2021 August Archive - People's Balita

Archive for August, 2021

Mayor ISKO, mas maganda na tapusin ang full term bago tumakbo bilang Pangulo

Posted on: August 16th, 2021 by @peoplesbalita No Comments

NANUMPA na si Manila Mayor Isko Moreno bilang party president ng Partido Demokratiko noong nakaraang linggo.

Ibig sabihin ba nito ay tatakbo siyang president next year bilang standard bearer ng partido na binuo ng yumaong senador na si Raul Roco?

Hindi pa naman nagdedeklara ng kanyang candidacy si Yorme Isko pero kung kami ang tatanungin, mas gusto namin na mag-seek siya ng election bilang mayor ng Maynila.

Nasa first term pa lang niya si Isko bilang Manila Mayor pero marami na siyang nagawa para ayusin ang lungsod. Mas gusto namin that he seek reelection para maituloy niya ang mga magaganda niyang projects.

Mas gusto namin na tapusin ni Isko ang full term niya as Mayor para ma-implement niya lahat ng kanyang mga plano for the good of the city.

If he does good in Manila, yun ang magandang passport niya sa presidency sa 2028. Magaganda ang projects tulad ng mga condo para sa mga informal settlers, mga bagong school buildings, maayos na pamamahagi ng ayuda at bakuna. Nakapagpagawa pa siya ng field hospital.

Maganda ang ginagawa niyang pagpapatakbo sa Maynila kaya dapat may continuity ang mga ito. Huwag niyang sayangin ang momentum. Habang malakas siya sa mga taga-Maynila, we suggest na ituloy niya ang panunungkulan bilang mayor.

Sayang naman ang kanyang nasimulan na kung hindi ito maipagpapatuloy.

We believe na mas kailangan siya ng Maynila sa ngayon. Bata pa naman siya. He can seek the presidency later.

Mabuti rin naman na marami ang nagtanggol kay Mayor Isko sa paninira sa kanya ni Pres. Rodrigo Duterte. Bagamat hindi siya pinangalanan, very obvious naman siya ang target nang paninira.

Nakahanap ng kakampi si Mayor Isko kina VP Leni Robredo,Cavite Governor Jonvic Remulla at Senator Ralph Recto na ipinagtanggol siya sa paninira ni Digong.

***

MAY bagong twist na naman sa favorite show namin na Huwag Kang Mangamba.

Hinuli si Barang (Sylvia Sanchez) at dinala sa isang mental health facility, na hindi alam ng mga anak-anakan niyang sina Joy (Francine Diaz) at Mira (Andrea Brillantes).

Posibleng mapahamak si Barang kung hindi siya mahahanap nina Joy at Mira dahil may eksena sa trailer ng Huwag Kang Mangamba na nakakulong siya at tinuturukan ng gamot.

Nakagugulat din na pumayag si Enchong Dee (who plays a priest) na i-give up ang pagpapatayo ng simbahan kaya may conflict kina Mira at Joy.

Siyempre pa, tuwang-tuwa naman ang mga kontrabida na sina Eula Valdez at Mercedes Cabral dahil tila umaayon sa kanila ang mga pangyayari.

Pero naniiwala pa rin kami na sa huli ay mabibisto ang pagiging fake healer ni Eula at lalabas ang totoo na sila ang pumatay sa nanay nina Joy at Mira.

Huwag kaligtaang panoorin ang Huwag Kang Mangamba kung saan ang husay-husay ni Sylvia sa kanyang role bilang si Barang.

(RICKY CALDERON)

PUMATAY SA DATING BARANGAY KAGAWAD SA CAVITE, ARESTADO SA MAYNILA

Posted on: August 16th, 2021 by @peoplesbalita No Comments

ARESTADO ang isa sa tatlong akusado sa pagpatay sa dating barangay kagawad sa Maragondon, Cavite nang isilbi ang kanyang arrest warrant kagabi sa Baseco Compound, Port Area, Maynila.

Sa ulat ng MPD, inisyu ni Judge Ralph Arellano ng Branch 132 Naic, Cavite nag warrant of arresta laban sa naarestong akusado na si Arnold Lacañas, 30, helper, at may live-in partner na nakatira sa Blk.15-A Baseco Compound.

Si Lacañas ay may kinakaharap na kasong arson, robbery with homicide sa korte matapos pagtatagain si Raulito Aquino, 64, dating barangay kagawad ng Maragondon at residente ng ng Brgy Bucal 2, Maragondon, Cavite.

Pagkatapos pagtatagain ang biktima ay sinunog pa ang kanyang resthouse kung saan natagpuan din itong sunog na sunog.

Napag-alaman na nauna nang sumuko ang kanyang kasabwat na sina Marvin Madugay Rosales ng Brgy Sapang 2 Ternate Cavite; Mark Kevin Decin ng Brgy Sapang 2, Ternate kay Manila Mayor Isko Moreno Domagoso .

Ayon kay Lacañas, pinasok nila sa kuwarto ang biktima at pinagtataga matapos na hindi nila nagustuhan ang inasal at trato sa kanila ng konsehal nang sila ay kunin para gumawa ng kulongan ng manok.

Mag-iisang taon nang nagtago si Lacañas sa batas matapos ang ginawang krimen noong August 16,2020 kung saan sinabi nitong ayaw niyang magpakulong sa Cavite dahil batid niyang hindi siya ligtas at mas safe aniya siya sa Maynila.

Naaresto ang akusado sa koordinasyon na rin ng Cavite Police sa MPD kung saan pinangunahan ni Capt. Edwin B.Fuggan sa ilalim ng liderato ni PLtCol Robert Domingo, station commander ng Police Station 13 ng MPD. (GENE ADSUARA)

Hiling ng DTI na maibaba sa lalong madaling panahon ang quarantine classification sa NCR, masusing pag-aaralan ng IATF sa takdang oras

Posted on: August 16th, 2021 by @peoplesbalita No Comments

MASUSING pag-aaralan ng Inter-Agency Task Force (IATF) ang hirit ng Department of Trade and Industry (DTI) na maibaba sa lalong madaling panahon ang quarantine classification sa National Capital Region (NCR).

Sinabi ni Presidential Spokesperson Harry Roque na pagbabatayan ng IATF sa takdang oras ang mga datos na makukuha mula sa Kalakhang Maynila kung dapat na bang maibaba ang quarantine classification ng NCR.

Nauna na kasing sinabi ni DTI Sec. Ramon Lopez na nais nilang maluwagan na sa lalong madaling panahon ang quarantine status sa NCR.

Ani Sec. Roque, lahat naman ay naghahangad ng mas mababang quarantine classification nang sa gayon ay mas marami pa ang makapagtrabaho.

Subalit, ang desisyon ng IATF ay unahin ang total health protection ng publiko laban sa Delta variant.

Binigyang diin nito na hindi papayagan ng gobyerno na tuluyang magkasakit ang maraming Pilipino at hindi maging handa ang Healthcare system ng bansa para gamutin Ang mga seryoso o kritikal na magkakasakit Ng virus.

Sa kasalukuyan, pinapadami na ng gobyerno ang ICU bed capacity ng bansa upang mapaghandaan ang posibleng pagtaas pa ng kaso ng Covid-19. (Daris Jose)

Gilas Pilipinas nanatili pa rin sa No. 31 sa world rankings – FIBA

Posted on: August 16th, 2021 by @peoplesbalita No Comments

Hindi nabago ang puwesto ng Pilipinas sa ika-31 sa buong mundo sa FIBA World rankings matapos ang Tokyo Olympics.

Batay sa latest FIBA report ang Gilas Pilipinas ang ika-anim na best team sa Asia-Pacific kung saan nangunguna ang Australia na nasa No. 3 sa buong mundo.

Nagbigay naman bigat sa puwesto ng bansa ay ang mga panalo na naiposte sa 2021 FIBA Asia Cup qualifiers.

Gayunman sa ginanap na FIBA Olympic Qualifying Tournament ay hindi na umubra ang mga Pinoy sa Belgrade tourney nang itumba sila ng Serbia at Dominican Republic.

No. 1 pa rin sa buong mundo ang USA at pangalawa ang Spain.

Ang Slovenia ang kasama sa may malaking pagbabago dahil sa performance ni Luka Doncic kung saan umakyat ito sa 12 puwesto na ngayon ay nasa No. 4 na upang lampasan pa ang silver medalist na France na pumwesto sa No. 5.

Ang China naman ay No. 28 habang ang Korea ay pang-29.

Folayang, talo na naman hindi umubra sa Chinese fighter

Posted on: August 16th, 2021 by @peoplesbalita No Comments

Nabigo si Eduard “Landslide” Folayang sa kamay ng Chinese fighter na si Zhang “The Warrior” Lipeng sa pamamagitan ng unanimous decision sa ONE: BattleGround II na ginanap sa Singapore.

Sa unang round pa lamang ay umarangkada ang Chinese fighter kung saan na-trap pa nito si Folayang sa pamamagitan ng leg scissor bukod pa sa pagpapaulan ng mga magkakasunod na suntok.

Bahagyang nakabawi si Folayang sa mga sumunod na rounds subalit tinamaan ito ng solid left kick ng Zhang na tumama sa kaniyang mukha.

Ito na ang pang-apat na magkakasunod na pagkatalo ng 37-anyos na Team Lakay fighter.

Dahil dito ay mayroon na siyang record na 22 panalo at 12 talo habang ang Chinese fighter ay mayroon ng 31 panalo, 11 talo at dalawang draw.

Lahat ng lugar sa Metro Manila, high o critical risk – DOH

Posted on: August 16th, 2021 by @peoplesbalita No Comments

Nasa ‘high o critical risk’ na lahat ng siyudad at munisipalidad sa National Capital Region (NCR) dahil sa patuloy na pagsirit ng mga bagong kaso ng COVID-19 at pagtaas ng utilization rate ng mga pagamutan.

Kabilang sa mga nasa Alert Level 4 (critical) ay ang mga siyudad ng Las Piñas, Malabon, Makati, Marikina, Muntinlupa, Navotas, San Juan, Quezon City, Taguig, Valenzuela at bayan ng Pateros.

Nasa Alert Level 3 (high) ang Caloocan, Pasig, Mandaluyong, Maynila, Pasay at Parañaque.

Sa datos hanggang Agosto 10, pinaka-kritikal ang siyudad ng Navotas na may 29.44 Average Daily Attack Rate (ADAR), at 353.25% Two-week Growth Rate (TWGR); at ang Pateros na may 39.30 ADAR at 266.35% TWGR.

Lahat din ng siyudad sa Metro Manila ay may Delta variant na. Nakapagtala ang Navotas ng walong kaso, 12 ang Malabon, apat sa Valenzuela, pito sa Caloocan, tatlo sa Pateros, lima sa Taguig, walo sa Quezon City, isa sa Marikina, 23 sa Pasig, walo sa Makati, anim sa San Juan, walo sa Mandaluyong, 16 sa Maynila, 26 sa Las Piñas, isa sa Muntinlupa, apat sa Pasay at apat din sa Parañaque. (Daris Jose)

Sec. Roque, walang narinig na binatikos mula kay Pangulong Duterte para kay Mayor Isko

Posted on: August 16th, 2021 by @peoplesbalita No Comments

HINDI maunawaan ni Presidential Spokesperson Harry Roque kung bakit binabatikos ng progressive group na Makabayan bloc si Pangulong Rodrigo Roa Duterte gayong hindi naman pinangalanan ng Chief Executive ang Alkalde na sinasabi niyang “disorganisado” sa pagbibigay ng ayuda at pagtatakda ng bakuna sa kanyang mga nasasakupan.

Nauna nang sinabi ng militanteng grupong makabayan na malisyoso di umano ang ginawang pag-atakeng ito ng Chief Executive kay Manila Mayor Isko Moreno at may kinalaman din umano ito sa politika dahil malaki ang posibilidad na maging presidential bet daw ang Alkalde sa 2022 election.

Binigyang diin ni Sec.Roque, wala siyang narinig na binatikos ni Pangulong Duterte si Mayor Isko nang maglabas ito ng sama ng loob laban sa isang metro manila mayor na hindi naging maayos ang pangangasiwa sa lugar kung saan nangyayari ang pagbabakuna.

Sinabi pa ni Sec. Roque na wala ring lumabas sa bibig ng Pangulo na anumang pangalan ng isang alkalde.

Giit nito, kung hindi man aniya sinabi ni Pangulong Duterte kung sino ang tinutukoy nitong Alkalde ng Kalakhang Maynila, desisyon aniya ito ng Punong Ehekutibo at hayaan na lamang na manatili itong isang blind item na mula sa Pangulo. (Daris Jose)

DAYUHAN NA TUMAKBO NG HUBO’T HUBAD SA RILES NG MRT, AALAMIN ANG ESTADO

Posted on: August 16th, 2021 by @peoplesbalita No Comments

IIMBESTIGAHAN ng Bureau of Immigration (BI) ang estado ng dayuhan na napaulat na tumakbo ng hubo’t hubad sa riles ng Metro rail Transit (MRT) sa Mandaluyong City.

Ayon kay BI Commissioner Jaime Morente, aalamin nila ang pagkakakilanlan sa nasabing dayuhan, na ayon sa ulat ay nagtanggal ng kanyang damit at tumakbo ng hubo’t hubad patungo sa Shaw Boulevard station sa Mandaluyong City habnag iniispeksiyon ng mga security guard.

Sa ulat ng pamunuan ng MRT, agad din naming naaresto ang dayuhan at nai-turn over sa Mandaluyong police.

“We will be coordinating with MRT officials to confirm the identity of this man. We have received initial information about him already from the arresting agency,” ayon kay Morente. “We will check his immigration status in the country, if he is legally staying here,” dagdag pa nito.

Ayon kay Morente, kung napatunayan na ang nasabing dayuhan ang illegal na naninirahan sa bansa ay sasailalim ito sa deportation proceeding. GENE ADSUARA

53 lugar sa Pinas nasa COVID-19 alert level 4

Posted on: August 16th, 2021 by @peoplesbalita No Comments

Nasa 53 lugar sa bansa ang nasa ilalim ng COVID-19 Alert Level 4 ng Department of Health (DOH) dahil sa patuloy na pagtaas ng mga bagong kaso na nahahawa ng virus at pagtaas din ng healthcare utilization rate.

Ayon sa DOH, ang Alert Level 4 ay nangangahulugan na ang isang lugar ay klasipikado sa moderate-to-critical-risk at ang healthcare utilization rate nito ay mas mataas sa 70%.

Ito’y makaraang makapagtala ang Pilipinas ng daily average na 10,459 kaso mula Agosto 6 hanggang 12 na higit na mas mataas sa 7,987 daily average ng sinundang linggo.

Sa Metro Manila, nasa Alert Level 4 ang Las Piñas, Malabon, Makati, Marikina, Muntinlupa, Navotas, San Juan, Pateros, Quezon City, Taguig, at Valenzuela.

“The National Capital Region maintains positive two-week growth rate and a high-risk average daily attack rate (ADAR) and is currently at high-risk case classification,” ayon kay Health Undersecretary Maria Rosario Vergeire.

Nasa Alert Level 4 din ang Apayao, Baguio City, Benguet, Dagupan City, Ilocos Norte, Cagayan, Quirino, Angeles City, Nueva Ecija, Pampanga, Tarlac, Olongapo City, Zambales, Batangas, Cavite, Laguna, Quezon, Lucena City, Rizal, Naga City at Masbate.

Kasama rin ang Aklan, Antique, Guimaras, Iloilo, Iloilo City, Bohol, Cebu, Cebu City, Lapu-Lapu City, Siquijor, Ormoc City, Tacloban City, Bukidnon, Cagayan De Oro City, Camiguin, Lanao Del Norte, Misamis Oriental, Cotabato (North Cotabato), General Santos City, South Cotabato at Agusan del Sur.

Nicolas Cage Is Radioactive In New Prisoners Of The Ghostland Trailer

Posted on: August 16th, 2021 by @peoplesbalita No Comments

IN the new trailer for the upcoming action thriller, Prisoners of the Ghostland, Nicolas Cage wears a leather samurai outfit and appears to survive a nuclear explosion.

Co-starring Sofia Boutella (Atomic Blonde), Nick Cassavetes (Face/Off), and Bill Moseley (Halloween 2007), the film follows a notorious criminal (Cage) who is tasked with tracking down and rescuing Bernice (Boutella), the abducted daughter of a wealthy warlord. Prisoners of the Ghostland is directed by Sion Sono and marks the second time Cage and Cassavetes have appeared in a film together since 1997’s Face/Off.

Recently, RLJE Films released the first trailer for Prisoners of the Ghostland, teasing audiences with a glimpse into the crazy, violent, and hilarious Western-inspired world of Samurai the film takes place in. After Cage is tasked with tracking down Bernice, he’s strapped into a leather suit fitted with strategically-placed bombs, ensuring a gruesome death if he should fail to recover her in the five days allotted to him. Upon entering the ominous “Ghostland,” it seems Cage will have to contend with cult-like groups of outlaws and even the supernatural in order to complete his mission and find redemption.

Check out the trailer below: https://www.youtube.com/watch?v=1I6p1yxZ_LE

Cage has had something of a comeback over the last few years, continuously appearing in strange, auteur-driven films that are ripe for a cult following, including films like Mandy, Color Out Of Space, and, most recently, the critically-acclaimed Pig.

Prisoners of the Ghostland appears as if it will be no exception and is, in Cage’s own words, “The wildest movie [he’s] ever made.” Cage’s latest offering seems poised to deliver more of the craziness his fans expect and appears as if it might also feature creative action, unique world-building, and a compelling cast of supporting characters.

Prisoners of the Ghostland releases in theaters and on-demand September 17th.

(source: screenrant.com)

(ROHN ROMULO)