• October 21, 2025 WordPress timezone: Asia/Manila
    Current date: October 21, 2025
    Current time: October 21, 2025 6:01 PM

  • Ang Diyaryong Pinagkakatiwalaan

Winelcome siya nina Marian, Maine at Carla sa Triple A: MILES, goal na makapagsulat ng script para sa APT Entertainment

SUPER taas ng energy at may aliw factor talaga itong multi-talented star na si Miles Ocampo.
Last Tuesday ay pumirma na ng exlusive contract sa Triple A o ALL ACCESS TO ARTISTS.
Yes tawang-tawa ang lahat sa mga pakikay ni Miles na may hirit pang feeling artista na siya at heto at may contract signing na siya sa Triple A with the big bosses of talent management headed by Direk Michael Tuviera, Ma’am Jacqui Cara and Sir Jojo Oconer.
At ang bongga, bukod sa Q & A with the invited entertainment press ay may one on one interview pa si Miles sa host ng kanyang intimate contract signing at mediacon na si DJ Jhaiho na kapansin-pansin na lalong gumaganda.
Maraming napag-usapan na may kaugnayan sa pinirmahang kontrata ni Miles sa Triple A. Actually hindi na bago si Miles sa Triple A dahil parte ito ng pinagbidahang “Padyak Princess” last year sa TV5.
Yes, ang APT Entertainment nina Direk Mike ang nag-produce ng comedy drama project ng comedianne actress.
Isa pala sa goal ni Miles ay gusto niyang makapagsulat ng script sa APT Entertainment. Nag-aral kasi siya ng scriptwriting kay National Artist Ricky Lee.
Sabi naman ni Ma’am Jacqui ay iko-consider nila ito.
Labis-labis ang pasasalamat ni Miles sa Triple A dahil suwerte raw niya na sa dinami-rami ng mga artista ay napili siya na papirmahin ng kontrata.
At promise niya ay gagawin niya ng maayos ang kanyang trabaho at magiging good girl siya.
By the way, mainit pa lang winelcome ng mga Reyna ng Triple A na sina Marian Rivera, Maine Mendoza at Carla Abellana at iba pang artists si Miles na kapamilya na nila.
Q(PETER S. LEDESMA)