- March 8, 2026
Ang Diyaryong Pinagkakatiwalaan
Archive for February, 2021
‘Sports Summit 2021 napapanahon upang pag-usapan ang hamon sa mga atleta’
Binuksan ngayon ang National Sports Summit 2021 na naglalayong makabalangkas ng mga polisiya para sa mga atletang Pinoy sa panahon ng pandemya.
Ang summit ay ginaganap anim na buwan bago naman ang Tokyo Olympics kung saan hanggang sa ngayon ay pangarap pa rin ng Pilipinas ang kahit isang gold medal sa Olimpiyada.
Kabilang sa nagbigay ng kani-kanilang mensahe para sa matagumapay na summit ay sina Pangulong Rodrigo Duterte, Senator Christopher Lawrence Go, chair ng Senate Committee on Youth and Sports, Rep. Yul Servo, chair ng House Committee on Youth and Sports at Department of Education Secretary Leonor Briones.
Sa kanyang mensahe, inamin ni PSC Chairman William “Butch” Ramirez ang malaking hamon na kinakaharap ngayon ng sports bunsod ng COVID pandemic.
Ang tinaguriang Sports Conversations ay serye ng weekly conference-type online sessions na hinohost ng (PSC).
Gagawin ito simula ngayong araw via Zoom at tatakbo hanggang Mayo ng taong ito.
“We know how much they value the role of sports in nation-building.” ani Ramirez. “We hope that they will inspire our participants to excel also and make a difference.”
Ilang opisyal ng DFA, positibo sa COVID-19
Sarado muna ang punong tanggapan ng Department of Foreign Affairs (DFA) hanggang sa Martes, Pebrero 2, 2021, para sa pag-disinfect.
Ito ang naging anunsyo ni Foreign Affairs Secretary Teodoro Locsin, Jr., matapos na magpositibo sa COVID-19 ang ilan sa kanilang mga opisyal.
Agad namang nilinaw ni Locsin na negatibo na siya sa virus, subalit kailangan pa ring tapusin ang quarantine period, lalo’t may bagong variant na nade-detect lamang matapos ang ilang araw.
Hindi naman binanggit ng kalihim kung sino ang mga tinamaan ng virus sa kanilang opisina.
Simulan noong Biyernes ay kapansin-pansin na halos wala nang makikitang mga tauhan sa loob ng DFA building sa Pasay City. (Daris Jose)
SEN. MANNY, inalala ang mapanghamon na 26 years ng kanyang boxing career
MALAYO na nga ang narating ni Manny “Pacman” Pacquiao o Emmanuel Dapidran Pacquiao sa tunay na buhay.
Mula sa binatilyong nangarap na maging magaling na boksingero, natupad niya ito at higit pa!
Kaya naman bilang pag-alala sa 26 na taon ng kanyang pagiging professional boxer, proud na proud na ibinahagi ni Pacquiao ang kanyang mga narating sa larangan ng sports sa kanyang recent social media post.
(https://www.facebook.com/MannyPacquiao/videos/1311706672537110,
https://www.instagram.com/p/CKVWnccJq7t/)
Ayon kay Senator Pacquiao, “26 years. 62 wins. 39 KOs. 12 major world titles. I had to punch my way to victory every time. Before that, I had to train. More days than that, bugbog ako…”
Hindi lingid sa kaalaman ng marami ang kuwento ng makulay na buhay ni Pacquiao.
Ilang beses na rin itong naging paksa sa kanyang mga interviews kung saan ikinukuwento niya ang hirap ng kanilang buhay habang lumalaki at nagkakaisip siya sa General Santos City.
Unang nagpakita ng interes sa boxing si Pacquiao dahil sa sa premyong nagkakahalaga ng P50.00. Nang mga panahong iyon, ang kilo ng bigas ay nasa P6.00. Naging motivation ito ni Pacquiao dahil nais niyang makatulong sa gastusin ng kanilang pamilya.
Isang tiyuhin ang nagpaliwanag sa batang Pacquiao kung ano ang boxing.
“Wala talaga akong alam sa boxing. ‘Yung uncle ko ang nagsabi sa akin na boxing ‘yun na may world champion, may Philippine champion…
“Pinapanood namin ‘yung laban ni Mike Tyson noong araw. Sabi sa akin, ‘Ano kaya maging ganyan ka, may belt ka rin, makilala ka. Mag-champion ka sa buong mundo.’”
Bagay na nagkatotoo na nga! Kahit Hollywood stars at sikat na athletes napabilib niya. Ang kanyang tagumpay ay nagbigay ng hindi matatawarang karangalan sa bansa. Banggitin mo lang ang katagang “PacMan” sa sino mang banyagang kausap mo at awtomatikong kasunod na pag-uusapan ay ang Pilipinas.
Hindi biro ang haba ng taon na tinakbo ng karera ni Pacquiao. Mas lalong hindi biro ang hirap ng training at sakit ng katawan niya sa tuwing tutungtong siya sa loob ng boxing ring.
Pero paano ba niya nagawa at patuloy na ginagawa ang lahat ng ito?
Isang tanong na sinagot din Pacquiao sa kanyang post.
“My secret is speed – in my punches and pain recovery. Most of all, it’s my family and friends, my fans, my coach and team, and my partner Ibuprofen + Paracetamol (Alaxan FR), kasama ko sa laban since 1995,” sagot niya.
Nakatutuwang isipin na hindi nakalilimutan ni Pacquiao ang mga tumulong sa kanya sa simula pa lang ng kanyang karera.
Ang Alaxan FR ay isang pain reliever na gawa ng Unilab, Inc. (Unilab). Ito ay kombinasyon ng Ibuprofen at Paracetamol na panlaban sa sakit ng katawan – bagay na alam na alam ni Pacquiao at patuloy niyang nilalabanan.
Kaya sobrang relatable ang katagang #LabanLang na kasama sa post ni Pacquiao. Bukod sa ito ang tagline ng nasabing gamot, ito rin ang kanyang mantra sa kanyang mga pinagdaanan. Si Pacman ay animo isang mandirigma na marami nang naaning tagumpay sa mga hamon ng buhay.
Speaking of hamon, wala pa ring opisyal na anunsiyo tungkol sa pinag-uusapang laban ni Pacquiao kay Conor McGregor ngunit marami na ang nag-aabang nito.
Huling laban ni Pacquaio ay noong Hulyo 2020 kay Keith Thurman kung saan naiuwi niya ang WBA welterweight crown.
Nito namang Enero 25 ay may lumabas na balita sa CNN Philippines tungkol sa possible fight niya laban sa Amerikanong boksingero na si Ryan Garcia na nag-post sa kanyang social media account.
Ang kampo naman ni Sen. Pacquiao ay nagsabi na kasalukuyang abala at nakatuon ito sa pagtulong sa mga Pilipino upang makabangon mula sa pandemya.
Samantala, tuloy man o hindi ang inaabangang match, isa lang ang sigurado, tuloy ang laban sa buhay ni Pacquiao, para sa sarili, para sa pamilya, at para sa Pilipinas. (ROHN ROMULO)
Garcia namumuro na kay Pacquiao?
Maugong ang pangalan ni World Boxing Council (WBC) interim lightweight champion Ryan Garcia sa posibleng makalaban ni eight-division world champion Manny Pacquiao.
Mismong ang tatay ni Garcia na si Henry ang nagkumpirma na gumugulong na ang negosasyon para sa laban na inaasahan nitong maikakasa anumang araw ngayong linggo.
“It’s not bizarre, it’s just two people who want to fight each other; Ryan’s fighting a legend and Pacquiao’s fighting a rising star, so it’s not awkward at all,” ani Henry sa Sky Sports.
Ikinuwento pa ni Henry na isang 10-round boxing match lamang ang nakapaloob sa kasunduan.
Hindi rin itataya sa naturang laban ang World Boxing Association (WBA) welterweight title ni Pacquiao.
Kaya naman tila nabigyang linaw ang nauna nang pahayag ni Pacquiao na posibleng matuloy ang laban nito sa 22-anyos boxer ngunit magsisilbi lamang itong exhibition match.
“Nandyan din si (Ryan) Garcia pero parang exhibition lang yan, 22 years old pa lang parang anak ko na yan. Pero ok lang yan parang ako ang professor (niya),” ani Pacquiao sa naunang ulat ng PSN.
Naghihintay na lamang ng go signal ang kampo ni Garcia kung matutuloy ito o hindi.
“What I do know is both fighters want to fight each other and it’s going to be for real – it’s going to be a real fight,” ani Henry.
Sa kabilang banda, umaasa pa rin si Ultimate Fghting Championship superstar Conor McGregor na matutuloy ang laban nito kay Pacquiao.
Halos kasado na ang Pacquiao-McGregor fight na napaulat na gaganapin sana sa Abril 23 sa Dubai, United Arab Emirates.
Subalit naging matamlay ang usapan matapos matalo si McGregor kay Dustin Poirier via second-round knockout sa Abu Dhabi.
Florida ready i-host ang Olympics
Handa ang Florida na saluhin ang pagtataguyod ng Olympic Games sakaling mag-backout ang Tokyo, Japan bilang host.
Ipinaabot na ni Florida chief financial officer Jimmy Patronis ang intensiyon ng American state kay International Olympic Committee (IOC) president Thomas Bach.
“To encourage you to consider relocating the 2021 Olympics from Tokyo, Japan to the
United States of America, and more specifically to Florida,” ani Patronis.
Isa ang Florida sa pinagdausan ng matagumpay na restart ng NBA sa Walt Disney World na nasa Orlando kung saan nagkampeon ang Los Angeles Lakers noong nakaraang taon.
Handa ang Florida na ilatag ang mga requirements partikular na sa health protocols sakaling maipasa rito ang hosting. Gayunpaman, desidido ang Japan na ituloy ang Olympics dahil malaki na ang nagastos nito.
Nakatakda ang Tokyo Olympics sa Hulyo 23 hanggang Agosto 8.
Deuteronomy 31:8
The Lord will never leave you or forsake you.
Eala pasok sa 2nd round ng W15 Manacor Leg 2
Kahit mayroong anim na International Tennis Federation (ITF) women’s singles title ang kanyang kalaban ay hindi nasindak si Alex Eala.
Pinatalsik ng Pinay tennis sensation si No. 2 seed Mirjam Bjorklund ng Sweden, 6-4, 3-6, 6-3, sa se-cond leg ng W15 Manacor ITF Rafael Nadal Academy World Tennis Tour sa Mallorca, Spain.
Naisuko man ang second set ay inangkin naman ni Eala ang third set para sibakin ang 22-anyos na si Bjorklund, ang ITF No. 250 at Women’s Tennis Association (WTA) No. 315 ranked player.
Ito ang ikalawang professional women’s singles tournament ng 15-anyos na si Eala, ang ITF No. 1670 at WTA No. 1190 ranked netter, ngayong taon.
Kamakailan ay nagreyna ang iskolar ng Rafa Tennis Academy sa first leg ng W15 Manacor makaraang hiyain ang 28-anyos na si World No. 409 Yvonne Cavalle-Reimers, 5-7, 6-1, 6-2, sa finals.
Naglalaro bilang isang Junior Reserve sa torneo, haharapin ni Eala si home bet Alba Carrillo Marin sa second round.
Kasalukuyang ITF World No. 56 ang 24-anyos na si Carrillo Marin na sinilat ni Eala, 6-1, 7-6, sa isang torneo noong Nobyembre ng 2020.
Dahil sa panalo kay Bjorklund ay kumpiyansa si Eala na tatalunin din niya si Carrillo Marin papasok sa quarterfinals ng torneo.
3 minors, 4 pa arestado sa droga sa Caloocan
Arestado ang pitong hinihinalang drug personalities, kabilang ang tatlong menor-de-edad na narescue ng mga awtoridad sa Caloocan city.
Ayon kay Caloocan police chief Col. Samuel Mina Jr., dakong 10:50 ng gabi, nagsasagawa ang mga tauhan ng East Grace Park Police Sub-station 2 ng Oplan Galugad sa Raja Soliman St. Brgy. 37 nang isang concerned citizen ang nagreport sa kanila hinggil sa nagaganap na transaksyon ng illegal na droga sa lugar.
Nang respondehan, nakita ng mga pulis ang magkadikit na si Albert Baluyot Lim Jr, 43, tricycle driver at Denver Enriques Alano, 18, na nagtatransaksyon umano ng ilegal na droga subalit, nang mapansin ng dalawa ang mga parak ay mabilis silang nagpulasan.
Hinabol sila ng mga pulis at nang makorner ay nakuhanan ang mga suspek ng tig-isang plastic sachet na naglalaman ng hinihinalang shabu na tinatayang nasa P1,360 ang halaga bawat isa.
Nakuhanan naman ng dalawang plastic sachets na naglalaman ng hinihinalang pinatuyong dahon ng marijuana at drug paraphernalias si Jade Pendon, 18, ALS student, at ang 17-anyos na binatilyo makaraang takbuhan ng mga ito ang mga tauhan ng NPD-DMFB na nagsasagawa ng Oplan Sita sa EDSA-Bagong Barrio, Quarantine Control Point (QCP), Caloocan city habang sakay ng isang motorsiklo dakong 12:45 ng madaling araw.
Nauna rito, alas-10:21 ng gabi nang arestuhin ng pinagsamang mga tauhan ng Sub-Station 5, NPD-DMFB at RDEU-NCRPO na nagsasagawa ng checkpoint sa kahabaan ng EDSA corner F. Aguilar St. Brgy. 139 si Rodel Sebastian, 20, habang sakay ng minamanehong tricycle kasama ang dalawang binatilyong estudyante na kapwa 14-anyos ang edad makaraang tangkain tumakas ng mga ito nang hanapan ng lisensya at quarantine pass.
Nang kapkapan, narekober sa kanila ang dalawang medium plastic sachet na naglalaman ng hinihinalang pinatuyong dahon ng marijuana with fruiting tops na tinatayang nasa P3,770 ang halaga at isang improvised glass tube pipe. (Richard Mesa)
1-year after Kobe Bryant’s death: US transportation board ilalabas ang ‘probable cause’ sa chopper crash
Nakatakdang isapubliko ng National Transportation Safety Board (NTSB) sa Amerika sa kanilang board meeting sa Feb. 9, 2021 ang resulta ng imbestigasyon kaugnay sa pagbagsak ng helicopter ng basketball legend na si Kobe Bryant na kasama ang anak at iba pa.
Kasabay nito, maaari rin daw maglabas ang NTSB ng ilang serye ng safety recommendations kasunod ng naturang malagim na trahedya.
Kung maalala eksaktong isang taon na nang mangyari ang helicopter crash sa gilid ng kabundukan ng Santa Monica Mountains malapit sa Calabasas, California.
Sina Kobe ay papunta sana sa youth basketball tournament nang makasalubong ng piloto ang makapal na hamog hanggang sa bumagsak sila.
Sa ngayon maraming kaso pa ang nakabinbin, pati mga lawsuits na hindi pa rin nareresolba ng korte at ng mga imbestigador.
Ang misis ni Bryant na si Vanessa ay naghain din ng ilang mga kaso maging sa namamahala sa helicopter.