Do good to all.
- March 5, 2026
Ang Diyaryong Pinagkakatiwalaan
Archive for February, 2021
Laput tipo ang Magnolia
MAGKAKAROON kaagad ang Magnolia Hotshots ng malaki o sentro kung masusunod lamang ang hangarin ng one-and-done former player ng Marinerong Pilipino Skippers sa Philippine Basketball Association Developmental League (PBADL) na si James Laput.
Binunyag ng 24 na taon, may taas na 6-10 na Filipino-Australian, na isa sa mga koponan na puntirya niyang malaruan sa 46th PBA 2021 Philippine Cup sa Abril 9 ang Pambansang Manok. Pero kailangang mapunta siya rito pagsapit ng Online 36th PBA Draft 2021 sa Marso 14.
“Magnolia is one of my preferred destinations, that is not a lie because they need a big man, they need a center,” litanya makalawa ng beterano rin ng 82nd University Athletic Association of the Philippines (UAAP) 2019-20 sa paglalaro sa De La Salle University Green Archers.
“Props to Ian Sangalang and Rafi Reavis, those guys are amazing, but I feel like they are one of those teams who still needs a big man,” dagdag ng sinilang at lumaki sa Perth, Victoria at kumampanya rin sa United States National Collegiate Athletic Associatin (NCAA) Division 2 school.
Pinangwakas niyang, nais din niya sa isang team ang kakayahan ng isang sentrong kagaya niya kaya sumasagi rin sa kanyang kukote kung sumala ang Magnolia sa kanya, ang Alaska Milk Aces o Meralco Bolts. (REC)
Voter’s registration pinalawig ng 2 oras, kahit holiday pwede na rin – Comelec
Pinalawig pa ng dalawang oras ng Commission on Elections (Comelec) ang schedule ng voter registration bilang paghahanda sa national at local elections sa 2022.
Ayon kay Comelec Spokesperson James Jimenez, mula Martes hanggang Sabado bukas ang mga opisina ng Election Officers sa buong bansa para tumanggap ng mga magpapa-rehistrong botante.
Alas-8:00 ng umaga hanggang alas-5:00 ng hapon bukas ang Offices of the Election Officers (OEO); at kahit holiday daw ay tatanggap sila ng magpaparehistro.
“The new schedule will be implemented beginning February 15, 2021.”
Para matiyak na nasusunod ang health protocols, itinakda ng poll body sa pagitan ng Biyernes at Lunes ang designated disinfection day sa mga OEO.“During disinfection, all Comelec offices nationwide will be closed and there will be no transactions with the public,” sabi ni Jimenez.
Una nang umapela si Jimenez sa mga eligible voters na makilahok sa demokrasya sa pamamagitan ng pagpaparehistro at pagboto.
Para sa mga magpaparehistro, pinayuhan ng Comelec na magpa-appointment muna sa irehistrocomelec.gov.ph at mag-fill up ng application form. (GENE ADSUARA)
DINGDONG, personal na naranasan ang hirap ng isang delivery rider; MARIAN, muling ipinasilip ang ‘bikini body’
PERSONAL na naranasan ni Kapuso Primetime King Dingdong Dantes ang matinding hirap na pinagdaraanan ng isang delivery rider.
Noong Valentine’s Day, isa nga si Dingdong sa nag-deliver sa natanggap na orders sa kanilang delivery app business na DingDong na ni-launch last year at may masuwerteng nakatanggap din ng regalo mula sa Dunkin’ Donuts na ini-endorse niya.
Post ni Kapuso actor/TV host sa kanyang FB at IG account, “I finished 6 deliveries this Valentine’s Day. But on an average, delivery riders accomplish around 8-10 transactions on good days like this one.
“I started at 9:30am and ended before 3pm, and as i sit here at home waiting for early dinner, I realize how difficult this job is. There are so many factors to consider: heat, dehydration, heavy traffic, wrong addresses – which can cause panic and delays, customer’s temperament, plus the danger of getting into accidents especially if you have not been properly trained.”
Dagdag pa niya, “And yet, our riders out there try to wear a smile at all times, and make everything look bearable. Maybe it’s because of their clear “why” and strong motivation. Ginagawa nila ito para sa mga mahal nila sa buhay.
“Kaya hanga talaga ako sa lahat ng delivery riders na araw araw ay tapat at magalang na naglilingkod at tumutulong sa pag-arangkada ng ekonomiya ng bansa. And today, mas lalo pang tumindi ang paghanga at respeto ko sa inyong lahat.
“That’s why i will never get tired of my mission of professionalizing this industry, especially for those who want to be successful in this field.”
Ang DingDong app ay nabuo bilang business idea nang si Dingdong mismo ang personal na nagdi-deliver ang flower arrangement ng Flora Vida by Marian Rivera, ang business na tinayo ng kanyang asawa. Layunin din nito na makatulong sa mga kasamahan sa entertainment industry na nawalan ng trabaho dahil sa pandemya.
Samantala, naging masaya pa rin ang simpleng celebration ng Valentine’s Day ng pamilya Dantes, na kung saan nag-prepare si Marian ng early dinner treat.
For sure, isa sa niluto ni Marian ang request nang mag-amang Dingdong at Zia ang kanyang special spaghetti, na nabanggit ng aktres sa zoom mediacon ng WalterMart Supermarket na kung saan kasama na niya si Zia bilang endorser, na kinigiliwan sa kanilang bagong TVC.
***
MAY Valentine’s treat din si Kapuso Primetime Queen Marian Rivera sa kanyang mga followers.
Sa kanyang Instagram post, muli niyang pinasilip ang bikini body with killer abs at may caption na, “Hope you guys are having a sweet day with your loved ones today Happy Valentine’s!
“Ang aking larawan ay kuha ng aking asawa. @dongdantes.”
Agad naman nag-react ang netizens na followers ng fashionpulis.com sa post na ito ni Marian na pinatutunayan lang na hindi siya buntis:
“Subtle way para sabihin na hindi siya buntis.”
“She gave birth twice but still managed to have that figure. WOW!”
“Asan ang hustisya jusko mas mukha pa akong nanganak kay Marian!”
“Oh ayan na hinihintay nyo. Hopia kayo!
“Grabe naman the abs.”
“Wow super HOT. THIS NEGATES THE SPECULATIONS.’
“Oo na, magdadiet na talaga ako bukas. Lol. Kainis naman toh. Binigyan na nga magandang mukha tapos yan pa ang katawan after 2 kids.”
“True! May magagandang mga anak may abs pa! Pengeng konting swerte girl.”
“Ganda pa rin ni Marian!”
“Pamatay ang abs.”
“Lalong bumabata ang hitsura niya.”
“Grabeng abs yan, nagmumura. I didn’t know nagwowork out din si Marian.”
“Looking for validation and praise. Hahaha.”
“Tell me how often does she post herself in a bikini? Everyday ba? Or how many selfies does she post in a day. May kilala ako atleast 5 posts/ stories pinopost a day.”
“wag kang ano. Validation yan na hindi sya buntis. And praise? Pununong puno sya nyan, di nya yan kelangan from people like you na naghahanap ng nega sa taong puro positive lang ang nangyayari sa buhay.”
“parang inedit pero ako lang to ha!”
“Sakit noh? Nakikita mo na pero deny ka pa rin. Yung isa kasi, nangako ng abs sa workout routine kineme niya kaso ning tinanong king meron na, waley pa rin. Partida dalawa pa ang junakis niyan ha! Pikit na lang mars kapag masakit na ang katotohanang sexy si marian.”
“Ayan pinagpipilitan pa rin kasing buntis, inferness palaban ang pandesal ni Marimar. Sana all talaga.”
“Sana ol pag nag swimming at pictorial natural gaya nya. Yung iba todo sa makeup at alahas.”
“Pak sa mga chismosang nagpipilit na buntis si Marian!”
“So asan na ang may sabing buntis sya?”
“Tumaba sya. Pero bagay naman.mas ok yung ganyang katawan kesa super payat.” (ROHN ROMULO)
2021 FIBA Asia Cup qualifiers sa Doha, Qatar, kanselado dahil sa pandemya – SBP
Kinumpirma ng Samahang Basketbol ng Pilipinas (SBP) na kanselado na ang pagsasagawa ng ikatlo at huling window ng 2021 Fiba Asia Cup qualifiers na gaganapin sa loob ng isang bubble set-up sa Doha, Qatar.
Sa isang pahayag, sinabi ni SBP President Al Panlilio na batay sa liham na kanilang natanggap mula kay FIBA Executive Director-Asia Hagop Khajirian, kinansela ang mga events na iho-host ng Qatar dahil sa sitwasyon ng coronavirus disease 2019 (COVID-19) sa nasabing bansa.
“The SBP is saddened by the development especially because we know the kind of work that our Gilas Pilipinas Men’s pool has done in Calamba,” SBP President Al Panlilio said.
“Although we are saddened by the situation, we also understand the predicament faced by the Qatar Basketball Federation as they had no choice but to follow the mandate of their government,” dagdag nito.
Kabilang sa mga apektado ng kanselasyon ang mga bansang nasa ilalim ng Group A na kinabibilangan ng Pilipinas, Korea, at Thailand, maging sa Group B (China, Japan, Chinese Taipei, Malaysia) at E (Iran, Syria, Saudi Arabia, Qatar).
Nakatakda sanang umalis sa mga susunod na araw ang Gilas, na kasalukuyang nagsasanay sa Calamba, Laguna.
Noong Huwebes nang ianunsyo ng FIBA na kinansela rin ang laban sa pagitan ng Hong Kong at Guam, na idaraos sana sa loob ng isang bubble sa Manama, dahil sa travel restriction na ipinatupad ng Bahrain.
Gayunman, ang laro sa Group C sa pagitan ng Australia at New Zealand ay tuloy pa rin sa Pebrero 20 sa Cairns, Australia.
Metro Manila mayors muling iginiit na kontra sila sa pagbubukas ng mga sinehan
Hindi sang-ayon ang mga alkalde ng Metro Manila sa muling pagbubukas ng mga sinehan.
Ayon kay Metro Manila Development Authority (MMDA) chairman Benhur Abalos, nakatakdang kausapin ng mga alkalde ang national government para sa nasabing desisyon na buksan ang sinehan sa mga lugar na nasa ilalim ng general community quarantine.
Paliwanag nito na matagal na mananatili sa loob ang mga manonood at walang sapat na ventillation.
Kapag mangyari aniya nito ay maaaring dumami pa ang bilang ng mga mahahawaan.
Wala na rin aniyang gumagawa ng mga pelikula dahil sa COVID-19 pandemic.
Paglilinaw nito na suportado niya ang hakbang ng gobyerno na buksan ang ekonomiya subalit gawin sana ito ng pakonti-konti.
Sinabi naman ni Quezon City Mayor Joy Belmonte na maging ang ilang mga mall owners ay hindi ring sang-ayon sa pagbubukas ng mga sinehan.
Tanging ang sinehan lamang ang kanilang hindi sinasang-ayunan subalit ang ilang negosyo na nabanggit ng gobyerno na bubuksan gaya ng mga libraries, museums, cultural centers, conference, exhibitions at ilang tourist attractions ay kanilang sinusuportahan.
Magugunitang inihayag ng national government na simula ngayong Pebrero 15 ay bubuksan ang nasabing mga negosyo at gagawing 50 percent ang magiging kapasidad ng mga dadalo sa mga misa.
Malakanyang, hindi kontra sa naging hakbang ng Kongreso hinggil sa paghahain nito ng Bayanihan 3
NILINAW ng Malakanyang na hindi ito kontra sa inihaing Bayanihan 3 bill na inisyatibo ni House Speaker Lord Allan Velasco kaugnay ng patuloy na pagtugon ng pamahalan sa COVID 19.
Ayon ay Presidential Spokesperson Harry Roque, ang ipinupunto lamang nila ay dapat lang masiguro kung may pangangailangan ba talaga para sa ikatlong Bayanihan.
Ang katwiran ni Sec. Roque ay mayroon pa naman kasing natitirang 25 porsiyento sa Bayanihan 2 habang may napagkukunan pa ring pondo sa stimulus package na nakapaloob sa 2021 budget.
Sa katunayan ay nagpapasalamat nga sila sa Mababang Kapulungan kaugnay ng nasabing inisyatibo gayung sakali mang kailanganin na ang Bayanihan 3 ay naririyan lang aniya ito at maaaring gamitin para sa patuloy na pagtugon sa pandemya.
“Well, let me clarify, we’re not actually rejecting it, we’re thankful that it was filed because it is a policy initiative that we may have to resort to.But right now, we’re not sure if we should implement it yet because number one, 25% of Bayanihan 2 still has to be spent and number two, of course, we have trillions of pesos in stimulus package embedded already in the 2021 Budget,” ayon kay Sec. Roque.
“What we’re saying is we’d like to thank Congress for this initiative because when and if we need to tap it, certainly we will resort to Bayanihan 3,” dagdag na pahayag nito.
Ang House Bill 8628 o ang Bayanihan 3 bill ay nagkakahalaga ng 420 billion pesos na di hamak na mas malaki sa pondong inilaan sa Bayanihan 2 na nasa 140 billion pesos habang hinugot naman ang Bayanihan 1 sa 2020 national budget na pumalo sa 77.89 billion pesos. (Bishop Jesus “Jemba” M. Basco)
Justin Timberlake, nag-apologize kina Britney Spears at Janet Jackson
NAG–ISSUE ng public apology ang pop star na si Justin Timberlake sa former girlfriend na si Britney Spears at sa singer na si Janet Jackson.
Ayon kay Justin, he had failed them in the past.
Nakatanggap ng bashing si Timberlake on social media dahil sa interview niya 20 years ago tungkol sa naging sex life niya with Spears noong sila pa.
Lumabas ang old interview na ito ni Justin sa isang TV documentary tungkol kay Britney at napahiya raw ito noong magtapos ang relasyon nila ni Timberlake in 2002.
Kinuwesyon ng media ang virginity ni Britney pagkatapos sabihin ni Justin na nag-sex na sila.
Pinagsisihan din daw ni Justin ang hindi pag-ako sa naging wardrobe malfunction ni Janet Jackson during the 2004 Super Bowl kunsaan biglang na-expose ang breast ni Jackson on stage.
“I specifically want to apologize to Britney Spears and Janet Jackson both individually, because I care for and respect these women and I know I failed,” caption ni Timberlake sa kanyang post sa Instagram.
Sey pa ng singer na sana ay naging matapang siya noon sa pagtanggol kina Britney at Janet.
“I understand that I fell short in these moments and in many others and benefited from a system that condones misogyny and racism.
“Because of my ignorance, I didn’t recognize it for all that it was while it was happening in my own life.”
***
ISANG dahilan sa pag-uwi ni Anne Curtis sa Pilipinas ay ang maasikaso ang makeup collaboration nila ng sister-in-law na si Solenn Heussaff.
Isang taon daw nilang trinabaho ang kanilang makeup brand na BLK Cosmetics’s Artist Collection.
Naging inspirasyon daw nila sa kanilang cosmetic brand ang kanilang mga anak na babae na sina Thylane at Dahlia na parehong ipinangak noong 2020.
Post ni Solenn sa IG: “For the past year we have been working on this collab for all the make up lovers out there. This shoot was supposed to be with @annecurtissmith but because of how things are, I had to shoot without her 🙁
“But there is always a next time and many amazing things to look forward to this year. Designed the packaging inspired by the love for our daughters, this is a limited edition, available tonight na! #SolennArt #blkxsolenn”
Happy si Anne sa pinaghirapang makeup collection ni Solenn.
“Couldn’t be more happier that our first collab is with @solenn. It was a year in the making. She designed the packaging, chose the shades and of course did the amazing artworkz
“The packaging is so pretty & everything is so easy to use love it so much sos!!!! Merci! Packaging soooooooo nice makes me not want to use it and keep them FOREVER!!!” post ni Anne via IG.
***
KAMPANTE na makatambal ni Kate Valdez si Migo Adecer sa bagong 2-part episode ng My Fantastic Pag-ibig na ‘Exchange of Hearts’ dahil bago pa raw sila naging artista sa GMA, magkaibigan na raw sila.
Kuwento ni Kate na sa isang VTR Go-See ng isang TV commercial sila unang nagkakilala ni Migo. Nataon na sila ang napili para sa TVC.
“Medyo weird si Migo noon. Tahimik lang siya at kapag kinakausap ko siya, tatango lang siya. Yun pala, hindi niya ako maintindihan magsalita kasi nagta-Tagalog ako. Laki siya sa Australia kaya konting Tagalog words lang ang maiintindihan niya,” tawa pa ni Kate.
Nagkita raw sila ulit noong audition sa StarStruck season 6 kunsaan nanalo si Migo bilang Ultimate Male Survivor. Si Kate naman ay hindi na tumuloy sa audition at pinapirma na siya ng kontrata sa GMA Artist Center. Sa telefantasya na Encantadia muling nagkasama ang dalawa.
Bukod sa My Fantastic Pag-ibig, magkasama rin sina Kate at Migo sa Anak Ni Waray Vs. Anak Ni Biday kunsaan ka-love triangle nila si Barbie Forteza. (RUEL J. MENDOZA)
TEEJAY at JEROME, ‘di inaasahan na magiging maganda ang pagtanggap sa ‘Ben X Jim’; asahang mas nakakikilig ang Season 2
NAG–START na noong February 12 ang season 2 ang BL series na Ben X Jim na from Regal Entertainment starring Teejay Marquez and Jerome Ponce, under the direction of Easy Ferrer.
Sa recent zoom presscon ng season 2 ng serye, kapwa sinabi nina Teejay at Jerome na hindi nila inaasahan ang magandang reception ng publiko sa kanilang BL movie.
Pero siyempre ikinatuwa nila na maraming nanood sa kanilang BL movie at marami ang sumubaybay rito hanggang natapos.
Sabi pa ni Teejay, sa tingin niya ang magandang kwento ng Ben X Jim ang susi kung bakit ito nagustuhan ng mga manonood.
“Dahil sa magandang kwento, they have reason to look forward sa susunod na episode the following week. Nakaabang sila talaga kung ano ang mangyayari sa kwento nina Ben at Jim,” sabi ni Teejay.
For his part, sinabi naman ni Jerome na hindi lang basta yung yummy part ng series ang inaabangan ng mga viewers. Siyempre kasama iyon sa attraction ng kwento pero more than the yummy scenes ng mga bida, ang magandang kwento talaga ang nagdala sa series.
Ayon pa sa kina Teejay at Jerome, mas marami pang pa-yummy at kilig scenes na dapat abangan sa season 2 pero dapat pa rin tutukan ang magandang kwento ng Ben X Jim Forever.
Familiar si Teejay sa mga BL movies which were being done in Thailand bago pa naman ito nauso sa Pilipinas.
Aware si Teejay na maraming following ang BL movies from local and international audience. Kaya naman happy sila na tinangkilik ang Ben X Jim hindi lang ng Pinoy audience kundi pati ng mga fans overseas.
Sa Ben X Jim Forever ay maraming new characters na ipakikila kaya expect na mas maganda and interesting ang kwento nito.
Kasama nina Teejay at Jerome Ponce sa 8-part series sina Kat Galang, Darwin Yu, Ejay Jallorina, Miko Gallardo, Anikka Dela Cruz, Jomari Angeles, Sarah Edwards, Ron Angeles, Vance Larena, at Royce Cabrera.
More than 10 million views ang nakamit ng Ben X Jim sa entire run ng season 1 nito na napanood sa Facebook at You Tube channel.
***
MARAMI rin ang views ng mga Regal movies sa Netflix. At iba sa mga ito ay nag-trending.
Kabilang sa mga most-watched Regal movies at nag-trend sa Netflix ay Ang Henerasyong Sumuko sa Love (No. 3), The Hopeful Romantic (No.1) at The Heiress (No. 10).
Available na rin for viewing sa Netflix this February ang Foolish Love (nagsimula noong Feb 11), at My Rebound Girl (Feb 25).
Ang iba pang Regal movies na dapat abangan sa Netflix ay This Time I’ll Be Sweeter (March 11), The Curse (March 25), I Love You To Death (April 9), The Prenup (April 23), No Boyfriend Since Birth (May 13), So It’s You (June 3) at The Debutantes (June 24). (RICKY CALDERON)
CBCP, ikinatuwa ang pag-OK ng IATF sa dagdag na pwedeng dumalo sa misa
Patuloy pa rin ang panawagan ng ilang opisyal ng Simbahang Katolika sa mga mananampalataya na sundin pa rin ang ipinapatupad na minimum health protocols kapag dumadalo sa mga misa.
Ito ay kahit na ginawang 50 percent na ng gobyerno ang kapasidad ng mga dadalo sa bawat misa simula Pebrero 15.
Sinabi ni Father Jerome Secillano ang public affairs committee ng Catholic Bishop Conference of the Philippines (CBCP), dapat huwag magpakumpiyansa hangga’t nasa panahon pa rin ng pandemya.
Ipinaliwanag pa rin nito na mahalaga ang pagdalo sa misa dahil ito ang isa sa mabisang paraan para matapos na ang COVID-19.
Magugunitang bukod sa pagdagdag ng bilang sa mga dadalo ng misa ay bubuksan na ng gobyerno ang ilang negosyo gaya ng sinehan, museum, tourist spots at mga parke para makabawi ang ekonomiya.