2021 August 13 Archive - People's Balita

Archive for August 13th, 2021

ELLEN, tinawag na ‘ingrata’ ng netizens at pinalalayas na sa ‘Pinas dahil sa planong mag-file ng kaso

Posted on: August 13th, 2021 by @peoplesbalita No Comments

NEGA nga sa netizens ang balitang diumano’y planong mag-file ng legal complaints ni Ellen Adarna sa production ng John en Ellen kunsaan, naging show niya sa TV5.

Pagkatapos ng walk-out issue, heto’t mali raw ang ginawang pagsu-swab sa kanya kaya siya nag-false positive, pati ang P.A. niya. Na-trauma at hindi rin daw nakita ni Ellen ang anak ng mahigit 20 days na lumabas sa pep.ph.

Bukod dito, irereklamo rin daw ni Ellen sa IATF sa hindi pagsunod sa social distancing, though, wala raw detalye na nabanggit si Ellen.

Hindi positibo ang naging pagtanggap ng netizens isyung ito o diumano’y planong action daw agains the production ng fiancée ni Derek Ramsay.

Tinawag na “ingrata” si Ellen ng ilang netizens.

Sabi ng mga netizen, “Wag ka na sanang magka-project! ‘Di ka na naawa sa mga staff and crew na naghirap para lang maitawid ‘yung palabas.”

“Jusko Ellen at Derek, simulan nyo na magbalot-balot at lumayas na kayo sa pinas. Doon na kayo tumira sa antartica. Magsama kayo ng mga penguin at polar bear.”

“Naku nag-aattitude, sexy at maganda ka lang, hindi ka naman magaling umarte.”

“Sana wag na siyang mag-artista, pati mga kasamahan niya apektado sa ginagawa niya.”

“Ingrata porke’t ‘di mo na itutuloy ang ibang episode, ilalaglag mo na programa nyo.”

Naku, ang masasabi lang namin, there’s always two sides of the coin. Sana maglabas din ng statement ang production kung ano talaga ang totoo o hindi sa naglalabasan.

Sa isang banda lang, mukhang hindi yata pang-sitcom si Ellen considering na ‘yung huling sitcom niya, ang Home Sweetie Home, controversial din nang mawala siya kasama ang ex na si John Lloyd Cruz, now na comeback niya ang John en Ellen, may isyu na naman.

***

‘CAPTAIN Barbie’ talaga ang title ng Daig Kayo ng Lola Ko simula ngayong Linggo dahil plakado at tailored made talaga for Barbie Forteza ang role.

At first time raw niyang gumanap na superhero.

Sabi nga niya, “Siguro ‘yung mga heavy drama na ginagawa ko dati, ‘yung mga mime-memorize ko ‘yung mga mahahabang lines. Dito, ang mine-memorize ko ‘yung mga fight scenes. Wala akong masyadong lines ngayon dito, basta kapag may masama, nando’n si Captain Barbie.

“And super na-enjoy ko ang buong experience. At feel na feel ko talaga ang pagiging superhero everytime na naka-costume ako. Kitang-kita mo ang pagka-pink. Pero, very empowering din siya, napaka-sweet pero lahat ng nakalagay sa aking accessories may power.”

Tinanong din si Barbie kung hindi raw ba nagre-react ang boyfriend na si Jak Roberto kapag medyo sexy masyado ang suot niya, lalo na kapag nagti-Tiktok video siya.

At naalala nga ni Barbie na may pinost daw siyang naka-animal print ang suot niya, hindi raw ito napanood ni Jak until kailan lang, sinita raw siya nito at sinabing bakit gano’n ang suot niya, sabi raw ni Jak, sana ay nag-two-piece na lang siya.

Sinagot niya raw ang boyfriend na, “Napaka-OA mo naman. Wala namang nakita. Kita ang tiyan, kita ang braso, pero hindi naman revealing. Fit lang ang damit pero hindi naman revealing. May mga gano’n siya, concern siya minsan pagdating sa pananamit ko.”

Hindi naman daw istrikto si Jak dahil alam din naman daw nito na hindi niya ilalagay sa alanganin ang sarili ko.

“Siyempre as a boyfriend, cute siya, pero hindi naman nakakainis.”

***

MALAKING bentahe na agad para sa anak ng Mayor ng Mandaluyong na si Maria Corazon Abalos ang pag-promote sa kanya ni Kris Aquino bilang bet nito sa Miss Universe Philippines.

Isa rin sa makakalaban ng bet ni Kris ay si Kisses Delavin na pagdating sa social media at fan votes, noon pa man ay subok na ang kanyang mga Kissables fans na masisipag, so, ‘eto ngayon, ang isa sa kilalang influencer naman talaga, even before na mauso ang salitang influencer sa socmed ay may ibinabalandrang candidate niya at ipinost pa ang mechanics kung paano iboboto ng netizens si Ms. Mandaluyong.

Sey ni Kris sa kanyang Instagram account, “I don’t do this for just anybody- but when her full name is Maria Corazon (exactly like my mom’s) and our relationship with her family goes all the way back pre Edsa Revolution, plus her grandparents share the same initials as my dad (BSA) and my mom (CCA), then obviously alam nyo na CORINNE ABALOS has my full support for Ms. Universe Philippines.

“I have never been afraid to make my choices known and since we do live in a democracy pwede kayong mag disagree with me, but Corinne is a worthy candidate, educated in Poveda and she graduated from DLSU in 2019 with a degree in AB International Studies Major in European Studies. Definitely, hindi tayo mapapahiya sa Q&A.
“To all my friends & followers, I hope you give her a chance? #lovelovelove.”

(ROSE GARCIA)

PNP handa sa posibilidad na extension ng ECQ

Posted on: August 13th, 2021 by @peoplesbalita No Comments

Tiniyak ng Philippine National Police (PNP) na nakahanda sila sakaling palawigin pa ang implementasyon ng enhanced community quarantine sa Metro Manila.

Ayon kay PNP chief Gen. Guillermo Eleazar, ipinatutupad lamang nila ang mga rekomendasyon kung ano ang iutos ng national government at health experts.

Aniya, ang mga Metro Manila mayors at opisyal ng Inter Agency Task Force (IATF) ang may karapatan na magsabi at magdesisyon kung dapat ang extension ng ECQ sa NCR .

Tanging tungkulin ng pulis ay masiguro na sinusunod ng mga nasa lansangan ang minimum public health standards kabilang na ang pagsusuot ng face mask at face shield.

Una nang nagpahayag ng posibilidad ang Department of Health ng extension ng ECQ sa NCR dahil sa pagtaas ng bilang ng COVID cases.

Ayon kay DOH Undersecretary Maria Rosario Vergeire, nanatili ang posibilidad bunsod na rin ng projections subalit kailangan pa ring pag- usapan ito ng IATF.

Isinailalim ang Metro Manila sa ECQ noong Agosto 6 na magtatagal hanggang Agosto 20 dahil sa banta naman mas nakakahawang ng Delta variant.

WANTED SA PANANAKIT SA KA-LIVE-IN NA BUNTIS, ARESTADO SA MALABON

Posted on: August 13th, 2021 by @peoplesbalita No Comments

ISANG lalaking wanted dahil sa pananakit sa kanyang walong buwan buntis na live-in partner ang arestado ng mga tauhan ng Warrant and Subpoena Section (WSS) sa Malabon City, kamakalawa ng gabi.

Ayon kay Malabon police chief P/Col. Albert Barot, si Rickman Serafin, 30 ng Blk 14G, Lot 14, Teacher’s Village, Brgy. Longos ay dinakip dakong alas-9 ng gabi sa loob ng kanyang bahay sa bisa ng warrant of arrest na inisyu noong July 17, 2021 ni Malabon Regional Trial Court (RTC) Judge Catherine Therese Tagle-Salvador ng Branch 73 para sa kasong paglabag sa R.A. 9262 o Violence Against Women and Children’s Act.

Ani P/SMSgt. Addrich Reagan De Leon, ang kaso ay isinampa ng buntis na live-in partner ni Serafin noong December 2020 matapos siyang bugbugin ng akusado makaraan ang kanilang mainitang pagtatalo dahil umano sa selos at problema sa pera.

Nang malaman ng tiyahin ng biktima ang insidente, sinamahan nito ang pamangkin para magsampa ng reklamo sa Malabon City Prosecutor’s Office at kalaunan ay iniakyat ang kaso sa Malabon RTC, na naging dahilan upang mag-isyu si Judge Salvador ng arrest warrant kontra sa akusado.

Matapos makatanggap ng tip mula sa kanyang impormante si WSS chief P/CMSgt. Gilbert Bansil na nagbalik si Serafin sa kanyang bahay sa Brgy. Longos ay agad silang nagsagawa operation na nagresulta sa pagkakaaresto sa akusado. (Richard Mesa)

Sanhi ng gas explosion sa construction site sa Taguig iniimbestigahan pa – BFP

Posted on: August 13th, 2021 by @peoplesbalita No Comments

Patuloy na iniimbestigahan ng Bureau of Fire Protection (BFP) kung ano ang naging sanhi ng gas leak o gas explosion sa isang construction site sa harap ng Akari Building sa may bahagi ng 21st Drive sa BGC, Taguig kagabi.

Kinumpirma rin ng BFP-NCR na isang 35-anyos na lalaki ang nagtamo ng 3rd degree burns sa nangyaring pagsabog.

Alas-7:30 kagabi ng ilagay sa first alam ang nangyaring sunog at bandang alas-9:35 ng gabi ng ideklarang fire out ng Bureau of Fire Protection.

Ayon kay Fire Supt. Bernard Rosete, posible ang naging sanhi ng sunog ay ang damaged gas pipe sa construction site.

Sinabi ni Rosete na may nagdi-drill umano at may tinamaan na pipeline, naiwan ang drilling machine at dito na nagliyab.

Dagdag pa ni Rosete patuloy pa nilang inaalam ang totoong sanhi ng sunog at pagsabog.

Paalala naman ni Rosete sa mga developers na magkaroon ng mga fire extinguishers sa mga construction sites para maiwasan na magkaroon ng kahalintulad na insidente.

Dagdag pa ng opisyal dapat alam din ng mga workers kung ano ang naroroon sa construction site at dapat nakikita ang mga plano lalo na kung saan naka linya ang mga pipe ng LPG.

Tinatayang aabot sa mahigit P200,000 ang danyos sa nasabing sunog.

Ang nasabing lugar ay malayo sa residential buildings dahilan para hindi na kailangang i-evacuate ang mga residente.

Ayon sa report ng BFP, ang pasyente na nagtamo ng 3rd degree burns sa kaniyang mukha, upper at lower extremities ay nakilalang si Melchor Dela Cruz.

Ayon naman sa isang residente na nakatira sa kalapit na condominium nakarinig sila ng napakalakas na pagsabog at ng kanilang tignan sa bintana isang napakalaking sunog ang tumambad sa kanila mula sa construction site.

Kasalukuyang suspendido ang trabaho sa construction site habang ongoing ang investigation.

80 individuals kinasuhan ng PNP dahil sa pagpapakalat ng fake news ngayong pandemic

Posted on: August 13th, 2021 by @peoplesbalita No Comments

Nasa 80 indibidwal ang sinampahan ng kaso ng Philippine National Police (PNP) dahil sa iba’t ibang cybercime cases ngayong panahon ng pandemya.

Ayon kay PNP Chief Police General Guillermo Eleazar, nasa kabuuang 121 na criminal complaints ang isinampa nila sa ibat ibang korte laban sa 80 indibidwal.

Kasama sa mga kaso ang pagpapakalat ng fake news sa internet, illegal online sale ng medical supplies, at online scams.

Base sa data mula March 9, 2021 hanggang August 9, 2021, sinabi ng Criminal Investigation and Detection Group at Anti-Cybercrime Group, na 87 criminal complaints ang naisampa laban 52 tao dahil sa fake news; 3 online scam complaints laban sa 2 tao at 31 criminal complaints laban sa 26 na tao para naman sa online profiteering, overpricing, hoarding at unauthorized selling ng medical supplies.

Ayon kay Eleazar, bukod sa mahigpit na pagpapatupad ng minimum public health safety standards at quarantine protocols, patuloy ang pagtugis ng PNP sa mga masasamang loob na pinagkakakitaan at nanamantala sa pangamba at takot ng ating mga kababayan sa COVID-19.

Paliwanag ni Eleazar, ngayong may pandemya, tumaas ang insidente ng mga nagpapakalat ng pekeng balita na nakakabiktima ng mga tao.

Partikular na isinampa sa kanila ang Unlawful Use of Means of Publication and Unlawful Utterances sa ilalim ng Article 154 ng Revised Penal Code; paglabag sa Republic Act 10175 o Anti-Cybercrime Law; at paglabag sa Presidential Decree No. 90.

Samantala, nakumpiska naman sa mga unauthorized online sellers ang gallon ng mga disinfectant; vitamin C capsules; forehead thermometers; face masks; at mga bote ng isopropyl alcohol. (Daris Jose)

Olympian silver medalist Carlo Paalam kailangang sumailalim sa operasyon – coach

Posted on: August 13th, 2021 by @peoplesbalita No Comments

Kailangan na umanong makauwi ni 2020 Tokyo Olympics boxing silver medalist Carlo Paalam pabalik sa kanyang pamilya sa Cagayan de Oro City.

Ito ay upang sumailalim sa operasyon dahil sa iniinda nitong karamdaman sa kanyang kaliwang kamay at balikat na nakuha niya noong hinarap niya ang boksingerong Hapon sa semi-final round sa Japan

Inihayag ni coach Elmer Pamisa na bago pa man nagkaharap sina Paalam at ang gold medalist na Briton sa kanilang final match ay dala-dala na nito ang diperensiya sa kanyang kamay at balikat.

Sinabi ni Pamisa na bagamat kayang-kaya ng kanyang alaga ang taglay na lakas ng Briton subalit mas naunahan sila at nakuha nga ng kabila ang puntos sa Round 1.

Dagdag nito na makikita naman na mga sumunod na rounds ng laban ng dalawa ay nakuha pa nila ang pabor na puntos subalit hindi nga lang natapatan ang knockdown deficit kaya split decision ang hatol ng judges.

Kaugnay nito, binanggit ni Pamisa na kailangan talaga na sasailalim si Carlo sa isang operasyon upang makasali pa ito sa Asian at Southeast Asian Games sa mga susunod na taon.

Si Carlo ay ang pinakabata sa RP boxing delegation na ipinadala sa Japan at pumapangalawa na Olympian na nagmula sa Cagayan de Oro dahil una nang kumakatawan para sa Pilipinas noon si late welterweight boxer Mariano Velez Jr. sa 1948 London Olympics.

Tambalang Go-Duterte sa Eleksyon 2022, wala pa ring kasiguraduhan – Nograles

Posted on: August 13th, 2021 by @peoplesbalita No Comments

WALA pa ring kasiguraduhan ang tambalang Senador Christopher Lawrence “Bong” Go at Pangulong Rodrigo Duterte para sa 2022 national elections.

Sa isinagawang Pandesal Forum, sinabi ni Cabinet Secretary Karlo Nograles na kapwa may “indefinite decision” sina Go at Pangulong Duterte sa naging panawagan sa kanila na tumakbo sa pagka-pangulo at bilang bise-presidente sa halalan sa susunod na taon.

Aniya, ang ruling party, Partido Demokratiko Pilipino-Lakas ng Bayan (PDP-Laban), ay “still concentrating” kung sino ang kanilag magiging pinal na presidential at vice presidential candidates sa susunod na taon.

“Hanggang ngayon, wala pang definite decision si Pangulo kung tatakbo pa siya and because of that, wala pang definite decision si Senator Bong Go kung tatakbo rin ba siya ,” ani Nograles.

Nauna rito, sina Go at Pangulong Duterte ang magiging standard-bearers ng Partido Demokratiko Pilipino – Lakas ng Bayan (PDP-Laban) sa Eleksyon 2022.

Ito ang sinabi ni PDP-Laban’s Secretary General, Melvin Matibag na ang Go-Duterte tandem ay “logical and popular” choice para sa mga kaalyado ng administrasyon.

Sa isinagawang Balitaan sa Maynila forum, sinabi ni Matibag na may mga indikasyon na bukas si Pangulong Duterte na tumakbo bilang bise-presidente.

“Sana matuloy pagkat kung hindi ,wala kami nakikita na makakatawid ng laban sa 2022 kundi tambalan na Go-Duterte, kaya sana magkaroon ng positibong reaksyon si Pangulo at Sen. Go sa layunin ng PDP-Laban,” anito.

Sa kabilang dako, nakatakdang magdaos ng national convention ang PDP-Laban sa Bulacan sa darating na Setyembre 8.

Ayon kay Matibag, pupunan ng partido ang “full lineup” ng allied candidates kapwa sa national at local levels.

Ani Matibag, sinusubukan din nilang i-reach out ang paksyon nina Senador Aquilino “Koko” Pimentel III at Manny Pacquiao.

“Kung magkakaroon pa ng pagtatalo, ang Comelec ang siyang magreresolba,” dagdag na pahayag nito.

Hindi naman nakikita ni Matibag na magbibigay-daan si Go para kay Pacquiao na napaulat na tatakbo rin sa pagka-pangulo. (Bishop Jesus “Jemba” M. Basco)

Hidilyn natuto na ng leksyon sa paghawak ng cash incentives

Posted on: August 13th, 2021 by @peoplesbalita No Comments

Inamin ni Olympic Games gold medalist Hidilyn Diaz na hindi niya nahawakan nang tama ang mga natanggap na cash incentives matapos buhatin ang silver medal noong 2016 edition sa Rio de Janeiro, Brazil.

Halos P10 milyon ang natanggap na insentibo ni Diaz matapos kunin ang silver medal noong 2016 Olympics.

Sa kanyang pag-angkin sa kauna-unahang Olympic gold medal ng Pilipinas sa nakaraang Tokyo Games ay humigit-kumulang sa P50 milyong insentibo ang makukuha ng 30-anyos na national weightlifter.

Bukod pa rito ang isang kotse, isang van, isang condominium unit sa Eastwood City na nagkakahalaga ng P14 milyon, isang house and lot sa Tagaytay City at Zamboanga City at libreng gasolina at pamasahe sa eroplano.

“Second time ko na ito na nanalo sa Olympics. May mga wrong choices at wrong experience ako na nagawa,” ani Diaz. “Good thing, dami ko rin natutunan.”

Kumuha na ang tubong Zamboanga City ng manager/financial adviser para pamahalaan ang kanyang pera at mga product endorsements.

Idinagdag pa ng 2018 Asian Games at 2019 SEA Games gold medalist na ngayon pa lang ay iniisip na niya ang kanyang kinabukasan sakaling dumating ang oras na kailangan na niyang magretiro.

Kumuha na ang tubong Zamboanga City ng manager/financial adviser para pamahalaan ang kanyang pera at mga product endorsements.

Idinagdag pa ng 2018 Asian Games at 2019 SEA Games gold medalist na ngayon pa lang ay iniisip na niya ang kanyang kinabukasan sakaling dumating ang oras na kailangan na niyang magretiro.

Pinondohan ng administrasyong Duterte ang mga atletang Filipino

Posted on: August 13th, 2021 by @peoplesbalita No Comments

PINANINDIGAN ng Malakanyang na namuhunan ang administrasyong Duterte sa mga atletang Filipino na nagresulta ng tagumpay ng mga ito sa Tokyo Olympics.

“Kahapon sinabi ko, hindi aksidente o hindi coincidence lamang na ‘yung ating kauna-unahang ginto at ang ating best ever performance sa Olympics, [ito] ay dahil din po sa mga resources na ginugol ng administrasyon ni President Rodrigo Duterte,” ayon kay Presidential Spokesperson Harry Roque.

Ipinakita ni Sec. Roque ang pigura na susuporta sa kanyang mga sinabi.

Batay sa data, nagbigay ang Duterte administration sa Philippine Sports Commission (PSC) ng budget na ₱223.5 milyong piso noong 2017, na mas mataas sa ₱168.6 milyong piso na ibinigy ng nakalipas na administrasyon ng namayapang Noynoy Aquino noong 2011.

Ang budget ng PSC ay bumaba sa ₱199.5 milyong piso noong 2018 bago pa lumobo sa ₱5.3 bilyong piso nang sumunod na taon para sa pagho-host ng Southeast Asian Games.

Taong 2020, nakatanggap lamang ang PSC ng ₱944.9 milyong piso subalit tumaas sa ₱1.3 bilyong piso noong 2021.

“Nakikita n’yo na po, meron po talagang direct correlation doon sa halaga na ini-invest natin sa sports at ‘yung mga nagiging performance ng ating mga atleta,” aniya pa rin. (Daris Jose)