Sinimulan kahapon ng Land Transportation Office (LTO) ang pagpapatupad ng restraining car seats para sa mga batang may edad 12 pababa sa mga pribadong sasakyan sa ilalim ng Republic Act 11229 o ang tinatawag na Child Safety in Motor Vehicles Act.

Sa ilalim ng Child Car Seat Law na nilagdaan ni President Duterte noong February ng nakaraang taon, ang mga batang may edad 12 pababa ay kinakailangan gumamit o maglagay ng restraint systems upang payagan na umupo sa unahan at likuran ng sasakyan at kung sila ay may taas naman na 4’11’’ ay maaari rin silang umupo sa unahan ganon din sa likuran ng walang car seat subalit sila ay kinakailangan ng gumamit ng regular na seat belt.

Ang batas ay nagpapataw ng multang P1,000 para sa unang offense at P2,000 sa ikalawang offense hanggang P5,000 naman para sa ikatlong offense at isang (1) taon na pagsuspendi ng driver’s license depende sa ginawang offense.

Sa ngayon ay wala munang apprehensions sa mga motorista na lalabag sa batas dahil magkakaron muna ng malawakan na information campaign.

“Apprehensions will be deferred as the information campaign regarding the law is still ongoing. We will be on the warning mode,” ayon kay LTO NCR director Clarence Guinto.

Ayon kay Guinto, mapanganib sa mga bata na ilagay sila sa booster seat kung sila ay mataas ang sukat kumpara sa average height ng kanilang edad sapagkat maaaring mauntog sila sa ceiling ng sasakyan.

“Manufactueres, distributers, importers, retailers and sellers of substandard or expired child car seats and any forgery of certification stickers would be fined P50,000 up to P100,000 for every seat sold,” dagday ni Guinto.

Nagsimula ng magsagawa ng training ang mga tauhan ng LTO para sa pagpapatupad ng nasabaing batas na kasama ang mga pribadong motor vehicles.

Sinabi pa rin ni Guinto na magbibigay sila ng administrative order na magbabawal na maglagay ng madilim na car tints na makakasagal sa pagpapatupad ng nasabing batas.

Samantala, hindi naman ayon ang ibang motorista sa paglalagay ng car seats sa sasakyan dahil sinabi nila na kung may 2 0 3 anak sila na bata pa ay tiyak na hindi magkakasya ang lahat ng pasahero sa sasakyan dahil magiging masikip na.

Mula sa datus na binigya ng LTO, mayron ng 12,487 na deaths ang naitala noong 2018 dahil lamang sa road accidents. (LASACMAR)

ITINUTURING ng Malakanyang na Valentine’s gift sa mga mamamayang Filipino ang inaasahang pagdating ng bakuna laban sa Covid -19 sa bansa at pagsisimula na maiturok ito sa mga itinuturing na frontliners.

Kasama sa numero unong prayoridad ang mga nagtratrabaho sa mga pampubliko at pribadong health facilities, ospital, contact tracers ng mga local government units (LGUs), barangay health workers atbp sa mga lugar kung saan maraming kaso ng COVID-19 tulad ng Metro Manila, Metro Cebu at Davao.

Ikalawa naman ay ang mga “indigent” o mahihirap na populasyon na edad 60-anyos pataas (senior citizens). Matapos sila bigyan, third priority ang nalalabing seniors.

“Yes po, iyan ang Valentine’s gift natin sa ating mga sarili. Walang timeline po diyan, sabi nga po nila mga second week of February may darating na. Hindi po natin alam kung ano specifically pero iyan naman po will be air lifted or sent by commercial airline. So kapag iyan po ay lumipad na, magbibigay tayo ng anunsiyo sa ating mga kababayan at lahat naman po ay excited na dumating iyong very first dosage ng ating bakuna; so malalaman at malalaman po natin iyan. Ang sigurado, ito na pong buwan ng Pebrero and Happy Valentines to all,” anito.

Wala namang ideya si Sec. Roque kung ang Pfizer o ang AstraZeneca ang darating sa bansa sa kalagitnaan ng Pebrero na sinasabing tatapat pa ata sa Araw ng mga Puso.

“Ang Pfizer lang naman po ang mahirap i-handle diyan because sub-zero. Ililipad po iyan sa isang refrigerated van din na may sub-zero capacity tapos ilalagay po iyan sa central warehouse, at from the central warehouse, dadalhin na po iyan doon sa mga city health offices at saka mga provincial health offices. Inaasahan po natin na ang Pfizer ay magagamit lang sa Metro Manila, Davao and Cebu dahil sila lang iyong may sub-zero storage. Pero AstraZeneca po, mas malawak ang kaniyang pupuwedeng ma-distribute-an na kasi marami naman po tayong facilities, refrigerated lang iyan. Pero kagaya ng aking sinabi po, pupunta muna sa warehouse and it will take about three to five days bago po natin mabakuna. Pagdating ng bakuna, three to five days bago mabakuna sa mga frontliners.

Inamin nito na hindi niya alam ang specific date ng pagdating ng bakuna dahil ang COVAX Facility aniya na operated ng World Helath Organization (WHO) ang magsasakay sa eroplano ng bakuna.

Kaya, makabubuti aniyang hintayin na lamang ang detalye sa bagay na ito.

“Lilinawin ko po iyong COVAX, hindi talaga tayo Pilipinas ang bumili, iyan po ay ibibigay ng facility na kasapi tayo ng COVAX. So sila po ang nagbibigay sa ating kung kailan talaga darating iyan. Kung tayo po ang nag-order masasagot po natin talaga with a degree of being definite kung kailan darating, pero ito po dahil sa COVAX we will just give you a timeline na siguro po in the middle of February,” anito. (Bishop Jesus “Jemba” M. Basco)