2021 February Archive - People's Balita

Archive for February, 2021

Bakuna sa COVID-19 na galing US at Europa, nakakuha ng pinakamataas na confidence rate

Posted on: February 8th, 2021 by @peoplesbalita No Comments

TINATAYANG 75% ang nagsasabing kumpiyansa sila sa bakunang manggagaling sa United States at Europa.

Ito ang naging pahayag ni dating DOH secretary at health expert na si Dra. Esperanza Cabral batay na rin sa survey na isinagawa ng UST COVAX Research Group.

Batay sa inilahad ni Esperanza na survey, lumalabas na wala pa sa 40% ang tiwala naman para sa vaccine sa COVID na magmumula sa Russia.

Ito ani Cabral ay pumapatak lamang sa 38.6 percent.

Malinaw naman na nasa huling posisyon ang China sa usapin ng tiwala sa bakunang manggagaling dito na hindi pa umabot ng 20% gayung itoy nasa 17.7 percent lamang.

“Kung ang pag-uusapan naman ay ang kumpiyansa nila sa bakuna, ay mayroong epekto ang pinanggalingan ng bakuna. Dito sa survey ng UST COVAX Research Group ay makikita na pinakamalaki ang kumpiyansa sa mga bakuna na galing sa Amerika at sa Europa. 75% mahigit ay nagsasabi na mayroon silang kumpiyansa kung ang bakuna ay manggagaling sa United States at sa Europa. Wala pang 40% ang may kumpiyansa kung manggagaling sa Russia ang bakuna at wala pang 20% ang may kumpiyansa sa bakuna na galing sa China. So, ito ang mga problema na sinusuong natin. Napakaganda,” ayon kay Cabral. (Daris Jose)

San Miguel Beer liyamado sa 46th PBA Philippine Cup 2021 – Cone

Posted on: February 8th, 2021 by @peoplesbalita No Comments

SINIWALAT kamakalawa ni Earl Timothy ‘Tim’ Cone na tuloy na ang pagbabalik-laro para sa Barangay Ginebra San Miguel ni Gregory William ‘Greg’ Slaughter sa 46th Philippine Basketball Association (PBA) 2021 Philippine Cup.

Gayunman, hinirit ng BGSM coach, na ang San Miguel Beer ang patok sa pagbabalik mula sa injuries nina six-time MVP June Mar Fajardo (kanang hita) at Terrence Romeo (kanang balikat) sa all-Pinoy conference sa darating na Abril 9.

Ayon sa kanya, lalo’ng pumuwersa pagkuha ng Beermen kay Christian Jaymar ‘CJ’ Perez mula sa Terrafirma sa six-player trade sa Dyip na naglagay ng dalawang bata sa nagkakaedad na core ni coach Leovino ‘Leo’ Austria.

“With San Miguel’s aging core – although that core is still incredibly strong – there was an obvious need to acquire youth. Now with Perez and Romeo, they have two guards that can help finish June Mar’s prolific career,” biulalas 63-year-old, two-time grand slam bench strategist.

Pinangwakas niyang samibit: “They will pose great challenges now and down the road. They continue to be the team to beat.”

Nasisiyahan rin ang tubong Oregon sapaglagda ng bagong kontrata ng nagbalik mula sa bakasyon noong isang taon na si Slaughter sa brigading alak. Napalakas rin aniya ang team sa pangkalahatan, lalo na sa gitna para sa pagtatanggol sa koronang nakamit noong Disyembre.

Nalagot ang anim na pananalasa ng Beermen sa import-less conference dahil nang sipain sa quarterfinals ng Meralco. (REC)

Mga atleta masasama sa unang matuturukan kung may sobra

Posted on: February 8th, 2021 by @peoplesbalita No Comments

BINUNYAG ni vaccine czar Carlito Galvez Jr., na mababakunahan ang 31st Southeast Asian Games-bound national athletes kung may mga sosobrang iniksiyon lang laban sa COVID-19 kapag dumating ang unang batch sa 2021 first quarter.

Sang-ayon sa opisyal nitong Huwebes, mauunang tuturukan ang mga frontline health worker, mga senior citizen at may mga sakit base sa napagkaisahan ng Inter-Agency Task Force (IATF) on Emerging Infectious Disease (EID).

“May ample time for them (national athletes) to have the vaccination. Titingnan po namin sa IATF, just in case we have excess sa vaccines puwede po nating pagbigyan,” hirit pa Galvez.

Ginawa niya ang pahayag bilang tugon sa kahilingan nina Philippine Sports Commission (PSC) Chairman William Ramirez at Philippine Olympic Committee (POC) president Abraham Tolentino, na maisama sa mga unahing bakunahan ang mga pambansang manlalaro.

Nakatakdang magdepensa ng pangkalahatang kampeonato ang ‘Pinas sa 31st SEA Games 2021 sa Hanoi, Vietnam sa parating na Nobyembre 21-Disyembre

P904 milyon kemikal at gamit sa paggawa ng shabu winasak sa Valenzuela

Posted on: February 8th, 2021 by @peoplesbalita No Comments

Tinatayang nasa P904 milyong halaga ng kemikal at sangkap sa paggawa ng shabu ang winasak ng mga tauhan Philippine Drug Enforcement Agency (PDEA) sa Barangay Punturin, Valenzuela city.

Pinangunahan Valenzuela Mayor Rex Gatchalin at PDEA Director General Wilkins Villanueva ang pagwasak ng laboratory equipment, controlled precursors and essential chemicals (CPECs) na gamit sa paggawa sa iligal na droga.

Ayon kay Villanueva, ito ang pinakamalaking halaga ng CPECs at laboratory apparatuses na winasak ng PDEA sa kasaysayan ng bansa.

Nangako naman si Mayor Rex na magiging matatag ang pagtutulungan ng Valenzuela City at PDEA para sa patuloy na mga inobasyon ng ahensya sa drug law enforcement, kung saan ang lokal na pamahalaan ang katuwang sa pagpapatupad ng laban sa droga sa mga barangay at lokal na industriya. (Richard Mesa)

Debut ni Kai Sotto sa Gilas team nakatakda na sa Feb. 18 vs Korea

Posted on: February 6th, 2021 by @peoplesbalita No Comments

Plantsado na ang debut ng 7-footer na si Kai Sotto sa seniors team ng Gilas Pilipinas matapos ianunsyo ngayon ng FIBA ang full schedule ng 2021 FIBA Asia Cup qualifiers na gaganapin sa Al-Gharafa Sports Club Multipurpose Hall sa Doha, Qatar.

Unang makakalaban ng Pilipinas sa third window ng torneyo ang mahigpit na karibal na Korea sa February 18 alas-10:00 ng gabi.

Kabilang sa makakasama sa line up ni Sotto ang mga PBA veterans na sina Kefeir Ravena at CJ Perez gayundin ang mga Gilas cadets na sina Dwight Ramos, Juan Gomez de Liano, at Justine Baltazar.

Ang ikalawang game ng Philippines ay kontra naman sa Indonesia sa Feb. 20.

Sa Feb. 22 naman ang ikalawang banggaan ng Gilas at Korea.

Kailangan lamang ng isang panalo ng Pilipinas sa tatlong games para mag-qualify sa 2021 Fiba Asia Cup na gaganapin naman sa Indonesia sa buwan ng Agosto.

Nito lamang nakalipas na araw ay dumating sa bansa si Kai Sotto at hindi.na ipinagpatuloy ang paglalaro sa NBA G-League sa Amerika para lamang makasama sa Gilas Pilipinas.

The Flash Meets the Heroes of The Past in ‘Justice Society: World War II’ Trailer

Posted on: February 6th, 2021 by @peoplesbalita No Comments

IGN and Warner Bros. Animation have just debuted the first trailer for the new DC animated film, Justice Society: World War II.

In this upcoming film, the modern-day Flash, Barry Allen, travels back in time and meets the classic Golden Age superhero team Justice Society of America.

Watch the trailer below: https://www.youtube.com/watch?v=14I0DejYo54&feature=emb_logo

The plot synopsis: Justice Society: World War II finds modern-day Barry Allen – prior to the formation of the Justice League – discovering he can run even faster than he imagined, and that milestone results in his first encounter with the Speed Force.

The Flash is promptly launched into the midst of a raging battle – primarily between Nazis and a team of Golden Age DC Super Heroes known as The Justice Society of America. Led by Wonder Woman, the group includes Hourman, Black Canary, Hawkman, Steve Trevor and the Golden Age Flash, Jay Garrick.

The Flash quickly volunteers to assist his fellow heroes in tipping the scales of war in their favor, while the team tries to figure out how to send him home. But it won’t be easy as complications and emotions run deep in this time-skipping World War II thriller.

Directed by Jeff Wamester, the film features the voices of Stana Katic, Matt Bomer, Armen Taylor, and Darin De Paul.

This is the first film in the DC Universe Movies series — of which this film will be No. 42 over the past 14 years — to feature the Justice Society. Produced by Warner Bros. Animation, DC and Warner Bros. Home Entertainment, Justice Society: World War II is set for release on Digital and home entertainment later this year. (ROHN ROMULO)

Pagpapatupad ng child car seat law pinagpaliban

Posted on: February 6th, 2021 by @peoplesbalita No Comments

Pinagpaliban muna ng Department of Transportation (DOTr) ang pagpapatupad ng Republic Act 11229 o ang tinatawag na Child Safety in Motor Vehicle Act habang tinatapos pa ng Land Transportation Office (LTO) ang guidelines ng nasabing batas.

Parehas na umayon ang DOTr at LTO na ipagpaliban muna ang pagpapatupad ng batas dahil na rin sa pandemic at upang mapagaralan ng mabuti ang edad at taas ng mga bata na sasailalim sa child car seat law. Pag-aaralan din ang tamang standard ng seat at mga multa na ipapataw sa mga hindi susunod at mahuhuling sumasaway sa batas.

Sinabi ni Transportatio Assistant Secretary Goddes Libiran na mga anim (6) na buwan ang kanilang kailangan upang magkaron ng malawakang information campaign bago ipatupad ang batas.

“Secretary Tugade said we must consider the current situation given the pandemic,” wika ni Libiran.

Ayon pa rin sa DOTr na ang LTO ay nasa proseso ng patapos na pag-aaral tungkol sa mga protocols na kailangan sa nasabing batas lalo na at kailangan ang special training dahil ang mga bata ay kasama sa batas na ito.

Dapat sana ay nagkaron ng enforcement at communications planning workshop ang LTO sa pagpapatupad ng Child Car Seat Law noong nakaraang March 19, 2020 subalit ito ay hindi natuloy dahil sa quarantine restrictions na pinatupad noong nagkaron ng lockdown sa Metro Manila.

Sa ilalim ng Implementing Rules and Regulations ng Child Car Seat Law ang may edad na 12 at may taas na 4’11” pababa ay kinakailangan na gumamit ng car seats.

Dagdag pa ng LTO na hindi muna sila manghuhuli ng mga hindi susunod sa batas sa loob ng anim (6) na buwan o hanggang August sapagkat itutuon muna nila ang kanilang priority sa pagbibigay ng impormasyon tungkol sa Child Car Seat Law sa mga drivers at magulang sa pamamagitan ng pagbibigay ng flyers at iba pang paraan ng kuminikasyon.

“We will not imposing fines and penalties on violators immediately. What we are doing now is focusing on a massive information campaign,” saad ni LTO chief Edgar Galvante.

Ang batas ay nagpapataw ng multang P1,000 para sa unang offense at P2,000 sa ikalawang offense hanggang P5,000 naman para sa ikatlong offense at isang (1) taon na pagsuspendi ng driver’s license depende sa ginawang offense.

Dapat sana ay ipapatupad na ang batas noong nakaraang Martes subalit ito ay ipinagpaliban muna.

Ayon naman sa mga senators dapat sana ay bigyan muna ng LTO ang mga car owners ng sapat na pagkakataon upang ang mga private car owners ay makakuha ng child car seats bago ipatupad ang batas.

“I signed a resolution urging the DOTr and LTO to defer the enforcement of the Child Car Seat Law until the necessary guidelines are put in place,” wika ni Senator Majority Leader Juan Miguel Zubiri. (LASACMAR)

PDu30, inaprubahan ang pagbili 15 Black Hawk helicopters

Posted on: February 6th, 2021 by @peoplesbalita No Comments

INAPRUBAHAN ni Pangulong Rodrigo Roa Duterte ang pagbili ng 15 Black Hawk helicopters matapos na mamatay ang pitong katao sa Air Force chopper crashed sa Bukidnon noong nakaraang buwan.

Sinabi ni Cabinet Secretary Karlo Nograles na unang nais ni Pangulong Rodrigo Roa Duterte ay magkaroon ng 55 bagong helicopters subalit ito ay nabawasan ng 15 habang ang bansa ay nahaharap sa COVID-19 pandemic.

Ayon pa kay Nograles na batid ng administrasyon na mayroon na lamang kulang-kulang dalawang taon si Pangulong Duterte sa kanyang termino.

“We have only one remaining budget to be discussed, which is the budget for 2022. Given these realities and limitations, siyempre we had to temper kung ano yung makakayanan lang po natin.” ang pahayag ni Nograles.

“And the realistic number that was discussed was possibly 15. This number is an indicative number lang po. It also has a lot to do with the negotiations,” dagdag na pahayag nito.

Noong Enero 22, sinabi ni Pangulong Duterte sa tropa sa Sulu na nais niyang makumpleto ang decommission ng lahat ng Huey helicopters sa Philippine Air Force’s (PAF) inventory dahil sa madalas na pagkakadawit nito sa fatal crashes, kabilang na ang insidente sa Bukidnon noong Enero 16.

Bago pa ang naging pahayag ng Pangulo sa Armed Forces of the Philippines (AFP) ay mayroon na itong existing procurement program para i- modernize ang fleet of helicopters ng PAF.

Kamakailan lamang, nag- commissioned ito ng first six ng 16 Polish-made Sikorsky S-70i Black Hawk helicopters na inorder noong 2019.

Ang natitirang 10 units ay inaasahang ide-deliver sa loob ng first quarter ng 2021. (Daris Jose)

Valdez, MILO Philippines may paehersisyo sa mga kabataan

Posted on: February 6th, 2021 by @peoplesbalita No Comments

NAGSANGGANG dikit ang Milo Philippines at Department of Education (DepEd) sa pagpapahalaga sa pisikal na kalusugan ng mga kabataang mag-aaral sa pamamagitan ng social media o socmed.

Ipinahayag nitong Martes sa online Philippine Sportswriters Association (PSA) Forum na mga hatid ng San Miguel Corp., Go For Gold, MILO, Amelie Hotel Manila, Braska Restaurant, Philippine Amusement and Gaming Corporation (PAGCOR), Smart at Upstream Media, ang bagay ni Milo Sports Executive Luigi Pumaren.

Ayon sa opisyal, magpapatuloy ang programang ‘Milo Champion Habit’ na inilunsad noong Disyembre.

Nakapaloob sa six-minute exercise video na nakatutok sa bilis, liksi, lakas at kakayahan tampok sina volleyball player Alyssa Valdez at taekwondo coach John Paul Lizardo.

Mapapanood na ito sa Youtube para sa pagpapasigla ng katawan at isipan ng mga batang sa bahay lang sa nga mga nag-aaral dahil sa COVID-19. (REC)

Cabinet members ni Pangulong Duterte, handang makasama sa priority list ng COVID vax kung nanaisin ng president

Posted on: February 6th, 2021 by @peoplesbalita No Comments

Nakahanda umano ang mga miyembro ng gabinete ni Pangulong Rodrigo Duterte na makasama sa priority list ng COVID-19 vaccination kung magiging daan ito upang magkaroon ng tiwala ang publiko sa bakuna.

Paglilinaw ni Cabinet Secretary Karlo Nograles na hindi sila kasama sa priority list dahil ang talagang pinaka-unang prayoridad ng pamahalaan na mabakunahan ay ang mga medical at health frontliners.

Ayon kay Nograles, ayaw nilang maakusahan na sumisingit sa pila kung kaya’t iniiwasan nila na makasali sa priority list, subalit kung hihilingin umano na mauna silang makatanggap ng bakuna upang makatulong sa vaccine confidence ay nakahanda naman daw sila.

Bukas din aniya ang kalihim na magpabakuna ng anumang brand ng COVID-19 vaccine basta’t dumaan ito sa local regulator’s evaluation.

Handa raw si Nograles na gawin ito upang maipakita sa taumbayan na ligtas ang ipamamahaging bakuna ng gobyerno.

Batay sa vaccination plan ng bansa, mauunang makatanggap ng bakuna ang mga frontline health workers, ikalawa ang mga senior citizens, susundan ito ng mga indigent population, uniformed personnel at iba pang vulnerable population groups.

Inaaral na rin ng pamahalaan na bakunahan sa second quarter ng taong 2021 ang mga tinuturing na “economic frontliners” tulad ng mga drivers at ang mga nagtatrabaho sa food industry. (DARIS JOSE)