Transparency portal, inilunsad ng SSS at PhilHealth

INILUNSAD ng Social Security System (SSS) at Philippine Health ­Insurance System ang transpa­rency portal upang maging ­transparent ang transaksyon ng dalawang ­tanggapan ng pamahalaan.

Ayon kay Department of Information and Communications Technology (DICT) Secretary Henry Aguda, ang hakbang ay bahagi ng kampanya sa panahon ngayon na nababalot sa kaliwat kanang anomalya sa infrastructute program.

Ayon kay Aguda, powered ng artificial intelligence (AI) ang dalawang website kung saan ­maaring busisiin ng publiko ang mga proyekto at kung paano ginastos ang pera ng bayan.

Ang nasabing portal ay inilunsad ng DICT sa gitna ng anomalya sa flood control projects.

Ayon kay Aguda, ­ilang tanggapan na ng ­gobyerno ang nagpahayag ng kahandaan na magkaroon ng ­transparency portal at ngayon ay mauuna ang mga government-owned and controlled corporation (GOCC) dahil available na ang kanilang mga data.

Nagkaroon na rin ng transparency portal ang Department of Public Works and Highways (DPWH), Social Security System (SSS) at Philippine Heath Insurance Corp. (PhilHealth).
“The datasets that will be included in the ­transparency portal will not just be limited to the funds. For example, an ideal transparency portal for the Department of Education (DepEd) would also include the number of classrooms being built. The Department of Health’s (DOH) portal would also ideally display the number of patients in public hospitals,” dagdag ni Aguda.

Aniya, wala namang timeline kung kailan magkakaroon ng transparency portal ang executive agencies pero ngayon ay nakikipag-usap na ang kanilang hanay sa DepEd, DOH at Department of Agriculture hinggil dito.

Ayon pa kay Aguda, ang transparency portal ay isang public portal kaya maaari itong gamiting ebidensiya sa korte.