2021 August 26 Archive - People's Balita

Archive for August 26th, 2021

Roach, nangangamba baka huling laban na ni Pacquiao ang nangyaring harapan vs Ugas

Posted on: August 26th, 2021 by @peoplesbalita No Comments

Inamin na rin ng kilalang trainer at Hall of Famer coach Freddie Roach na ito na ang panahon para magretiro ang kanyang best boxing student na si Manny Pacquiao.

Ayon kay Roach, nangangamba siya at natatakot na baka ito na ang ang huling laban ni Pacquiao matapos na lumasap nang pagkatalo sa Cuban champion na si Yordenis Ugas.

Sinabi ni Roach, napakatagal na ring panahon na kasama niya si Pacquiao at sa naging performance nito nitong nakalipas na linggo ay hindi na ito katulad noong huling laban kay Keith Thurman noong taong 2019.

Paliwanag pa ni roach, bilang best fighter, masaklap sabihin na magretiro na si Pacquiao.

Ayaw daw nito itong makita na mangyayari, pero ang panahon na ang makapagsasabi.

Sa huli aniya, ang fighting senator pa rin daw ang magdedesisyon.

Samantala, ang kababata ni Pacquiao ang isa rin sa malapit na trainer na si Buboy Fernandez, pwede pa raw lumaban ang eight division world champion at babawi ito.

Samatala inaasahan namang magpapa-checkup sa kanang mata si Pacquiao habang nasa Los Angeles.

Ang kaliwang mata naman nito ay nangailangan ng limang tahi matapos na tamaan ng mga jabs ni Ugas.

Duterte ‘di tatakbo sa 2022 polls kung matutuloy ang presidential bid ni Mayor Sara – Nograles

Posted on: August 26th, 2021 by @peoplesbalita No Comments

Handa umano si Pangulong Rodrigo Duterte na huwag nang ituloy ang kanyang pagtakbo sa pagka-bise presidente sa halalan sa 2022.

Ayon kay Cabinet Secretary Karlo Nograles sa isang panayam, ito ang magiging desisyon ni Pangulong Duterte sakali namang ituloy ni Davao City Mayor Sara Duterte ang presidential bid nito.

Ayon kay Nograles na binanggit na ito ni Pangulong Duterte sa kanilang pulong kagabi, pero hindi naman matandaan kung ano talaga ang eksaktong sinabi nito.

Dipensa ni Nograles, na-cut ang bahagi ng pahayag na ito ng pangulo sa kanyang “Talk to the People” na inere kagabi.

Magugunita na katulad sa mga nakalipas na public address ni Pangulong Duterte, ang “Talk to the People” nito ay pre-recorded lamang din. (Daris Jose)

YORME ISKO NAKALABAS NA NG OSPITAL

Posted on: August 26th, 2021 by @peoplesbalita No Comments

NAKALABAS na ng ospital si Manila Mayor Isko Moreno Domagoso matapos ang kanyang sampung araw na quarantine.

Ang alkalde ay dinala sa Sta. Ana Hospital dahil nagpositibo sa COVID-19 kung saan nakaramdam ng mga sintomas tulad ng sipon, ubo at pananakit ng katawan.

Sa ika-limang araw nito sa ospital, nawalan ito ng panlasa at pang-amoy bagama’t bumubuti naman ang kanyang kondisyon.

Maaalala na inanunsyo ng alkalde noong August 15 na positibo ito sa COVID-19 at agad na nagpadala sa ospital bilang bahagi na rin ng health protocol na ipinatutupad ng gobyerno.

Pinasalamatan naman ng alkalde ang mga hospital staff na walang sawang nakasubaybay, nakabantay sa kanyang kalusugan habang siya ay naka-quarantine ng ilang araw.

Binigyan din ito ng certificate na patunay na siya ay isang COVID-19 survivor.

Bagama’t nakalabas na ng ospital, bubunuin pa ng alkalde ang nalalabing tatlong araw nitong home quarantine.

Paalala naman ng alkalde sa publiko, mag-ingat at lagi tandaan ang pagsunod sa minimum public health standards upang makaiwas na mahawaan o magsakit ng COVID-19 lalo na ngayong pinalala pa ito ng Delta variant sa bansa. (GENE ADSUARA)

CHRISTIAN, first time na gawin ang bed scene and torrid kissing scene with SEAN dahil kay Direk JOEL

Posted on: August 26th, 2021 by @peoplesbalita No Comments

SINA Diego Loyzaga at Christian Bables ay mga Bekis on the Run, sa pinaka-aabangan na comedy-drama movie ng award-winning direktor na si Joel Lamangan, exclusive sa VIVAMAX ngayong September 17.

Sinubukan ni Andres (Diego) at ng kanyang bading na kapatid na si Donald (Christian) na nakawan ang isang construction site, ngunit wala sa plano nila ang mga nangyari at napilitan silang tumakbo.

Pero nakuha nila ang simpatya ng mga tao, lalo na ng gay community nang maging viral sa social media ang video ni Nanay Pacing (Lou Veloso), ang dahilan kung bakit sinubukang magnakaw ng magkapatid. Ikinuwento ni Nanay Pacing ang kanyang sakit at ang kagustuhan ng magkapatid na tulungan siyang makakuha ng pera para sa kanyang operasyon.

Bukod sa pagiging comedy-drama film, tatalakayin din ang korupsyon, at mga hindi napag-uusapang tema katulad ng mga gay men sa military.

Kasama sa pelikula si Kylie Verzosa bilang si Adriana, ang partner ni Andres; at si Sean De Guzman bilang Martin, ang ex-boyfriend ni Donald. Nakatrabaho na ni Sean si direk Joel Lamangan sa Anak ng Macho Dancer, kaya naman sanay na siya gumawa ng mga sexy scenes on screen. Ngunit si direk Joel Lamangan lang ang nakapag-kumbinsi kay Christian, na marami na ring ginampanan na gay roles sa pelikula, na gawin ang bed scene at torrid kissing scene nila ni Sean.

Kaya say ni Christian sa Zoom mediacon, “First time kong gumawa ng mga ganitong klaseng eksena. Nabasa ko kasi ‘yung script at ‘yung ibang hiningi ni direk (Joel) ay wala sa script pero once na nakapasok ka na sa shoes ng character at kung saan man dalhin ng direktor ‘yung shift kumbaga sakyan mo ‘yun, eh.

“So, somehow magiging ready ka. So, as an actor medyo may gulat factor sa ipinagawa ni direk pero sige lang dahil alam kong sa maganda niya kami dadalhin.”

“I think hindi ko rin siya ibibigay kung hindi si direk Joel Lamangan at kung hindi ‘yung mga direktor na pinagkakatiwalaan ko at isa si direk Joel doon,” dagdag pa ng premyadong aktor.

Ayon pa kay Christian inaral talaga niya ng husto ang karakter bilang si Donald na boyfriend nga niya si Sean.

Anyway, mukhang destiny talaga ni Christian na si Sean ang maging first torrid kissing scene with a guy.

Siya sana ang bida sa Ang Huling Baklang Birhen sa Balat-Lupa na nag-shooting sa Batangas. Pero pinalitan siya ni Teejay Marquez dahil umeere pa noon ang Your Face Sounds Familiar (Season 3).

Nakipaghalikan din Sean kay Teejay sa pelikulang mula rin sa direksyon ni Joel Lamangan para sa Heaven’s Best Entertainment.

Dapat ding abangan rin si Sean sa pelikulang Taya with AJ Raval na mag-i-streaming na sa Agosto 27 sa Vivamax.

Kaya wag nang tumakbo, stay at home at panoorin ang Bekis on the Run sa September 17, exclusively streaming sa VIVAMAX. Maaaring mag-stream ng Vivamax sa web.vivamax.net. Mag-download na din ng app at mag-subscribe via Google Play Store, App Store at Huawei AppGallery. Watch all you can na sa halagang P149 kada buwan o P399 para sa tatlong buwan para sulit na sulit.

Meron pang hot price na P29 lamang at may 3-day access na sa Vivamax. Pwede mo na rin i-cast ang mga shows sa inyong Smart TV sa pamamagitan ng Google Chromecast or Apple TV.

Pwede kang magbayad gamit ang GCash, Globe, Smart, Visa/Mastercard, PayMaya o PayPal account na naka-link sa iyong Google or Apple account. Maaari ding mag-subscribe sa www.vivamax.net, pumili ng plan, at magbayad sa EC Pay outlets: 7 Eleven at All Day o via PayMongo, GrabPay at GCash o via PayMaya. Para makapagbayad mula sa E-commerce, maaaring pumili sa Lazada, Shopee, GCash, ComWorks Clickstore, Paymaya o Globe One. Para makapagbayad mula sa authorized outlets, maaaring pumili sa Load Manna, ComWorks, at Load Central partner outlets: Cebuana Lhuillier at Palawan Express. Pwede ring tumawag sa inyong Cable Operators para mag-subscribe: Sky Cable, Cable Link, KCAT Fiber, Air Cable, Aklan Cable Television Co., Inc. Cebu Cable HD, Cotabato Cable Television Network Corp., Concepcion Pay TV Network Inc., BCTVI, Paradise Cable Television Nework, Inc., Wesfardell Connect, Z-energy Cable TV Network Inc.

Mapapanood rin ang Vivamax sa Middle East! Sa ating mga kababayan sa UAE, Saudi Arabia, Kuwait, Oman, Bahrain, at Qatar, watch all you can na for only AED35/month. Sa Europe, makakapanood na sa Vivamax sa halagang 8 GBP kada buwan.

Maaari na ring magsubscribe sa Vivamax sa Singapore, Hongkong, Malaysia, at Japan. Ang monthly subscription ay SGD 13.50 (Singapore), HKD 77.00 (Hongkong); RM 39.90(Malaysia); and JPY 1,080.00 (Japan). Maari na rin magamit ang screen cast to TV feature nito upang mas maging komportable ang inyong panunuood sa inyong mga TV screens*.

Vivamax, atin ‘to!

(ROHN ROMULO)

DOLE TUTULUNGAN ANG MGA TINANGGAL NA EMPLEYADO NG ISANG MOBILE PHONE COMPANY

Posted on: August 26th, 2021 by @peoplesbalita No Comments

NANGAKO ang Department of Labor and Employment (DOLE) na sisiyasatin ang mga alegasyon ng pagtanggal ng isang kumpanya ng mobile phone sa mga empleyado nito dahil sa pagbuo ng unyon.

Ayon kay Labor Secretary Silvestre Bello aalamin nito kung may katotohanan ang reklamo ng mahigit 200 kawani ng Vivo Tech, Inc. na nag-rally sa harap ng tanggapan ng DOLE nitong Lunes .

Ginawa ang pagkilos ng mga natanggal sa trabaho na mga empleyado ng nasabing kumpanya upang kunin ang atensyon ng DOLE at sila ay matulungang makabalik sa trabaho para sa kanilang pamilya

Ayon sa mga manggagawa na naprotesta, kabuuang 689 na regular employee ang inalis sa trabaho ng walang basehan.

“The company’s alibi is that we were retrenched due to business losses but that’s untrue,”

“How can that be when each of us were selling 50 units of cellphones equivalent to P300,000 per month? They’re earning. Our termination from work has no legal cause,” sigaw ng mga nagprotesta.

Ayon sa DOLE, napag-alaman na bumuo ng unyon at nagkaroon ng collective bargaining agreement (CBA) sa management ng kumpanya.

Gayunman nabigo ang kumpanya na sundin ang obligasyon nito sa mga manggagawa .

Sinabi rin ng mga manggagawa na sa halip na iresolba ang usapin ay tinanggal sila bago nagsagawa ng mass hiring sa pamamagitan ng manpower agency.

“That’s a very sad story during the pandemic. But we need to get all the information about this so we can act on it accordingly,” pahayag ni Bello na kasalukuyan pa ring naka-quarantine sa kanyang hometown sa Isabela.

Hinikayat naman ng kalihim ang mga natanggal na manggagawa na pormal na maghain ng kanilang reklamo sa DOLE upang maisagawa ang tamang pagsisiyasat sa kanilang reklamo.

“Before anything, I call on the dismissed workers to formally file a complaint at DOLE so we can fully execute our job on the matter,” wika ng kalihim.

” The company with will be dealt with accordingly if it turns out to be a union buster.” GENE ADSUARA

Donaire nakaabang lang kay Casimero

Posted on: August 26th, 2021 by @peoplesbalita No Comments

Wala pang dumarating na opisyal na komunikasyon kay World Boxing Council (WBC) bantamweight champion Nonito “The Filipino Flash” Donaire mula sa kampo ni World Boxing Organization (WBO) titlist John Riel Casimero.

Ito ang isiniwalat ni Donaire kahapon kung saan nakaabang lamang ito sa mga magiging aksyon ng grupo ni Casimero.

Magugunitang hinamon ni Casimero sina Donaire at WBA/IBF bantamweight king Naoya Inoue sa isang unification bout matapos ang split decision win nito kay Cuban fighter Guillermo Rigondeaux noong nakaraang linggo.

Ngunit nilinaw ni Donaire na hindi naman nakikipag-ugnayan sa kanila ang kampo ni Casimero partikular na si MP Promotions chief Sean Gibbons na siyang humahawak sa boxin career nito.

Inihayag ni Donaire na handa itong harapin si Casimero sa laban ngunit kailangang pag-usapan ito ng maayos sa mesa at hindi sa social media.

Nais ni Donaire na magkaroon ng respeto ang magkabilang panig lalo pa’t parehong Pilipino ang maghaharap sa laban.

Wala pang tugon sina Casimero at Gibbons sa pahayag ni Donaire.

‘Venom: Let There be Carnage’, Getting Delayed Once Again To a 2022 Release Date

Posted on: August 26th, 2021 by @peoplesbalita No Comments

Venom: Let There be Carnage has reportedly been delayed to a 2022 release date.

The sequel to 2018’s Venom, which was a huge success at the box office despite poor reviews, Let There Be Carnage will see Tom Hardy return as the symbiote-afflicted Eddie Brock, this time facing off against Woody Harrelson’s Cletus Kasady/Carnage. Venom 2 also stars Michelle Williams, Naomie Harris, Reid Scott, Stephen Graham, and Peggy Lu.

Even though the first Venom was panned by critics, excitement has built steadily for the sequel. The live-action debut of Carnage – an especially favorite Marvel villain among fans – has been highly anticipated. The film will also set up some longer-term plot threads for Sony’s Spider-Man Universe, which will include upcoming films like Morbius and Kraven the Hunter. Unfortunately, the film has been delayed several times, largely due to the COVID-19 pandemic and the subsequent production and theater shutdowns.

Now, it sounds like Venom 2 is being delayed once again. Per Vulture, sources say that the film’s premiere will be moved from October 15, 2021, to a new release date on January 21, 2022. Morbius is currently slated to premiere on that same date, which means that it would likely be delayed as well. Sony is reportedly waiting to announce the new release schedule until after CinemaCon has concluded.

It’s unclear why exactly Sony is looking to push Venom: Let There Be Carnage, but the delay is likely tied to concerns that box office returns could drop in a fall season that may see covid-19 numbers rise once again.

However, per the same Vulture report, other big-ticket releases like Dune, No Time to Die, and Top Gun: Maverick will likely be staying put on their current autumn release dates. It’s also possible that Sony is hoping to get an extra boost of interest from Spider-Man: No Way Home, which is slated to release on December 17.

No matter what the root reasons for the delay, it’s unfortunate that the fans who’ve already waited through multiple delays will once again have to be patient for Venom 2 to arrive. Sony has declared big plans for their Spider-Man Universe, and while that franchise technically started with the first Venom, Let There Be Carnage will be the first film to really open up its planned interconnectedness.

The delay will theoretically put Venom 2 and Morbius in the same calendar release year, which could help build some momentum for the Spider-Man Universe if the films do well.

(source: screenrant.com)

(ROHN ROMULO)

Para-athletes ng bansa handa sa pagsabak sa Tokyo Paralympics

Posted on: August 26th, 2021 by @peoplesbalita No Comments

Wala pa ring papayagang manood ng Tokyo Paralympic games.

Magsisimula kasi ito ngayong araw hanggang Setyembre 5.

Tiwala si Philippine chef de mission Francis Diaz na mamamayagpag muli ang mga pambato ng bansa.

Mula kasi sa dating anim na kalahok ng bansa ay naging lima na lamang dahil sa pagpositibo ng isang atleta sa COVID-19.

Pangungunahan ito ni wheelchair racer Jerrold Mangliwan na siyang flag bearer sa opening ceremony na lalahok ito sa 400 meter, 100 meter at 1500 meters.

Habang si swimmer Ernie Gawilan ay sasabak sa 200m individual medley, 400 meter freestyle at 100m backstroke.

Ang swimmer naman si Gary Bejino ay lalahok sa 200m individual medley, 50m butterfly, 400m freestyle at 100m backstroke habang si Janette Aceveda ay maglalaro sa women’s discus throw event.

Si Allain Ganapin na siyang unang Filipino na sasabak sa taekwondo, habang ang huling atleta na sasali ay si Achelle Guion para sa powerlifter 45 kg.

Sa kasaysayan ay mayroong dalawang bronze medals na ang nakamit ng bansa sa Paralympics na una ay si Adeline Dumapong para sa powerlifting na nasungkit noong 2000 Games sa Sydney habang si Josephine Medina ay sa larong table tennis na nagbulsa din ng medalya noong 2016 Rio Games.

PDu30 nanindigang hindi sisibakin si Duque

Posted on: August 26th, 2021 by @peoplesbalita No Comments

SINABI ni Pangulong Rodrigo Roa Duterte na tatanggapin niya ang alok ni Health Secretary Francisco Duque III na magbitiw sa tungkulin subalit hindi niya ito kailanman sisibakin sa puwesto.

Ang pahayag na ito ng Pangulo ay sa gitna ng naging panawagan ng publiko na palitan na si Duque bilang kalihim ng Department of Health (DoH) kasunod ng audit reports na di umano’y natuklasang “deficiencies” ng Commission on Audit sa paggamit ng DoH sa pondo para sa COVID-19 response.

“Ngayon, kung si Duque will offer to resign voluntarily tatanggapin ko pero kung ako magsabi sa kanya mag-resign siya, that will never happen,” ayon kay Pangulong Duterte sa kanyang Talk to the People, Martes ng gabi.

Magkagayon man, sisibakin lamang niya si Duterte kung ito’y corrupt official.

“Pero kung may nakita akong mali sa kanya. Maski sampung libo lang talagang yayariin kita kasi ipinahamak ako sa tao,” giit ng Chief Executive.

Tila taliwas naman ang naging pahayag ngayon ng Pangulo sa nauna nang sinabi nito na tinanggihan niya at tatanggihan pa ang pagbibitiw sa puwesto ni Duque.

Isiniwalat ng Pangulo na makailang ulit nang naghain ng kanyang resignation letter si Duque subalit palagi niya itong tinatanggihan.

Ipinangako rin ni Pangulong Duterte na mananatili siya sa tabi ng Kalihim lalo pa’t wala naman siyang nakikitang mali sa liderato nito.

“Pero yung outright dismissal because it is the clamor of the public? Maski kami lang dalawa ni Duque and the rest of the Philippines, I will stand by him,” ayon sa Punong Ehekutibo.

“Pero I will never abandon that person… G*** ako pero may mga boundaries ako sa buhay ko,” dagdag na pahayag nito.

Nitong mga nakaraang araw ay naging maingay ang naging panawagan na magbitiw sa puwesto si Duque dahil sa COA reports na mayroong pagkakaiba-iba sa paggastos ng DoH sa COVID-19 funds.

Samantala, nilinaw naman ng Punong Ehekutibo na hindi niya pinipigilan ang COA sa trabaho nito subalt ang hiling lamang niya sa komisyon ay banggitin sa report nito na ang pondo ay hindi “corrupted”.

“Ang akin lang is presentation. Dapat ‘yan in your (COA) findings, there should be sort of a preamble na this is an audit report tapos wala kaming nakita, there is no corruption. There is no loss of funds,” ayon kay Pangulong Duterte. ( Daris Jose)

4.5-M Pinoys na nakapagbukas ng bank account gamit ang national ID

Posted on: August 26th, 2021 by @peoplesbalita No Comments

Nasa 4.5 million ang bilang ng mga Pinoy na nakapagbukas ng “bank account” gamit ang national ID.

Malaking tulong aniya ang national ID upang tugunan ang financial inclusion lalo na sa mga low-income households.

Sa report na natanggap ni Finance Secretary Carlos Dominguez III, sinabi ng LandBank of the Philippines na nasa 4.47 million katao ang naisali sa formal banking system sa unang first semester.

Sa nasabing bilang, 27 percent o 1.23 million ang may access sa online digital payments at iba pang transactions lalong lalo na sa Visayas at Central Luzon.

Nananatili pa rin na target ng pamahalaan na makapagrehistro sa national ID system ang 70 million populasyon sa bansa.

Napag-alaman na ang kada individual na makapagrehistro sa step two national ID ay maaari nang makapag-open ng bank account “on the spot” sa LandBank at sa lahat ng available sites.

Maaaring gamitin din ng mga may-ari ng National ID ay upang mag-withdraw ng cash, mamili online at magsagawa ng iba pang mga cashless na transaksyon, pati na rin makatanggap ng anumang subsidiya sa gobyerno sa pamamagitan ng digital.