Training ng Tropang 5G, Gin Kings sinimulan na

Kapwa bubuksan ng TNT Tropang 5G at Barangay Ginebra ang kanilang mga kampanya sa Season 49 PBA Philippine Cup sa Abril 23. Makakatapat ng Tropang 5G sa kanilang hangad na PBA Grand Slam ang sister team na NLEX Road Warriors sa alas-5 ng hapon, habang lalabanan ng Gin Kings ang Terrafirma Dyip sa alas-7:30 ng gabi sa Smart Araneta Coliseum. Nagmula ang TNT sa paghahari sa nakaraang PBA Commissioner’s Cup kung saan nila tinalo ang Ginebra sa best-of-seven championship series. Nauna nang pinadapa ng Tropang 5G ang Gin Kings sa nakaraang PBA Governors’ Cup Finals. Bilang preparasyon sa Philippine Cup na pinagharian ng Meralco Bolts kontra sa San Miguel Beermen ay pumasok ang Tropang 5G sa Inspire Sports Academy sa Calamba, Laguna. “We’re going to be there for four days and practice through Holy Week,” sabi ni TNT team manager Jojo Lastimosa sa tropa ni coach Chot Reyes. Sinimulan naman ng Ginebra ni mentor Tim Cone ang kanilang ensayo kahapon para sa layunin na muling makalaro sa PBA Finals. Samantala, pinatawan ng PBA si Phoenix big man Larry Muyang ng isang indefinite ban dahil sa paglalaro nito sa Pampanga Giant Lanterns sa MPBL.

https://peoples-balita.com/wp-content/uploads/2025/04/1_2025-04-14_22-36-35.jpg