TerraFirma Dyip taob sa Magnolia; bokya pa rin sa PBA bubble

PINADAPA ng Magnolia Hotshots Pambansang Manok ang TerraFirma Dyip, 103-89, sa kanilang banggaan sa PBA Philippine Cup na ginaganap sa bubble sa Angeles University Gym sa Angeles, Pampanga.

Tila bumangga sa pader ang Dyip sa pagharap sa Magnolia dahil tambak ang inabot nito at hindi nakayanan ang lakas ng opensa at depensa ng Hotshots.

Nanguna sa panalo ng Hotshot sina Paul Lee na kumamada ng 29 points sa at Romy Dela Rosa na may 17 puntos habang umambag din sa Ian Sanggalan ng 16 points.

Kinapos naman ang pagnanais ni CJ Perez na makuha ang unang panalo ng kulelat na Dyip matapos itong kumana ng 19 points para sa koponan.

May apat pang natitirang laro ang Dyip at umaasa ang koponan na makukuha nila ang kanilang unang panalo sa bubble.

Sunod na haharapin ng Dyip ang Blackwater Elite bukas (Biyernes) habang ang Magnolia ay haharap kontra sa Northport sa Linggo.