2021 February 09 Archive - People's Balita

Archive for February 9th, 2021

2020 democracy index result, isang patunay na buhay at gumagana ang demokrasya sa Pilipinas

Posted on: February 9th, 2021 by @peoplesbalita No Comments

HINDI maituturing na major slip ang ulat ng think tank Economist Intelligence Democracy Index 2020, na umano’y nananatili Raw na bagsak ang sistema ng demokrasya sa Pilipinas.

Ayon kay Presidential Spokesperson Harry Roque, kung titingnan ang data result ng democracy index, lumalabas na naungusan talaga ng Taiwan, Malaysia at Timor Leste ang pilipinas.

Subalit, kung hihimaying mabuti ay makikitang mas angat pa ang Pilipinas sa mga developing countries sa Southeast Asia tulad ng Myanmar, Vietnam, Laos, indonesia, Thailand at Singapore,, kung ang pagbabasehan ay ang mas matatag at mas buhay na demokrasya.

Binigyang diin naman ni Sec. Roque, na magsisilbing hamon sa pamahalaan ang naturang survey result para higit pang paghusayin ang mga programa at proyekto ng gobyerno na magbibigay ng mas maayos, mapayapa at mas maginhawang pamumuhay para sa bawat mamamayan ng bansa.

Giit pa nito na ipinapakita rin ng index ranking kung gaano ka-epektibong gumagana ang sistema ng demokrasya sa Pilipinas.

Isang patunay nito ang pagkakaroon ng bansa ng separation of powers kung saan malayang nakakapagdesisyon ang tatlong sangay ng gobyerno na binubuo ng hudikatura, lehislatura at executive branch na nasa ilalim ng pamamahala ni Pangulong Rodrigo Roa Duterte at siya aniyang madalas na biktima ng kritisismo ng mga nasa oposisyon. (Bishop Jesus “Jemba” M. Basco)

De Leon, Revilla magiging magkakampi na naman uli

Posted on: February 9th, 2021 by @peoplesbalita No Comments

NAAATAT si Philippine Volleyball League (PVL) star Isabel Beatriz ‘Bea’ De Leon ng Choco Mucho Flying Titans na maging kasanggang muli ang kinikilala niyang ate-atehang iniidolo ang tumawid ng nasabing liga na si Dennise Michelle ‘Denden’ Lazaro-Revilla na galling Philippine SuperLiga (PSL).

“Can’t wait to win a championship with you,” sambit ng 24 na taon, 5-9 ang taas na middle hitter na si De Leon para sa dating alas ng Petron Blaze Spikers na si Lazaro nitong isang araw.

Noong isang taon dapat pa dapat muling magkakampi ang former Ateneo de Manila University teammates, pero naantala ang 29 anyos at may taas na 5-5 na libero dahil sa Coronavirus Disease 2019.

“We’re so pumped up to be back together,” hirit pa ni De Leon na ipinanganak sa marikina Marikina at minsan na rin nag-national player.

“I always love sharing the court with ate Den (Lazaro). It’s been a while. I would love to be in the same side of ate.”

Ang pagsasama ng dalawa sa Lady Eagles ang nagpakopo rito ng korona sa 77th University Athletic Association of the Philippines (UAAP) 2014-15 sa pagwalis sa 16 games.

Nag-semi-professional PVL si Lazaro saka nag-semi-pro PSL bago babalik sa PVL na isa ng professional league na simula sa taong ito. (REC)

Ads February 9, 2021

Posted on: February 9th, 2021 by @peoplesbalita No Comments

Baser pinasalamatan Meralco

Posted on: February 9th, 2021 by @peoplesbalita No Comments

NAGPAABOT ng pasasalamat si Philippine Basketball Association (PBA) stalwart Baser Amer para sa nilaruan niya ng limang taon na Meralco.

Aprubado na noong Huwebes, Pebrero 4 ni pro league commissioner Wilfrido Marcial ang swap sa pagitan ng Bolts at Blackwater kung saan napunta sa Bossing sina Amer at Bryan Faundo kapalit ni Rey Mark ‘Mac’ Belo.

“Five (5) long beautiful years with the Bolts went by so fast. Walang ibang masasabi kung hindi pasasalamat, from boss MVP to the coaches and staff as well as the management and my former teammates. Grateful for the beautiful ride with this organization, nothing more I could ask for,” litanya ng 28 anyos, may taas, 6-0, at tubong Davao City na point guard.

Pinahabol pa niyang: “Moving forward with all the memories and learnings as a Bolt. Nothing is permanent especially with this career. Sa muling pagkikita.” (REC)

SIMULATION, GAGAWIN SA AIRPORT

Posted on: February 9th, 2021 by @peoplesbalita No Comments

MAGSASAGAWA ng simulation sa airport ang Department of Health (DOH) bukas kasama ang tatlong malalaking ospital bilang paghahanda sa darating na mga bakuna na dadalhin sa mga storage facility o vaccine hub.

Ayon kay Usec Maria Rosario Vergeire, mula sa paliparan dadaan sa clearance mula sa Bureau of Customs (BOC) bago ito ilabas kung saan may naghihintay nang transport vehicles na nakatalaga.

Sinabi pa nito na sa ginagawang plano aniya ngayon para sa simulation bukas ay 20 minutes ang pag-transport mula sa Ninoy Aquino Internationl Airport (NAIA) hanggang sa Resaserch Institute and Management Technology (RITM) warehouse o central hub.

Pagdating naman sa RITM ay kailangan itong inspeksyunin matapos ma-receive upang malaman kung may nagbago sa temperature ng bakuna dahil mahalaga umanong mapanatili ang potency ng bakuna bago ito ilagay sa storage at kasunod na nito ang preprasyon.

Mula naman sa RITM, dadalhin naman ang mga bakuna sa mga regional warehouse na siya namang magdidistribute sa iba’t ibang local government units .

Ang LGUs naman ang siyang magdidistribute sa mga vaccination sites.

Dagdag pa ng opisyal, iba-iba ang magiging proseso sa bawat klase ng bakuna na may iba’t-ibang storage requirement . (GENE ADSUARA)

Pdu30, tinintahan ang isang EO na lilikha sa National Amnesty Commission

Posted on: February 9th, 2021 by @peoplesbalita No Comments

TININTAHAN na ni Pangulong Rodrigo Roa Duterte ang executive order na lilikha sa National Amnesty Commission (NAC).

Sinabi ni Presidential Spokesman Harry Roque na ang komisyon ay kinabibilangan ng pitong miyembro kabilang na ang chairperson at dalawang regular members na itatalaga ni Pangulong Duterte.

Ang mga pinuno ng Department of Justice, Department of National Defense, Department of the Interior and Local Government, at Office of Presidential Peace Adviser on Peace, Reconciliation and Unity (OPPAPRU) ay magiging ex-officio members ng komisyon.

Sinabi ni Sec. Roque na ang OPPAPRU ang magiging secretariat ng komisyon.

Ang pangunahing gawain ng NAC ay ang mag-proseso ng aplikasyon para sa amnesty at idetermina kung sino ang eligible “in connection with the recent amnesty proclamations pending concurrence of Congress.”

“Naipadala na sa Kongreso ang mga amnesty proclamation para sa kanilang concurrence o pag sang-ayon,” ayon kay Sec. Roque.

“Ang amnesty po parang hindi nangyari ang mga bagay bagay na nagawa ng mga ilang grupo na usually isang krimen na magiging krimen ng rebellion kaya kinakailangan din ng concurrence sa Kongreso nito dahil binubura hindi lang yung nangyari, kundi pati ang parusa,” dagdag na pahayag ni Sec. Roque.

Samantala, hanggang sa ngayon ay hindi pa rin nagbibigay ang Malakanyang ng kopya ng EO sa mga miyembro ng media. (Daris Jose)

Gilas Pilipinas nangangalabaw ‘Calambubble’ training camp

Posted on: February 9th, 2021 by @peoplesbalita No Comments

MARIING tinapakan na ng Gilas Pilipinas o national men’s basketball training pool ang silinyador sa pag-eensayo sa Inspire Sports Academy bubble sa Calamba, Laguna nitong Lunes, Pebrero 8 ngayong wala ng isang linggo bago umalis sa darating na Lunes, Peb. 15.

Kaugnay ito sa sasabakan ng PH quintet na third and final window ng 30th International Basketball Federation (FIBA) 2021 Asia Cup qualifiers sa Peb.18-22 sa Al-Gharafa Sports Club Multi-Purpose Hall sa Doha, Qatar.

Sinagip ng Qataris ang hosting na kinansela ng Pilipinas dahil sa Coronavirus Disease 2019 pandemic na dapat sana ay sa Peb. 17-22 ang talbog sa Clark bubble rin sa Angeles, Pampanga.

Isasalang na rin ng bagong punong abalang Arabong bansa bukod sa Group A games na kinabibilangan ng ‘Pinas, ang mga aksiyon para sa Groups B at E.

Aminado ang Samahang Basketbol ng Pilipinas, Incorporated (SBPI) na nalungkot ang PH 5 sa pagkakalipat ng mga laro sa Gitnang Silangan mula sa Perlas ng Silanganan, pero hindi tumutukod sa ensayo sapul nang pumutok ang balita para sa bagong lugar na pagdarausan ng torneo.

“Our national team was saddened when they found out they won’t be playing in Clark. But they did not slow down with their preparations,” ani SBPI president Alfredo Panlilio. “Now with the pool nearing completion and a definite location for their games, the SBP is confident they will step up into another gear.”

Nasa unang linggo na ng two-week quarantine niya si Kai Zachary Sotto bago makasama sa pool dahil galling siya ng Estados Unidos.

Hinirit ng opisyal na nakikipag-ugnayan pa rin ang SBP sa Inter-Agency Task Force (IATF) on Emerging Infectious Diseases (EID) kung paano ang biyahe papunta ng Qatar at pauwi ng Maynila.

Minamanduhan nina coach Joseph Enrique Uichico at assistant coaches Norman Black at Carlos, Garcia, malamang manguna sa 12man team sina Cchristian Jaymar Perez, Roger Ray, Pogoy, Jeth Troy Rosario, Kiefer Isaac Ravena, Justin Chua, at Raoul Soyud, at naturalized player candidate Angelo Kouame .

Mula sa pitak na ito (Opensa Depensa), good luck na lang sa ating Gilas. (REC)

Manila Cathedral opisyal nang binuksan ang ‘500-yrs of Christianity celebration’

Posted on: February 9th, 2021 by @peoplesbalita No Comments

Dumalo ang ilang mayors sa Metro Manila na nasa ilalim ng Archdioces of Manila sa pormal na paglulunsad ng Manila Cathedral sa 500 years of Christianity in the Philippines.

Kabilang sa mga ito ay sina Manila Mayor Isko Moreno, Vice Mayor Honey Lacuna, Pasay City Mayor Imelda Calixto-Rubiano, Makati City Mayor Abby Binay, at ilan pang kinatawan ng local government units.

Sa kuwento ni Bishop Broderick Pabillo, apostolic administrator of Manila, nararapat lamang daw na simulan ang pagbubukas ng selebrasyon ng 500 years of Christianity sa Manila Cathedral dahil ito ang unang arkidiyoses sa buong Pilipinas na idineklara noong taong 1579.

Sinabi pa ng kanyang kabunyian, maipagmamalaki na lahat ng archdiocese sa buong Pilipinas ay nagsimula sa Maynila.

“This is a source of pride for us but also a big challege. So, it is also appropriate that here in our archdiocese that we open our 500 anniversary of the coming of Christianity in the Philippines on this day. However, we will also join the national opening activities on Easter Sunday. On April 4, with the opening of the holy doors all over the country.
That will be the official opening for the whole country of the 500 year anniversary,” ani Bishop Pabillo.

Kabilang naman sa highlight ng okasyon ay ang pagbendisyon at pagbibigay ni Pabillo sa mga opisyal ng sagisag ng 500 Years Mission Cross na siyang simbolo at paalala sa pagiging Kristiyano.

Niregaluhan din ng mission cross ang mga kinatawan ng iba’t ibang kumunidad at napiling magiging pilgrimage churches ng archdiocese.

Kabilang sa unang napili sa Metro Manila at madadagdagan pa sa mga probinsiya na mga pilgrimage churches ay ang Manila Cathedral (Manila), Minor Basilica of the Black Nazarene, Quiapo Church (Manila), Shrine of Nuestra Señora de Guia (Manila), Shrine of Sto. Niño de Tondo (Manila), San Pablo Apostol Parish (Manila), Santa Clara de Montefalco Parish (Pasay), National Shrine of Our Lady of Guadalupe (Makati), Sts. Peter and Paul Parish (Makati), San Felipe Neri Parish (Mandaluyong) at St. John the Baptist Parish sa San Juan City.

Samantala, nagsalita rin ang kinatawan ni Pope Francis na si Papal Nuncio to the Philippines Archbishop Charles John Brown upang ipaabot ang pakikibahagi ng Vatican sa malaking selebrasyon.

Ang 500 years ay isa umanong milestone dahil kasabay din ngayong taon ng 442nd anniversary sa pagkakatatag ng arkdiyoses ng Maynila bilang unang diocese sa buong bansa.

Sa kanyang mensahe nagbalik tanaw si Archbishop Brown na noon pa mang taong 2015 sa pagbisita sa Pilipinas ni Pope Francis ay binanggit na niya ang gagawing selebrasyon ngayong taong 2021 na sana ay maging mabunga at magbigay pa ng inspirasyon.

AHENSIYA NG BI, NAKAKOLEKTA NG P5.9 BILYON SA KABILA NG PANDEMYA

Posted on: February 9th, 2021 by @peoplesbalita No Comments

SA kabila ng naranasang pandemya, ipinagmalaki ng Bureau of Immigration (BI) na nakakolekta pa rin ang ahensiya ng P5.9 bilyon noong 2020.

Sinabi ni BI Commissioner Jaime Morente na ang kabuuang kinita nila noong nakaraang taon mula sa mga immigration fees at P5,88 bilyon , 36.1 % na mas mababa kumpara sa P9.3 bilyon noong taon 2019.

“We anticipated our revenues to decrease due to the pandemic,” said Morente. “With more foreign nationals going out of the country than going in, we were able to collect less revenue from visa applications,” ayon sa Commissioner.

Ipinaliwanag nga Bureau Chief na ang mga transaksiyon ay sinuspinde ng halos dalawang buwan dahil sa lockdown noong Marso ng nakaraang taon.

Pero inaasahan ni Morente na ang kanilang kolekasiyon ay makakabawi ngayon taon habang hinihinatay ang Covid-19 vaccine at kung tatangalin na ang travel restriction. (GENE ADSUARA)

Sec. Roque, no comment sa umano’y siyam na miyembro ng gabinete na pinangalanan ni Pangulong Duterte

Posted on: February 9th, 2021 by @peoplesbalita No Comments

NO COMMENT si Presidential Spokesperson Harry Roque sa umano’y line up ng mga posibleng isabak ng Administrasyon sa senatorial race sa susunod na taon.

May lumabas kasing report ang isang news portal na siyam na cabinet secretaries umano ang pinangalanan ni Pangulong Duterte para maging potential senatorial candidates.

Nangyari umano ang pagkakabanggit sa siyam na pangalan nitong huling cabinet meeting.

Ang sinabi lamang ni Sec. Roque ay saklaw din ng executive privilege ang pagpupulong at ang umano’y line up ay hindi naman kasama sa agenda.

At ang anuman aniya na hindi kasama sa agenda ay mananatiling confidential.

Samantala, lumutang kasi ang mga pangalan nina Secretaries Mark Villar, Ramon Lopez, Arthur Tugade, Francisco Duque III, Silvestre Bello III and Karlo Nograles, Chief Presidential Legal Counsel Salvador Panelo, Presidential Spokesperson Harry Roque at Vaccine Czar Carlito Galvez sa sinasabing potential senatorial candidates ng administrasyon.

“Alam ninyo po kasi ang aming pagmi-meeting ay covered din by executive privilege. So I think iyong mga bagay-bagay na iyan po, dahil hindi naman po iyan kasama sa agenda, will remain to be confidential ‘no. So, I cannot comment on that po” ani Sec. Roque. (Daris Jose)