Ang driver at mga pasahero sa loob ng pribadong sasakyan kahit na nakatira sa iisang bahay ay kinakailangan mag-suot ng face masks.

Sa isang magkasamang pahayag ng Department of Transportation (DOTr) at Department of Health (DOH) ay sinabi nilang kung nag-iisa naman ang driver sa loob ng sasakyan ay papayagan siyang alisin ang kanyang face mask o di kaya hindi mag-suot nito.

Subalit kung sila ay may kasamang isa (1) o mas marami pa dito, ito ay sapilitang ipatutupad sa mga pasahero at kailangan nila na mag-suot ng face mask kahit na ang kasama nila ay nakatira sa iisang bahay.

“This puts an end to questions on whether families or those living in the same household are exempted from the guidelines issued by the Inter-Agency Task Force for the Management of Emerging Infectious Diseases (IATF) on wearing of face masks inside vehicles,” wika ni DOTr Assistant Secretary Goddes Libiran.

Ayon kay Libiran, papatawan ng multa at parusa ang hindi susunod o susuway sa nasabing kautusan. Pag-uusapan pa rin ng mga kasapi ng DOTr’s road sector ang tamang pagpapatupad ng nasabing batas.

“Proper coordination shall be made with and between the Land Transportation Office (LTO), Land Transportation Franchising and Regulatory Board (LTFRB), Metropolitan Manila Development Authority (MMDA), Inter-Agency Council for Traffic, Philippine National Police-Highway Patrol Group (PNP-HPG), other law enforcement agencies and local government traffic offices/units, concerning the proper implementation of the resolution and the imposition of appropriate fines and penalties for violations thereof, in accordance with existing law, rules and regulations,” ayon sa DOTr.

Sa kabilang dako naman si Sen. Grace Poe ay nakiusap sa IATF na muli nilang pag-isipan ang nasabing polisia sapagkat para sa kanya ito ay “simply ludicrous and unrealistic.”

Ayon pa rin sa kanya na ang pribadong sasakyan ay extension ng pamamahay kung kayat hanggang walang ibang tao sa sasakyan ito ay kanilang “private bubble.”

Dagdag pa ni Poe na ang face masks ay kailangan lamang sa pampublikong transportasyon at carpooling at hindi kailangan sa loob ng pribadong sasakyan na may sakay na miyembro ng parehong pamilya.

“I will bring up the matter when the committee on public services, which I chair, starts its inquiry on the latest policies of the DOTr this week,” saad ni Poe.  (LASACMAR)

HINDI maituturing na major slip ang ulat ng think tank Economist Intelligence Democracy Index 2020, na umano’y nananatili Raw na bagsak ang sistema ng demokrasya sa Pilipinas.

Ayon kay Presidential Spokesperson Harry Roque, kung titingnan ang data result ng democracy index, lumalabas na naungusan talaga ng Taiwan, Malaysia at Timor Leste ang pilipinas.

Subalit, kung hihimaying mabuti ay makikitang mas angat pa ang Pilipinas sa mga developing countries sa Southeast Asia tulad ng Myanmar, Vietnam, Laos, indonesia, Thailand at Singapore,, kung ang pagbabasehan ay ang mas matatag at mas buhay na demokrasya.

Binigyang diin naman ni Sec. Roque, na magsisilbing hamon sa pamahalaan ang naturang survey result para higit pang paghusayin ang mga programa at proyekto ng gobyerno na magbibigay ng mas maayos, mapayapa at mas maginhawang pamumuhay para sa bawat mamamayan ng bansa.

Giit pa nito na ipinapakita rin ng index ranking kung gaano ka-epektibong gumagana ang sistema ng demokrasya sa Pilipinas.

Isang patunay nito ang pagkakaroon ng bansa ng separation of powers kung saan malayang nakakapagdesisyon ang tatlong sangay ng gobyerno na binubuo ng hudikatura, lehislatura at executive branch na nasa ilalim ng pamamahala ni Pangulong Rodrigo Roa Duterte at siya aniyang madalas na biktima ng kritisismo ng mga nasa oposisyon. (Bishop Jesus “Jemba” M. Basco)

Dumalo ang ilang mayors sa Metro Manila na nasa ilalim ng Archdioces of Manila sa pormal na paglulunsad ng Manila Cathedral sa 500 years of Christianity in the Philippines.

Kabilang sa mga ito ay sina Manila Mayor Isko Moreno, Vice Mayor Honey Lacuna, Pasay City Mayor Imelda Calixto-Rubiano, Makati City Mayor Abby Binay, at ilan pang kinatawan ng local government units.

Sa kuwento ni Bishop Broderick Pabillo, apostolic administrator of Manila, nararapat lamang daw na simulan ang pagbubukas ng selebrasyon ng 500 years of Christianity sa Manila Cathedral dahil ito ang unang arkidiyoses sa buong Pilipinas na idineklara noong taong 1579.

Sinabi pa ng kanyang kabunyian, maipagmamalaki na lahat ng archdiocese sa buong Pilipinas ay nagsimula sa Maynila.

“This is a source of pride for us but also a big challege. So, it is also appropriate that here in our archdiocese that we open our 500 anniversary of the coming of Christianity in the Philippines on this day. However, we will also join the national opening activities on Easter Sunday. On April 4, with the opening of the holy doors all over the country.
That will be the official opening for the whole country of the 500 year anniversary,” ani Bishop Pabillo.

Kabilang naman sa highlight ng okasyon ay ang pagbendisyon at pagbibigay ni Pabillo sa mga opisyal ng sagisag ng 500 Years Mission Cross na siyang simbolo at paalala sa pagiging Kristiyano.

Niregaluhan din ng mission cross ang mga kinatawan ng iba’t ibang kumunidad at napiling magiging pilgrimage churches ng archdiocese.

Kabilang sa unang napili sa Metro Manila at madadagdagan pa sa mga probinsiya na mga pilgrimage churches ay ang Manila Cathedral (Manila), Minor Basilica of the Black Nazarene, Quiapo Church (Manila), Shrine of Nuestra Señora de Guia (Manila), Shrine of Sto. Niño de Tondo (Manila), San Pablo Apostol Parish (Manila), Santa Clara de Montefalco Parish (Pasay), National Shrine of Our Lady of Guadalupe (Makati), Sts. Peter and Paul Parish (Makati), San Felipe Neri Parish (Mandaluyong) at St. John the Baptist Parish sa San Juan City.

Samantala, nagsalita rin ang kinatawan ni Pope Francis na si Papal Nuncio to the Philippines Archbishop Charles John Brown upang ipaabot ang pakikibahagi ng Vatican sa malaking selebrasyon.

Ang 500 years ay isa umanong milestone dahil kasabay din ngayong taon ng 442nd anniversary sa pagkakatatag ng arkdiyoses ng Maynila bilang unang diocese sa buong bansa.

Sa kanyang mensahe nagbalik tanaw si Archbishop Brown na noon pa mang taong 2015 sa pagbisita sa Pilipinas ni Pope Francis ay binanggit na niya ang gagawing selebrasyon ngayong taong 2021 na sana ay maging mabunga at magbigay pa ng inspirasyon.