Sumabak sa frontal nudity kasama ang co-stars… Direk VINCE, mapangahas sa pelikulang ‘Ang Bangkay’

ANG pelikulang “Ang Bangkay” ng award-winning actor-director na si Vince Tañada ay kalahok sa 8th Sinag Maynila Independent Film Festival full-length film category.
Ito ay halaw sa kanyang Palanca-award winning full-length play noong 2012.
Nagkuwento si Direk Vince ukol sa kanilang pelikula.
“Ang ‘Ang Bangkay’ po ay tungkol sa isang pamilya, but I remember very vividly when this won in the Palanca, the granddaughter of Palanca talked to me and she said, ‘Don’t you know that story the story doesn’t have a moral?
“And it has like hundreds of profanity, ang dami pong mga murahan, it’s about incestuous relationship, it’s about violence and tungkol sa pagmamalabis ng isang ama.
“Sabi ko, ‘Do you need me to edit the script because I know that you are using Palanca for educational institutions and for I mean, scholastic release.’ Sabi niya, ‘No, it’s about time that we be revolutionary about literature.’ And I said,’ I’m sorry to tell you but there is also a moral to the story.’
“Kasi tayo pong lahat nangangailangan ng trahedya ngayon. Kasi para po kapag nakakita tayo ng isang malalim na trahedya, sasabihin natin na mas masuwerte tayo kaysa sa pinapanood natin.
“So this is not only about darkness, it is also appreciating the light that we have,” mahabang esplika pa ni Direk Vince na by profession ay isang abogado.
Daring sa pelikulang ito si Direk Vince, pati na ang karamihan sa co-stars niya, na mapangahas na sumabak sa mga frontal nudity.
Ginagampanan niya rito si Don Segismundo Corintho, isang biyudong embalsamador at makikita rito ang mga misteryong itinatago ng kanyang pamilya.
Bukod kay Vince, kabilang sa cast sina Vean Olmedo, Johnrey Rivas, Lili Montelibano, Juan Paulo Calma, Mercedes Cabral, Sarah Javier, JP Lopez, at OJ Arci.
Ang Sinag Maynila ay itinatag ng movie producer na si Wilson Tieng ng Solar Studios, Inc. Kasama rito ang award-winning filmmaker at Cannes Best Director na si Brillante Mendoza bilang Festival Director.
Ibinida naman ni Direk Brillante na maraming students ang lumahok sa short films.
“Well, bawat taon naman ay iba-ibang pelikula… Actually, this year, ito iyong may pinakamaraming estudyanteng short films na sumali so far sa lahat ng mga edition. A total of 333 short films, so hindi biro iyon.”
Aniya pa, “Despite sa mga nangyayari sa ating industry ngayon, kapag nakakakita tayo ng ganyang karaming mga short filmmakers at mga estudyante na nagkaka-interest na gumawa ng pelikula, kahit paano nagkakaroon tayo ng pag-asa na huwag sanang mawala, kasi sila ang mga future directors at filmmakers natin, e.”
Ang iba pang entrysa 8th Sinag Maynila ay ang “All About Her” ni Direk Joel Lamangan, “Pinikas” ni Cris Fuego, “Desperada” ni Direk Louie Ignacio, “Sweet Escape” ni Rommel C Ricafort, at “Lanaya” ni Clyde Capistrano.
Ang theatrical run ay mula Marso 23 hanggang 29, 2026 sa Gateway Cineplex, Eastwood Cinemas, Uptown Cinemas, Venice Cineplex, at Lucky Chinatown Cinemas.

(NONIE V. NICASIO)