2021 February Archive - People's Balita

Archive for February, 2021

2 arestado sa shabu sa Valenzuela at Navotas

Posted on: February 6th, 2021 by @peoplesbalita No Comments

Dalawang hinihinalang drug personalities kabilang ang isang rider ang arestado ng mga pulis sa magkahiwalay na lugar sa Valenzuela at Navotas city.

Sa report ni Station Drug Enforcement Unit (SDEU) investigator PSSg Carlos Erasquin Jr. kay Valenzuela police chief Col. Fernando Ortega, dakong 12 ng hating gabi, nagsasagawa ng Oplan Sita ang mga tauhan ng Police Sub-Staion 3 sa pamumuno ni P/Major Joebie Astucia sa kahabaan ng Magsaysay St. Brgy. Marulas nang parahin ni PSSg Salvador Estaris Jr. si Glenn Santos, 28, ng 55 Reyes Compd, Marulas na sakay ng isang itim na Mio motorcycle na may plakang 8926XV.

Gayunman, tumanggi umanong makipagtulungan at pumalag pa ang suspek kaya’t inaresto siya ni PSSg Estaris at nang kapkapan ni PCpl Reynold Panao ay nakuha sa kanya ang isang coin purse na naglalaman ng apat na plastic sachets ng hinihinanalang shabu na tinatayang nasa P3,400 ang halaga.

Bukod dito, natuklasan din ng mga pulis na walang driver lincense ang suspek habang nagmamaneho ng motorsiklo.

Samantala, ayon naman kay PSMS Nemesio “Bong” Garo, dakong 1:30 ng hapon nang respondehan ng mga tauhan ni Maritime Police Station (MARPSTA) head P/Major Rommel Sobrido sa pangunguna ni PLT Erwin Garcia ang natanggap na report hinggil sa umano’y riot sa Palengke St. Market 3, Brgy. NBBN, Navotas.

Pagdating sa lugar, nagtakbuhan ang mga tao subalit, bumangga sa patrol mobile ng mga pulis si Florence Reyes, 30, stevedore at nahulog mula sa kanyang kanang kamay ang isang plastic sachet ng hihinalang shabu dahilan upang arestuhin ito. (Richard Mesa)

COVID-19 death toll sa Phl, halos 11K na: DOH

Posted on: February 6th, 2021 by @peoplesbalita No Comments

Nakapagtala ngayon ang Department of Health (DOH) ng panibagong 1,590 mula sa nakalipas na taon.

Sa ngayon, mayroong 6.2% o katumbas na 32,775 ang aktibong kaso sa Pilipinas, nasa 91.8% (487,927) na ang gumaling, at 2.07% (10,977) ang namatay.

Mayroon kasing panibagong naitalang 249 na gumaling at 55 naman ang mga bagong namatay mula sa deadly virus.

Matapos ang final validation ay tinanggal ng DOH ang siyam na duplicates mula sa kabuuang bilang, kasama na ang dalawang recoveries.

Umabot naman sa siyam na kaso na dati ay naiulat na nakarekober ang mapag-alamang namatay matapos ang final validation.

Mayroon namang dalawang mga laboratoryo ang nabigong makapagsumite ng data sa COVID-19 Data Repository System (CDRS).

NASYUNAL AT LOKAL MAGTULUNGAN SA PAGBIBIGAY NG HANAPBUHAY

Posted on: February 6th, 2021 by @peoplesbalita No Comments

DAPAT magtulungan ang national at local government units upang mapalakas ang pagbibigay ng hanapbuhay at mabigyan ng kaalaman ang mga manggagagawa.

Sinabi ito ni Labor Secretary Silvestre Bello III nang pangunahan nito ang pagpapasinaya ng Bulacan Public Employment Service Office (PESO) building sa Malolos, Bulacan.

Pinasalamatan naman ng kalihim si Bulacan Governor Daniel Fernando sa pagtitiyak na ang programa at serbisyo ng DOLE ay makakapagbigay ng trabaho sa mga jobseeker sa pamamagitan ng PESO.

Kasabay nito,. hinamon din ng kalihim ang Bulacan Provincial PESO na isulong ang buong institusyonalisasyon ng natitirang 17 LGU-based PESO sa kanilang lalawigan. (GENE ADSUARA)

Pagkakaisa at sigla pa rin ng sports asam ni Milby

Posted on: February 6th, 2021 by @peoplesbalita No Comments

DINADALANGIN ni Philippine Rugby Football Union (PRFU) secretary general at national rugby team member Ada Milby ang pagkakaisa at masiglang PH sports sa kabila na may pandemya pa rin.

Siya ang unang babaeng naging kasalukuyang kasapi ng World Rugby Council WRC) kahit hindi pinalad na manalo bilang second vice president ng Philippine Olympic Committee (POC) sa eleksiyon bago natapos ang 2020

“For me I think which team you’re on or which side you’re on, we’re all here for sports. We’re all here for PH sports,” bulalas ng 37 taong-gulang at staff sergeant sa United States Army.

Nagpahatid din siya nang pagbati sa dumaig sa halalang si Richard Gomez na nagwagi sa nasabing posisyon at nagpaabot rin ng suporta kay reelected president Abraham Tolentino at chairman Stephen Hontiveros sa POC.

Hinirit pa ni Milby na may kapatid ng actor, “It’s not really about the outcome of the elections but what’s really important is that all of us in PH sports unite, get together and we bond together because we’re all in the same side of sports. We might be on different side of different issues or topics but we’re all here to help develop and promote sports and the spirit of Olympism.”

Ibinunyag din niya na malamang na hindi isama ng host Vietnam ang sport niya sa 31st Southeast Asian Games 2021 sa Hanoi sa darating na Nobyembre 21-Disyembre 2.

Pero susubukan pa ng ‘Pinas at ilang kaalyadong bansa na hikayatin ang Vietnamese na maihabol ang rugby sa 11-bansa, tuwing ikalawang taong paligsahan, pero kung sakaling mabigo aniya sila’y susubukang magdaos ng Southeast Asian Rugby Championship sakaling may bakuna na sa COVID-19.

Saludo ang Opensa Depensa sa inyong pagiging sport Ms. Ada. (REC)

Mary; Luke 1:49

Posted on: February 6th, 2021 by @peoplesbalita No Comments

He who is mighty has done great things for me.

Slaughter magbababalik na sa Barangay Ginebra San Miguel

Posted on: February 6th, 2021 by @peoplesbalita No Comments

MAGBABALIK na sa Barangay Ginebra San Miguel para sa 46th Philippine Basketball Association (PBA) 2021 Philippine Cup na magbubukas sa darating na Abril 9 ang kontrobersiyal na si Gregory William ‘Greg’ Slaughter.

Kinumpirma ni Earl Timothy Cone ang bagong kaganapan sa Gin Kings sa pamamagitan ng Twitter nitong Miyerkoles ng gabi.

“No answers yet, except that Greg is signed,” tugong ng coach ng alak sa pag-uusisa ng isang netizen sa social media.

Sumagwa ang relasyon ng BGSM at ‘Gregzilla’ nang magpasyang basta na lang magtungo sa Estados Unidos para maglimayon ang una pagkawakas ng lumang kasunduan sa San Miguel Corporation franchise noong Enero 2020.

Idinahilan niyang hindi siya kinausap ni SMC Sports Director, Ginebra Governor at Team Manager Alfrancis Chua para sa sa ekstensiyon ng kasunduan pagkakampeon noon ng koonan sa Governors’ Cup.

Pero sinopla siya ng opisyal at giniit na responsibilidad ng 32-year-old, seven-foot cager na ipaalam sa kanya ang kalagayan ng player, kagaya sa pagkapaso ng dati niyang kasunduan sa koponan. (REC)

RICKY GUMERA, umani ng papuri kaya sulit kahit may ‘frontal nudity’

Posted on: February 6th, 2021 by @peoplesbalita No Comments

HAPPY si Ricky Gumera, isa sa mga lead stars ng Anak ng Macho Dancer, sa magandang feedback ng netizens sa kanilang pelikula na nagkaroon ng digital screening last January 30.

Pero ikinalungkot din niya na na biktima ng piracy ang Godfather Productions dahil maraming nag-download ng copy ng Anak ng Macho Dancer at ibinenta ito online.

“Hindi naman po tama na i-pirate nila ang pelikula na hindi naman sa kanila. Piracy is a crime kaya sana ay ihinto na nila ang pag-pirate sa pelikula namin,” sabi ng baguhang sexy actor na umani ng papuri sa kanyang performance sa Joel Lamangan film.

Kwento ni Ricky, hindi raw siya ang dapat na lalabas sa role na eventually ay sa kanya napunta. Kaya lang nag-backout ang newbie na unang napili sa role upon learning na may frontal nudity.

Nabasa daw niya ang script at nagulat siya na mas magandang role pala ang naibigay sa kanya. Yun nga lang, may frontal nudity na kailangan.

Hindi naman nagdalawang-isip si Ricky dahil nagandahan siya sa script at sa kanyang role. Plus factor din na ang premyadong si Direk Joel is the one calling the shots. Kaya wala na siyang kiyeme at tinanggap ang role kahit na may frontal nudity.

Very thankful ang baguhang actor sa papuring kanyang natanggap. Mahusay raw ang acting niya at umaarte ang kanyang mga mata.

Nagulat nga si Ricky sa positive feedback sa kanyang performance pero alam naman daw niya na marami pa siyang dapat na matutunan pagdating sa acting.

Kaya naman promise ng binate na gusto pa niyang mag-acting workshop in preparation sa kanyang first solo starrer na Anak ni Totoy Mola.

Napanood daw niya ang Totoy Mola at humanga siya sa acting ni Jay Manalo. Kaya gusto niyang paghandaan ang kanilang pagsasama sa naturang pelikula.

***

ARTISTA na rin si Angelina Cruz, ang anak nina Sunshine Cruz at Cesar Montano.

“I am super grateful to be given this project,” wika ni Angelica na part of the cast of the new CIGNAL TV and TV 5 sitcom na John en Ellen.

“I am excited to work sa sitcom and be with Tito John (Estrada) and Tita Ellen (Adarna) na napapanood ko lang dati pero now kaeksena ko na sila.”

Aminado si Angelica na may nerbyos siyang nung first time niya mag-taping. Hindi pa kasi siya comfortable sa kanyang Tagalog.

“But I am working on it. Nagpapaturo ako sa Mom ko to speak Tagalog better,” sabi pa ng dalaga.

Since her parents are both actors, hindi naman dapat masurpresa kung maging interesado rin siyang mag-artista. Actually, Angelica started out as a singer. Unang sabak niya sa acting ang John en Ellen. (RICKY CALDERON)

RIA, muli na namang napasabak sa pagbabalik-‘MMK’ kasama si JAKE, aabangan din sa series na ‘Viral’

Posted on: February 6th, 2021 by @peoplesbalita No Comments

MULI na namang napasabak sa pag-arte si Ria Atayde sa kanyang pagbabalik sa Maalaala Mo Kaya (MMK) after more than two years.

Makakatambal niya si Jake Cuenca at makakasama nila si Malou de Guzman sa natatangi nitong pagganap sa episode ngayong gabi na may titulong “Monster In Law.”

Si Jake ang gaganap na anak ng beteranang aktres at Ria naman ang manugang niya.

Magiging matamis pa nga ba ang maasim na samahan ng mag-biyenan?

Tikman ang sarap ng pagmamahal ngayong Sabado ng FEB-IBIG.

Napapanood ang MMK tuwing 9:00 p.m. sa Kapamilya Channel (cable), Kapamilya Online Live (free live-streaming), iWant TFC (on-demand streaming), at A2Z Channel 11 (free and digital TV in Mega Manila).

Isa lang ito sa apat kuwento na matutunghayan sa MMK sa buwan ng FEB-IBIG. Kasunod ng episode nina Ria at Jake ang “Love and Adulting” nina Charlie Dizon at Jameson Blake (Pebrero 13), “Love Scam” nina Dimples Romana at Ketchup Eusebio (Pebrero 20), at “Millennial Queer Women” nina Nathalie Hart at Jane Oineza (Pebrero 27).

Unang sumabak ni Ria sa MMK noong May 28, 2016 sa episode na ‘Puno ng Mangga’ kasama sina Matt Evans at Joseph Marco, na kung saan nanalo siya ng Best New TV Personality sa Star Awards for TV. Sa MMK episode na ‘Damit’ noong July 22, 2017, gumanap naman si Ria bilang Hershey Hilado na kung saan napalaban siya sa matinding dramahan.

Kasama rin siya cast ng ‘Portrait’ noong April 14, 2018 na pinagtambalan nina Ian Veneracion at Angel Aquino.

Bago matapos ang taon, nangyari na nga ang kauna-unahang pagsasama ng real life siblings na sina Ria at Arjo Atayde, sa episode na ‘Korona’ na pinalabas noong December 8, 2018. Ginampanan nila ang Sibuyan siblings na sina Armin at Rosedel na kung saan pareho silang pinuri.

Anyway, pagkatapos ng kani-kanilang episode sa MMK, magkakasama pala sina Jake Cuenca, Ria, Charlie, Jameson at Dimples sa Kapamilya series na Viral na malapit na ring mapanood sa Kapamilya channels at A2Z Channel 11.

Ka-join din sa cast sina Markus Paterson, Karina Bautista, Aljon Mendoza, Kaila Estrada, Vance Larena at marami pang iba. (ROHN ROMULO)

Valdez, Gumabao, Daquis nagsilbing coach kay Alex G.

Posted on: February 6th, 2021 by @peoplesbalita No Comments

UMAKTONG indoor volleyball coaches sina stars Alyssa Valdez at Michele Therese Gumabao ng Premier Volleyball at Rachel Anne Daquis ng Philippine SuperLiga.

Kaugnay ito sa latest vlog ni celebrity vlogger at host Alex Gonzaga na pinaskil niya sa social media

May 15-minute video na tinituluhang “Playing Volleyball by Alex Gonzaga” na masisilayan sa YouTube. Makikita ang tatlong beteranang balibolista at celebrity sa ilang sport moves bago bumanat ng aktuwal na laro.

Lumampas na sa 2,100,000 ang views sa ngayon ng vlog na kinaaliwan naman ng mga sport fan.

Magbabalik sa aksyon sa buwang ito ang semi-professional PSL sa pamamagitan ng Beach Volleyball sa Challenge Cup sa Subic, Zambales.

Nasa radar naman ng PVL na isa ng pro, na mag-training camp bubble mula sa Abril sa Calamba, Laguna bago mag-Calambubble tournament sa Mayo.

Magkatropa sa Choco Muchong FlyingTitans sina Valdez at beauty queen Gumabao, samantalang sa Cignal HD Spikers humahambalos si Daquis. (REC)

Maraño may kondisyon sa pagpagupit ng buhok

Posted on: February 6th, 2021 by @peoplesbalita No Comments

SABAY tayo!

Ito ang ni Philippine SuperLiga (PSL) star Abigail ‘Aby’ Marano ng F2 Logistics Cargo Movers sa nobyong si Philippine Basketball Association (PBA) Robert Lee Bolick Jr. ng NorthPort Batang Pier.

Kaugnay ito sa kontrahan nila sa pagpapaputol ng buhok ng 28-anyos, 5-9 ang taas at Ilongga middle hitter.

Giniit ng dalaga na babalik lang siya sa dating shorty hairstyle kapag nagpaahit din ng bigote’t balbas ang 27- taong-gulang at may taas na 6-1 na combo guard.

“Sinasadya kong asarin si Roberta (Robert Bolick),” iritableng pag-amin ni Marano sa Volleyball nitong isang araw. “Prefer niya mas maiksi ang buhok kasi naiirita siya kapag natutulog. Paahit muna siya bago ko magpaputol.” (REC)