Valenzuela, kinilala bilang Top 5 Most Business-Friendly LGU

NAKATANGGAP ang Valenzuela City ng Special Citation para sa Most Business-Friendly Local Government Units (LGUs) sa City Level 1A Category (Highly Urbanized Cities in NCR) sa 51st Philippine Business Conference & Export na ginanap sa SMX Convention Center, nitong October 20, 2025.
Personal na tinanggap ni Mayor WES Gatchalian ang pagkilala, kasama si Local Economic Development and Investment Promotions Office Head Ms. Janina Bautista, Coun. Chiqui Carreon, Coun. Louie Nolasco, at PCCI Valenzuela Ms. Helen Lising.
Sa pangunguna ng Philippine Chamber of Commerce and Industry (PCCI), kinikilala ng parangal ang mga LGU na lumikha ng kapaligirang sumusuporta sa paglago ng negosyo, pagbabago, at napapanatiling pag-unlad ng lokal na ekonomiya.
Ayon kay Mayor Wes, binibigyang-diin ng pagkilalang ito bilang isa sa Top 5 Most Business-Friendly LGUs sa Pilipinas ang kanlilang pangako na tulungan ang mga negosyo sa Lungsod ng Valenzuela na umunlad, bumuo ng mga koneksyon sa mga komunidad, at mag-ambag sa paglago ng ekonomiya. (Richard Mesa)