Walang basehan ang mga tirada at akusasyon ni dating Presidente Rodrigo Roa Duterte kay PBBM

ITO ang pahayag ni House Majority Leader Manuel Jose Dalipe sa mga tirada at akusasyon ni dating Presidente Rodrigo Roa Duterte labrtean kay Presidente Bongbong Marcos.

Giit nito, ang pag-atake ay pagpapakita lamang kung gaano umano kadesperado ni Duterte para mailayo ang atensiyon mula sa isinasagawang imbestigasyon sa alegasyon na crimes against humanity at sa anak nitong si Vice President Sara Duterte kaugnay naman sa misuse ng milyong halaga ng confidential intelligence funds.

“The Filipino people will never support a family that seeks to cling to power to evade accountability for corruption, genocide, and other high crimes. Former President Duterte’s rant is nothing more than a desperate attempt to undermine the credibility of our government and its leaders,” anang mambabatas.

Isa rin umanong kaipokrituhan sa bahagi ng dating pangulo kung saan pinaalala ni Dalipe sa publiko ang naging pag amin mismo ni Duterte ang paggamit nito ng fentanyl.

“Let us not forget that Duterte himself admitted to being a fentanyl user. If anyone deserves the label of a drug addict, it is certainly not President Marcos but the former president who has openly confessed to his dependence on drugs,” ani Dalipe.

Samantala, hinikayat nito ang gobyerno na manatiling matatag sa paghahanap ng accountability sa naging krimen umano ni Duterte.

Nagpahayag naman si Dalipe sa patuloy na pagbibigay suporta kay Presidente Marcos. (Vina de Guzman)