MAGSISILBING malaking proteksiyon ang pagpapaturok ng pneumonia vaccine upang makaiwas sa peligro ng COVID-19 partikular na dito ang pagkamatay.

Ayon kay Dr Charles Yu,Vice- Chancellor, De La Salle Medical and Health Sciences Institute na karamihan ng namamatay sa COVID ay hindi naman dahil sa virus kundi dahil nagkaroon ng complicating bacterial pneumonia.

Nagsisilbing Booster ani Dr. Yu sa immunity ang pneumonia vaccine na nakapagpapabawas sa mortality at morbidity lalo na sa mga senior, mga tinatawag na vulnerable, mga may emphysema at may diabetes.

“Siguro no clear answer to that. Ang anti-pneumonia lalo na iyong invasive pneumococcal, iyong lifetime na nagpu-protect sa deadly na pneumonia will help kasi karamihan ng mga ibang COVID na namamatay hindi dahil sa virus namatay, kung hindi dahil nagkaroon ng complicating bacterial pneumonia,” ani Dr. Yu.

Subalit, paglilinaw ng eksperto, hindi ibig sabihin na kapag nabakunahan na ng pneumonia vaccine ay makakaiwas na sa COVID.

Paliwanag ni Dr Yu, magka- COVID man ang isang naturukan na ng bakuna sa pneumonia ay makakaiwas ito sa nakamamatay na kumplikasyon ng corona virus na pneumonia.

“So kung nagkaroon ka ng injection ng lifetime na pneumonia ay maaaring makatulong iyon para mag-boost ng immunity mo. Pero itong mga pneumonias ay bacterial vaccines. Kasi may naririnig kami na, “Magpabakuna ka na rin kasi makakatulong ito para nagka-COVID ka, makakaiwas ng complication,” that is partly true. Pero kung nabakunahan ka ng pneumonia, hindi ibig sabihin ay makakaiwas sa COVID; it might reduce the mortality and morbidity lalo na sa mga elderly, mga vulnerable, iyong mga may emphysema, iyong may mga diabetes, iyan makakatulong iyan,” aniya pa rin.

Ang U-turn slot na nakalagay sa Caloocan sa may kahabaan ng EDSA ay sinaraduhan ng Metropolitan Manila Development Authority (MMDA).

Simula ngayon, ang U-turn slot sa General Tinio ay sinaraduhan upang masiguro ang daloy ng mg EDSA Carousel buses na walang sagabal sa kahabaan ng EDSA.

“Affected motorists should take a turn at Balintawak cloverleaf to their destinations,” wika ng MMDA.

Maglalagay naman ng mga directional signages sa mga lugar upang mabigyan ng direksyon ang mga motorista.

Samantala noong nakaraang taon ay muling binuksan ng Metropolitan Manila Development Authority (MMDA) ang dalawang (2) U-turn slots sa EDSA sa Quezon City matapos na pagsabihan ng mga lawmakers at ng pamahalaang lungsod ng Quezon City ang MMDA.

Ang nasabing U-turn slots ay ang nasa tapat ng Quezon City Academy at ang malapit sa Darrio Bridge sa Balintawak upang magamit ng mga motorista at dahil sa sunod-sunod na complaints na tinalakay sa nakaraang congressional inquiry ng House committee sa Metro Manila development.

Ang nasabing U-turn slot sa Quezon Academy ay bukas lamang para sa mga light vehicles samantalang ang nasa Darrio Bridge ay para lamang sa mga emergencies at government vehicles.

Nagalak naman si Mayor Joy Belmonte sa naging desisyon ng MMDA sa muling pagbubukas ng nasabing U-turn slots, na noon pa man ay hiniling na ni Belmonte dahil sa maraming complaints na kanyang natatangap mula sa mga motorista.

Nagapela rin si Quezon City Mayor Joy Belmonte sa mga ahensiya ng national government na buksan pa ang dalawang (2) intersections na sinara sa kahabaan ng EDSA upang mabawasan ang traffic sa nasabing major highway.

Nagpadala ng isang sulat si Belmonte sa Department of Transportation (DOTr), Metropolitan Manila Development Authority (MMDA), at Land Transportation Franchising and Development Authority (LTFRB) upang makiusap na buksan ang interchanges sa EDSA-Munoz at EDSA-West Avenue-North Avenue. Sa ngayon ay sarado pa rin ang nasabing 2 intersections.

Ayon kay Belmonte ang pamahalaang lungsod ng Quezon City sa ilalim ng task force traffic management ay silang mangangasiwa sa stop-and-go scheme sa mga nasabing U-turn slots.

Sila rin ang titingin sa daloy ng traffic sa mga iba pang lugar upang malaman kung maaari pa na humiling sa MMDA na muling buksan ang ibang U-turn slots.

Sinarahan din ng MMDA ang madaming U-turn slots sa EDSA upang magbigay daan sa gagawing EDSA busway. (LASACMAR)