2021 February Archive - People's Balita

Archive for February, 2021

9 arestado sa droga sa Navotas

Posted on: February 18th, 2021 by @peoplesbalita No Comments

Siyam na hinihinalang sangkot sa ilegal na droga kabilang ang dalawang ginang ang nasakote ng mga tauhan ng Maritime Police sa Navotas City.

Ayon kay Northern NCR Maritime Police Station (MARPSTA) head P/Major Rommel Sobrido, dakong 6 ng gabi, nagsasagawa ng Oplan Sita ang kanyang mga tauhan sa pangunguna ni PLT Erwin Garcia sa harap ng Boss Ben, Market 1 Gate sa Bulungan St. NFPC, Brgy. NBBN nang parahin nila ang dalawang lalaki na magkaangkas sa motorsiklo dahil walang suot na helmet.

Hinanapan ng mga pulis ang driver na kinilalang si Francis Valiente, 27, messenger ng St. James, Sisa Exit, Tinajeros, Malabon city ng driver license at kaukulang papeles at nang buksan ang compartment ng motorsiklo nakita nila na tinakpan ng back rider na si Jhon Mark Durana, 23 ang isang stainless swiss knife.

Inatasan ng mga pulis ang dalawa na ilabas ang laman ng bulsa nila at itaas ang damit ay nakita sa kanilang baywang ang tig-isang plastic sachet ng hinihinalang shabu na naging dahilan upang arestuhin ang mga suspek.

Nuna rito, dakong 3:30 ng hapon nang maaktuhan naman ng mga tauhan ng Maritime Police na nagsasagawa ng foot patrol si Joseph Mendoza, 36, Eduardo Bataanon, 49, Pepito Liwanag, 56, Sonny Umpad, 31, Alejandro Dayao, 48, pawang mangingisda, Cristy Rivera, 41, at Janeth Batiancila, 42, na sumisinghot umano ng shabu sa isang abandonadong fishing vessel sa Pier 5 NFPC Brgy. NBBN dahilan upang arestuhin ang mga ito.

Ani PSMS Nemesio “Bong” Garo, nakumpiska sa mga suspek ang limang plastic sachets ng hinihinalang shabu na tinatayang nasa P3,600 ang halaga at ilang drug paraphernalias. (Richard Mesa)

250,000 RESIDENTE NG MAYNILA, NAKATANGGAP NG FOOD BOXES

Posted on: February 17th, 2021 by @peoplesbalita No Comments

NAKATANGGAP na ng food boxes na bahagi ng COVID-19 Food Security Program ng pamahalaang lungsod ang mahigit sa 250,000 na residente ng Maynila.

Napag-alaman na ang mga residente sa Distrito 1 at 2 sa Tondo ang unang nagbenipisyaryo ng nasabing programa kung saan nasa kabuuang 250,054 food boxes na ang naipamahagi na nagsimula nito lamang nakaraang Pebrero 10.

Sa ulat na ipinarating kay Manila Mayor Isko Moreno Domagoso ni Department of Public Service Director Kenneth Amurao, nasa ikatlong distrito na sila ng Maynila namamahagi ng mga food boxes at inaasahang matatapos nila ito ngayong araw.

Ang pamamahagi ng mga nasabing food boxes ay pinamumunuan ng Manila Traffic and Parking Bureau, Department of Engineering and Public Works at Department of Public Services.

Ayon pa kay Amurao, inaasahang matatapos ang kanilang pamamahagi ng mga food boxes sa ika-apat at ikalimang distrito ng Maynila bago matapos ang linggong ito.

Sa ilalim ng Manila COVID-19 Food Security Program, sinabi ng Alkalde na halos 700,000 pamilya sa kabisera ng bansa ang tatanggap ng nasabing ayuda mula sa lokal na pamahalaan sa susunod na anim na buwan.

Ang bawat food box ay naglalaman ng tatlong kilo ng bigas, 16 piraso ng canned goods at 8 pakete ng kape. Naglaan ang lokal na pamahalaang lungsod ng P3 bilyon para sa naturang programa.

“Pipilitin natin sa lungsod na walang pamilyang magugutom. Sa Maynila, kakain tayo,” ani Mayor Domagoso.

“May mga bagay na hindi na muna natin tutugunan pero ito iyong mga bagay na sa tingin kong makapaghihintay dahil naniniwala ako na ang tao may kumakalam na sikmura, ang kalsada ay wala,” giit pa ng Alkalde. (GENE ADSUARA)

CBCP naglabas nang panuntunan para sa Ash Wednesday

Posted on: February 17th, 2021 by @peoplesbalita No Comments

Naglabas ang Catholic Bishop Conference of the Philippines (CBCP) ng panuntunan para sa obserbasyon ng Ash Wednesday ngayong panahon ng COVID-19 pandemic.

Ilan sa mga ito ay gagamit na lamang ang simbahan ng mga natuyong sanga at dahon ng mga halaman at mga puno dahil hirap ang mga simbahan na makakuha ng mga lumang palaspas noong nakaraang taon bunsod ng ipinatupad na pandemic.

Dahil na rin sa limitadong bilang ng mga tao na papayagang makapasok sa simbahan sinabi ni Baguio Bishop Victor Bendico ang chairman ng CBCP Episcopal Commission on Liturgy na maaaring bigyan na lamang ng abo na nakalagay sa plastic ang mga mananampalataya at sila na ang maglalagay nito sa noo ng kanilang kaanak na nasa bahay.

Bibigyan din sila ng simbahan ng mga paraan at dasal para sa paglalagay ng abo.

Para iwas na rin sa pagkakahawaan ng COVID-19 ay isang option ng simbahan ay ang pagpatak ng abo sa ulo at maaari ring gumamit ng bulak.

Tiniyak din ng CBCP na mahigpit na ipapatupad ang minimum health standard sa mga dadalo at misa.

Magugunitang ginawang 50 percent na ng national government ang kapasidad na mga dadalo sa mga misa mula sa dating 30 percent.

Nobita and Shizuka get married in ‘Stand By Me Doraemon 2’

Posted on: February 17th, 2021 by @peoplesbalita No Comments

“THIS is not a drill!”

Nobita and Shizuka from the classic anime “Doraemon” are finally getting married!

“The long wait is over for Doraemon ! Stand by Me Doraemon 2 will be shown FIRST at SM,” according to the announcement of SM Cinema.

The film will have a Fan Screening at SM Bacoor this February 20 at 4 p.m.

Tickets are at P1400 and are available via this link: https://www.smtickets.com/events/view/9657?fbclid=IwAR0XX7xxMezjRcaaSYxI6k9U-R45GxP6EYPcRYdn-ZGnfJklKJOM3ayJqJw

This is already inclusive of regular popcorn and bottled iced tea and premium items including the following: T-shirt, Coaster Set (with 5 designs) and A2 Poster Design A, B, and C.

Stand By Me Doraemon 2 follows Nobita as he continues his journey of trying to change the future and getting Shizuka to marry him. Here, Nobita goes back in time to meet his grandmother whose desire is to meet Nobita’s future bride.

Future Nobita, on the other hand, gets a panic attack just as he is about to marry Shizuka. To try to calm himself down, he goes back in time to see Doraemon again, and it’s with him that he confides his worries about not being the right person for Shizuka.

The film marks the 50th anniversary of the Doraemon franchise, which began as a manga in 1970. Stand By Me Doraemon 2 premiered in Japan back in November 2020.

Watch the trailer below: https://www.youtube.com/watch?v=ubhaPWvwwqM&feature=emb_logo

For updates on this film release, you can follow SM Cinema’s official Facebook and Twitter page or join its official Viber community. (ROHN ROMULO)

Desisyon ng Korte Suprema na ibasura ang poll protest ni BongBong Marcos, ginagalang ng Malakanyang

Posted on: February 17th, 2021 by @peoplesbalita No Comments

GINAGALANG ng Malakanyang ang naging desisyon ng Korte Suprema na nakaupo bilang Presidential Electoral Tribunal (PET), na ibasura ang election protest na inihain ni dating Senador Ferdinand “Bongbong” Marcos Jr. laban kay Vice President Leni Robredo na may kaugnayan sa naging resulta ng 2016 race.

“Yan ay desisyon ng kataas-taasang hukuman, we respect that and we respect also that the camp of Senator Bongbong Marcos has a further remedy of moving for reconsideration,” ayon kay Presidential Spokesperson Harry Roque.

Sa ulat, sinabi ni SC Spokesperson Brian Hosaka na nagkaisa ang korte na bumoto na ibasura ang nasabing protesta na may limang taon na ang nakalilipas nang ihain ito ni Marcos noong Hunyo 29, 2016.

Sa limang 15 mahistrado na dumalo sa pulong ay 7 mahistrado ang “fully concurred” sa pagbasura sa petisyon habang ang natitirang bilang ay “concurred” sa resulta.

Sinabi ni Hosaka na ang nasabing desisyon ay ia-upload sa website ng Korte Suprema sa oras na maging available na ito.

Hindi naman masabi ni Hosaka kung ang desisyon ay maaarinng iapela.

“I cannot answer the question because I only have the information which I read,” anito.

Sinabi naman ni Atty. Romulo Macalintal, abogado ni Robredo na hindi pa nila natatanggap ang naturang kopya ng desisyon.

“Hindi pa kami nakakatanggap ng desisyon, nakinig lamang kami sa presscon,” ayon kay Macalintal.

“Ngayon lang kami magkakausap mula nung magkaroon ng pandemya tungkol sa bagay na ito,” dagdag na pahayag nito.

Matatandaang, naghain ng memorandum sa Presidential Electoral Tribunal (PET) si dating senador Bongbong Marcos para sa kanyang electoral protest laban kay Vice President Leni Robredo.

Humingi ng konsiderasyon si Marcos sa PET na repasuhin at muling pag-aralan ang paunang resulta ng poll recount.

Matatandaan na nitong Oktubre ng taong 2019, inihayag ng PET na batay sa initial recount sa tatlong pilot provinces, lumaki pa ng 15,000 ang lamang ni Robredo kay Marcos. (Daris Jose)

MASTERING THE ART OF DENIAL

Posted on: February 17th, 2021 by @peoplesbalita No Comments

An Outburst of “Bright kids” are all over Philippines President Rodrigo Roa Duterte (PRRD) Appointed Government Officials.

Most are great and sadly morons were’nt left behind in (PRRD) administration.

Whether you were born in :

Silent Generation (1928-1945)

Baby Boomers (1946-1964)

Generation X (1965-1980)

Millennials (1981-1996)

Generation Z (1997-2012)

You’re no different from no one else.

We are all humans, and must act like one.

The said Silent Generation and Baby Boomers are the so-called

“Old School”. Unluckily, if you don’t do well at office even at home. You’re a NEANDERTHAL or a Fossil.

Sadly, some of the appointees of (PRRD) in office are unaware and perhaps in the process of studying an even simply doing a trial and error to every Filipinos.

They’ve been tried tested and roasted. While continuing to use their respective position, the Filipino people’s lives are being toyed by them. Unfortunately, the positions their in are way to brilliant .

Like. (1) LTO ASec Edgar Galvante is now having a dose of the untimely and even an unwanted additional payments on vehicle renewal. The Private Motor Vehicle Inspection Centers (PMVICS) which memorandum circular no. 2020-2217 was passed and revised last August 16, 2020. (Followed by a Child Car Seat). An act they thought timely and quick. To think that we are going through Covid-10 pandemic and most were succumbed in debt and burdened.

Was it an “Old School Move? Or as for Gen Z and Millenials “The Moves?

(2) DOH Francisco Duque III became complacent and already numb since the pandemic started up to present. One may ask, why are they in their still in their seats?.

Faith, Hope, Trust are our way of thinking whenever we are being led to believe that we are still fine.

Faith: Fools are in the House

Hope: Holding Our People Endlessly (Down) Trust:??????

Come to think of it. Contingency plans are always there, for excuse.

Right? Bright kids? Anyone? (CHRISTIAN TUPAZ)

PDu30 kay Robredo sa isyu ng VFA: Wala ka sigurong alam!

Posted on: February 17th, 2021 by @peoplesbalita No Comments

“WALA ka sigurong alam!”

Ito ang buweltang tugon ni Pangulong Rodrigo Roa Duterte makaraang ihalintulad ni Vice-President Leni Robredo sa pangingikil ang paghingi niya (Pangulong Duterte) ng bayad mula sa US para sa pagpapatuloy ng mga aktibidad sa ilalim ng Visiting Forces Agreement (VFA).

Sinabi kasi ni Robredo na parang gawain lamang ito ng isang kriminal.

Ibinunyag ni Pangulong Duterte na unti-unti nang pinalalakas ng Amerika ang base nito sa Subic.

Iginiit niya bilang mensahe kay Robredo na maraming armas na ang nakalagay sa Pilipinas ang Amerika at unti-unti nang naco-convert ang Subic sa isang American base.

“Alam mo ba ma’am, as President do you know there are so many depot, maraming armas dito na nakalagay sa Pilipinas ang Amerika. Do you know they are slowly converting Subic into an American base,” ayon sa Pangulo sa kanyang public address, Lunes ng gabi.

“Wala ka sigurong alam. These are things knows to us because I have reports and assessment given to me by the AFP (Armed Forces of the Philippines). Ang unang tatamaan kung nagkagiyera ang Amerikano sa Pilipinas, alam mo, the meltdown will start in Palawan, it’s the province facing Spratly,” anito.

Ayon pa sa Pangulo, “In worst case scenario, kung may isang gago dyan na magpaputok ng rocket gulo na yan, and the Philippines will be drawn into the vortex of the conflict that is called war.”

Ipinamukha nito kay Robredo na nakasaad sa 1987 Constitution “provides that foreign relations or foreign policy is vested on the president alone.”

“She’s (Robredo) a lawyer and she forgets that the Constitution says that is my function, it is not their function at kung ano ang gusto kong sabihin para sa bayan may purpose ‘yan,” anito.

Aniya pa, bumili ng armas ang Pilipinas sa Estados Unidos kung saa bumilang naman ng maraming taon bago naideliver sa bansa ang nasabing nabiling armas.

Bukod dito, tinanggihan ng US Congress ang kahilingan ng Pilipinas na bumili ito ng mga helicopter.

“Tayo malapit sa China, the theater of war. Kung mag-umpisa man (ang gera) is dito sa (South) China Sea. Pinipilit natin na Amerikano, tayo, we should be provided with the arms and armaments that would at least place us on equal footing with those in war with us. Iyong Amerikano, wala namang binibigay,” paliwanag ng Pangulo.

“I have talked with some Americans, sabi nila ‘yung war games, it’s coming in May. Ang mga Amerikano, nagdala ng armas, mag-display sila, tinuturuan nila ang Pilipino pa’no gumamit during war games and then after that they go home and bring back their equipment – iyan ang lamentations ng Pilipino, yan ang hindi alam ni Robredo,” dagdag na pahayag ng Punong Ehekutibo.

Sinabi ng Pangulo na walang alam ang bise presidente sa mga nangyayari, dahil ang mga nabanggit niya ay galing sa mga ulat at assessment ng Armed Forces of the Philippines.

“Pagkaalam ni Robredo, nothing’s wrong with America and the Philippines. Ikaw ma’am, I’m sorry to say you are not really qualified to run for president, you do not know your role in this government,” ayon sa Pangulo.

Dahil dito, kumbinsio si Pangulong Duterte a na walang kakayahan si Robredo na maging isang Pangulo base sa mga nasabi nitong komento tungkol sa VFA. (Daris Jose)

Smoke emission test kailangan pa rin sa LTO

Posted on: February 17th, 2021 by @peoplesbalita No Comments

Nilinaw ng Malacanang na kailangan pa rin ang smoke emission test kahit na hindi na mandatory ang Motor Vehicle Inspection System (MVIS) sa pagrerehistro at renewal ng sasakyan sa Land Transportation Office (LTO).

“We have just a clarification. While the President said that motor vehicle inspection must be suspended, there is still a need to submit either the emission clearance or MVIS. This is how it goes: you can choose from two options – the emission test or MVIS. You can’t reject both. Because of the appeal of the President appeal, MVIS won’t increase fees,” paglilinaw ni presidential spokesman Harry Roque, Jr.

Ang mga bagong adjusted fees na sisingilin ng PMVIC ay nakapako sa P600 para sa light vehicle, P500 sa motorcycles, at P300 para sa public utility jeepneys. Ang mga nasabing fees ay kaparehas na ng sinisingil ng mga PETCs.

Dati rati ang kailangan lamang para sa rehistro ng sasakyan ay ang certificate of compliance sa Clean Air Act sa pamamagitan ng smoke emission testing na ginagawa ng mga private emission testing centers (PETCs).

Dahil sa pagkakaron na ngayon ng private motor vehicle inspection centers (MVICs), ang mga sasakyan ay maari rin na dumaan sa automated three-stage system na may 73 inspection points bago sila maging roadworthy at eligible na tumakbo.

Ang motorista ay maaaring pumili kung ang gusto nila ay emission testing clearance the galing sa private emission testing center o di kaya ay ang certificate na galing sa accredited na pribadong motor vehicle inspection centers (MPVICs).

Sinabi naman ni Department of Transportation (DOTr) Assistant Secretary Goddess Libiran na tatangapin ng LTO ang certificates o di kaya ay resulta na galing sa PETCs o kaya ay mula sa PMVICs.

“Inspection certificates are still required prior to registration of motor vehicles. This means that before you get your car registered, you will have the option to have it inspected either in a PETC or in a PMVIC. What is not mandatory is the inspection in PMVICs only,” saad ni Libiran.

Nilinaw din ni Libiran na kung ano na ang magiging gamit ng PMVIC kung ito ay hindi na mandatory at kanyang sinagot na kailangan ang mga centers upang matiyak na roadworthy at safe ang mga sasakyan.

Ayon naman kay LTO chief Edgar Galvante na hindi nila sinasabi na inferior ang mga PETCs. Ang mga ito ay ang tinitingnan lamang ay ang emission samantalang ang mga MVICs ay tinitingnan ang buong performance ng sasakyan kaya’t hindi sila parehas ng serbisyo na binibigay.

“So our request to motorists is to submit their vehicle for total check-up or a full systems check for the same amount of money you pay in PETCs,” dagdag ni Galvante. (LASACMAR)

10 drug personalities natimbog sa Caloocan

Posted on: February 17th, 2021 by @peoplesbalita No Comments

Sampung hinihinalang sangkot sa ilegal na droga kabilang ang apat na babae ang nasakote ng pulisya sa magkahiwalay na drug opereation sa Caloocan City.

Sa report ni Caloocan police chief Col. Samuel Mina Jr. kay Northern Police District (NPD) Director P/BGen. Nelson Bondoc, dakong 12:40 ng madaling araw nang magsagawa ng buy bust operation ang mga operatiba ng Station Drug Enforcement Unit (SDEU) sa pangunguna ni PMAJ Deo Cabildo sa Baltazar St. Brgy. 63 na nagresulta sa pagkakaaresto kay Jhosa Jurok, alyas “Boss”, 24 ng M. Hizon St. Brgy. 63, at Edison Lopez alyas “Esot”, 26 ng Libis Espina St. Brgy. 12.

Nakuha sa mga suspek ang nasa 20 gramo ng hinihinalang shabu na tinatayang nasa P136,000 ang halaga at buy bust money na binubuo ng isang P500 bill at pitong piraso P1,000 boodle money.

Dakong alas-10:30 naman ng gabi nang respondehan ng mga tauhan ni PLT Ronald Allan Soriano ng West Grace Park Police Sub-Station ang natanggap na tawag mula sa isang concerned citizen hinggil sa isang grupo ng indibidwal na nagtatransaskyon umano ng ilegal na droga sa Doña Rita St. Brgy. 19.

Pagdating sa lugar, naaktuhan ng mga pulis ang grupo na nagtatransakyon ng droga na nagresulta sa pagkakaaresto sa mga suspek na kinilalang si Marian Montemayor, 41, Gloria Javier, 43, scavenger, Roland Familgan, 46, construction worker at Roderick Sanchez, 51, construction foreman.

Nakumpiska sa kanila ang pitong plastic sachets na naglalaman ng nasa 1.5 gramo ng hinihinalang shabu na tinatayang nasa P10,200.00 ang halaga.

Nauna rito, alas-9:55 ng gabi nang makuhanan naman ng nasa 2 gramo ng hinihinalang shabu na tinatayang nasa P13,600 ang halaga si Paul Lobo, 41, construction worker, at Larnie Dela Cruz, 40, house wife matapos masita ng mga pulis na nagsasagawa ng Oplan Galugad sa harap ng bahay sa No. 446 Sterling Diamante St. Deparo, Brgy. 170, ng lungsod dahil kapwa walang suot na face mask at tinakbuhan pa ang mga pulis.

Alas-10:40 din ng gabi nang respodehan din ng mga pulis ang tawag sa telepono mula sa isang concerned citizen hinggil sa proliferation ng ilegal na droga sa Tulingan St. Brgy.14, ng lungsod na nagresulta sa pagkakaaresto kay Sonny Ocampo, 47, tricycle driver at Carlito Lurique, 45, vulcanizing boy.

Narekober sa kanila ang tig-isang plastic sachet ng hinihinalang shabu na tinatayang nasa P3,400 ang halaga. (Richard Mesa)

Ads February 17, 2021

Posted on: February 17th, 2021 by @peoplesbalita No Comments