Hiniling ng isang House leader sa Toll Regulatory Board (TRB) na ipagpaliban muna ang implementasyon ng 3-trike policy para sa mga motoristang gumagamit ng radio frequency identification lanes na walang sapat na load.

Si House Deputy Speaker Wes Gatchalian ang humuling na ipagpaliban muna ang pagpapatupad ng three-strike policy hanggang wala pa ang interoperability ng dalawang (2) major tollway operators.

“Until such time that Easytrip and Autosweep are made compatible with each other’s tollway system, no fines should be imposed on motorists using the expressways,” wika ni Gatchalian.

Ang San Miguel Corp ang siyang namamahala sa South Luzon Expressway na gumagamit ng cashless toll payment na Autosweep. Samantalang ang Metro Pacific Tollways Corp ay ang gumagamit ng Easytrip cards para sa mga motoristang dumadaan sa North Luzon Expressway.

Ayon kay Gatchalian na bakit ang mga motorista ang dapat na parusahan at bigyan ng multa samantalang ang mga toll operators ay walang ginagawa upang maging maganda at maayos ang implementasyon.

“Why should we penalize motorists who use the expressways when the toll operators are getting away despite bungling the implementation of the cashless toll payment system?” saad pa rin ni Gatchalian.

Noon pa man ay giniit na niya sa Department of Transportation (DOTr) na suspendihin muna ang cashless toll collection payment hanggang ang RFID interoperability bill ay hindi pa napapasa at nilalagdaan bilang isang batas ng Mababang Kapulungan.

Ayon pa rin kay Gatchalian na ang mga mambabatas mula sa Metro Manila ay nagkakaisa na ang RFID system ay dapat munang ipagpaliban hanggang ang lahat ng mga issues ay naayos na.

Ayon naman kay alternate TRB chairman Garry de Guzman, ang nasabing policy ay naglalayon na itanim sa mga motorista ang disiplina na maglagay muna ng load bago pa sila pumasok sa mga RFID lanes upang maiwasan ang pagkaantala at kaabalahan sa mga motoristang sumusunod na gumagamit ng RFID.

“Since there are already a lot of RFID users, sad to say, there are also who are abusive. They enter RFID lanes without load. You will be surprised that based on the statistics given by the operators, there are those who enter 50 times without load,” saad ni de Guzman.

Kung kaya’t upang maresolba ang nasabing problema, ang TRB board ay sumangayon na gumawa ng three-strike policy.

Sa ilalim ng planong three-strike policy, ang mga hindi susunod na mga motorista ay bibigyan ng paalala para sa kanilang unang paglabag, babala naman sa ikalawang paglabag at paghuli na may kasamang multa sa ikatlong pagkakataon.

Ang pagkakaron ng patuloy na pagsisikip ng trapiko ay lagi na lamang nangyayari sa mga major toll plazas tulad ng Calamba kung saan ang mga motorista ay nagbabayad ng cash na dapat sana ay para sa mga gumagamit ng RFID.

Samantala, payag naman ang Miguel Corporation (SMC) sa patakaran ng Toll Regulatory Board (TRB) na magpatupad ng “three-strike” policy para sa mga motoristang gumagamit ng electronic payment collection lanes kahit na kulang na ang load credits. (LASACMAR)

LUNGSOD NG MALOLOS – Nagsagawa ang Pamahalaang Panlalawigan ng Bulacan sa pamamagitan ng Provincial Public Affairs Office sa pakikipag-ugnayan sa Provincial Health Office-Public Health ng Media Literacy hinggil sa COVID-19 Vaccine Program  sa ilang mamamahayag sa Bulacan sa pamamagitan ng Google Meet kahapon.

Mahalagang hakbang ang pagbibigay ng oryentasyon sa mga mamamahayag dahil katuwang ang mga ito sa pagbabahagi ng impormasyon sa publiko.

Sa ngalan ni Gob. Daniel R. Fernando, sinabi ni Maricel Santos-Cruz, pinuno ng PPAO, na kinikilala niya ang mahalagang gampanin ng mga mamamayag sa pagbibigay sa publiko ng mapagkukunan ng tama at napapanahong impormasyon na magpapaunawa sa publiko ng kahalagahan ng bakuna.

Samantala, ipinirisinta ni Theresa Marie Bondoc, Health Education and Promotion Officer III mula sa DOH-Central Luzon Central for Health Development, ang 10 kailangan malaman ng lahat hinggil sa bakuna kontra COVID-19 na sumasagot sa 10 katanungan kabilang ang Bakit kailangang magpabakuna?; Anong bakuna ang gagamitin?; Libre ba ito? Sino ang unang mababakunahan?; Saan at kailan ang pagbabakuna?; Ano ang gagawin bago, habang at pagkatapos bakunahan?; Maaari na bang hindi sundin ang health protocols matapos bakunahan?; at Paano malalaman kung hindi peke ang bakunang makukuha?

Ipinaliwanag ni Bondoc na maiiwasan ng bakuna ang symptomatic at malalang impeksyon at pagkalat nito kung saan Pfizer and AstraZeneca ang mga bakunang aprubado ng FDA at nabigyan na ng Emergency Use Authorization o EUA.

“Richest countries worked and join hand in hand to expedite the research and development process of the vaccine, but that doesn’t mean na nagskip tayo ng step, masusi po itong pinag-aralan,” ani Bondoc.

Para sa prayoritasyon ng pagbabakuna, kabilang sa priority eligible group A ang frontline health workers, mahihirap na senior citizen, iba pang senior citizens, iba pang mahihirap na populasyon, at uniformed personnel; habang nasa group B ang mga guro at social workers, iba pang empleyado ng pamahalaan, iba pang manggagawa, socio-demographic na mga manggagawa at mga higit na mataas ang risk maliban sa mahihirap na senior citizens at populasyon, OFWs, at iba pang mga manggagawa; at Group C para sa mga natitira pang Pilipino.

Aniya, libre ang bakuna at parehong brand ang tatanggapin ng isang tao para sa dalawang dose na imomonitor hanggang pagkatapos ng bakuna.

“The LGUs in constant coordination with the DOH will determine the venue and time of vaccination. Pinapaalala din po na kahit mabakunahan na, kailangan pa ring sumunod sa health protocols tulad ng pagsusuot ng face masks, face shield at palagiang paghuhugas ng kamay,” paliwanag ni Bondoc.

Idinagdag pa niya na maaaring tumanggi sa bakuna ang isang tao ngunit mawawala na ito sa listahan ng mga prayoridad at mabibigyan lamang ng pagkakataon muli matapos mabakunahan ang lahat ng nasa listahan. Maaari ding ma-exempt ang mga taong may allergy sa nilalaman ng bakuna.

Matapos ang presentasyon, nakiisa rin ang mga mamamahayag sa malayang talakayan para sa ilang paglilinaw.

Ang bakuna sa COVID-19 ay naglalayong makapagbigay ng libre, epektibo at dekalidad na bakuna laban sa SARS-CoV-2, na nagbibigay prayoridad sa mga pinaka nangangailangang mamamayan. (Bishop Jesus “Jemba” M. Basco)

Simula sa Marso 1, 2021, hindi na kailangang magtungo ng personal ang mga senior citizens sa mga pension issuing agencies at mga servicing banks  para sa balidasyon at pagkuha ng kanilang pension.

Ayon kay Presidential Spokesperson Harry Roque, inatasan ng Inter-Agency Task Force (IATF) on Emerging Infectious Diseases ang mga pension issuing agencies na magkaroon ng ibang paraan para hindi na lumabas ang mga senior citizens.

“Inatasan po ng IATF iyong mga pension issuing agencies pati na ang kanilang servicing banks at iba pang mga financial institutions na magkaroon ng alternative modes of validation para sa mga senior citizens pensioners,” ani Roque.

Kalimitang nagtutungo ng personal ang isang pensioner isang beses isang taon sa mga tanggapan na nagbibigay sa kanila ng pension o kaya ay sa servicing banks upang magsumite ng dokumento.

“Dati-rati po kasi, niri-require ang personal appearance. Sa ngayon po kinakailangan magpakita ng personal o magsumite ng mga dokumento ng personal ang mga senior citizen para patuloy nilang ma-access ang kanilang pension,” ani Roque.

Pero dahil sa COVID-19, isinaalang-alang ng IATF ang kaligtasan ng mga senior citizens.

Ayon pa kay Roque, ang mga senior citizens ay kabilang sa mga “high risk” at delikado kapag nagkaroon ng COVID-19.