VP Leni, misinformed sa nangyaring gulo sa pagitan ng magsasaka at pulisya

PINABULAANAN ni Department of Agrarian Reform (DAR) Acting Sec. Bernie Cruz, ang naging pahayag ni VP Leni Robrero patungkol sa pang-aaresto ng pulisya sa umano’y mga magsasaka sa Hacienda Tinang sa Tarlac City.

Ito ay matapos sirain at guluhin ng higit 90 magsasaka ang mga tanim ng mga co-owners ng Collective Certificates of Land Ownership Award.

Giit ng kalihim, marahil mis-informed si Robredo sa nangyaring gulo sa pagitan ng magsasaka at kapulisan.

Sa inilabas ni Robredo na pahayag, sinabi nitong dapat i-respeto ang karapatang pantao ng mga inaresto.

Inihayag pa nito na mapayapa ang ginawang pagtitipon at walang ibang layunin ng mga magsasaka kundi magbigay ng maayos na pamumuhay sa kanilang pamilya.