Walang korupsiyon, walang fixer, walang pila… PBBM, inilunsad ang Bagong Pilipinas EGOVPH Serbisyo hub

PINANGUNAHAN ni Pangulong Ferdinand Marcos Jr., araw ng Biyernes ang paglulunsad sa Bagong Pilipinas EGOVPH Serbisyo Hub.

Ang nasabing hub ay matatagpuan sa Lungsod ng San Juan, naglalayong gawing mas accessible sa publiko ang mga serbisyo ng gobyerno.

Ang Bagong Pilipinas EGOVPH Serbisyo Hub (BPESH) ay naglalayong magbigay ng ‘integrated platform’ para sa pagpapanatli ng paghahatid ng mahahalagang public assistance at serbisyo, na accessible sa publiko.

Layon pa rin ng hub na magbigay ng oportunidad para sa Pangulo na regular na makipag-ugnayan sa publiko at makakuha ng first-hand account ng mga karanasan, alalahanin at pangangailangan ng publiko.

Maaari rin aniyang personal at direktang ipabatid sa mamamayan ang hinggil sa trabaho ng gobyerno at mahahalagang partner o katuwang nito.

Ang mga tanggapan ng gobyerno at ahensiya na sangkot dito ay ang:

Presidential Communications Office (PCO)

Anti-Red Tape Authority (ARTA)

Department of Agriculture (DA)

Department of Foreign Affairs (DFA)

Department of Health (DOH)

Department of Information and Communications Technology (DICT)

Department of Labor and Employment (DOLE)

Department of Migrant Workers (DMW)

Department of Social Welfare and Development (DSWD)

Department of the Interior and Local Government (DILG)

National Bureau of Investigation (NBI)

Office of the President-Presidential Action Center (OP-PACe)

Philippine Amusement and Gaming Corporation (PAGCOR)

Philippine Charity Sweepstakes Office (PCSO)

Philippine Health Insurance Corporation (PhilHealth)

Philippine National Police (PNP)

Philippine Statistics Authority (PSA)

Public Attorney’s Office (PAO)

Social Security System (SSS)

(Daris Jose)