Totoo na naging more than friends: JOSHUA, nagsalita na tungkol sa naging relasyon nila ni BARBIE

NAGSALITA na ang original na loveteam ni Barbie Forteza na si Joshua Dionisio tungkol sa naging samahan nila noong nasa weekly teen series sila na ‘Reel Love Presents Tween Hearts’ back in 2010 hanggang 2012.

Isa sa pinakasikat na loveteams ng GMA ang JoshBie at una silang nag-click sa Philippine version ng hit Koreanovela na ‘Stairway To Heaven.’ Nagbida rin ang JoshBie sa mga shows na First Time, Pilyang Kerubin, Nita Negrita at Ikaw Lang Ang Mamahalin.

Ayon kay Joshua, naging very close daw sila ni Barbie noon.

“I don’t want to be the one to put a label on it. Pero we were very close talaga during that time. Hindi ko po ma-explain, parang in certain situations. Kasi talagang everyday kami magkasama. Totoo naman po talaga na we’re more than friends.”

Inamin din ni Joshua na nawalan sila ng communication ni Barbie noong mabuwag ang JoshBie loveteam. Pero kaibigan pa rin ang turing niya kay Barbie.

“I’d say wala naman po akong bridges na binurn. Wala naman, kasi kahit lahat noong nakatrabaho ko, I consider them as friends.”

***

AFTER five years ay bumalik sa Pilipinas si Donita Rose kasama ang husband niyang si Felson Palad.

Noong kasagsagan ng COVID-19 pandemic in 2020, nagdesisyon si Donita na bumalik sa US para makasama ang kanyang pamilya. Doon din niya na-meet ang kanyang second husband.

Divorced si Donita sa first husband na si Eric Villarama noong 2016. Meron silang son na si Joshua Paul who is now 21 years old.

Nasa Pilipinas ang mag-asawa dahil dadalawin nila ang puntod ng ina ni Donita na si Evelyn Cavett na pumanaw noong 2020.

“Namatay ‘yung mommy ko, 2020 and I wasn’t able to mourn. So, this time around, I get to mourn. But, we’re happy, my family and I, because we know where she is at right now,” sey ni Donita na magtatagal ng isang buwan sa Pilipinas bago sila bumalik sa Amerika.

Kahit daw marami silang commitments ni Felson sa US, dadalasan daw nila ni Felson ang pag-uwi sa Pilipinas.

“Sa amin pong dalawa, we always pray that God will open doors that no one can shut and close doors that no one can open. If that is the leading of God, then we will do that. Susunod lang kami,” sey ni Felson.

***

BIG winners sa 77th Primetime Emmy Awards ang mga TV shows na ‘The Pitt’ ng HBO Max, The Studio at Severance ng AppleTV+ at Adolescence ng Netflix.

Napanalunan ng medical drama ang top prize na Best Drama Series pati na ang best drama actor for Noah Wylie and best supporting actress for Katherine LaNasa.

Ang Apple TV+ comedy series na ‘The Studio’ ay napanalunan ang Best Comedy Series at best lead actor, best writing and best directing for Seth Rogen.

Best supporting actor in a comedy series si Jeff Hiller for ‘Somebody Somewhere’ ng HBO Max.

(RUEL J. MENDOZA)