2021 February Archive - People's Balita

Archive for February, 2021

1st batch sana ng COVID-19 vaccines, maaantala ang pagdating sa bansa – Dizon

Posted on: February 13th, 2021 by @peoplesbalita No Comments

Inianunsyo ng National Task Force na maaantala umano ang pagdating ng unang batch ng COVID-19 vaccines mula sa Pfizer at AstraZeneca.

Inaasahang ngayong linggo sana darating ang 117,000 doses ng bakuna at magagamit na Pebrero 15.

Sinabi ni National Task Force deputy chief implementer Vince Dizon, nagkaroon ng delay sa pagproseso sa delivery ng mga bakuna kaya posibleng sa susunod na linggo o ikatlong linggo ng buwan darating sa bansa.

Una rito, kinumpirma ng Malacañang na darating na sa bansa ang Sinovac vaccines mula China sa Pebrero 23 ngayong taon.

Sinabi ni Presidential Spokesman Harry Roque, 600 libong doses ng Sinovac ang inaasahang darating, 100 libo rito ay donasyon ng China sa Department of National Defense (DND) para sa mga sundalo.

Sa ngayon ay hindi pa naaprubahan ng Food and Drug Administration ang aplikasyon ng Sinovac para sa emergency use authorization (EUA) dahil kasalukuyan pa rin itong pinag-aaralan ng vaccine expert panel.

Gayunman, inihayag ni Sec. Roque na mayroon nang katulad na sitwasyon ang Sinovac sa Indonesia, kung saan nauna itong dumating sa kanilang bansa kahit wala pang EUA.

Kaya ang ginawa umano rito ay hinintay muna nilang mailabas ng regulatory body roon ang EUA na inabot ng isang buwan bago ginamit ang bakuna.

Planong pagbili ng Pinas ng bakuna laban sa ASF, naantala

Posted on: February 13th, 2021 by @peoplesbalita No Comments

NAANTALA ang planong pagbili ng Pilipinas ng bakuna laban sa anti-African Swine Flu (ASF).

Sinabi ni Presidential Spokesperson Harry Roque Jr. na ito ang updates sa balak ng pamahalaan na pagbili ng bakuna laban sa ASF.

Nauna rito, tinanong kasi ni Bulacan Governor Daniel Fernando ang bagay na ito kay Sec. Roque lalo pa’t ang suplay ng baboy ay mahirap aniyang makuha hanggang sa may pagakataoon na walang makuha.

“Kasama po ‘yan (anti-ASF vaccine) sa whole of nation approach, naantala lang po ang deployment ng ASF vaccine kasi mataas po ang demand at mas inuna po iyong COVID-19 [vaccines],” ayon kay Sec. Roque.

Sa kabilang dako, sinabi ni Sec. Roque na naglaan na ang pamahalaan ng sapat na hakbangin para tugunan ang problema sa ASF habang nakabinbin ang deployment ng ASF vaccines.

“Meanwhile po, magbibigay po tayo ng insurance sa mga magbababoy para hindi po sila tuluyang malugi at magkaroon sila ng kumpiyansa na magsimula ulit pagkatapos nila masalanta ng ASF,” aniya pa rin.

Samantala, batay naman sa record ng Department of Agriculture, dahil sa ASF, may 4 na milyong baboy na ang namatay sa gitna ng COVID-19 pandemic.

At ang resulta, nahaharap ang National Capital Region sa matinding pagdurusa sa suplay ng baboy at manok na nagresulta naman ng paiba-ibang pagtaas ng presyo nito. (Daris Jose)

DoH, siniguro na hindi magkakaroon ng anumang aberya sa pagbiyahe ng bakuna

Posted on: February 13th, 2021 by @peoplesbalita No Comments

TINIYAK ng Department of Health (DoH) na hindi magkakaroon ng aberya sa pagbyahe ng Covid-19 vaccine patungo sa Research Institute for Tropical Medicine (RITM) mula sa pagdating nito sa paliparan.

Sa Laging Handa briefing, sinabi ni DOH Director Ariel Valencia na mayoon na kasi aniyang mga inilatag na contingency plan ang gobyerno ukol sa kung papaano iha-handle Ang bakuna na inaasahang darating na sa bansa sa mga susunod na araw.

Sa katunayan ani Valenia ay sumailalim na sa special training ang mga cold chain managers, supply officer at ang mga pharmacist para sa tamang paghawak at pag-aalaga ng bakuna.

Bukod dito ay nagsagawa na rin ng simulation o exercises ang mga kinauukulan kung saan nakita dito na kung maaari lamang ay wala talagang masyadong movement mula sa pagbababa ng vaccines hanggang sa mailagay ito sa freezer van.

Habang ang mga security group naman ani Valencia na pangungunahan ng PNP at MMDA, ang magbibigay katiyakan na magiging ligtas at hindi maaabala ang pagbyahe ng freezer van mga patungo sa RITM at iba’t ibang ospital. (Bishop Jesus “Jemba” M. Basco)

Lolo tigbak sa mixer truck

Posted on: February 13th, 2021 by @peoplesbalita No Comments

Todas ang isang 64-anyos na lolo matapos mahagip ng mabilis ang takbo na mixer truck sa Caloocan city, kamakalawa ng hapon.

Ayon kay Caloocan police chief P/Col. Samuel Mina, binawian ng buhay habang ginagamot sa Jose Reyes Medical Center sanhi ng tinamong pinsala sa ulo ang katawan ang biktimang si Joey Maguire ng 101Josefina St. 3^rd Avenue.

Nadakip naman ng rumespondeng mga pulis ang driver ng Howo Mixer Truck na may plakang (NDE-6931) na kinilalang si Mark Noel Galero, 24 ng Brgy. Minuyan, Norsagaray, Bulacan.

Lumabas sa imbestigasyon ni P/Cpl. Joemar Panigbatban, dakong 5 ng hapon, tumatawid ang biktima sa kahabaan ng Rizal Avenue Ext. corner 3^rd Avenue, Brgy. 119 nang mahagip ito ng rumaragasang mixer truck na minamaneho ni Galero.

Sa lakas ng impact, bumagsak ang biktima sa simento kaya’t magtamo ito ng mga pinsala sa ulo at katawan na naging dahilan upang mabilis na isinugod sa naturang pagamutan.

Kasong reckless imprudence resulting in homicide ang isinampa ng pulisya kontra kay Galero sa Caloocan City Prosecutor’s Office. (Richard Mesa)

Pacquaio vs Garcia pinaplantsa

Posted on: February 13th, 2021 by @peoplesbalita No Comments

SA matunog na upakan nina eight-division world men’s boxing champion Emmanuel ‘Manny’ Pacquiao at World Boxing Council (WBC) interim lightweight champion Ryan Garcia nitong mga nagdaang linggo, ibinunyag naman nitong Biyernes ni MP Promotions President Sean Gibbons ang pagsisimulan ng usapan negosasyon ang dalawang kampo.

“They are ongoing and hopefully things will workout,” bigkas ng opisyal sa BoxingScene.com patungkol sa napipintong paghahamok ng dalawang boksingero.

Huli pang nakipagbuntalan si Pacman, 42, noong 2019 kontra kay Keith Thurman ng USA kung saansinungkit niya ang World Boxing Association (WBA) super welterweight title galing sa Amerikano. Kababayan n I Thurman si Garcia, 22.

Sa katagalang pag-akyat sa ruwedang parisukat, hibuad ng WBA ang korona sa Pambansang Kamao nitong Enero 29 lang. (REC)

Ads February 13, 2021

Posted on: February 13th, 2021 by @peoplesbalita No Comments

Delos Santos, nakakuha ng gold medals sa online competition

Posted on: February 13th, 2021 by @peoplesbalita No Comments

Muling nakakuha ng gold medal si Filipino karateka James delos Santos.

Nakamit nito ang panalo sa First Inner Strenght Martial Arts International eTournament.

Tinalo nito si Nejc Sternisa ng Slovenia.

Ito na ang pangalawang gintong medalya na kaniyang nakamit ngayong taon na ang una ay noong 2021 SportsData eTournament World Series #1.

Nagtagumpay rin ang kaniyang kata student na si A-Isha LIm Hamsain ng MKKPI Fatima na nakakuha ng dalawang gold medals sa U16 at U18 divisions.

Magugunitang noong nakaraang taon ay umabot na sa 36 na gintong medalya ang nakamit ni Delos Santos.

Operasyon ng MVIS hubs pinahihinto ng Senado at Kongreso

Posted on: February 13th, 2021 by @peoplesbalita No Comments

Magkasunod na humiling ang mga Senador at Kongresman na pahintuin ang pagpapatupad ng implementasyon ng pribadong motor vehicle inspection system (MVIS) ng Land Transportation Office (LTO).

Ayon sa mga Senador, ang MVIS ay unconstitutional at pagisisimulan lamang ng malawakang kurupsyon.

Sa nakaraang imbestigasyon ng Senado ay hiningi ni Senate committee on public services Chairman Grace Poe sa LTO at Department of Transportation (DOTr) ang mga listahan ng mga pangalan na may-ari ng mga pribadong MVICs dahil sa alegasyon na ito ay pagmamayari ng mga politico.

May 17 MVICs na nabigyan ng accreditation ang LTO noong nakaraang December. Sa ngayon ay mayron ng 23 MVICs na may operasyon mula sa 138 centers na kanilang target sa darating na dalawang taon.

Sinabi rin ni Poe na inalis ng LTO at DOTr mula sa guidelines ang anti-corruption provision na nagbabawal ang mga opisyal ng ibang ahensiya ng pamahalaan na bigyan ng accreditation at stake sa MVICs, kasama na ang sa iba pang businesses na may relasyon sa MVICs.

Ayon naman kay Senate President Pro Tempore Ralph Recto na ang MVIS ay magbibigay ng windfall na P8 billion kada taon sa mga MVICs na sa ngayon ay dumadami na sa kabila ng tumataas ng mga reklamo dahil sa mataaas na presyo. May mga report din na nasisira ang ibang mga sasakyan sa testing dahil sa kakulangan ng standard equipment at walang tamang kaalaman ng mga staff.

Dagdag pa rin ni Poe na kung sana ay kumunsulta sa NEDA ang DOTr at LTO, ang mga fees ay mas mababa.

“The DOTr failed to consult the National Economic Development Authority (NEDA) on the matter as mandated by regulations,” ayon kay Recto.

Noong 2018, ang LTO ay nag issue ng memorandum circular na nagbibigay ng karapatan sa mga PMVICs na magkolekta ng inspection fee na nagkakahalaga ng P1,800 mula sa motor vehicles na may timbang na 4,500 kilograms o mas mababa pa dito. Subalit kung hindi pumasa ang sasakyan ay kailangan na sumailalim ito sa mga repairs at muling ibabalik sa PMVIC kung saan ang motorista ay magbabayad ng karagdagang P900 para sa reinspection para mabigyan sila ng clearance.

Ang mga motorcycles at tricycles ay magbabayad naman ng P600 sa inspection at P300 para sa reinspection.

Inamin ng opisyales ng DOTr na sa ilalim ng set up, ang MVICs ay nagbabayad lamang ng P100,000 kada taon sa LTO.

Samantala, sinagot naman sila ni DOTr undersecretary Renier Yebra na ang MVIS project ay may legal backing tulad ng 56-year old na RA 4136, Clean Air Act at EO 125 ng 1987 na siyang nagbigay ng karapatan sa DOTr na kumuha ng tulong mula sa private sector tulad ng MVICs.

“Nothing in the aforementioned laws allows the DOTr to delegate powers granted to the agency by Congress, adding the Clean Air Act mandates specific actions that the agency and the Department of Environmental and Natural Resources should undertake,” wika naman ni Senate Minority Leader Franklin Drilon.

Wika naman ni Senator Imee Marcos na bakit ngayon lamang ipinatupad ang inspection policies samantalang nag relax ang LTO ng mga taong 2018 at 2019.

Sa kabilang dako, ang Mababang Kapulungan naman ay pareho lang ang sentiment sa Senado na dapat ay suspendihin ang pagpapatupad ng nasabing batas.

Kung kaya’t maghahain ng isang resolution si Committee Chairman on Transportation Edgar Mary Sarmiento na naglalayon na suspendihin ang pagpaptupad ng privatized motor vehicle inspection system (MVIS). (LASACMAR)

‘Bayanihan 3’, hinahangad na sertipikahan ni PRRD bilang ‘urgent’

Posted on: February 13th, 2021 by @peoplesbalita No Comments

Umaasa si Marikina City Rep. Stella Luz Quimbo, na sesertipikahan ni Pangulong Duterte bilang ‘urgent’ ang panukalang P420-bilyon Bayanihan 3, na nihain nilang dalawa ni Speaker Lord Allan Velasco, upang pasiglahin ang pagbangon ng ekonomiya ng bansa mula sa pandemyang dulot ng COVID-19.

Kapag naisabatas, ang House Bill 8628 o “Bayanihan to Arise as One Act ” ay magiging ikatlong yugto ng pagtugon ng pamahalaan sa COVID-19, at ang mapangwasak na epekto nito sa ekonomiya.

“Ika nga, third time is a charm, at kung pwede po sana ma-certify na urgent ng Pangulo ang panukalang ito para mas maige po,” ani Quimbo sa lingguhang pulong balitaan ng “Ugnayan sa Batasan.”

Idinagdag niya na: “If there is one indisputable thing, that is the economy has turned out worse than what we had all expected and even the President agrees with this. Kaya ang panawagan namin sa Executive ay pagtulungan natin ito para makabangon ang ating mga kababayan.”

Sinabi ni Quimbo na kailangan ng pamahalaan na magdagdag ng sapat na halaga sa ekonomiya, upang maiwasan ang tinatawag niyang “stagflation” o ang kombinasyon ng stagnant economy at high inflation.

Binanggit din niya na kumpara sa ibang bansa sa Asya, ang Pilipinas ay maliit lamang ang ginasta laban sa gross domestic product o GDP noong 2020.

“Si Pangulong Duterte na po mismo ang nagsabi na masama ang sitwasyon ng ekonomiya,” ani Quimbo, na tumutukoy sa pag-urong ng ekonomiya sa 9.5 porsyento noong 2020, na pinakamasahol na karanasan sa kasaysayan ng Pilipinas, matapos ang pangalawang digmaang pandaigdig.

“One of the main drivers of the decline is the decrease of 7.9 percent in household consumption. Meanwhile, government spending only contributed to 1.3 percent to GDP growth last year. Kung kelan bagsak ang ekonomiya at inaasahan ang gobyerno na mag pump-priming, napakaliit ng growth in government spending.”

Layon ng HB 8626 na maglaan ng pondo na nagkakahalaga ng P420-bilyon para sa implementasyon ng mga kinakailangang tugon sa COVID-19, kabilang na ang pakikialam sa pag-ahon sa inklusibong ekonomiya at sama-samang paglago.

Iminumungkahi sa panukala ang paglalaan ng P108 bilyon para sa karagdagang social amelioration sa mga labis na naapektuhang kabahayan; P100 bilyon para sa pagpapatatag ng kakayahan sa negosyo ng mga sektor na labis na naapektuhan; P52 bilyon para sa subsidiya sa sahod; P70 bilyon para sa pagpapalakas ng kakayahan ng sektor ng agrikultura; P30 bilyon para sa internet allowance ng mga mag-aaral at mga guro; P30 bilyon para sa ayuda sa mga nawalan ng trabaho; P25 bilyon para sa mga gamot at bakuna sa COVID-19; at P5 bilyon para sa rehabilitasyon ng mga lugar na sinalanta ng bagyo.

Ang mga mungkahing ito ay hindi kasama sa National Expenditure Program, na isinumite ng Malacañang para matulungan ang Kongreso sa pagrepaso, deliberasyon at pagpasa sa pambansang badyet para sa 2021.

“Marami tayong natutunan sa Bayanihan 1 at 2, ang sabi ni Speaker Velasco, let’s identify mechanisms for assistance that are simple and can be effectively implemented,” dagdag pa ni Quimbo.

“Sa Bayanihan 3 po sabi ni Speaker Velasco, wala nang lista o listahan. Lahat kasama,” ani Quimbo hinggil sa usapin ng ayudang pinansyal sa panukala.

Sinabi ni Quimbo na ang pondong inilaan sa Bayanihan 2 na P165-bilyon at ang 2021 pambansang pondo sa P250-bilyon para sa pagtugon sa COVID ay “malinaw na kulang lalo na sa lugmok nating ekonomiya noong 2020, na tinatayang nagkakahalaga ng 3.2-trilyon.”

Sinabi rin niya na walang dapat na maging problema sa pamahalaan sa paglalaan ng P420-bilyon, dahil tinataya niyang may balanse ng pondo ang bansa na P1.6-trilyon noong Nobyembre 2020.

“Ito po ay datos na galing mismo sa ating research office dito sa Kongreso, ‘yung CPBRD,” ayon sa mambabatas, na tumutukoy sa Congressional Policy and Budget Research Department.” Bukod pa rito, ang natitirang inutang ng bansa ay nasa P2.82-trilyon pa, kaya’t may sapat tayong makukunan ng kinakailangang pondo para sa Bayanihan 3.

Kasabay nito, hinikayat ni Quimbo ang mga kritiko na tignang mabuti ang Bayanihan 3 at kung papaano nito mapapahinto ang pagbulusok ng ekonomiya ng bansa, dala ng hindi pagdaloy ng ekonomiya at pagtaas ng inflation.

“Together with the significant decline in economic output, we have seen an increasing inflation rate, recorded at 4.2 percent in January,” ani Quimbo. “Kapag magpatuloy ang pagtaas ng presyo ng pagkain at maapektuhan ang ibang sektor, baka magkaroon ng ‘stagflation’.”

So, yes our economy is sinking, the inflation rate is increasing, while economic output is decreasing. Mayroon naman pong solusyon – ang Bayanihan 3,” dagdag pa niya.

Sa pinakahuling bilang, 173 miyembro ng supermajority, minority at independent blocs sa Mababang Kapulungan ng Kongreso ang nagpahayag na ng kanilang suporta sa HB 8628. (ARA ROMERO)

PH COVID-19 cases umabot ng 541,560; new deaths, 114: DOH

Posted on: February 12th, 2021 by @peoplesbalita No Comments

Umabot na sa 541,560 ang bilang ng mga tinamaan ng COVID-19 sa Pilipinas, ayon sa Department of Health (DOH).

Batay sa pinakabagong case bulletin ng ahensya, nadagdagan ngayong araw ng 1,345 new cases ang coronavirus tally.

“4 labs were not able to submit their data to the COVID-19 Data Repository System (CDRS) on February 9, 2021.”

Sa ngayon nasa 30,188 ang bilang ng active cases o mga nagpapagaling.

Nadagdagan din ng 276 ang numero ng mga gumaling, kaya ang total recoveries ay umabot na ng 499,971.

Habang 114 ang bilang ng bagong naitalang namatay, na nagpaakyat sa total deaths na 11,401.

“12 duplicates were removed from the total case count. Of these, 10 were recovered cases.”

“Moreover, 9 cases previously tagged as deaths were reclassified as recoveries while 59 cases that were previously tagged as recoveries were reclassified as deaths after final validation.”

Una nang sinabi ng DOH na ang mataas na bilang ng bagong namamatay kamakailan ay dahil sa “data harmonization” nila ng Philippine Statistics Authority.

Wala pang paliwanag ang ahensya tungkol sa higit 100 bagong death cases ngayong araw.