IBA talaga si Liza Soberano.

Isa siya sa mga kabataang artista ngayon na hindi lang puro ganda. Kung lalaki lang ‘to, madaling sabihin na may ‘balls’ kasi.

Talent-wise, na-prove naman ni Liza na hindi lang talaga siya pretty face at talagang may ibubuga sa aktingan. At bukod dito, siya rin yung may pakialam at matapang na magbibigay ng stand niya sa mga nangyayari sa bansa at sa paligid niya.

Tulad na lang sa poster ng pelikulang Tililing kunsaan, makikita sa larawan ng mga bida na sina Baron Geisler, Gina Pareno at Chad Kinis na yung typical na imahe ng may mental health pa rin ang pinapakita.

Kaya nag-react si Lisa sa kanyang Twitter account at sinabi nitong hindi siya agree sa poster ng pelikula.

Sey niya, “Really hoping that this movie will spread awareness and enlighten us on the struggles of dealing with mental health. But the poster? It’s a no for me. Mental health is NOT a joke. Stop the stigma.”                      

O, sa mga nagre-react agad, hindi naman niya kinondena ang movie, yung poster lang.

***

HINDI pa rin nagsasalita o nagbibigay kumpirmasyon kung malapit na ngang maging mommy at daddy ang mag-sweetheart na sina Sophie Albert at Vin Abrenica.

Pero ang sigurado at mas una nilang inamin ay ang pagsasama na nila sa isang bahay, which means, “living-in” o “live-in” na silang dalawa at tila ipinagsigawan nga nila ito sa kanilang mga social media accounts.

Naunang nag-post si Sophie nang, “Another milestone for us, WE ARE MOVING IN TOGETHER!!! One of the reasons why we’ve been so MIA is cause it has been quite a stressful start of the year trying to get the house ready and finished.

“It’s moving slower than we expected but we’re hopeful that our home is coming together veeeery slowly, but surely!!! Konti na lang! Kapit na lang!”

Sinundan agad ito ni Vin nang, “If you saw @itssophiealbert’s post, yes we are moving in together!! Sinabi na niya lahat eh. Wala na. So eto n lang, to vlog or not to vlog? Sobrang dami naming natutunan sa process na ito. Malapit na malapit na matapos ang aming bahay!! Yahoo!!”  

May ilang nagku-congratulate sa kanila na mga kaibigang artista. Ilan na rito sina Edgar Allan Guzman at Mark Herras.

Napaisip tuloy kami, kasal na ba sila kaya sila kino-congratulate? O kino-congratulate dahil magli-live-in na?

In fairness, iba na nga ba ngayon? Ipinagsisigawan na ang pagli-live-in at ipinagdiriwang? (ROSE GARCIA)

NOONG Lunes nang gabi sa 24 Oras, ni-reveal na ng GMA Network ang first 3 members ng Voltes V: Legacy.  

Unang pinakilala ang gaganap bilang Mark Gordon na si Radson Flores, na sumali sa reality show na Starstruck noong 2019. Hindi siya nakapasok sa Final 14 dahil sa twist na “Second Chance Challenge” nakabalik siya sa competition pero na-eliminate din sa “Last Chance Challenge.”

Sa Voltes V: Legacy, si Mark ang piloto ng Volt Bomber at kilala rin bilang magaling na horseback rider.

Playing the role of Big Bert Armstrong,  ang singer-songwriter Matt Lozano ang pinalad na mapili. Nakilala si Matt bilang winner ng “Spogify featuring Singing Baes” segment ng Eat Bulaga. Si Big Bert ang second eldest  sa Armstrong brothers at piloto ng Volt Panzer.

Si Raphael Landicho naman ang gaganap sa role ni Little Jon Armstrong. Tumatak ang role ni Raphael bilang Ethan, na anak nina Jessie (Max Collins) at Brylle Alejandro (Jason Abalos), sa 2019 Afternoon Prime series na Bihag.

Si Little Jon naman ang youngest sa Armstrong brothers at kino-consider siyang genius nang nakararami sa kanyang edad. At siya ang piloto ng Volt Frigate.

Ngayong gabi, February 10, ire-reveal naman kung sinu-sino ang gaganap na Steve Armstrong at Jamie Robinson, at sa Friday, meron pa rin makikilala na bahagi ng Boazanian empire.

As early as 2018, kumalat na ang bali-balitang na gagawin ng GMA-7 ang PH adaptation ng hit Japanese anime series na Voltes V na pinalabas sa Kapuso network noong late 70s.

Pero pinatigil noong April 1979 ni former President Ferdinand Marcos kaya ‘di na naipalabas ang finale episode, at kasamang ipina-ban ang iba pang katulad na anime series dahil sa “excessive violence.”

Muling pinalabas ng GMA-7 ang Voltes V noong 1999 at 2016. Noong December 2019, pinasisilip na ng Kapuso network ang teasers ng big ‘V’ na tuluyan nang isiniwalat sa New Year Countdown 2020 na kung saan pinalabas na ang full-animated teaser ng Voltes V: Legacy.

Ang second teaser naman ay ini-release noong January 14, 2021, na kung saan may pasilip na si Steve na naka-costume at pinakita rin ang super electromagnetic machine Voltes V na nag-take off mula sa Camp Big Falcon na pinuri at pinusuan ng netizens. (ROHN ROMULO)

SA ‘jojowain’ o ‘totropahin’ challenge ng engaged couple na sina Luis Manzano at Jessy Mendiola, para sa kanila si Kapuso actor Alden Richards ay pwedeng “jojowain” o “totropahin” na pinost nila sa YouTube vlog ni Jessy.

Hindi pa pala nami-meet nang personal ni Jessy si Alden, pero tingin daw niya ay boyfriend-material ang actor.

Kaya biro ni Jessy, “hindi kami talaga close ni Alden, siguro totropahin, tapos jojowain. Kapag nagka-girlfriend siya, kumbaga, alam mong safe ka.” 

Kaya biro naman ni Luis, mag-bodyguard daw ang fiancée para alam nitong safe siya.  Hindi naman daw alam ni Jessy kung ano pa ang good qualities ni Alden.

Seriously, tumatanaw pala ng utang na loob si Luis kay Alden, dahil sinalo siya nito minsan sa isang hosting job.

“Totoo ito.  Dahil si Alden, one time, may hosting ako – nang magkasakit ako.  Last minute, hindi ako talaga pwede dahil nanginginig na ako sa mataas na fever, kaya last minute si Alden ang gumawa ng hosting job ko. 

Kaya, Thank you brother sa ginawa mong iyon.” 

Hindi pala nakakalimot si Luis sa mga magagandang gestures na tulad sa ginawa ni Alden.

***

NAGING medyo sentimental naman ang muling pagbabalik ng Bida Kids competition na Centerstage last Sunday, February 7, hosted by Asia’s Multimedia Star Alden Richards.

Nagpaliwanag muna si Alden na iyong ipinalabas nila ng gabing iyon at sa susunod pang dalawang Linggo, sa February 14 at February 21, ay nai-tape na nila bago nagkaroon ng Covid-19 pandemic, kaya ang fresh episodes simula sa February 28, ay magpapakita na ng bagong virtual set ng singing competition na sa kani-kanilang bahay na ng mga batang contestants ginawa sa tulong ng production staff ng show.

Naging emotional nga ang isa sa mga judges, si Concert Queen Pops Fernandez sa isang contestant, si Faye Malijan, na may kapansanan, isa siyang bulag, at dahil napakaganda ng pagka-awit nito ng “Wind Beneath My Wings” ay siya ang nanalo laban sa kalaban niya, si TJ Lopez. 

Pero hindi nanalo si Faye sa isa pang nakalaban niyang contestant, kaya nang magpaalam na si Faye, tumayo sina Pops, at dalawa pang judges, sina Aicelle Santos at Maestro Mel Villena, bilang pagpupugay sa kanya.

Pero tinalo naman si TJ ng defending champion na si Colline Salazar, kaya dalawa na ang mga finalists ng Centerstage.

***

TULUYAN nang susundan ni Andre Yllana ang yapak ng parents niyang sina Aiko Melendez at Jomari Yllana. 

Sa Instagram post ni Aiko: “Congratulations @andreyllana. You are now with @vivaartistaagency. I know my son Andre is in good hands with Viva, Boss Vic and boss Vincent del Rosario and Veronique Corpus. Viva na si Andre and he is set to do a series right away. God is good.”

On Aiko naman, malapit nang magwakas ang GMA Afternoon Prime drama series nilang Prima Donnas, na napapanood  pagkatapos ng Magkaagaw.                      

Marami nang excited malaman kung ano ang magiging parusa ni Aiko as Kendra sa napakaraming kasalanan niyang ginawa sa tatlong prima donnas na sina Mayi (Jillian Ward), Ela (Althea Ablan) at Lenlen (Sofia Pablo), kina Lillian (Katrina Halili), Jaime (Wendell Ramos) at Lady Prima (Chanda Romero).  (NORA V. CALDERON)