Sulyap sa sprinter na si Isaac M. Gomez

IPINANGANAK noong  Hunyo 3, 1934 sa Santo Domingo, Pampanga si 1960 Rome Summer Olympic Games veteran sprinter Isaac M. Gomez.

Kumaripas ang 5-foot-5 Kapampangan sprint runner sa nasabing quadrennial sports festival sa men’s 100-meter sprint at 4x100m relay.

Tumapos siyang panlima sa heat two sa 11.19 seconds at nirendahan ang Philippine team na pumang-apat sa heat 2 din sa clocking na 41.4 seconds.

Maski hindi pumalaot sa next round sa dalawang event, isang matinik na mananakbo pa rin sa short distance sa dekada 50-60 si Gomez sa pagpapasiklab Asia.

Sumungkit siya ng bronze medal o nag-third place sa 1958 Tokyo Asian Games sa 11.1 na oras at dalawang ulit tinrangkuhan ang PH relay squad na humagip ng gold medal o nangibabaw sa naturan ding tuwing ikaapat na taong palaro.

Pagkapanalasa sa Tokyo, naipagtanggol pa ng Pinoy quartet squat ang relay gold sa 1962 Jakarta Asiad sa pangunguna na rin niya.

Ito po ang tinalakay ng Opensa Depensa lalo’t Olympic year o month ang buwang ito palapit na ang inatrasado ng pandemya na 32nd Summer Games 2020 sa Tokyo, Japan sa Hulyo 23-Agosto 8.

Hanggang bukas po uli mga mambabasa ng People’s BALITA at ng pitak na ito.