2021 February Archive - People's Balita

Archive for February, 2021

5 milyong Pinoy jobless noong 2020

Posted on: February 8th, 2021 by @peoplesbalita No Comments

Tinatayang 5 milyong Pilipino ang nawalan ng kanilang hanapbuhay noong 2020 sa kasagsagan ng lockdown dulot ng COVID-19.

Pero mas mababa ito kumpara sa datos ng Social Weather Stations (SWS) na nagsabing nasa 12.7 milyong Pinoy na ang nawalan ng trabaho sa ikaapat na quarter ng 2020.

“Ang record namin as of December, umaabot lamang po ng mga around a little less than 5 million,” ayon kay Labor Sec. Silvestre Bello.

Tinatayang 5 milyong Pilipino ang nawalan ng kanilang hanapbuhay noong 2020 sa kasagsagan ng lockdown dulot ng COVID-19.

Pero mas mababa ito kumpara sa datos ng Social Weather Stations (SWS) na nagsabing nasa 12.7 milyong Pinoy na ang nawalan ng trabaho sa ikaapat na quarter ng 2020.

“Ang record namin as of December, umaabot lamang po ng mga around a little less than 5 million,” ayon kay Labor Sec. Silvestre Bello.

Upang matulungan ang mga kumpanya sa pagpapasahod sa mga tauhan sa pamamagitan ng subsidiya ng hanggang 30 porsyento ng suweldo, humingi ang DOLE sa pamahalaan ng P40-bilyong pondo ngunit hindi naaprubahan. Umaasa pa rin naman ang DOLE na maisasama ito kung magkakaroon ng Bayanihan 3.

RITA, ‘di nagustuhan ang comment na ‘over acting’ at napag-iiwanan kaya natawag na ‘demonyo’ ang basher

Posted on: February 8th, 2021 by @peoplesbalita No Comments

ISANG netizen na may IG account na @arte.basics ang nagsabing napag-iiwanan daw si Rita Avila pagdating sa aktingan ng mga co-stars niya na sina Jodi Sta. Maria, Iza Calzado at Maricel Soriano.

Sinagot naman ito ni Rita nang, “oh I am sorry naman kung d ka naayusan sa acting ko.”

Nagpaliwanag naman ang nag-comment na fan daw siya ng serye at sobrang nakatutok daw sila sa online at napansin lang daw nila.

Sey ulit ni Rita, “Sorry to hear na ako ang napag iwanan sa acting. I have done my best but it didn’t pass your standards.”

Hindi naman nagustuhan ni Rita ang nag-comment na over acting siya. Kahit nagpaliwanag ang nag-comment na na-misunderstood lang daw siya ng actress.

“Insulto yan sa mga directors ng ASIAA at sa management na nag-approve ng performance ko. Hirap na hirap na kaming lahat sa trabaho and that is what you will say?”

At saka niya binalikan muli ang nag-comment na napag-iiwanan siya sa acting.

Aniya, “sa dami na ng na high blood, kinakabahan na nga ako. Parusa sa mga artistang kontrabida ang role. Pero kakaiba itong si @arte.basics, iba ang galit sa akin. Tinapakan ako. Minaliit. Well, I cannot please everybody. But to make 99% angry at Belen is already a triumph.”

Yun lang, hindi pa rito nagtapos. Nag-video pa si Rita kunsaan ay galit na galit siya dahil pati raw relasyon nilang mag-asawa ay sinisira na ng naturang netizen.

Hanggang sa ang tawag na ni Rita rito ay “demonyo.”

***

NAGDULOT ng kilig ang pinost na work-out video ni Matteo Gudicelli.

Hindi makikita sa video na pinost sa Instagram ni Matteo ang misis na si Sarah Geronimo, pero dinig na dinig ang boses nito.

Hindi boses na kumakanta si Sarah sa background. Pero, daig pa nito ang gym or workout coach ni Matteo sa pagpuna ng pagwu-workout ng asawa at nagde-demand pa kung wala raw bang push-up na gagawin si Matteo.

Sabi ni Sarah, “Nagmamadali ka naman kasi Love, e. Bakit walang push-up Love? Wala bang push-up ‘yan?”

Nang mag-push-up nga si Matteo, si Sarah pa ang nagbilang dito. Kaya hirit ni Matteo, “Ang strict ng trainor ko.”

Siyempre ang daming kinilig at sa caption nga ni Matteo sa kanyang IG video post, “Gentlemen, the best workout coach is your wife.” At saka nito sinundan ng emoji na 100.

***

PAREHONG nag-celebrate na ng pa-advance Valentine’s Day nila sa kanilang respective partners ang mga bida ng bagong serye ng GMA Public Affairs, ang Owe My Love na sina Lovi Poe at Benjamin Alves.

Si Benjamin, after raw ng first leg ng taping nila, nagpunta sila ng Boracay ng girlfriend na si Chelsea Robato. Si Lovi naman, lumipad pa ito papuntang Los Angeles para makasama ang boyfriend na si Montgomery Blencowe.

Matagal silang hindi nagkasama dahil sa lockdown, so obviously, sinulit na nilang lahat ang okasyon nang magkasama.

Naka-lock-in taping silang lahat ngayon hanggang March pa sa Owe My Love kaya sa mismong Valentine’s Day, virtual celebration na lang silang dalawa sa kanilang mga boyfriend/girlfriend.

Daig sila ni Ai Ai delas Alas dahil kasama niya ang mister na si Gerald Sibayan. Ang mister na rin niya ang nagsisilbing driver at nagluluto para sa kanila.

Sa February 15 sa GMA Telebabad na magsisimulang mapanood ang Owe My Love. (ROSE GARCIA)

Senado iimbestigahan ang vehicle inspection system ng LTO

Posted on: February 8th, 2021 by @peoplesbalita No Comments

Magsasagawa ng isang imbestigasyon ang committee on public services ng Senado tungkol sa operasyon ng Private Motor Vehicle Inspection Centers (PMVICs) dahil sa sumbong ng mga motorista na nagbabayad sila ng doble sa kanilang vehicles registration fees.

Si Senator Grace Poe ang naghain ng isang resolution na siyang umuupo bilang chairman ng panel kung saan gusto niyang mag-usisa tungkol sa pagpapatupad ng Department Order 2018-019 ng Department of Transportation (DOTr), Mememorandum Circular No. 2018-2158 ng Land Transportation Office (LTO) at ibang pa na issuances tungkol dito.

“The intention behind the law is noble, but the fees following its implementation cannot come at a worse time in the middle of a pandemic where people are barely getting by and now have to add another item in their list of expenses,” wika ni Poe.

Noong 2018, ang LTO ay nag issue ng memorandum circular na nagbibigay ng karapatan sa mga PMVICs na magkolekta ng inspection fee na nagkakahalaga ng P1,800 mula sa motor vehicles na may timbang na 4,500 kilograms o mas mababa pa dito. Subalit kung hindi pumasa ang sasakyan ay kailangan na sumailalim ito sa mga repairs at muling ibabalik sa PMVIC kung saan ang motorista ay magbabayad ng karagdagang P900 para sa reinspection para mabigyan sila ng clearance.

Ang mga motorcycles at tricycles ay magbabayad naman ng P600 sa inspection at P300 para sa reinspection.

Samantala, ang pagpapatupad ng implementasyon ng Motor Vehicle Inspection System (MVIS) program ng LTO upang masiguro ang roadworthiness ng sasakyan at ng mapigilan ang mga road accidents ay pinahinto na 12 taon na ang nakalilipas. Ang binabayaran lamang ng mga motorista noon ay P500 para s emission testing fee.

Ayon naman sa LTO, ang ginagawang inspection procedure ngayon ay mas maaasahan dahil gumagamit ito ng mas makabagong technology upang matingnan ang sasakyan sa loob at labas. Subalit marami ang nagrereklamong motorista.

“Its hard to ignore the accounts from motorists who have experienced glitches in the PMVIC test results that incurred additional costs on their part for reinspection. The unreliability of the test results is problematic and burdensome, to say at least,” dagdag ni Poe.

Isa pa na problema ay ang kakulangan ng interconnectivity sa pagitan ng IT system na ginagamit ng PMVICs at ng LTO.

Tungkol naman sa pagpapatupad ng implementasyon ng controversial na Child Safety in Motor Vehicles Act (Republic Act 11229), tinalakay sa Senado na kailangan na magkaron ng fine-tuning ang implementing rules and regulations (IRR) lalo na ngayon na may health crisis dahil sa pandemic.

Kamailan lamang ay sumulat si Samar Rep. at chair ng House transportation committee Edgar Mary Sarmiento kay Secretary Tugade na magkaron muna ng paghahanda kasama na dito ang pagkakaron ng malawakang education at information campaign bago pa magkaron ng implementasyon ng nasabing batas.

“I support the initiative of the chair to have the implementation suspended but I also hope that the opportunity to review the IRR be taken while implementation is delayed. It seems that there are IRR provisions that go beyond the scope and authority of RA 11229 and also add to the confusion and apprehension about the law,” wika naman ni Rep Ruffy Biazon. (LASACMAR)

Malakanyang, isinapubliko ang priority population groups

Posted on: February 8th, 2021 by @peoplesbalita No Comments

ISINAPUBLIKO ng Malakanyang ang priority population groups para sa inihahandang pagbabakuna laban sa Covid -19 ngayong buwan.

In-adopt ng Interim National Immunization Technical Advisory Group (INITAG) ang mga sumusunod na priority population groups para sa gagawing pagbabakuna.

Ito ay ang mga sumusunod:

A1: Frontline workers sa mga health facilities kapwa national and local, private and public, health professionals and non-professionals like students, nursing aides, janitors, barangay health workers, etc.
A2: Senior citizens aged 60 years old and above
A3: Persons with comorbidities not otherwise included in the preceding categories
A4: Frontline personnel in essential sectors including uniformed personnel and those in working sectors identified by the IATF as essential during ECQ
A5: Indigent population not otherwise included in the preceding categories
B1: Teachers, Social Workers
B2: Other Government Workers
B3: Other essential workers
B4: Socio-demographic groups at significantly higher risk other than senior citizens and indigenous people
B5: Overseas Filipino Workers
B6: Other Remaining Workforce
C: Rest of the Filipino population not otherwise included in the above groups

Binigyang diin ng INITAG na ang anumang tiyak na inclusion at exclusion criteria ng bawat bakuna, na makikita sa kani-kanilang Emergency Use Authorization of the Food and Drug Administration, o rekomendasyon mula sa Health Technology Assessment Council ay kailangan ikunsidera.

Sa pagpili ng lugar para sa sub-prioritization, ibabase ito sa “(1) COVID-19 burden of disease (these are the current active cases, attack rate per 100,000 population in the past 4 weeks, and population density); and (2) vaccination site and/or Local Government Unit readiness, particularly, its supply chain capability.”

Hinggil naman sa alokasyon ng first tranche ng Pfizer BioNTech vaccine para sa healthcare workers, ito ay allocation framework gaya ng sumusunod: “a) all the COVID-19 dedicated hospitals, b) COVID-19 referral hospitals, c) DOH-owned hospitals, d) LGU hospitals, e) hospitals for uniformed services/personnel, and f) private hospitals. ” (Daris Jose)

KC, nagpasalamat sa GMA Network sa paglabas ng article sa kanyang jewelry business; posibleng makapag-guest sa ibang shows

Posted on: February 8th, 2021 by @peoplesbalita No Comments

NAGPASALAMAT si KC Concepcion sa GMA Network matapos lumabas sa isang article nila ang tungkol sa pagiging solo entrepreneur ng actress sa kanyang jewelry business, na siya lamang mag-isa ang gumagawa ng mahirap na trabaho.

In this way nagawa raw niyang tulungan ang ibang taong nangangailangan.

Sa Instagram post ni KC: “Thank you @gmanetwork and Ms. Cara Emmeline Garcia @avecmoijewelry and our fellow jewelry lovers who purchased our pieces, were indeed able to provide immediate relief to survivors of the most recent typhoons.”

Kamakailan ay nag-guest din si KC sa Amazing Earth, infotainment program ni Dingdong Dantes sa GMA, na pinost din niya ang clip nito sa kanyang IG account, kaya maraming nagsasabi na maaari raw bumalik muli sa GMA si KC para mag-guest sa iba pang programa roon.

Miss na rin ng mga fans ni KC ang actress na matagal nang hindi napapanood sa TV.

***

MALUNGKOT si Kapuso actress Lovi Poe na miss na miss na ang kanyang boyfriend na si Montgomery Blencowe from the US.

Sabi nga balik-sila muli sa LDR (long distance relationship).

Lovi spent the holidays in the US with Montgomery and his family from UK na bumisita rin sa kanya. Pero after Christmas bumalik na rin agad si Lovi sa bansa para tapusin ang lock-in taping ng bago niyang romantic-comedy series na Owe My Love, kaya ngayon ay miss na miss na ni Lovi ang boyfriend.

“Being in a long-distance relationship can be tough, lalo ngayong it’s hard to travel because of the pandemic,” sabi ni Lovi.

“Kaya with the distance, mas lalo naming nami-miss ang isa’t isa and he makes an extra effort to make me feel special kahit we’re so far away from each other.”

Medyo nalilibang si Lovi dahil sa pagti-taping, ng Owe My Love na mas light kaysa sa mga nauna niyang serye na masyadong dramatic.

Magiging birthday presentation niya ang serye dahil magsi-celebrate siya ng birthday sa February 11 at magiging post-Valentine offering naman ito ng GMA Telebabad sa February 15, after ng Love of My Life.

Producer nito ang GMA Public Affairs.

***

TIYAK na magugustuhan ng mga K-drama adiks ang bagong handog ng GMA Heart of Asia ngayong February, ang The Romantic Doctor 2.

Ngayong Monday, February 8 na magsisimulang mapanood ang medical K-drama na puno ng aral tungkol sa love, friendship at laban para sa propesyon at prinsipyo sa multi-awarded Korean series na The Romantic Doctor 2 sa GMA Network.

Tampok sa serye ang panibagong journey ng mahusay na surgeon na si Dr Daniel Boo (Han Suk-kyu) na mas kilala sa tawag na Master Kim. Dahil nangangailangan ang pinagtatrabahuhan niyang ospital sa Doldam Hospital ng general surgeon, nagtungo siya sa Geosan University Hospital sa Seoul para mag-recruit.

Nakilala niya roon sina Dr. Wesley Seo (Ahn Hyo-seop) at ang cardiac surgeon na si Dr. Emily Cha (Lee Sung-kyung). May pagkukulang man sila, napili pa rin ni Master Kim ang dalawa para magtrabaho sa kanilang hospital.

Mapapanood ang The Romantic Doctor 2 sa GMA Telebabad, pagkatapos ng My Korean Jagiya. (NORA V. CALDERON)

SHARON, nagbiro na handa nang kunin ni Lord ‘pag nakilala si KEANU REEVES; naglambing kina MANNY at JINKEE

Posted on: February 8th, 2021 by @peoplesbalita No Comments

NAALIW kami sa IG post ni Megastar Sharon Cuneta na kung saan pinasalamatan niya si Sen. Manny Pacquiao sa binigay nito sa inaanak na si Miguel na masayang-masaya.

Caption niya, “My son Miguel is over the moon right now! His godfather/Ninong Sen. Manny Pacquiao sent him his promised autographed boxing glove!!! Thanks so much, Pare and Mareng Jinkee!!!”

Pero may hirit si Mega na, “Ako pare at mare pag nag-isip kayo ever ng ano ba puede I-gift sakin, puede makilala ko lang si Keanu Reeves tapos handa na ako kunin ni Lord! Hahahaha!.

“Thanks so much for making my son so happy! We love you!!!@jinkeepacquiao.”

Kaya naman nag-react ang followers ni Sharon.

Sey nila, “ang cute mo ma!! Lakas ng tama mo po kay keanu reeves.”

“nakuuu! KEANU wag kang magpapakita sa mama namin ha pakiusap! haha sorry mama i love u po.”

“I saw him so many times in Celebrity tour houses in Los Angeles , he’s a good looking guy, when we saw him he just waved.”

Last December, inamin ni Sharon na muntikan na siyang gumastos ng higit na P3.3 million ($70,000) para sa sikat na Hollywood actor, dahil isa siya sa nag-bid sa auction ng charitable organization na matagal nang sinuportahan ng hinahangaang aktor. Pero natalo siya at nawala ang chance na ma-meet ng personal si Keannu.

Samantala, nag-post din si throwback photo ni Sharon bilang pagsuporta kay Frankie Pangilinan na patuloy na binabatikos, may caption ito na, “Love and light, our dearest, most precious, beautiful and talented daughter, KAKIE! Your music is awesome!!! We and millions of people out there love you so much.”

Dagdag post pa ni Mega, “Not engaging! Unlike other people we do not fight dirty.”

May nag-react naman na isang basher at comment nito na, “not engaging” yet you still comments on your own post Ano ba talaga??? Pinefeed mo lang din mga bashers ng anak mo, ninyo rather. Just accept the fact na di kagalingan anak mo. I get it, you’re a mom, you want to boost your daughter’s confidence pero it will also help her if honest ka sa kanya, maybe then she will learn to accept criticism.”

Na sinagot naman ng followers ni Mega na, “hala sya!galit na galit gustong manakit? kalma di ka nila inaano!”

“wag ka na umasang papansinin ka ni Mega. Masyadong mababa ang level mo. Stop spreading bad vibes!” (ROHN ROMULO)

Fernando, nilinaw ang usapin sa NFEx

Posted on: February 8th, 2021 by @peoplesbalita No Comments

LUNGSOD NG MALOLOS– “Saan man at kailanman, wala sa pagkatao ni Daniel Fernando ang magbebenta ng karapatan ng kaniyang kalalawigan, lalo na nang maliliit at walang tinig sa lipunan.”

Ito ang binitawang pahayag ni Gobernador Daniel R. Fernando sa ginanap na Joint Forum with Selected Legislators and Executives of the Provincial Government of Bulacan na naglalayon na maliwanagan ang mga lingkod-publiko sa usapin patungkol sa proyektong North Food Exchange (NFEx).

Ginanap ang pulong matapos talakayin ni Bise Gob. Wilhelmino M. Sy-Alvarado sa kanyang personal at kolektibong pribilehiyong pahayag ang nabigong nasyunal na proyekto na nagkakahalaga ng ilang milyon, na tila nagtuturo sa hindi pinangalanang indibidwal na diumano ay ang responsable dito.

“Kung papakinggan po ang nasabing talumpati, tila may pinariringgan na hindi naman pinangalanan at may isinasangkot na hindi rin tiniyak kung sino. Medyo nagbubunga ito ng kalituhan,” dagdag ni Fernando.

“Ang tungkulin ko sa usaping ito ay ginawa ko mula pa sa simula, at patuloy kong itataguyod ang hustisya habang ito ay may nalalabing puwang, gaano man kaliit. Nais ko ring ipahatid sa lahat, wala akong sisinuhin kapag ang kapakanan ng lalawigan ang nasasangkot,” anang gobernador.

Aniya, maaaring muling pabuksan ang kaso ng Presiding Officer ng Sangguniang Panlalawigan.

“Kapag lumabas na ang desisyon ng mataas na hukuman in its very final decision, at kung sa pakiramdam ng bawat isa ay hindi nanaig ang hustisya, bilang Sanggunian, may karapatan po kayo na bisitahing muli ang usaping ito,” ani Fernando.

Ayon sa makatotohanang pagsasalaysay ni dating bokal at ngayon ay Konsehal Abgd. Enrique Dela Cruz, Jr. na hinango mula sa mga dokumento mula sa Korte noong 2013, naglabas ang Sangguniang Panlalawigan na noo’y pinamumunuan ni Fernando ng isang resolusyon na nagbibigay pahintulot sa noo’y gobernador Alvarado na magsampa ng kaso laban sa Southeast Asia Commodities and Food Exchange Inc (SACFEI).

“Sa maliwanag pong salaysay, hindi nagkulang ang SP sa pangunguna ni Daniel R. Fernando bilang Vice Governor dahil inaksyunan naman po natin. Nagbigay po tayo ng resolusyon upang maisampa ang naturang kaso,” paglilinaw ni Dela Cruz.

Upang tapusin ang kanyang talumpati, nanawagan si Fernando sa lahat na iwasan ang paggamit ng mga ganitong isyu para sa pulitikal na interes.

“Matapos ang pagpupulong na ito, ako ay umaasa na matitigil na ang maling alegasyon at insinuasyon laban sa inyong lingkod,” pagtatapos ni Fernando.

Kasama rin sa joint forum sina mga Bokal Allan Andan, Romina Fermin, Bernardo Ople, Jr., Erlene Dela Cruz, Ramon Posadas, Romeo Castro, Jr., Emelita Viceo, Enrique Delos Santos, Jr., Alex Castro, Allan Ray Baluyut, at Ramilito Capistrano; Provincial Administrator Antonette Constantino; Chief of Staff Atty. Jayric Amil; Provincial Legal Officer Atty. Gabriel Silvera; Consultant Atty. Rustico De Belen; dating mga Bokal Felix Ople at Rino Castro; at Atty. Joey Inocencio.

Matatandaan na ang NFEx ay idinisenyo na maging processing, storage, at trading center ng mga produktong pang-agrikultura mula sa mga lalawigan sa hilaga ng Metro Manila. (Bishop Jesus “Jemba” M. Basco)

Ads February 8, 2021

Posted on: February 8th, 2021 by @peoplesbalita No Comments

Perez pinasalamatan Terrafirma

Posted on: February 8th, 2021 by @peoplesbalita No Comments

NAGPAABOT ng pasasalamat si Philippine Basketball Association (PBA) stalwart Christian Jaymar ‘CJ’ Perez para sa Terrafirma na pinaglaruan niya ng dalawang taon bago pinagpalit ng Dyip sa San Miguel Beer.

Inaprubahan nitong Martes ni pro league commissioner Wilfrido ‘Willie’ Marcial ang pag-swap ng 2018 top pick pick overall, 2019 Rookie of the Year at two-time scoring champion mula sasakyan patungong Beermen.

Naging kahalili ng 27taong-gulang, 6-2 ang taas na guard/forward sina ang anim na manlalarong sina Russel Escoto, Joshua Angelo ‘Gelo’ Alolino, Matthew Allen ‘Matt’ Ganuelas-Rosser, SMB 2020 first-round pick, at 2022 first-rounder choice.

“My professional career started with you. I couldn’t be more thankful for the last two years. The friendship I made with everyone – utility, coaching staff and definitely my teammates. Thank you coach John (Cardel) and boss Bobby (Gov. Demosthenes Rosales) for believing in me. I appreciate your trust!” paskil ni Perez sa kanyang Instagram post nitong Biyernes. (REC)

2 drug suspects arestado sa Valenzuela buy bust

Posted on: February 8th, 2021 by @peoplesbalita No Comments

Arestado ang dalawang hinihinalang sangkot sa ilegal na droga habang narescue naman ang isang 16-anyos na dalagitang estudyante sa isinagawang buy-bust operation ng pulisya sa Valenzuela City.

Kinilala ni Valenzuela police chief Col. Fernando Ortega ang naarestong mga suspek na si Danilyn Ileto, alyas “Ayhie”, 31, at Marvin Manalotoc, 30, kapwa ng 5226 Demitillo Brgy. Gen. T De Leon.

Dakong alas-2 ng madaling araw nang magsagawa ang mga operatiba ng Station Drug Enforcement Unit (SDEU) sa pangunguna ni PLT Joel Madregalejo sa ilalim ng pangangasiwa ni PLT Robin Santos sa pamumuno ni P/Col. Ortega ng buy bust operation sa bahay ng mga suspek.

Nagawang makabili sa mga suspek ng P500 halaga ng shabu ng isa sa mga operatiba na nagpanggap na buyer.

Nang tanggapin ng mga suspek ang marked money mula sa poseur-buyer kapalit ng isang sachet ng shabu ay agad silang dinamba ng mga operatiba habang narescue naman ang dalagitang estudyante.

Nakumpiska sa mga suspek ang nasa 3 gramo ng hinihinalang shabu na tinatayang nasa P20,400 ang halaga, buy bust money, 3 cellphones at P470 cash.

Mahaharap ang mga naarestong suspek sa kasong paglabag sa RA 9165 o Comprehensice Dangerous Drug Act of 2002 habang tinurn-over naman sa pangangalaga ng DSWD ang menor-de-edad. (Richard Mesa)