante na makagawa ng movie with Vilma Santos. May project sana for Vilma pero hindi ma-accommodate dahil sa schedule ng actress-turned politician.

Gusto rin niyang makatrabaho si Joshua Garcia. At kung walang legal impediment, may magandang horror script siya na ang gusto niyang magbida ay si Nadine Lustre.

***

LAST Saturday, tampok sa Maalaala Mo Kaya ang kwento ni Nesthy Petecio, ang Pinay boxer na nagwagi ng silver medal sa Tokyo Olympics.

Historic ang panalo ni Nesthy dahil ito ang unang silver medal na napanalunan ng babaeng boxer mula sa Pilipinas.

Pero tuloy ang pangarap ni Nesthy na manalo ng gold medal para sa Pilipinas kaya tuloy pa rin ang training niya sa 2024 Paris Olympics.

Sana ay i-feature din ng MMK ang kwento ni Carlo Paalam, who also won silver medal sa boxing.

Very meaningful kay Carlo ang kanyang silver medal dahil dati siyang scavenger. Ang mga Olympic medals ay gawa sa scrap ng mga cellphones at laptop kaya nai-relate ito ni Carlo sa kanyang buhay.

Who would have imagined na ang dating scavenger ay magiging isang silver medalist sa Olympics.

For sure, madrama rin ang buhay ni Carlo at marami ang mai-inspire kapag naipalabas sa MMK ang buhay niya.

Bilib nga kami sa MMK dahil nakagawa agad sila ng episode ng sa buhay ni Nesthy Petecio.

(RICKY CALDERON)

Nagpapakalat ng ‘fake news’ sa bakuna, kakalusin – PNP

Posted on: August 11th, 2021 by @peoplesbalita No Comments

Pinaiimbestigahan na ni Philippine National Police chief Police General Guillermo Eleazar ang fake news na naging dahilan ng pagdagsa ng mga tao sa vaccination sites noong Huwebes.

“Nagbigay na ako ng direktiba partikular sa Anti-Cybercrime Group para magsagawa ng malalimang imbestigasyon. Tingnan natin kung meron ba talagang nag-iinstigate ng ganyang mga pananabotahe dahil ‘yan po talaga ang nakakasira sa ating programa,” ani Eleazar.

Kamakailan, dinagsa ang ilang vaccination sites sa Kamaynilaan matapos kumalat na hindi palalabasin ang hindi bakunado sa Manila at Las Piñas.

“Kaya ang direktiba natin sa ating mga chief of police, makipag-coordinate closely with LGU, alamin kung ano ang programa, at gumawa ng plano,” dagdag ni Eleazar.

Hinimok din ng PNP chief ang publiko na huwag maniwala sa hindi beripikadong impormasyon. (Daris Jose)

House-to-house vaccination ng pamahalaan, tuloy pa rin pero para lamang sa mga bedridden -Usec. Malaya

Posted on: August 11th, 2021 by @peoplesbalita No Comments

TULUY-TULOY pa rin ang house-to-house vaccination ng pamahalaan subalit para lamang sa mga bedridden.

Sinabi ni DILG Usec. Jonathan Malaya sa Laging Handa public briefing na ang lahat ng Local Government Units (LGUS) sa Kalakhang Maynila at karatig-lugar ay gumagawa ng house-to-house vaccination.

“Para lamang po iyan sa mga bedridden na hindi makalabas ng kanilang bahay. Ngunit hindi naman po natin puwedeng gawing massive ‘yan dahil hindi naman ganoon karami ang ating mga vaccinators at malaki ang manpower na kakailanganin natin. Iyong pag-transport na lamang ng mga bakuna. Isipin natin kung Pfizer ang ating ibabakuna … have to keep the temperature at hindi kailangan na nagagalaw ‘yan na lamang. This is a logistical issue na unfortunately hindi natin makakaya ang house to house,” ani Usec. Malaya.

Magkagayon man ay mayroon namang ginawang interventions ang DILG lalo pa’t nagsimula na ang lockdown ngayong araw at ito ay nagbigay sila ng instructions sa kapulisan na kailangan lamang na padaanin sa check points ay iyong may mga QR code, may mga schedule ng pagbabakuna maging ito man ay email o text.

Mangyaring ipakita lamang ito sa kapulisan para makadaan sa lugar na may checkpoints.

Ito ang pipigil sa pagdagsa ng mga tao na walang iskedyul sa mga vaccination centers.

Samantala, gustong malaman ng Department of Interior and Local Government (DILG) ang puno’t dulo ng tila pananabotahe sa vaccination program ng pamahalaan na paiigtingin ngayong 2 linggo ng Enhanced Community Quarantine (ECQ) sa National Capital Region.

Dumagsa kasi kahapon sa mga malls at vaccination centers sa Maynila, Las PInas, Antipolo ang mga taong nais na magpabakuna matapos na maalarma sa kumalat na fake news na “no vaccine, no ayuda”.

“Nakapagtataka lang na kung medyo nakita natin na may nagpakalat talaga nitong na ikinonekta ang ayuda sa vaccination. Wala naman pong ganyan eversince? Na kesyo matitigil ang vaccination dito sa Maynila at kailangang bilisan nilang magbakuna. So, and then, mayroon pang reports na may mga bus na nakasakay iyong mga magpapabakuna at dinala sa iba’t ibang bakuna centers. So, itong mga ganito as the DILG … hindi namin puwedeng ibalewala? We will have to get to the bottom of this and I hope.. iyon nga po.. ma-dispel ito? But just in case na mayroong ganito ngang reports. This must be thoroughly investigated,” anito.

At gaya aniya ng kanyang sinabi ay nagsanib puwersa na ang NBI, PNP at National Task Force (NTC) para imbestigahan ang bagay na ito.

NAVOTAS NAGBIGAY NG CASH INCENTIVES SA PUBLIC SCHOOL GRADUATES

Posted on: August 11th, 2021 by @peoplesbalita No Comments

NAGBIGAY ang Pamahalaang Lungsod ng Navotas ng cash incentives ngayong taon para sa mga public school graduates.

Nasa 3,495 Grade 6 at 1,270 Grade 12 completers ang nakatanggap ng kanilang P500 at P1,000 cash grants, respectively habang ang graduates ng Navotas Polytechnic College ay nakatanggap din ng P1,500.

“The city government’s budget is tight. We have to focus our resources on our COVID response, but we made sure our graduates will still get their cash incentives,” ani Mayor Toby Tiangco.

“Our youth deserve to receive all the support they can get to succeed in life. We hope this will help them prepare for the incoming school year and encourage them to finish their schooling, even amid the challenges of the pandemic” sabi niya.

Sa 5,616 elementary at senior high school completers, 851 ang hindi nakatanggap ng kanilang incentives. Pinayuhan sila ni Tiangco na hintayin ang announcement ng lungsod sa schedule ng distribution.

Nagsimula ang Navotas sa pamimigay ng graduation incentives noong 2019 alinsunod sa City Ordinance 2019-3. (Richard Mesa)

Ads August 11, 2021

Posted on: August 11th, 2021 by @peoplesbalita No Comments

Pamamahagi ng ayuda sa NCR sisimulan ngayong linggo

Posted on: August 11th, 2021 by @peoplesbalita No Comments

Maaari nang simulan ngayong linggo ng mga local government units sa Metro Manila ang pamamahagi ng ayuda sa kanilang mga residenteng apektado ng Enhanced Community Quarantine sa buong National Capital Region (NCR), ayon kay Interior Secretary Eduardo Año.

Ito ay kung tapos na aniya na makapaghanda ang mga LGUs sa mga kakailanganin nila sa pamamahagi ng ayuda matapos na maglabas ang tatlong kagawaran ng joint implementing guidelines para rito noon lang Biyernes, Agosto 6.

Sinabi ni Año na mayroong 15 araw ang mga LGUs para sa pamamahagi ng financial assistance pero posible rin namang palawigin ito kung hihilingin mismo ng mga lokal na pamahalaan.

Sa ilalim m ng Joint Memorandum Circular No. 3 ng Interior, Social Welfare, at Defense departments inaatasan ang mga LGUs sa NCRs, sa supervision ng DILG, na mamahagi ng ayuda sa kanilang mga nasasakupan.

Ang bawat low-income individual sa NCR ay makakatanggap ng P1,000 at maximum na P4,000 kada low-income family naman na apektado ng ECQ. (Daris Jose)

May covid o wala, tuloy ang takbo ng ekonomiya- Sec. Roque

Posted on: August 9th, 2021 by @peoplesbalita No Comments

“Covid or no Covid tuloy po ang pagtakbo ng ating ekonomiya.”

Ito ang bahagi ng mensahe ni Presidential spokesperson Harry Roque sa isinagawang 10 million Fully Vaccinated Filipinos sa 5th Level Megatrade Hall, SM Megamall noong Huwebes, Agosto 5.

“Bukas magsisimula naman po tayo ng ECQ. Ngunit hindi po ibig sabihin na magsasara ang Pilipinas, giit ni Sec. Roque.

Ngayon aniya ay “we have reached a very important milestone in our national vaccination program.”

Kung dati-rati aniya ay nagkukumakahog ang bansa kung saan kukuha ng bakuna ngayon ay mayroon ng 10 milyong Pilipino na meron nang full protection laban sa kalaban ng Covid-19.

“Palakpakan po natin ang buong sambayanang Pilipino,” anito.

Hindi rin aniya ito nangangahulugan na hihinto ang bakunahan, sasamantalahin aniya ng pamahalaan ang ECQ para lalo pang mapabilis ang pagbabakuna.

“At inaanunsyo ko po muli na gaya ng hiningi ni Chairman (Benhur) Abalos binigyan po ng national government ang Metro Manila ng 4 million additional jabs para gamitin during ECQ,” aniya pa rin.

“At bulong nga po sa akin ng aking pinsan na si Secretary Duque, eh kapag nangyari po ito, malapit na tayo dumating sa punto na ang buong Metro Manila will achieve 50 percent fully-vaccinated population, siguro po pagkatapos na pagkatapos ng ECQ. Palakpakan po natin ang Metro Manila,'” dagdag na pahayag ni Sec. Roque.

Importante aniya na patuloy ang pagbabakuna dahil ito ang magsisiguro na ang lahat ay makakapagbalik sa trabaho, makakabalik sa pamilya at makakabalik sa dating mga buhay.

Layunin aniya ng gobyerno na makapaghanapbuhay ang mga mangggagawa.

Ito rin aniya ang magsisiguro na kahit nandiyan ang coronavirus ay hindi masisira o matitigil ang mga serbisyo ng pamahalaaan.

“Salamat sa po ating mga katuwang. Unang-unang, kung wala sila walang mag-i-implement ng kahit anong programa at polosiya ng IATF, ang ating lokal na pamahalaan. Palakpakaln po natin ang ating lokal na pamahalaan'” lahad ni Sec. Roque.

At siyempro aniya, kung wala rin ang pribadong sektor, hindi rin aabot sa puntong ito.

Hiniling ni Sec. Roque na palakpakan ang pribadong sektor.

“Ingatan po natin ang ating mga buhay para tayo’y makapaghanapbuhay. Balik buhay po tayong lahat dahil sa bakuna. Maraming salamat at mag-ingat po tayong lahat. Magandang umaga sa inyong lahat'” ani Sec. Roque. (Bishop Jesus “Jemba” M. Basco)

Panawagan ng Malakanyang sa mga Padre de pamilya, higpitan ang mga bata ngayong simula na ang 2 week ECQ

Posted on: August 9th, 2021 by @peoplesbalita No Comments

NANAWAGAN ang Malakanyang sa mga padre de pamilya na gumamit na nang baston kung kakailanganin para huwag palabasin ang kanilang mga tsikiting ngayon at nagsimula na ang Enhanced Community Quarantine (ECQ) sa Kalakhang Maynila.

Ang ECQ ayon kay Presidential Spokesperson Harry Roque ay tatagal ng dalawang linggo mula Agosto 6 hanggang 20.

Ang panawagan ni Sec. Roque sa mga tatay ay huwag na huwag palabasin ang kanilang mga anak.

Kung kailangan aniyang gumamit ng baston ay gamitin ito sa gitna ng target na mapababa ang pagkalat ng mas nakakahawang Delta variant.

“Kaya nga po ang panawagan ko sa mga hepe ng pamilya, mag-declare na po kayo ng household lockdown at ipatupad po ninyo iyan, kung kinakailangan ng baston, magbaston na kayo sa inyong mga kabataan,” ani Sec. Roque.

“Pero huwag na ninyong palalabasin, dahil ang objective po natin mapababa ang pagkalat nitong mas nakakahawang Delta variant,” aniya pa rin.

Ibig lang aniyag sabihin ay gawin ang lahat upang matiyak na hindi makakagala at maging pakalat- kalat ang mga bata lalo na ngayong ECQ.

“Ito po ang rule, GENERAL RULE: Bawal lumabas exception, iyong mga nagtatrabaho po, dahil sila ay APOR doon sa mga industriyang bukas, iyong mga medical frontliners natin at iyong mga taong gobyernong nagbibigay ng serbisyo na classified as APOR. Tama po iyon, bawal lumabas ang general rule,” ayon kay Sec. Roque.

“Pero kung kayo po ay APOR at magpapabakuna, puwede po kayong lumabas. At saka iyong mga kukuha po ng essentials, pagkain at gamot. Pero tama po, ang general rule, huwag lalabas,” dagdag na pahayag nito.

Samantala, biglang nagbigay linaw naman si Sec. Roque sa maling salita na kanyang nagamit bilang atas sa mga padre de pamilya.

Una kasing nabanggit ni Sec. Roque ay salitang baston na kaagad namang nilinaw nito na ang nais sana niyang tukuyin ay pastol.

“Sorry ha, siguro mali iyong word ko kanina. Mga hepe ng pamilya, pastulin po natin ang lahat ng miyembro ng ating mga pamilya na huwag ng lumabas, diyan po talaga magtatagumpay ang ECQ, kung iyong hepe ng pamilya ang magpapatupad ng household lockdown. Pastulin, hindi bastunin, pasensiya na kayo. Alam naman ninyo trying hard managalog, pero hindi tayo perfect, we are getting there po. Huwag kayong mag-alala,” paglilinaw nito. (Daris Jose)

SANGGOL, NA-ADMIT NA MAY COVID SA PGH

Posted on: August 9th, 2021 by @peoplesbalita No Comments

KINUMPIRMA ni PGH Spokesperson Dr. Jonas del Rosario na mayroong na-admit ngayon sa kanilang ospital na sanggol at pito pang bata na nasa edad 15 taong gulang na tinamaan ng COVID-19.

Ayon kay del Rosario, sa ngayon hindi pa klaro kong saan nakuha ng sanggol ang virus dahil ang kanyang nanay ay negatibo sa COVID-19.

“Pero ‘yung sanggol po na ‘yun na-admit sa ospital, actually ang reason na nai-refer samin ay mayroon po siyang abnormality sa puso and napakabilis ng pagtibok ng puso at nung plano naming gamutin yun at tinesting po yung baby eh may COVID kaya siya po ay nadala sa COVID ward” ayon pa sa tagapagsalita ng PGH.

Ayon pa kay del Rosario may iba pang mga batang pasyente sa PGH na may COVID noong nagsisinula ang pandemic ngunit mas kumplikado aniya ngayon dahil ang iba ay matindi ang kanilang COVID pneumonia na nakuha at iba pang kumplikasyon.

Mayroon din aniya silang pasyente na may sakit na tinatamaan din ng COVID-19.

Sa ngayon, hindi pa aniya natatanggap ng PGH ang genome sequencing results ng mga bata .

Nauna nang inihayag ng ospital na mayroon nang 21 Delta cases .

Plano naman ng PGH na magdagdag pa ng apat na kama para sa pedia coronovirus ward.

“Hindi naman po kami nananakot na laganap na ang COVID sa mga bata. Ang sinasabi lang po namin ay nagkaka-COVID po ang ating mga anak kaya kailangan nating mag-ingat,” he said.

“The hospital’s intensive care unit (ICU) for adults is full, while 153 out of 225 beds are available,” ayon pa kay del Rosario.

“Ang challenge lang po kung severe or critical ‘yun po ang medyo challenging dahil sa adult po puno ang ICU,” dagdag pa nito. (GENE ADSUARA)