SSS pandemic relief at restructuring program, tapos na

OPISYAL nang nagtapos ang Short-Term Member Loan Penalty Condonation Program (STMLPCP) o Pandemic Relief and Restructuring Program 5 (PRRP 5) ng Social Security System (SSS), araw ng Sabado, Mayo 14.

Ang PRRP 5, nagsimula noong Nobyembre 15, 2021, ay programang pinlano para bigyan ng financial relief ang mga pandemic-hit SSS members.

Pinapayagan nito ang “outstanding loan principal and interest” na ma-settled sa pamamagitan ng one-time full payment o installment term, at maging ang pag-waive sa accumulated penalties kapag nakapagbigay na ng full payment ng restructured loan.

Sa kabilang dako, sinabi ni SSS President at Chief Executive Officer Michael G. Regino na layon ng programa na ibalik ang kanilang “good standing kasama ang SSS sa pamamagitan ng nasabing condonation program.

Kabilang naman sa programa ani Regino ay iyong may natitirang Salary, Calamity, Salary Loan Early Renewal Program (SLERP), Emergency Loans, at Restructured Loan sa ilalim ng Loan Restructuring Program (LRP) na ipinatupad mula 2016 hanggang 2019. (Daris Jose)