Yuka Saso, binati ng Malakanyang

“Today is a great day in Philippine sports.”

Binati ng Malakanyang si Yuka Saso na nag-uwi ng karangalan sa Pilipinas nang manalo sa 2021 US Women’s Open.

Matatandaang nauna nang nakita ni Pangulong Rodrigo Roa Duterte si Saso sa Malakanyang nang pagkalooban ito ng Presidential citation matapos na manalo ng gold medal sa 18th Asian Games in Indonesia.

“She is indeed the pride and glory of our country. We are all proud of you. Congratulations,” ayon kay Presidential Spokesperson Harry Roque.

Naghatid ng pag-asa at inspirasyon ang tinamong tagumpay ng Pinay na si Yuka Saso sa US Womens’ Open.

Ayon kay Senate President Protempore Ralph Recto, sa panahong ito na mataas pa din ang naitatalang kaso ng covid kada araw  hatid anya ng pag-asa ang pagkapanalo ni Saso.

Nagbigay din anya ito sa atin ng inspirasyon  na sa kabila  ng handicap at ng peligro na ating kinakaharap, nakaya ni saso  na lumaban at manalo.

Kasama  na anya si saso sa  mga  Filipina frontliners pang poster girl ng ating battle cry na laban Pinas.

Nag-paabot  naman ng pagbati si Sen. Joel Villanueva kay saso na  kapwa nya  bulakenyo.

Kahanga hanga anya ang  tinamong tagumpay ni Saso bilang unang Pinoy  na sa batang edad ay nanalo sa isa sa pinakamahirap na tournament sa mundo.

Ang tagumpay anya ni Saso  ay isang good news na kailangan natin sa panahong ito.

Dapat anyang makapagbigay  inspirasyon  na malalampasan natin ang mga hamong  kinakaharap sa ngayon ang pinakitang katatagang mental at  physical stamina ni Saso. (Daris Jose)