2021 February Archive - People's Balita

Archive for February, 2021

Kompetisyon ni Yulo ‘di na tuloy dahil sa COVID

Posted on: February 26th, 2021 by @peoplesbalita No Comments

NABULILYASO ang inaasam na international exposure ni Tokyo Olympics-bound at Team Philippines gold medal holpeful, world GYMNASTICS men’s floor exercise champion Carlos Edriel ‘Caloy’ Yulo nang ihayag ng International Gymnastics Federation (FIG) ang kanselasyon ng four-leg 2021 Artistic Gymnastics All-Around World Cup Series.

“It is with regret that the FIG announces the cancellation of the All-Around World Cup Series in Artistic Gymnastics, which was part of the Olympic qualification system for Tokyo 2020,” pagbubunyag ng FIG nitong Huwebes.

Orihinal na gaganapin ang series sa Milwaukee (USA), Stuttgart (Germany), Birmingham (Britain) at Tokyo (Japan) sana sa darating na Marso-Abril 2020 bago ni-reset dahil sa pandemic saka ang tuluyang kanselasyon.

Hindi lang ang binatang tubong Ermita, Maynila ang nalungkot kundi pati ang pangulo ng Gymnastics Association of the Philippines (GAP) na si Cynthia Carrion. (REC)

Alok ng DOLE na payagan ang libo-libong mga health care workers na magtrabaho sa UK at Germany

Posted on: February 26th, 2021 by @peoplesbalita No Comments

WELCOME sa Malakanyang ang alok ng Department of Labor and Employment (DoLE) na hayaan ang libo-libong mga health care workers na karamihan ay nurses na magtrabaho sa United Kingdom at Germany kung ang dalawang bansa naman ay pumayag na mag-donate ng COVID-19 vaccines.

Sinabi kasi ni Alice Visperas, director ng labor department’s international affairs bureau, na bukas ang Pilipinas na alisin o bawiin ang cap ng mga health workers’ overseas deployment kapalit ng bakuna mula Britanya at Germany, kung saan ito rin ang gagamitin na pambakuna sa mga outbound workers at daang libong Filipino repatriates.

Nag-order ang Pilipinas ng sapat na coronavirus shots para sa adult population nito.

Sinabi ni Presidential spokesperson Harry Roque na bukas siya ssa nasabing ideya.

“Pero siyempre kung mas maraming supply pa ang makukuha natin, bakit hindi?,” anito.

“The idea for the offer did not come from President Rodrigo Duterte, but rather, from Labor Secretary Silvestre Bello III and Foreign Affairs Secretary Teodoro Locsin Jr. Wini-welcome din natin [ito] because more is better than less,” dagdag na pahayag nito.

Matatandaang, niluwagan ng Pilipinas ang pagba-ban sa pagpapaalis ng mga health care workers tungo sa ibang bansa subalit nananatili naman ang limitadong bilang ng mga medical professionals na aalis ng bansa ng hanggang 5,000 kada taon.

Sa katunayan ay inaprubahan ni Pangulong Rodrigo Roa Duterte ang rekomendasyon ng Inter-Agency Task Force (IATF) for the Management of Emerging Infectious Diseases na tanggalin na ang deployment ban para sa mga nurses at iba pang medical workers.

Kinumpirma ni Department of Labor and Employment (DOLE) Secretary Silvestre Bello III na lifted na ang deployment ban sa mga healthcare workers.

Ang lifting ng deployment ban ay noon pang isang linggo inirekomenda ng IATF.

Sabi ni Sec. Bello, bumabagal na ang paglaganap ng COVID-19 sa bansa at gumaganda na ang kondisyon kaya’t maaari nang payagan ang mga healthcare workers na makapagtrabaho sa ibang bansa.

May limitasyon ang bilang ng mga health workers na papayagang makapag-abroad upang matiyak na may sapat na medical professionals sa bansa na magpapatuloy sa paglaban sa COVID-19.

Nakasaad sa rekomendasyon ng IATF na 5,000 medical professionals lang ang papayagang mai-deploy sa ibang bansa. Nilinaw naman ni Sec. Bello na kalaunan ay madaragdagan ang bilang na ito. (Bishop Jesus “Jemba” M. Basco)

Final guidelines para sa 2022 polls, ilalabas sa 4Q ng 2021 – Comelec

Posted on: February 25th, 2021 by @peoplesbalita No Comments

Ilalabas ng Commission on Elections (Comelec) sa huling quarter ng 2021 ang final guidelines para sa 2022 national elections.

Ayon kay Comelec Chairman Sheriff Abas, binabalangkas pa nila ang mga guidelines na ihahanay sa umiiral na sitwasyon ng COVID-19 pandemic, na inaasahang tatagal pa hanggang sa halalan.

“Ongoing pa yung aming proseso dahil hinihimay pa yung halos lahat ng protocols from canvassing, filing, from bilangan [ng boto], lahat. So siguro end or last qurater ng taong ito [ire-release],” wika ni Abas sa isang public briefing.

Wala pa ring pasya ang poll body sa ngayon kung ipagbabawal nila ang face-to-face na pangangampanya.

Isa rin aniya sa ikinokonsidera para sa 2022 elections ay ang paglilimita sa bilang ng mga botante sa kada presinto ng hanggang lima lamang.

Paglalahad ni Abas, ganito ang gagawin sa plebisito sa Palawan na itinakda sa Marso 13 at titingnan nila kung magiging epektibo ang ganitong protocol.

Maliban dito, ipatutupad din nila ang health and safety protocols gaya ng pagsusuot ng face mask at face shields, at pagsunod sa social distancing.

“Marami tayong ilalatag d’yan but depende yan sa magiging assessment ng ating health experts lalo na ‘yung IATF (Inter-Agency Task Force on Emerging Infectious Diseases). Susunod kami sa mungkahi ng health experts,” anang poll official. (Bishop Jesus “Jemba” M. Basco)

TBA Studios’ ‘Dito at Doon’ (Here and There) to Have a World Premiere at Osaka Asian Film Festival

Posted on: February 25th, 2021 by @peoplesbalita No Comments

JP Habac’s upcoming film Dito at Doon (Here and There) starring Janine Gutierrez and JC Santos, will premiering at the 2021 Osaka Asian Film Festival in March.

The film will be screened at the Cine Libre Umeda in Osaka on March 9 and March 13 as part of the festival’s New Action! Southeast Asia Section.

TBA Studios announced the good news through their Instragram account:

“Ohayooo! Good news mula kay Len at Cabs!
“Before we show this beautiful film here in the Philippines, TBA Studios’ #DitoAtDoon (Here and There) will have its world premiere at the 大阪アジアン映画祭　Osaka Asian Film Festival 2021 @osakaasianfilmfestival under New Action! Southeast Asia Section on March 5-14, 2021! #ProudlyTBA #HereAndThere.”

Part of Janine’s IG post was:

“Soooo happy about the news!! I wiiiish we could be there to attend but just very grateful that we got in at wala nang mas makapagpapasaya sakin kundi ang mapanood niyo ang aming pelikula.

“Lab, Len & Cabs.”

Meanwhile, Director Habac expressed his gratitude at the OAFF organizers for selecting the romantic movie for screening.

Dito at Doon will release in the Philippines three days later on March 17. Brought to you by TBA Studios, in association with Paulo Avelino‘s WASD Films.

The film is set in the pandemic era, with Janine playing Len, a frontliner and despite living alone in the lockdown, manages to meet someone through a mutual friend in an ‘e-numan’.

That someone turns out to be JC’s character Cabs, a delivery man who makes a connection with Len through video chats and phone calls.

The movie marks Janine and JC second film, they worked together on Rae Red‘s Babae at Baril in 2019, for which Janine was named best actress at the 43rd Gawad Urian and Filipino Academy of Movie Arts and Sciences (FAMAS) Digital 2020 Awards.

Dito at Doon also stars Yesh Burce and Victor Anastacio, with the special participation of Lotlot De Leon.
TBA Studios also announces the song ‘Nakikinig Ka Ba Sa Akin’ by Ben and Ben is the official soundtrack for Dito at Doon.

Watch the movie teaser at https://bit.ly/DADTeaser2.

Naomi Osaka, nagreyna vs Jennifer Brady para madagit ang 2nd Australian Open title

Posted on: February 25th, 2021 by @peoplesbalita No Comments

Ibinulsa ni Naomi Osaka ang kanyang ikalawang Australian Open title makaraang manaig kontra kay Jennifer Brady.

Bagama’t napakatindi ng labanan sa first set, naging malaki ang pakinabang si Osaka sa kanyang karanasan upang maabot ang 6-4 6-3 panalo sa loob lamang ng isa’t kalahating oras.

Dahil din sa panalo, nakuha ni Osaka ang kanyang ikaapat na grand slam title sa edad lamang na 23.

“Firstly I want to congratulate Jennifer, we played in the semis of the US Open, so a couple of months ago, and I told anyone that would listen that you were going to be a problem — and I was right!” wika ni Osaka sa on-court interview.

“I want to thank my team, I’ve been with them too long. We’ve been through quarantine together and for me they’re like my family, they’re with me through training, matches, nervous talks before my matches, I’m really appreciative of them, so this one’s for you.

“I want to thank you guys [the fans], thank you for coming and watching … I didn’t play my last grand slam [the US Open] with fans so just to have this energy it really means a lot, thanks so much for coming. Thank you for opening your hearts and your arms towards us and for sure I feel like playing a grand slam right now is a super-privilege … so thank you for this opportunity.”

Pagsasailalim sa MGCQ, wala pang definite date- CabSec Nograles

Posted on: February 25th, 2021 by @peoplesbalita No Comments

WALA pang siguradong petsa kung kailan na ang buong bansa ay isasailalim sa Modified General Community Quarantine (MGCQ).

Ang MGCQ ay protocol kung saan ay pinapayagang palawigin ang public transport at business operations at paluwagin ang restriction sa mass gathering.

Sa virtual presser ni Cabinet Secretary Karlo Nograles ay sinabi nito na nais na makita ng Inter-Agency Task Force kung paano muna gugulong ang COVID-19 vaccine rollout bago pa magbigay ng rekomendasyon kay Pangulong Rodrigo Roa Duterte na ituloy na ang MGCQ transition.

“What we do in the IATF is we make recommendations to the President before the first day of the month. In terms of timeline, that might be the same procedure we will follow,” ayon kay CabSec Nograles.

“For the month of March, we will see the rollout of the vaccination program. By the end of March, we will make our recommendation to the President. But at any given point in time, the President may also make a decision with regard to placing the country under within the month of March,” dagdag na pahayag nito.

Wala namang naibigay na sagot si CabSec Nograles nang tanungin kung naitakda na ang target nang tuturukan ng Covid 19 vaccine gaya ng priority sectors bago pa isailalim ang buong bansa sa MGCQ.

“That has been the practice, a month-to-month assessment, month-to-month decision,” ayon kay CabSec Nograles.

“Nakasanayan na rin natin ang ganyang klaseng protocol and we will stick with that,” aniya pa rin.

Sa kasalukuyan, wala ni isa mang dose ng COVID-19 vaccine ang dumating sa bansa kahit pa nakapagbigay na ang Food and Drug Administration ng emergency use authorization (EUA) sa tatlong COVID-19 vaccine brands gaya ng Pfizer-BioNTech, AstraZeneca at Sinovac.

Sinasabing nakuha na ng Pfizer-BioNTech ang EUA noong Enero 14 habang ang AstraZeneca naman ay nakakuha ng EUA noong Enero 28.

Samantala, nakakuha naman ang Sinovac ng EUA noong Pebrero 22, subalit hindi naman inirekuenda ng FDA ang paggamit nito sa mga health workers dahil ang efficacy rate nito ay pumapalo lamang sa 50.4%. (Daris Jose)

Team Philippines sasabak sa 46 sports event sa 2022 Asiad

Posted on: February 25th, 2021 by @peoplesbalita No Comments

Isinumite na ni Philippine Olympic Committee (POC) president Abraham “Bambol” Tolentino ang listahan ng mga sports events na lalahukan ng mga Pinoy athletes sa 2022 Asian Games sa Hangzhou, China.

Sasabak ang Team Philippines sa 46 sa kabuuang 61 sports events na inilatag para sa 2022 Asiad na nakatakda sa Setyembre 10 hanggang 25 sa susunod na taon.

“We submitted our list last Friday — the deadline — and we based our list on our effort to surpass our last achievement of four gold medals — in Jakarta — because we improved a lot in the SEA Games,” wika kahapon ni Tolentino.

Ang nasabing listahan ng mga sports events na sasalihan ng mga Pinoy athletes ay isinumite ng POC sa Hangzhou Asian Games Organizing Committee.

Ang mga ito ay ang aquatics, archery, athletics, baseball, softball, men’s basketball, men’s 3×3 basketball, boxing, canoe-kaya, cycling MTB at BMX, dancesports’s breaking, men’s dragon boat, equestrian, fencing, men’s football, golf, artistic and rhythmic gymnastics, judo, jiu-jitsu, kurash, karate, bridge, chess, esports, xiangqi, modern pentathlon, skateboarding, rowing at men’s rugby.

Maglalaro rin ang mga Pinoy sa sailing, sepak takraw, shooting, sports climbing, squash, taekwondo, tennis, triathlon, men’s at women’s volleyball, men’s at women’s beach volleyball, weightlifting, wrestling at wushu.

Noong 2018 edition ay kumolekta ang Team Philippines ng apat na gold medals bukod pa rito ang dalawang silver medals at 15 bronze medals.

Presyo ng petrolyo, muling tumaas

Posted on: February 25th, 2021 by @peoplesbalita No Comments

May panibagong dagdag presyo ang mga produktong petrolyo na ipatutupad ngayong Martes ng mga kompanya ng langis sa bansa.

Unang magpapatupad ng dagdag na P1.20 sa kada litro ng gasolina, P0.95 sa diesel at P1.00 sa kerosene ang Chevron Corporation sa pagdating ng alas-12:01 ng madaling araw.

Susundan ito simula alas-6:00 ng umaga ngayon (Pebrero 23), ng Pilipinas Shell at Petron Corporation na magpapatupad din ng katulad na presyo sa kada litro ng nasabing mga produkto.

Ito ang pang-anim sa magkakasunod na price hike simula ng Enero ng taong kasalukuyan.

Gayundin ang PTT Philippines, Petro Gazz, Phoenix Petroleum, Total Philippines at Seaoil na magtataas ng P1.20 sa kada litro ng gasolina at P0.95 sa diesel epektibo alas- 6:00 ng umaga.

Alas 4:01 ng hapon ay saka lamang maningil ng taas-presyo ang Clean Fuel sa parehong halaga ng gasolina at diesel.

Sinabi ni PTT Philippines Internal Communication Officer Jhay Julian na ang mataas na demand sa langis sa pandaigdigang merkado ang nagdidikta ng pagtataas ng presyo sa kabila ng pandemya.

PDu30, nagsagawa ng aerial inspection sa mga lugar na tinamaan ng bagyong Auring sa Surigao del Sur

Posted on: February 25th, 2021 by @peoplesbalita No Comments

NAGSAGAWA si Pangulong Rodrigo Roa Duterte ng aerial inspection sa mga lugar na tinamaan ng bagyong Auring sa Tandag, Surigao del Sur.

“Weather-permitting, the President intends to visit para mabilis din iyong aksyon kapag may nakita siya na mga gaps or kailangan pang gawin over and above what is already being done by government,” ayon kay Cabinet Secretary Karlo Nograles.

“Based on the briefing and the reports and his visual observation on the ground ay magbibigay naman po ng mga direktiba si Pangulo. Abangan na lang po natin,” dagdag na pahayag ni CabSec Nograles.

Base sa situation report ng National Disaster Risk Reduction and Management Council “as of Tuesday afternoon”, naapekthan ni bagyong Auring ang mahigit 121,000 indibiduwal sa Region 10, 11 at Caraga.

Sa nasabing bilang, 77,811 katao ang dinala sa evacuation centers.

Nag-iwan naman ng limang flooding incidents at anim na landslides ang bagyong Auring sa Regions 5,7, 8 at 11. (Daris Jose)

Djokovic nagkampeon sa Australian Open

Posted on: February 25th, 2021 by @peoplesbalita No Comments

Inilampaso ni Novak Djokovic si Daniil Medvedev para makuha ang ika-siyam na Australian Open title.

Nagtala kasi ang world number 1 na score na 7-5, 6-2, 6-2 at nakuha ang ika-18th Grand Slam title.

Sa simula pa lamang ay paborito na manalo ang 33-anyos na Serbian tennis star kumpara sa 25-anyos Russian opponent nito.

Naging kalmado si Djokovic sa mga laro kumpara kay Medvedev na pinagtatapon ang raketa at pinagsisigawan ang mga kasama sa koponan sa bawat set na ito ay natatalo.