2021 February Archive - People's Balita

Archive for February, 2021

CATRIONA, nai-record na ng ‘Bagani’ na gagamitin sa unveiling ng Metropolitan Theater ng NCAA

Posted on: February 6th, 2021 by @peoplesbalita No Comments

PAGKATAPOS ng kanyang 14-day quarantine, hinarap agad ni Miss Universe 2018 Catriona Gray ang isang recording session.

Post ni Queen Cat on Instagram: “First day out of quarantine went something like.”

Si Jungee Marcelo ang kanyang music producer at and nire-record na awit ni Catriona ay ang song na “Bagani” na composition ni Roel Rostata.

Pinuri ni Marcelo ang husay ni Catriona sa pag-awit: “This girl can saaaang, galing!”

Ayon sa YouTube page ng PhilPop MusicFest Foundation, “Bagani” is a “product of the PhilPop Bootcamp 2019 and is in partnership with the National Quincentennial Committee, the National Historical Commission of the Philippines, and the National Commission for Culture and the Arts.”

Isang reason kung bakit ni-record ni Catriona ang “Bagani” dahil siya ang magli-lead sa unveiling ng newly renovated na Metropolitan Theater this February in celebration of National Arts Month.

Si Queen Cat ang ambassador ng National Commission for Culture and the Arts (NCCA), at ang gagawin nilang event ay may temang “Alab-sining, Alay-sigla.”

Nagpasalamat ang NCAA kay Catriona dahil tinanggap nito ang pagiging ambassador for free.

“We thank her for helping us. Actually we cannot afford her talent fee. It’s just that she genuinely loves the arts and believes in what we’re doing because she’s also an artist. I’m really impressed with her, maka-Pilipino talaga, truthful, mababa ang loob and she loves people. I’ve met a lot of beauty queens pero pambihira si Catriona,” sey ni NCCA chairman Nick Lizaso.

***

NILABAS na ang official nominees ng 78th Golden Globe Awards na naka-schedule ang virtual awarding on February 28 on NBC.

Sina Amy Poehler at Tina Fey ang magiging host ng ceremony sa magkaibang locations. Si Amy sa Los Angeles at si Tina sa New York.

Dahil sa COVID-19 pandemic, ang usual na January date ng Golden Globes ay na-push sa February. Ang annoucement of nominees tuwing December ay nitong February 3 lang naganap. Sina Sarah Jessica Parker at Taraji P Henson ang nag-host ng virtual event.

Ang black & white film na Mank ang most nominated film with six. Nasundan ng The Trial of the Chicago 7 with 5. Sa TV, most nominated comedy series ang Schitt’s Creek with six samantalang and The Crown ang most nominated drama series with six.

Ang streaming service na Netflix ang nakakuha ng pinakamaraming nominations with 42, samantalang ang Amazon at Hulu ay tig-10 nominations ang nakuha.

And for the first time in Golden Globes history, tatlong female directors ang nominated: Emerald Fennell (“Promising Young Woman”), Regina King (“One Night in Miami”) and Chloé Zhao (“Nomadland”)

Narito ang mga nominees:

Best Motion Picture, Drama: The Father, Mank, Nomadland, Promising Young Woman, The Trial of the Chicago 7

Best Motion Picture, Musical or Comedy: Borat Subsequent Moviefilm, Hamilton, Music, Palm Springs, The Prom

Best Director, Motion Picture: Emerald Fennell, “Promising Young Woman”, David Fincher, “Mank”, Regina King, “One Night in Miami”, Aaron Sorkin, “The Trial of the Chicago 7”, Chloé Zhao, “Nomadland”

Best Performance by an Actress in a Motion Picture, Drama: Viola Davis, “Ma Rainey’s Black Bottom”, Andra Day, “The United States vs. Billie Holiday”, Vanessa Kirby, “Pieces of a Woman”, Frances McDormand, “Nomadland”, Carey Mulligan, “Promising Young Woman

Best Performance by an Actress in a Motion Picture, Musical or Comedy: Maria Bakalova, “Borat Subsequent Moviefilm, Kate Hudson, “Music”, Michelle Pfeiffer, “French Exit”, Rosamund Pike, “I Care a Lot”, Anya Taylor-Joy, “Emma”

Best Performance by an Actress in a Supporting Role in any Motion Picture: Glenn Close, “Hillbilly Elegy”, Olivia Colman, “The Father”, Jodie Foster, “The Mauritanian”Amanda Seyfried, “Mank”, Helena Zengel, “News of the World”

Best Performance by an Actor in a Motion Picture, Drama: Riz Ahmed, “Sound of Metal”, Chadwick Boseman, “Ma Rainey’s Black Bottom”, Anthony Hopkins, “The Father”, Gary Oldman, “Mank”, Tahar Rahim, “The Mauritanian”

Best Performance by an Actor in a Motion Picture, Musical or Comedy: Sacha Baron Cohen, “Borat Subsequent Moviefilm”, James Corden, “The Prom”, Lin-Manuel Miranda, “Hamilton”, Dev Patel, “The Personal History of David Copperfield”, Andy Samberg, “Palm Springs”

Best Performance by an Actor in a Supporting Role in any Motion Picture: Sacha Baron Cohen, “The Trial of the Chicago 7”, Daniel Kaluuya, “Judas and the Black Messiah”, Jared Leto, “The Little Things”, Bill Murray, “On the Rocks”, Leslie Odom Jr., “One Night in Miami” (RUEL J. MENDOZA)

Sarno pressure na sundan ang mga yapak ni Diaz

Posted on: February 6th, 2021 by @peoplesbalita No Comments

NAPE-pressure si Vanessa Sarno kapag nauulinigan niyang kaninuman na siya ang susunod na Hidilyn Diaz ng bansa sa larangan ng women’s weightlifting.

Biglang sumikat ang 17anyos na Boholana weightlifter mula sa Tagbilaran City nang magkampeon sa women’s 71-kilogram division ng 2020 International Weightlifting Federation (IWF) Online Youth World Cup na binalangkas ng Peru bago natapos ang nagdang taon.

“’Pag may nagsasabi po na next Hidilyn Diaz daw ako, nape-pressure po ako. Pressure kasi parang ang laki na po ng expectation nila sa akin kasi nga next (2016 Rio de Janeiro Olympics silver winner) Hidilyn daw ako. Nakaka-pressure po talaga,” litanya ni Sarno.

Ang 29-anyos, 4-11 ang taas, tubong Zamboanga City at naghahangad ng ikaapat na sunod niyang Summer Olympic Games sa Tokyo, Japan sa darating na Huly, ang pinakamatagumpay na babaing barbelista sa kasayyan ng buhatan sa ‘Pinas.

Bukod sa RDJ Olympics, nakamedalya na rin siya sa World championships, World Cup, Asian Games, Asian Championships, Southeast Asian Games at iba pang mga paligasahan sa loob at labas ng bansa. (REC)

RESUMPTION O IPAGPAPATULOY LIMITADONG FACE- TO-FACE CLASSES NG UNIVERSITY OF STO TOMAS, TULOY NA

Posted on: February 6th, 2021 by @peoplesbalita No Comments

MATAPOS aprubahan ni Manila Mayor Isko Moreno Domagoso para sa partial resumption ng face to face classes sa University of Santo Tomas ay tiniyak naman ng pamunuan ng unibersidad na masusunod ang itinatakdang panuntunan ng pamahalaan laban sa corona virus disease o covid 19.

Ito ang pahayag ng pamunuan ng UST na lumabas sa official student newspaper na The Varsitarian kung saan sinisigurong masusunod ang itinatakdang protocol ng Inter Agency Task Force on the Management of Emerging Infectious Disease at ng Commission on Higher Education o CHED .

Sa ilalim ng partial resumption of classes, kabilang sa magsasagawa ng face-to-face classes ay ang internship, clerkship, practicum sa mga sumusunod na kurso: medicine, medical technology, physical therapy at nursing.

Sa naturang publication, ipinunto ng UST na higit na maihahanda ang mga estudyante

lalo ang mga doktor at health professional na makapagbibigay ng mahusay na serbisyo sa kanilang mga pasyente sa hinaharap at makapagliligtas ng maraming buhay.

Nakasaad rin sa naturang post na magpapalabas na ng tamang guidelines ang UST sa stakeholders sa sandaling maaprubahan na ito ng IATF at CHED. (GENE ADSUARA)

Bulacan, pinasinayaan ang unang PESO Building sa Central Luzon

Posted on: February 6th, 2021 by @peoplesbalita No Comments

Pinasinayaan ng Pamahalaang Panlalawigan ng Bulacan sa pamumuno nina Gobernador Daniel R. Fernando at Bise Gobernador Wilhelmino M. Sy-Alvarado ang unang stand-alone PESO Building sa Central Luzon kasabay ang paggunita sa ika-94 Anibersaryo ng Kapanganakan ni Gat Blas F. Ople na ginanap sa harap ng Provincial Livelihood Center (Gat Blas Ople Building), Antonio S. Bautista, Provincial Capitol Compound dito kaninang umaga.

May temang “Gat Blas F. Ople: Huwaran ng Kabataan, Ama ng Kabuhayan at Kaalaman”, binuhay ng mga Bulakenyo ang dakilang buhay ng ‘Ama ng Overseas Employment’ sa isinagawang unang bahagi ng programa.

Inalala rin ni Fernando ang mga ginawa ni ‘Ka Blas’ sa kanyang panahon at kung paano niya inialay ang kanyang buhay sa serbisyo.

“Binago niya po ang kahulugan ng pagiging pulitiko at lingkod bayan. Siya ay hindi kailan man naging gahaman sa kapangyarihan at siya ang naglingkod ng tahimik at buong kababaang loob hanggang sa huling sandali ng kanyang buhay,” anang gobernador.

Sinundan ito ng seremonya ng opisyal na pagpuputol ng laso ng tatlong palapag na PESO building na may training rooms at lecture at conference rooms na nagkakahalagang P20 milyon na magbibigay ng iba’t ibang kasanayan, kabuhayan at trabaho sa mga Bulakenyo.

Sa kanyang mensahe bilang panauhing pandangal, pinuri ni Department of Labor and Employment Sec. Silvestre H. Bello III ang PESO Bulacan para sa kanilang pagnanais na palawigin ang kanilang serbisyo at hinamon sila na magkaroon pa ng mas mahusay na oportunidad para sa mga Bulakenyo.

“Labis kong ikinagagalak na hanggang sa kasalukuyang panahon ay hindi pa rin natitinag ang inyong kagustuhan na palawigin ang kalidad ng inyong pagsisilbi sa publiko. I challenge the Provincial PESO to push forward with the full institutionalization of the demeaning LGU-based public employment service offices in your province as we ascend in the new and better normal and journey towards bridging quality employment opportunities for all,” ani Bello.

Sinabi rin ng gobernador na mahalaga ang araw na ito para sa pagkakamit ng bagong tagumpay para sa lalawigan.

“Isa rin itong mahalagang araw para sa pagpapasinaya ng ating bagong PESO Building dito sa ating lalawigan. Makahulugan po ang araw na ito dahil ito ay katuparan ng isa sa mga hangarin ng ating Pamahalaang Panlalawigan tungo sa pagpapaunlad ng kabuhayan ng mga Bulakenyo,” ani Fernando.

Si Ople ay isang kampeon ng International Labor, tagabuo ng 1987 Konstitusyon ng Pilipinas, pangulo ng senado mula 1999 hanggang 2000 at kalihim ng Ugnayang Panlabas mula 2002 hanggang sa kanyang pagkamatay. (Bishop Jesus “Jemba” M. Basco)

Ads February 6, 2021

Posted on: February 6th, 2021 by @peoplesbalita No Comments

Covid-19 vaccine ng Astrazeneca, hindi pa maaring tanggapin at ipamahagi ng covax facility

Posted on: February 6th, 2021 by @peoplesbalita No Comments

IPINALIWANAG Health Usec. Maria Rosario Vergeirre kung bakit kailangan pa ring hintayin ng Astrazeneca ang Emergency USe LIst O eul na mula sa world health organization (WHO) bago ito ng COVAX facility.

Sa Laging Handa Briefing, sinabi ni Vergeirre na isa sa mga ginagawang basehan o kondisyon ng covax facility para kanilang tanggapin ang AstraZeneca at gawin itong isa sa mga bakunang ipapamahagi nila sa iba’t ibang bansa ay dapat na may maipakita silang EUL mula sa WHO.

Ani Vergeirre, internationally accepted kasi aniya sa buong mundo ang emergency Use list na puwedeng gamitin kahit saan mang bansa.

Isa ani Vergeire ang eul sa mga niri-require o hinihingi ng WHO sa mga manufacturers bago sila pahintulutang maipamigay ang bakuna sa iba’t ibang bansa.

Nilinaw din ni Vergeirre na iba naman ang Emergency use authorization EUA sa EUL dahil ang EUA ani Vergeirre ay nirerequire ng bawat bansa bago tanggapin ang anumang bakuna.

Dagdag pa nito, gaya aniya sa Pilipinas, kapag ang isang Pharmaceutical company ay nakakuha na ng EUL mula sa WHO, nangangahulugan lamang ito na mas mapapadali na rin para sa Philippine government ang mag-isyu ng Eua sa mga vaccine maker. (Daris Jose)

Putol kuryente itigil muna – Duterte

Posted on: February 6th, 2021 by @peoplesbalita No Comments

Pinalawig ni Pangulong Rodrigo Duterte ang kautusan na nagbabawal sa pagputol ng kuryente ng mga “lifeliners” o low-income households.

Ayon kay Cabinet Secretary Karlo Nograles, iiral ang “no disconnection” policy hanggang ngayong buwan ng Pebrero.

Ang mga “lifeliners” ay ang mga kabahayan na hindi lumalampas sa 200 kilowatt hour ang konsumo kada buwan.

Ang pagpapalawig ng “no disconnection” policy ay inirekomenda ng Energy Department.

“Ang instruction ni Pangulo, sa panahong may kinakaharap na pandemiya, walang puputulan (ng kuryente) na lifeliner,” pahayag ni Nograles.

Sinabi pa ni Nograles na makakahinga na ng maluwag ang mga kabahayan na nangangambang mapuputulan ng kuryente ngayong buwan.

Ipinaliwanag naman ni Undersecretary Felix William “Wimpy” Fuentebella ng DOE na hanggang Disyembre lang dapat ang pagbabawal sa pagputol ng kuryente ng mga hindi makabayad na “lifeliners” pero pinalawig ito ng dalawang buwan na kinabibilangan ng Enero at Pebrero.

Kung hindi makakabayad matapos ang Pebrero, hindi aniya nangangahulugan na mapuputulan na agad ng kuryente dahil mag-uusap muna ang consumer at distribution facilites para magkasundo tungkol sa posibleng installment na bayaran.

Kapag hindi aniya tumupad sa usapan ang consumer ay saka papadalhan ng disconnection notice. (GENE ADSUARA)

Panukalang Mandatory Immunization Program, pasado sa ikalawang pagbasa

Posted on: February 5th, 2021 by @peoplesbalita No Comments

Inaprubahan sa ikalawang pagbasa ng Mababang Kapulungan ng Kongreso ang House Bill 8558 o ang “Mandatory Immunization Program Act,” na pangunahing iniakda nina Deputy Speaker Strike Revilla at Committee on Health Chairperson Rep. Angelina Tan.

Layon ng panukala na ipawalang bisa ang Republic Act 10152 o ang “Mandatory Infants and Children Health Immunization Act of 2011.

Sa ilalim ng panukala, ang sapilitang pagbabakuna ay isasama na ang mga bakuna na pipigil sa mga sakit para sa: 1) Tuberculosis, 2) Diphteria, 2) Tetanus and Pertussis, 3) Poliomyelitis, 4) Measles, 5) Mumps, 6) Rubella or German Measles, 7) Hepatitis-B, 8) H. Influenza Type B, (HIB), 9) Rotavirus, 10) Japanese Encephalitis, 11) Pneumococcal Conjugate Vaccine (PCV), 12) Human Papilloma Virus, 13) Booster for Measles, Rubella, Tetanus, Dipthteria, (MRTD) at iba pa base sa Kalihim ng Kalusugan.

Nakasaad din sa panukala na imamandato sa Philippine Health Insurance Corporation (PhilHealth) na isama ang mandatory immunization services sa kanilang benefit package, subalit sasailalim sa pagsusuri na naaayon sa Republic Act 11223 o “Universal Health Care Act.”

Samantala, inaprubahan din ng kamara sa huling pagbasa ang House Bill 8243, na naglalayong isulong at protektahan ang karapatan sa pantay-pantay at walang diskriminasyon batay sa lahi, ninuno at relihiyon.

Ang panukala ay pangunahing iniakda ni Magdalo Party-list Rep. Manuel Cabochan III, at ipinaliwanang na ang kahulugan ng diskriminasyon ay “anumang pagtatangi, pagbubukod, restriksyon o pagtatangi na ginawa batay sa kulay ng lahi, ninuno, pinanggalingan ng lahi, relihiyon o pagkakaugnay sa relihiyon o paniniwalang banal na may epekto o layunin na ipagkait ang pagkilala, pagtamasa o pagganap ng pantay na mga karapatang pantao at pangunahing kalayaan sa politika, ekonomiya, lipunan, kultura, pagiging mamamayan o anumang antas ng buhay publiko ng isang tao.”

Kapag ang panukala ay naisabatas, ang sinumang mapapatunayang lumabag sa mga probisyon nito ay mapaparusahan ng pagkabilanggo mula 30 araw hanggang 6 na buwan o magmumulta mula P10,000 hanggang P100,000, o pareho, depende sa hatol ng hukuman.

Samantala, sa kanyang paliwanag sa HB 55, isa sa mga batas na na-substitute ng HB 8243, sinabi ni Cabochan na ang mga “asal at mga kagagawan ng diskriminasyon laban sa isang tao ay hindi naiwawasto ng lehislasyon lamang, kahit pa maparusahan ang isang lumabag. Subalit ang kaparusahang ipinataw at ibinahagi ng Kongreso, ay bahagi ng kabuuang pagtugon upang masugpo ang diskriminasyon.”

Ang ilan pang mga panukala na pasado na sa huling pagbasa ay ang HB 6876, na nagmamandato ng pagtatatag ng fisherfolk resettlement areas; HB 8261, o ang “PNP, BFP, BJMP and BuCor Height Equality Act”; HB 8268, na nagtataas ng parusa sa kasong perjury; at HB 8385 o ang “Integrated Urban Agriculture Act of 2020.” (ARA ROMERO)

BEA, halatang-halata naman na si DOMINIC ang karelasyon kahit ‘di umamin

Posted on: February 5th, 2021 by @peoplesbalita No Comments

KAHIT na hindi umamin nina Bea Alonzo at Dominic Roque, halatang-halata naman na si Dominic talaga ang karelasyon ni Bea.

At palagay namin, may isang taon o mahigit na rin sila. Simula pa ito nang mapansin din naming sa kanilang mga social media post.

Matagal nang nali-link ang dalawa. Ilang sightings na rin sa kanila. Meron pa ngang event sa pamilya ni Dominic na hinihinala ng fan na kasama talaga sa picture si Bea, pero nang i-post ng side ni Dominic, hindi isinama si Bea.

Maingat na rin silang dalawa na siguro maging pribado lang kung ano man ang meron sa relasyon nila. Yun nga lang, nagpo-post si Bea na siya lang. Nagpu-post din si Dominic na siya lang.

Kaso, katulad ngayon na obvious naman na pareho silang nasa Amanpulo, mereseng solo lagi ang mga posting nila, halata naman sa background at location, pati na sa time element na nasa isang lugar silang dalawa.

Kung magiging open man sina Bea at Dominic, wala namang masama dahil pareho naman silang single. Hindi rin naman siguro nila kailangang i-please yung mga ilang hindi pabor. Mababasa rin kasi sa mga comments na parang minamaliit si Dominic kumpara kay Bea.

Nandiyang may mga comments pa nga na kesyo si Bea raw siguro ang nagbayad ng trip nila. Meron pang nagsabi na ang liit ni Dominic for Bea physically na hindi raw bagay ang dalawa at kung ano-ano pa.

Pero, may mga nagtatanggol din kay Dominic at sinasabing hindi man daw ito kasing-yaman at sikat ni Bea, ilang beses na raw itong nakapag-Europe at racer rin. Puwedeng outside showbiz, mas don daw siguro ang source of income ng actor.

***

UNA at huli raw ng Kapuso artist na si Lindsay de Vera na magsasalita.

Siya ang naiintrigang buntis.

Nangyari ito sa ‘Chika Minute’ sa interview ni Lhar Santiago at buong ningning niyang itinanggi na siya ay nagdadalang-tao at ang iniintriga ngang ama ay kesyo ang Kapuso Primetime King na si Dingdong Dantes.

Pinaliwanag pa nito ang timeline na nagkasama sila ni Dingdong which was Alyas Robinhood and after that, gumawa pa raw siya ng ibang soap. Sana raw, kung nabuntis siya, noon at nakita talaga ng mga tao.

Tahasan niyang sinabi na walang ano mang namamagitan o namagitan sa sa kanila ni Dingdong na ang tawag niya ay Kuya Dong. Ipinaliwanag din nito na ang dahilan ng absence niya sa showbiz ay pinili raw niyang i-prioritize muna ang pag-aaral niya.

Matapang din nitong sinabi na nakikipag-usap na siya sa lawyer niya at plano niyang dalhin sa korte ang nagkakalat daw ng isyu na buntis siya.

Yun nga lang, marami pa rin talaga ang hindi nakakakilala rito at sa halip na tungkol sa isyu, sangkaterbang “Da Who” ang comment na nababasa namin bukod pa sa mas naging kapansin-pansin sa mga netizens ang pagsusuot nito ng mask sa maling paraan. (ROSE GARCIA)

Eala 248 ang iniangat sa world rankings ng WTA

Posted on: February 5th, 2021 by @peoplesbalita No Comments

SUMAMPA ng may 248 baitang ang January world rankings sa Women’s Tennis Association (WTA) ni Alexandra ‘Alex’ Eala kung saan swak na sa top 1,000 professional players.

Nasa 942nd na sa ang 15 taong-gulang na Pinay tennis sensation, Globe Ambassadres, Rafael Nadal Academy scholar sa listahang lumabas nitong Lunes.

Kakakampeon lang ng tubong Quezon City sa first leg ng International Tennis Federation (ITF) World Tour W15 Manacor tournament para sa una niyang pro career title, habang umabot sa quarterfinals ang ITF world junior girls No. 3.

“It’s a long journey ahead and I will need to keep on working hard!” sa Facebook page ng tinedyer nitong Martes na papalo sa third leg ng ITF W15 Manacor tournament simula sa Miyerkoles sa Spain pa rin. (REC)