ANG South Korean boy band na BTS ang naging gamot ng Kapuso actress na si Mikee Quintos noong dumaan siya sa isang matinding krisis dahil sa pandemya.

Kuwwento ng isa sa music artists ng GMA Playlist, nagsimula siyang mag-collect ng BTS mechandise dahil napapagaan nito ang kanyang kalooban. Masaya raw siya tuwing may nabibili siyang anumang merchandise ng BTS, kasama na roon ang isang signature drink na hindi niya binuksan.

“In the middle of lockdown you have a lot of time to think, nagka-crisis ako. Umabot ako sa point na inisip ko kung gusto ko pang mag-artista. Tapos bumalik yung fire ko, yung drive ko after watching them (BTS), and hearing about them, yung story nila na how they started. It was really hard nung umpisa.

“And look at them now. Ok if they can do that and they’re still humble so parang what’s wrong with starting again. When I see it in the store I buy it. Kasi napapa-happy ako, support ko ‘to sa kanila. Kikita sila rito kapag bumili ako,” kuwento ni Mikee.

Kaya muling nabuhayan daw si Mikee na ipagpatuloy ang kanyang career sa showbiz and at the same time, pinagpapatuloy din niya ang kurso siyang architecture sa University of Santo Tomas.

Napapanood si Mikee sa Pepito Manaloto: Ang Unang Kuwento at magsisimula na siyang magsulat at mag-record ng original songs para sa GMA Playlist.

***

TIYAK na matutuwa ang mga #TeamBahay na mommies at kids dahil simula August 21 ay mapapanood muli ang edu-tainment show na Makulay ang Buhay kasama sina ‘Mom C’ Camille Prats, Benjie, at Penpen every Saturday at Tuesday mornings sa GMA.

Hatid ni ‘Mom C’ Camille at ng kanyang kasamang dalawang puppets—si Benjie na isang nine-year-old grade-schooler at ang cute na cute na dog best friend nitong si Penpen—ang umagang siksik sa masasayang music videos, nakaaaliw na kuwento, iba’t ibang games, at other activities na talaga namang mae-enjoy ng parents at kids habang safe na nasa loob ng mga tahanan.

Tampok din sa Makulay ang Buhay ang engaging na discussion tungkol sa effect ng gadgets, food safety at foodborne diseases. Paano nga ba natin masisigurado na nutri-sarap ang ating inihahandang pagkain para sa ating mga anak?

Sagot  na ‘yan nina ‘Mom C’ Camille na magbabahagi ng mga pwedeng i-prepare na pagkain gamit ang gulay na pamilyar sa ating lahat!

Kaya naman, gumising na nang maaga at makisaya kay ‘Mom C’ Camille, Benjie, at Penpen sa Makulay ang Buhay tuwing Sabado, 9:45 a.m., at Martes, 8 a.m., simula August 21 sa GMA Network.

(RUEL MENDOZA)

NAG–WORRY ang mga fans ni Alden Richards sa recent photo na pinost niya habang nasa gym dahil kitang parang bumagsak ang kanyang katawan at hindi raw bagay dito ang ganoong kapayat. 

Comment ng mga fans, hindi raw sila nasanay na makitang ganoon siya, at nagmukhang matanda sa picture.

   Wala raw naman dapat ikabahala ang mga fans dahil maayos ang pagpapapayat niyang ginawa, dahil may trainer siya at kung hanggang saan lamang siya pwedeng pumayat.  Transformation ito ng character niya bilang si Louie Asuncion sa GMA Telebabad series niyang The World Between Us.  Nasa chapter two na ang story ng serye na this time ay hindi na siya teenager sa story at mas seryoso na ang character niya.  Haharapin  na niya ang mga characters nina  Brian (Tom Rodriguez) at Eric (Sid Lucero) dahil kay Lia (Jasmine Curtis-Smith).

  Naka-taping break ngayon si Alden at ang cast ng serye pero muli silang babalik sa lock-in taping pagkatapos ng ECQ sa NCR.

Patuloy namang napapanood ang serye gabi-gabi pagkatapos ng 24 Oras sa GMA-7.

***

NAGKAROON na ng virtual story conference last Monday, August 16,  at tuloy na ang pagtatambal ni Kapuso Ultimate Star Jennylyn Mercado at Viva Artist talent Xian Lim, sa upcoming GMA primetime series na Love. Die. Repeat. 

Present si Zian sa zoom storycon at nag-post si Jennylyn sa kanyang Instagram ng: “Storycon in my pajamas because why not?  Love. Die. Repeat. Coming to you bessies real soon!”

Kasama sa cast sina Mike Tan, Gardo Versoza, Valerie Concepcion, Shyr Valdez at Kim Domingo.  May request naman ang mga fans kay Mike na magpa-trim na raw ng buhok, dahil dalawang serye na ang ginawa niya at mga TV guestings, na mahaba ang buhok niya.

   Nag-post naman si Jennylyn sa kanyang Ig ng pagbati sa anak niyang si Alex Jazz na isa nang teen-ager nang mag-celebrate ng kanyang 13^th birthday recently.

     ***

     NASA New York pa rin si Kapuso actress Heart Evangelista at sunud-sunod ang postings niya sa kanyang social media ng mga ginagawa niya habang naroon.  Isa sa latest Instagram post ni Heart ay ang pag-recreate niya ng iconic scene from the classic film Breakfast at Tiffany, ni Audrey Hepburn,  pero nilagyan niya ito ng sariling comical touch.

She shared a short clip nito na nakasuot din siya ng black dress habang nakatayo siya sa harap ng famous jewelry store in New York City habang pini-play ang “Moon River” sa background.

   As Holly Golinghtly in the movie, may suot ding gloves at sunglasses si Heart while holding her breakfast.  Iyon nga lamang habang umiinom siya ng coffee, hindi siya uminom sa cup kundi diretso mula sa coffee jar.

Kinatuwaan ito ng mga netizens at within the day na pinost ni Heart, nakakuha agad ito ng 900,000 views.  Madalas na ginagawa ito ni Heart simula ng pandemic last year, spreading good vibes online sa pamamagitan ng kanyang TikTok videos.

    Siguradong  pabalik na rin ng bansa si Heart para ipagpatuloy ang lock-in taping nila ng cast ng I Left My Heart in Sorsogon na kinukunan sa lugar ng mga Escudero sa Sorsogon City, for GMA Telebabad.

(NORA V. CALDERON)

MARAMING nag-react sa IG post ni Matteo Guidicelli sa nilagay niyang caption na, “I’m thinking of getting a new family SUV.”

At tulad ng inaasahan, advance na mag-isip ang netizens na base sa post ni Matt ay pinalalagay nilang baka ‘preggy’ na si Sarah Geronimo-Guidicelli.

Comment nila sa post ni Matteo na may ilan din namang kumokontra:

“Omgee! Preggy na si Sarah G??”

“Is this another endorsement from Nissan or just a hidden message to your caption?”

“Family means a baby on the way…”

“Ganyan din ako ang hinala ko dati sa favorite showbiz couple ko. Bumili sila ng pamfamily na SUV, at tama nga hinala ko na buntis nga yung girl. Baka preggy nga rin si SG.”

“Sana preggy na talaga! Excited na mga Ashmatts!!!”

“Baby GG reveal na yarn.”

“Wow!! The fambam is ‘growing’ na ba??

“Nagpapahiwatig kaba?”

“isama mo na yung baby seat para ready na.”

“I hope totoo na this time. Excited ako with their future babies.”

“i’ve been thinking lately that sarah might be pregnant hmmmm baka tama nga naman ako kasi indi masyado makikita si sarah sa social media lately hmmm. wow sana ..we popster will be more happier

“I dreamt of Sarah last night, could it mean a special announcement is coming.”

“Or baka new endorsement lang. From what I notice they are private with their relationship hindi sila basta magiingay unless may relate sa commercials nila.”

Oh well, wait na lang tayo after three months, dahil medyo safe yun sa isang nagbubuntis, ipag-pray na lang natin ang mag-asawa.

***

HABANG papalapit ang Setyembre, inihayag ng Film Development Council of the Philippines (FDCP) na ang taunang Film Industry Conference nito ay magiging International Film Industry Conference (IFIC) Online mula Setyembre 16 hanggang 19, na mayroong isang buwang selebrasyon at kaganapang nakapila para sa pinakaunang pagdiriwang ng Philippine Film Industry Month.

Ang ika-5 na edisyon ng IFIC ay patuloy na magbibigay ng komprehensibong kaalaman para sa young filmmakers at enthusiasts habang pinagsasama-sama ang local at international experts sa industriya bilang speakers at panelists sa serye ng public sessions at masterclasses.

Lumipat ang IFIC ng online noong nakaraang taon at nagkaroon ito ng mahigit sa 2,000 na attendees sa buong event. Ngayong taon, magkakaroon ng libreng public sessions at masterclasses na bukas sa publiko, parehas na local at international.

“The success of last year’s Film Industry Conference indicates that even amidst the pandemic and the shift to online platforms, the passion to learn more about the different aspects of cinema is still present. Through its 5th edition, the International Film Industry Conference Online, we want to support aspiring and budding filmmakers from the Philippines and the rest of the world by providing lessons that would help them grow and develop in their filmmaking journey,” wika ni FDCP Chairperson at CEO Liza Diño.

Inilunsad noong 2017, bumubuo ng IFIC ng platform para sa aspiring Filipino filmmakers at film enthusiasts upang mas madagdagan ang pagsisiyasat sa mga oportunidad, hamon, at new norms sa industriya ng pelikula sa panahon ng pandemya.

Idaraos ang IFIC sa Setyembre, ang idineklarang Philippine Film Industry Month ni President Rodrigo Duterte sa pamamagitan ng Proclamation No. 1085, Series of 2021, kasama ang iba pang FDCP-organized na programa, proyekto, at kaganapan para sa taunang pagdiriwang.

Para sa mga paparating na impormasyon at updates sa IFIC, i-follow ang opisyal na Facebook page sa www.facebook.com/IFICPHofficial/.

(ROHN ROMULO)

(RUEL MENDOZA)

NAKAKUHA ng nominasyon ang Kapamilya teleseryeng Huwag Kang Mangamba bilang Best Drama Series/Telefilm Made for a Single Asian Market sa prestihiyosong ContentAsia Awards 2021.

Makakatapat ng inspirational teleserye ang iba pang apat na nominadong programa mula sa Asya. Pararangalan naman ang winner sa isang virtual ceremony sa Agosto 27 base sa kahalagahan at pagiging akma nito sa mga manonood sa Pilipinas.

Ang ContentAsia Awards ay inoorganisa ng ContentAsia, isang nangungunang information resource na nag-uulat tungkol sa entertainment media industry sa buong Asia-Pacific region.

Sinusundan ng Huwag Kang Mangamba ang kwento ng magkapatid na Mira (Andrea Brillantes) at Joy (Francine Diaz) at ang misyon nila para kay Bro na muling mapatayo ang simbahan sa bayan ng Hermoso. Sa pamamagitan ng kwentong ito, layunin ng seryeng iparating sa mga manonood na hindi sila kailanman nag-iisa at sa iba-ibang paraan ipinapakita ni Bro ang pagmamahal Niya araw-araw.

Sa pagpapatuloy ng kwento ng Huwag Kang Mangamba ngayong linggo, magsisimula nang hanapin ng magkapatid ang nawawalang anak ni Barang (Sylvia Sanchez) matapos itong ilagay sa isang mental facility. Patuloy naman ang masasamang balak ng pekeng faith healer na si Deborah (Eula Valdes) dahil sisimulan na niya ang pagpapatayo ng kanyang healing dome.

Lalong nagiging exciting ang bawat episode ng Huwag Kang Mangamba. Laging may pasabog every night kaya huwag kaligtaang panoorin.

***

LAUNCHING film ni Vince Rillon ang Resbak, isa sa bagong pelikula ni Direk Brillante Mendoza.

Kasama rin siya sa GenSan Punch kung saan isang boksingero ang kanyang role.

Bagets pa si Vince noong una siya lumabas sa Captive, na pelikula rin ni Direk Brillante. Nakalabas na rin siya sa TV series na FPJ’s Ang Probinsyano at sa Netflix mini TV series na Amo at sa MMFF entry na Mindanao.

His other TV appearances ay sa Carpool at Unlocked. Sa Kintsugi, isang collaborative film ng Pilipinas at Japan, ang papel niya sa isang pottery factory worker.

Pero biggest break niya ang Resbak kung saan gumaganap siyang magnanakaw ng motor, na kasapakat ng isang kandidato ng isang SK election.

“Sa immersion namin, may mga nakausap ako na may alam sa ganiting klaseng modus. Pero yung ginagampanan kong role ay composite character ng mga nakausap namin sa immersion,” kwento ni Vince.

Marunong naman siya magpatakbo ng motor pero masyadong delikado na ang stunt ay ayaw itong ipagawa sa kanya.

“Syempre mahirap naman kapag nasugatan ako sa stunt kasi matitigil ang shooting naming. Kaya doon na lang ako sa mga eksenang di masyadong delikado,” kwento ni Vince.

Pero maraming eksena sa movie na sobrang bilis ni Vince magpatakbo ng motor. Mabuti naman at hindi naman siya nadisgrasya during the shoot.

Nag-eenjoy naman siya sa pag-aartista niya dahil iba’t-ibang klaseng characters ang kanyang nabibigyang-buhay onscreen.

Kabilang sa inimbita ni Direk Dante para panoorin ang Resbak ay sina Direk Joel Lamangan at Direk Louie Ignacio.

Ang comment ni Direk Joel sa movie, “Napapanahon siya. It is a social comment of the director sa manipulation sa bayan, Nakita ko ang social milieu. Ginagamit ang mahihirap para sa political ambition ng mga tao. Magaling si Vince. Very convincing. He is very good actor.”

Kasama rin sa cast ng Resbak sina Kahlil Ramos, Nash Aguas, Jay Manalo, Alvie Csat Casino at Bibeth Orteza.

(RICKY CALDERON)