2021 February Archive - People's Balita

Archive for February, 2021

RABIYA MATEO, kailangan nang maghanda kung totoong sa May 9 na ang ‘Miss Universe 2020’

Posted on: February 25th, 2021 by @peoplesbalita No Comments

MATUTULOY ngayong 2021 ang Miss Universe pageant.

Ito ay ayon sa Miss Universe Organization vice-president Shawn McClain na naglabas ng maraming pagbabago sa pageant dahil sa COVID-19 pandemic.

“There’s is a chance we change a bit, change some things about Miss Universe.I can’t say many details now, but changes (in) some parts of the show, some aspects of the competition to make it more a little 2021 as (like) an evolution of Miss Universe.

“We have a ton of people, a huge team thinking, creating the new format, new way of doing things and we are working on that. Now the pandemic brought many negative things, but also many positives.”

Sa bansang Costa Rica raw magaganap ang naudlot na Miss Universe 2020. Tutularan daw nila ang ginawang pag-iingat ng Miss USA 2020 na ginanap noong November 9, 2020 sa Exhibition Centre and the Soundstage at Graceland in Memphis, Tennessee. Nagwagi rito ay si Miss Mississippi Asya Branch.

“We had Miss USA and we learned how to hold an event with strict protocols, how to keep the contestants (in a) safe place, place each group in their own spot, not mix the groups and have everyone wear masks. This is what we are thinking of doing at the end of this year in Costa Rica.”

May report na magaganap ang 69^th edition ng Miss Universe pageant on May 9, 2021, Mother’s Day. Pero wala pang confirmation ang MUO tungkol dito.

Si Rabiya Mateo ang nanalo bilang Miss Universe Philippines 2020 at kailangan na nitong maghanda kung sa May na ang Miss Universe.

Ang current Miss Universe ay si Zozibini Tonzi of South Africa.

***

NAGLABASAN sa social media ang mga #JulieVid shippers matapos mag-post ng mga behind-the-scenes photos ang cast sa set ng upcoming GTV romantic series na Heartful Cafe.

Excited ang netizens sa first on-screen pairing ng Asia’s Pop Diva na si Julie Anne San Jose at Kapuso Hunk na si David Licauco bilang ang mga bidang sina Heart Fulgencio at Ace Nobleza. Hindi pa man daw nagsisimula ang kuwento, kitang-kita na agad ang chemistry ng dalawa.

Sey ng isang fan sa comments section, “Hoooy!!! Kasi naman, e. Bakit kinikilig ako.”

Dagdag pa ng iba, tiyak na aabangan nila ang tambalang ito sa TV. Makakasama rin nila Julie at David ang mga kapwa Kapuso artists na sina EA Guzman, Zonia Mejia, Jamir Zabarte, Ayra Mariano, at Victor Anastacio.

Huwag palalampasin ang pagbubukas ng Heartful Cafe soon sa GTV!

***

PATULOY na dumarami ang fans ng Kapuso teen actress na si Althea Ablan lalo na online!

Matapos ang matagumpay na pagtatapos ng top-rating GMA Afternoon Prime series na Prima Donnas na kinabilangan niya, lalong lumakas ang kaniyang social media presence.

Umabot na sa higit six million followers ang official Facebook page ng aktres. Patok na patok din si Althea sa iba’t ibang platforms tulad ng TikTok, Instagram, at YouTube, kung saan mayroon ng 430,000 subscribers ang channel niya. (RUEL J. MENDOZA)

NBI, NAG-IIMBESTIGA SA MGA FIXERS SA BI

Posted on: February 25th, 2021 by @peoplesbalita No Comments

PINAKIKILOS na rin ng Department of Justice (DOJ) ang National Bureau of Investigation (NBI) upang imbestigahan ang naiulat na bagong modus sa loob ng tanggapan gn Bureau of Immigratuon (BI).

Partikular na ipinag-utos ni Justice Secretary Menardo Guevarra ang mga fixers sa BI na iligal na nagpapasok ng mga Chinese national sa pamamagitanm ng pagproseso ng kanilang pasaporte at visa sa bansa.

“I have directed the NBI to expand its investigation of ‘fixers’ activities at the BI and find out who their cohorts are among the BI personnel, so that appropriate administrative and criminal charges may be filed against them,” ayon kay Guevarra.

Ito ay kasunod ng pagkakadakip ng mga ahente ng NBI sa isang accredited liaison officer na umanoy empleyado ng law firm.

Ito ay sa kabila ng kontrobersya sa BI ukol sa “pastillas scam” na malaking sindikato na nagpapasok ng Chinese nationals kapalit ng pera at maging sex service. Nasa 86 tauhan na ng BI ang nahaharap ngayon sa mga kasong kriminal at administratibo dahil sa pagkakasangkot dito.

Pinasalamatan naman ni BI Commissioner Jaime Morente ang NBI sa isinagawang operasyon at maging si Senador Risa Hontiveros sa kaniyang imbestigasyon ng umano’y bagong modus.

“We fully support the good Senator Risa Hontiveros in her call for an investigation on syndicates that sell fake passports and ‘fix’ documents of illegal aliens,” ayon kay Morente.

“We commend the National Bureau of Investigation’s (NBI) arrest of a travel agent allegedly involved in fixing the documents of three Chinese nationals,” dagdag pa niya.

Sinabi ni Morente na matagal na niyang ipinananawagan ang tulungan ng lahat ng ahensya para tuluyang mapuksa ang sindikato sa BI. Sa kaniyang panig, nagpatupad na siya ng mga aksyon laban sa mga nasangkot sa Pastillas Scam at patuloy na pinalalakas ang kanilang anti-corruption program. (GENE ADSUARA)

Ginang timbog sa sugal at shabu

Posted on: February 24th, 2021 by @peoplesbalita No Comments

Balik-kulungan ang isang 45-anyos na ginang matapos makuhanan ng shabu makaraang maaresto ng mga pulis habang naglalaro ng cara y cruz sa Valenzuela City, kamakalawa ng gabi.

Sa report ni SDEU investigator PSSg Carlos Irasquin Jr. kay Valenzuela police chief Col. Fernando Ortega, dakong 6 ng gabi, nagsasagawa ng Oplan Galugad ang mga tauhan ng Sub-Station 8 Ugong sa Sia Compound, Lamesa St. Brgy. Ugong nang maispatan ng mga ito ang isang grupo ng mga tao na naglalaro ng cara y cruz.

Nang mapamansin ng grupo ang presensya ng mga pulis ay mabilis nagtakbuhan ang mga ito sa magkakaibang direksyon habang nagawang maaresto ni PSSg Rodolfo Pidlaoan si Shirley Morales alyas “She” ng No. 6180 Mercado St. Gen. T. De Leon.

Nakuha ni PSMS Loreto Gabol Jr. sa lugar ang tatlong piso coin na gamit bilang ‘pangara’ at P140 bet money habang narekober sa suspek ang isang coin purse na naglalaman ng apat na plastic sachets ng hinihinalang shabu na tinatayang nasa P6,800 ang halaga, postal ID at P100 bill.

Kasong paglabag sa RA 9165 at PD 1602 ang isinampa ng pulisya sa Valenzuela City Prosecutors Office kontra sa suspek na aminadong dati na nakulong dahil sa illegal na droga. (Richard Mesa)

Ads February 24, 2021

Posted on: February 24th, 2021 by @peoplesbalita No Comments

McGregor pinayuhang magpokus sa boxing

Posted on: February 24th, 2021 by @peoplesbalita No Comments

Pinayuhan ng ilang eksperto si Ultimate Fighting Championship (UFC) superstar Conor McGregor na tigilan muna ang UFC kung nais nitong makuha ang inaasam na mega fight kontra kay eight-division world champion Manny Pacquiao.

Mismong si boxing legend George Foreman na ang nagsabi na mas makabubuting ituon muna ni McGregor ang konsentrasyon nito sa boxing.

Magiging malaking tulong ito upang muling makuha ang amor ng mga boxing fans at mapabangong muli ang kanyang pangalan.

Bahagyang nawalan ng interes ang mga tao kay McGregor matapos itong lumasap ng second round knockout loss kay Dustin Poirier sa kanilang bakbakan noong nakaraang buwan.

Si McGregor pa naman ang pinakamainit na pangalan na posibleng makaharap ni Pacquiao sa kanyang next fight.

Subalit naglaho ito dahil sa kabiguang tinamo ni McGregor sa kamay ni Poirier.

Mayroon namang boxing skills si McGregor.

Sa katunayan, naniniwala si Foreman na mas magandang gamitin niya ito sa boxing kumpara sa MMA.

Tigilan n’yo si Kai! — Kobe Paras

Posted on: February 24th, 2021 by @peoplesbalita No Comments

Dumepensa si University of the Philippines (UP) standout Kobe Paras sa mga bashers ni Kai Sotto na bumalik na sa Amerika para makasama ang Ignite sa NBA G League.

Kaliwa’t kanan ang batikos sa kampo ni Sotto dahil sa umano’y maling mga desisyon nito patungkol sa basketball career ng 18-anyos na player.

Kaya naman sumaklolo si Paras sa kanyang kaibigan.

Isang mabibigat na salita ang inilatag ni Paras sa kanyang post sa social media upang depensahan si Sotto.

Ayon kay Paras, mas makabubuting suportahan na lamang si Sotto sa mga plano nito at maghintay na lamang ng tamang panahon sa bagong update sa kalagayan nito.

“I will not tolerate any Kai Sotto slander. Instead of talking bad about him and his handlers, why not wait for the final word? Why not just support him and his dreams no matter what?” ayon kay Paras.

Posibleng naka-relate si Paras sa kasalukuyang sitwasyon ni Sotto.

Matatandaang nagtungo rin si Paras sa Amerika para subukan ang kanyang kapalaran doon.

Naglaro si Paras sa iba’t ibang koponan sa Amerika gaya ng Cathedral High School, UCLA, Creighton at Cal State Northridge.

Ngunit nagpasya ito na bumalik sa Pilipinas para maglaro suot ang Fighting Maroons jersey — ang parehong koponan na pinaglaruan ng kanyang amang si Benjie.

Kaya naman naglabas ng saloobin si Paras sa kasalukuyang pinagdaraanan ni Sotto.

Soplak ang mga bashers, ika nga.

“Most of y’all opinions don’t matter. My guy is 18! How foolish y’all look talking bad about a teen,” ani Paras.

Sa kasalukuyan, nasa Amerika na si Sotto na posibleng sumasailalim sa quarantine protocols bago pumasok sa bubble ng G League sa Orlando, Florida.

Ngunit wala pang pormal na anunsiyo kung nasa loob na ito ng G League bubble.

Kaya’t marami ang nakaabang sa magiging kapalaran ni Sotto — kung makapaglalaro pa ito sa G League suot ang Ignite jersey o tuluyan nang maglalaho ang kanyang pag-asang masilayan sa aksyon sa naturang liga.

Taong 2022 target ng pagbubukas ng MRT 7

Posted on: February 24th, 2021 by @peoplesbalita No Comments

Target ng conglomerate na San Miguel Corp. (SMC) na siyang nangagasiwa sa proyekto na buksan ang operasyon ng Metro Rail Transit Line 7 (MRT 7) sa katapusan ng taong 2022.

“Given the progress today and all the major milestones we’re expecting this year and the next, I think we’re confident we can achieve full, complete operations by December next year, with our first test run schedules for June next year,” wika ni SMC president at chief operating officer Ramon Ang.

Ayon kay Ang ang proyekto ay may 54 percent ng kumpleto ang construction at engineering works.

Para naman sa 13.5 kilometers target na elevated section, mayron ng 6.2 kilometers na tapos na.

Ang at-grade na sections ay mayron ng 4.8 kilometers na kumpleto mula sa target nitong 6.9 kilometers habang ang 1.9 kilometers na tunnel portion ay mayron ng 1.5 kilometers na kumpleto na rin.

“Compared to our recently completed Skyway 3 project -which is one of the most difficult we’ve had to undertake because of changes to its alignment and the engineering solutions we’ve had to employ to mitigate right-of-way problems – the MRT 7 project is actually more complex,” dagdag ni Ang.

Ang MRT 7 ay ang 23-kilometer railway na may 13 stations na siyang magdudugtong sa San Jose Del Monte, Bulacan at North avenue sa Quezon City na makakabawas sa travel time mula Manila hanggang Bulacan. Inaasahang ang travel time ay magiging 34 minutes na lamang.

Ang MRT 7 ay babagtas mula North Avenue sa Quezon City hanggang San Jose del Monte sa Bulacan at dudugtong sa Metro Rail Transit Line 3 (MRT3) at Light Rail Transit Line 1 (LRT 1).

Pag naging operational ang MRT 7, ito ay inaasahang makapagsasakay mula 300,000 hanggang 850,000 na pasahero kada araw at mayron itong room capacity pa para sa expansion upang makapagsakay pa ito ng mas madami sa darating na panahon.

Ang MRT 7 ay ang P63 billion na proyekto na ginagawa ng SMC na makakabawas ng travel time mula sa Manila papuntang Bulacan.

Matatandaan na noong 2020 ay nagkaron ng problema ang pagtatayo ng MRT 7 dahil sa binigay na cease at desist order ng Lungsod Pamahalaan ng Quezon City dahil sa gagawing above-ground na mall na makakasira sa heritage park ng Quezon Memorial Circle.

Sinabi ni Mayor Joy Belmonte na inalis na nya ang cease at desist order na kanilang binigay noong Feb. 18, 2020 matapos na magbigay ang contractors ng isang revised na design ng Quezon Memorial Station kung saan inalis na ang paglalagay ng isang mall sa nasabing heritage site.

Ayon kay Belmonte ang bagong plano ay isang “win-win” solution sa pagitan ng San Miguel Corporation (SMC) at ng lungsod ng Quezon City. Sa bagong plano ay inalis na ang obstructed view ng pylon na isang national landmark na siyang nagsisilbing simbolo ng mga nagdaan dekada. (LASACMAR)

PDu30, mas pipiliin ang Sinopharm vaccine

Posted on: February 24th, 2021 by @peoplesbalita No Comments

MAS pipiliin ni Pangulong Rodrigo Roa Duterte na maturukan ng China-based drugmaker Sinopharm’s Covid-19 vaccine.

“He (President Duterte) has said that his preference is for Sinopharm,” ayon kay Presidential pokesperson Harry Roque.

Nauna nang sinabi ni Pangulong Duterte na mas pipiliin niya na maturukan ng bakuna mula sa Chinese vaccine manufacturers.

Gayunpaman, hindi siya malalapatan ng Sinovac’s Covid-19 vaccine dahil hindi ito inirerekumenda sa mga senior citizens.

Ang Food and Drug Administration (FDA), na nagbigay ng emergency use authorization sa Sinovac vaccine ay nagpahayag na ang nasabing bakuna ay maaari lamang ibigay sa mga clinically healthy individuals sa pagitan ng 18 hanggang 59 taong gulang.

Si Pangulong Duterte ay 75 taong gulang na ngayon.

Matatandaang may mga close-in security detail si Pangulong Duterte ang binakunahan ng Sinopharm vaccine noong nakaraang taon sa kabila ng kawalan nito ng emergency use authorization mula sa FDA, ang pag-amin ni Presidential Security Group commander Brig. Gen. Jesus Durante III.

Ang nasabing bakuna ay sinasabing donasyon lamang.

Sinabi ng Pangulo na wala siyang kamalayan na ang kanyang security detail ay nabakunahan na.

Nauna rito, mismong si Pangulong Duterte ang nagbunyag sa publiko na naturukan na ng Sinopharm vaccine ng China ang ilang miyembro ng PSG.

Nagpalabas naman ng compassionate use license ang FDA para sa 10,000 doses ng Sinopharm vaccine dahil na rin sa kahilingan ng PSG.

Ang Sinopharm ay pharmaceutical firm na pinatatakbo ng Chinese government. (Daris Jose)

NO VACCINE, NO MGCQ policy ni PDu30

Posted on: February 24th, 2021 by @peoplesbalita No Comments

NAGBIGAY na ng kanyang direktiba si Pangulong Rodrigo Roa Duterte sa kanyang gabinete na hindi niya isasailalim ang buong Pilipinas sa Modified General Community Quarantine (MGCQ) maliban na lamang kung magsimula nang mag-rollout ang bakuna.

Sinabi ni Presidential Spokesperson Harry Roque na kinikilala ng Chief Executive ang kahalagahan ng muling pagbubukas ng ekonomiya at epekto nito sa kabuhayan ng mga Filipino.

Magkagayon pa man, mas binigyan ng Pangulo ng “higher premium” ang public health at kaligtasan.

Sa kabilang dako, nais ni Pangulong Duterte na magsimula na ang pagbabakuna “as soonest possible time” upang mapaluwag na ang community quarantine sa bansa.

Sa ulat, mas nakakaraming Metro Manila mayors ang pabor na sa pagsailalim sa Modified General Community Quarantine (MGCQ) sa Marso.

Ito ang inihayag ni Navotas City Mayor Toby Tiangco na nagsabing sa ginanap na pulong kamakalawa, siyam sa mga NCR mayors ang bumoto sa MGCQ, habang walo naman ang pabor sa General Community Quarantine (GCQ) .

Nabatid na sa MGCQ at GCQ tanging nasa edad 15 – 65 lamang ang pinapayagang lumabas ng bahay.

Ang resulta ng botohan ang isusumite sa Inter-Agency Task Force on Emerging Infectious Diseases (IATF), na irerekomenda kay Pangulong Rodrigo Duterte.

Sinabi ni Tiangco na ipinaliwanag ng mga economic managers ang pagpapatupad ng MGCQ upang makabawi ang ekonomiya ng bansa dulot ng pandemya ng COVID-19.

Gayunman, tutol ang MM mayors sa panukala ng National Economic and Development Authority (NEDA) na payagan na ang mga indibidwal na nagkakaedad ng mula lima hanggang 70-taong gulang na makalabas ng kani-kanilang mga tahanan.

Ayon kay Marikina Mayor Marcelino Teodoro, walang nakikitang pangangailangan ang mga alkalde sa National Capital Region (NCR) na payagan na ang mga taong nasa naturang age range na lumabas ng kani-kanilang mga tahanan, dahil maaari aniyang maging ‘super spreaders’ sila ng coronavirus disease 2019 (COVID-19).

“Sa kabuuan, ang mga mayor ayaw talagang ibaba sa limang taon hanggang 70 taong gulang dahil wala naman talagang nakikitang pangangailangan at baka maging super spreader pa ‘yung mga ganitong edad,” aniya. (Daris Jose)

NATUKOY NA UK VARIANT, GALING SA MIDDLE EAST

Posted on: February 24th, 2021 by @peoplesbalita No Comments

KINUMPIRMA ng Department of Health (DOH) na galing ng Middle East ang 13 returning Overseas Filipino na kabilang sa 18 bagong natukoy na UK variant ng SARS-CoV-2.

Sa datos na ibinigay ng DOH, mula United Arab Emirates (UAE), Bahrain, at Saudi Arabia ang nasabing mga ROFs.

Ang 13 ROFs ay dumating sa bansa sa pagitan ng January 3 hanggang 27 kung saan kapwa sumailalim sa quarantine at gumaling na.

Patuloy naman ang imbestigasyon ng DOH ang naging quarantine ng mga ito at contact tracing.

Matatandaan na galing din ng UAE ang kauna-unahang kaso ng UK variant na natuklasan sa bansa.

Sa ngayon ay mayroon nang kabuuang 62 variant sa bansa ngunit hindi pa rin maikokonsidera ng DOH at mga eksperto na mayroon nang community quarantine sa bansa bagamat sa iba’t ibang rehiyon na naitala ang mga kaso.

Kabila sa mga kaso ng variant na natuklasan ay 22 kaso sa Cordillera, 3 sa Davao region, 2 sa Calabarzon; at tig-iisa sa Central Visayas, Northern Mindanao, at National Capital Region.

Habang 30 ang mga ROFs, isa ang dumating na foreign national, at isa ang patuloy na bini-beripika ng kagawaran.

Mas pinalawak naman ang ginawang sequencing sa mga samples kung saan ipinag-utos ni Health Secretary Francisco Duque III ang lahat ng regional offices na magpadala ng positive samples na isasailalim sa whole genome sequencing. (GENE ADSUARA)