HINDI inaasahan nang marami ang pagkatalo ni Sen. Manny Pacquiao sa laban nila ni Yordeni Ugas via unanimous decision.

Comment ng mga netizens, parang kulang na raw sa power ang suntok ni Manny. Hindi na rin daw masyadong mahusay ang ipinakita ni Manny sa laban.

Kung nanalo si Manny, yun ang kanyang springboard sa pagtakbo niyang president sa 2022. Pero dahil talo siya, aatras kaya siya desire niyang maging susunod na Pangulo ng Pilipinas bagamat marami ang may ayaw sa pagtakbo niyang president.

Natalo man si Manny, hindi naman natin dapat kalimutan ang karangalan na naibigay niya sa bayan bilang 8-time world champion.

Mahirap nang maulit ang record ni Manny kaya if ever decides to retire (na matagal na niyang dapat ginawa, nakaukit na sa kasaysayan ng history ng boxing ang kanyang achievement.

Kung maraming nalungkot sa pagkatalo ni Manny, may mga ilang nagbunyi, tulad ng some members of the LGBTQIA+, na galit sa mga naging pahayag ni Manny laban sa LGBTQIA+ community.

Hindi pa sure kung lalaban muli si Manny. Malalaman daw natin ang kanyang magiging pasya next month.

Pero sana magretiro na siya. He has done enough to bring honor to the country.

  ***

AFTER just six months since it was launched, masayang-masaya ang Viva Entertainment group sa tagumpay ng streaming service nila na Vivamax.

Ito ang pahayag nina Vincent del Rosario, President at COO ng Viva Comm., Inc. at Ronan K. de Guzman, Chief Operating Officer ng Vivamax.

Base sa kanilang data, kabilang sa most watched movies sa kanilang streaming platform ay ang Gusto Kong Maging Porn Star at Ang Babaeng Walang Pakiramdam.

Kasama rin sa most-watched list Revirginized na pinagbibidahan ni Sharon Cuneta at ang bagong sexy film na Nerisa.

Mukhang si Darryl Yap ang box-office director ng Vivamax dahil tatlong pelikula ang kasama sa most-watched list.

Ayon pa kay Vincent, committed sila na mag-provide ng 15 new movie titles a week at sisiguraduhin nila na they will meet the quota.

Available na rin ang Vivamax sa Japan, Singapore, Hong Kong, Malaysia, the Middle East at Europe.

Pero kahit na may Vivamax na, umaasa pa rin sina Vincent na magbubukas ang mga sinehan para maipalabas na nila ang mga nakaimbak nilang pelikula.

***

  BUKOD kay Julia Montes, si John Estrada ang bagong dagdag sa cast ng FPJ’s Ang Probinsyano as it enters its sixth year on television.

Excited nga si John na makabalik sa ABS-CBN at makatrabaho si Coco sa top-rating action-drama series na napapanood gabi-gabi.

Tiyak na isang markadong papel ang gagampanan ni John sa serye. In fairnes sa programa, kapag may dagdag na miyembro ng cast ay maganda ang role na ibinibigay ng production rito.

(RICKY CALDERON)

MAPAGLARO ang #CharaughtChronicles ni Heart Evangelista-Escudero sa Instagram dahil nagawa niyang ire-enact ang the famous “shopping scene” sa Pretty Woman ni Julia Roberts.

Sa original 1990 movie, ginampanan ni Julia si Vivian, isang Hollywood hooker at naghahanap ito ng dress sa isang Rodeo Drive shop, pero inalipusta siya ng mga nagtatrabaho sa shop dahil hindi raw bagay ang tulad niya na isuot ang mga damit nila.

Noong bumalik si Vivian, nakapustura na siya at ‘di siya nakilala ng mga nanlait sa kanya sa dress shop. Ang immortal line ni Vivian ay: “You people work on commission, right? Big mistake. Big. Huge. I have to go shopping now.”

Sa version ni Heart, siya si Vivian at ang stylist niyang si Kat Cruz-Villanueva ang mataray na shop assistant.

Hindi ito ang first video ng #CharaughtChronicles ng bida ng I Left My Heart in Sorsogon. Nauna yung gayahin niya si Audrey Hepburn sa famous scene nito sa tapat ng Tiffany’s New York sa pelikulang Breakfast At Tiffany’s. Naaliw ang netizens na ang iniinuman na kape ni Heart at mula sa garapon ng Nescafe!

***

ANG boyfriend ni Miss International 2016 Kylie Verzosa na si Jake Cuenca ang nag-push sa kanyang beauty queen girlfriend na tanggapin ang pelikulang The Housemaid.

Ang The Housemaid ay remake ng Viva Films sa isang 2010 South Korean erotic thriller.

“Jake was the one who convinced me to do this project. He told me, ‘Gawin mo ‘yan. Magandang project ‘yan.’ Sobrang supportive niya sa career ko. I believe he will even go with me to watch this.

“Kami ni Jake, when were at home, we always talk about acting. Ang dami kong nakukuha na information at natutunan sa kanya. Sobrang swerte ko na partner ko siya and we work in the same industry,” sey ni Kylie.
Big challenge daw kay Kylie ang mag-shoot ng movie dahil sa mahigpit na COVID-19 quaratine protocols.
“The circumstances we were shooting in, very careful kaming lahat sa set. Sobrang grateful, but very difficult because it was a very heavy role for me. I needed to unload after every shooting each day. Parang lahat talaga naging challenge for me. The challenges in my character, the intimate scenes. I had to take note of everything.
“Direk Roman is an actor’s director. He was very hands-on all throughout the shoot. When we all reported to the set, ready na siya sa lahat ng dapat gawin. Ready siya sa questions on the set, while shooting, after the take, 24/7. There were times I doubted myself compared to the past year, I’m really new. Like my character Daisy, she is always doubtful of herself. No confidence.”

Kasama rin sa The Housemaid ay ang mga award-winning actors na sina Jaclyn Jose at Albert Martinez. Kasama rin sina Louise de los Reyes at Alma Moreno.

***

ISANG family day para kina Jennifer Lopez and Ben Affleck ang makasama ang kanilang mga anak sa pagpanood nila ng musical na Hamilton sa Los Angeles.

Bitbit ni J.Lo ang kanyang twins na sina Max at Emme. Si Ben naman ay dala sina Violet at Seraphina.  Bonus na sinaman ni Ben ang kanyang mother na si Chris.

Hindi nakasama ang anak na lalake ni Ben na si Samuel dahil kasama nito ang inang si Jennifer Garner.

Hindi ito ang first time na nakasama ng Bennifer ang kanilang mga anak. Nagkasama sila sa Magic Castle a few weeks ago.

(RUEL J. MENDOZA) 

MAY season break ang GMA Telebabad romantic-drama  series na The World Between Us nina Alden Richards, Jasmine Curtis-Smith at Tom Rodriguez. 

Kaya this week mapapanood ang last 5 EPIC episodes, August 23-27, after 24 Oras sa GMA-7.

Maraming maiiwanang katanungan sa mga televiewers, sa pagbabalik ng serye, magiging happy ending na ba para kina Louie (Alden) at Lia (Jasmine)?  Ano ang magiging twist ng story ngayong alam na ni Brian na hindi pala siya tunay na anak ni Rachel (Dina Bonnevie)?

Paano muling bubuuin ni Louie ang kanyang sarili after ng break-up nila ni Lia?  Aamin ba ang tunay na ina ni Brian, dahil hindi rin alam ni Rachel kung sino ang tunay na ina nito matapos iuwi ng namatay niyang asawa ang bata sa kanila na lumaking ang alam ay anak siya ni Rachel at magkapatid sila ni Lia?

Muling papasok sa lock-in taping ang serye kapag pwede na muling mag-taping sa NCR.

***

   BALIK-Fantine sa Les Miserables ang Filipino international stage actress na si Rachelle Ann Go-Spies. 

Muli niyang gagampanan ang role ni Fantine sa stage play na pinost niya sa kanyang Instagram ang confirmation sa muling pagbabalik sa London’s West End ng Les Miserables.

   “I wasn’t able to finish my run last year… so I’m really excited to do Les Miz Concert on my birthday!  What a treat!  I’m performing from August 31st (her birthday), to September 4^th.  I hope Lukas won’t mind. PS: I need to start vocalizing & most importantly ‘pump’ for Lukas.”

  Rachelle Ann gave birth to their baby Lukas ng husband niyang si Mark Spies last March 26, kaya after five months back to work na siya.

Sinimulan ni Rachelle gampanan ang role ni Fantine simula noong 2015, sa West End, London, United Kingdom, at nahinto ito last year dahil sa pandemic.

  Repost naman ng @lesmizofficial: From 31 Aug. @gorachelleann will once again dream the dream as Fantine for SIX SHOWS ONLY.

***

NAG-ANNOUNCE muli si Wowowin: Tutok to Win host Willie Revillame last Friday, na tuloy na tuloy na ang paggawa ng sitcom ni John Lloyd Cruz sa GMA Network.

Ayon pa kay Willie, nagkaroon na ng brainstorming si Direk Edgar Mortiz sa writer ng sitcom.  Makakasama raw ni JLC ay mga Kapuso artists, pero hindi pa niya sinabi kung sino ang magiging leading lady ng actor.

Unang nabalita na si Andrea Torres ang makakatambal ni JLC, excited man si Andrea dahil isa ito sa hinahangaan niyang actor, pero hindi siya makapag-comment dahil wala pa raw namang sinasabi sa kanya ang Kapuso Network.

Dagdag pa ni Willie ay magkakaroon pa siya ng ibang shows na ipu-produce sa GMA.

  Patuloy pa ngang mula sa beach resort niya sa Puerto Galera, Oriental Mindoro, ang live presentation ng Wowowin: Tutok To Win, kasama ang buong staff ng show at si Direk Randy Santiago. At habang naka-break sila ng show ng Saturday at Sunday, ginugugol ni Willlie at ng mga kasama niya ang pagbisita sa mga Mangyan doon at mga mangingisdang nawalan ng trabaho at pagkabuhay dahil sa pandemic, at namimigay sila ng mga pangangailangan ng mga ito.

(NORA V. CALDERON)