Si Yassi raw ang tinutukoy na na-link sa aktor; JULIA, isiniwalat na may girl na nag-flirt noon kay COCO

MATAGAL na naming naririnig ang umano’y naging secret love affair nina Coco Martin at Yassi Pressman na isa sa naging leading ladies noon ng aktor sa FPJ’s Ang Probinsyano.
May nakapag-kwento nga sa amin, na from her taping ay dumidiretso pa raw si Yassi sa mansion ni Coco sa may bandang Fairview at minsan ay natulog pa raw rito ang aktres.
Mas lalong naging intimate ang short lived relationship ng dalawa ng pumunta ng Germany si Julia Montes para magbakasyon sa tatay nilang si Mr. Martin Schnittka. Eh, matagal na namalagi sa Germany si Julia kaya feeling wifey raw si Yassi, kay Coco.
Actually nakalimutan na ang isyung ito. Kaso nang magpa-interview nga si Julia sa vlog ni DJ Chacha, may hirit na pasabog ang aktres na may babaeng nag-flirt daw noon. Na noong magkasalubong raw sila ng girl ay nag-hi ito sa kanya na may kasamang “opo!”
Nalokah raw siya e magka-batch lang raw sila nito dahil magka-edad lang ang dalawa.
At may isa pang nakaaaliw na chika, na nang minsang nag-buzzer si Yassi sa bahay ni Coco, para ibigay ang nilutong pagkain sa actor ay si Julia raw ang nagbukas ng pinto.
Ikinagulat raw talaga ni Yassi, na ‘di nakakibo sabay layas sa house ni Coco.
Well, parehong pinuputakti ng bashers sa social media si Yassi at sister na si Issa Pressman na pinararatangan ng JaDine fans na inahas nito si James Reid, sa idol nilang si Nadine Lustre.
Anyway, parehong deadma ang magkapatid na aktres, kahit bugbog sarado na sila sa bashing!
***
MAGSE-CELEBRATE ng kanyang kaarawan, ang talent manager at songwriter na si John Rey Malto, na maraming alaga like pretty and talented recording artist na si Joice Espinoza.
Nakabibilib ang lakas sa social media ni Joice, at madalas ay viral, ang mga TV guestings. Patuloy pa rin ang pagpo-promote ni Joice ng kanyang latest single na “Pangako Mo”. Nagwagi rin pala si Joice ng Silver Medal World Music last 2024 mula sa Global Music Awards para sa naturang single.
Tiyak na maliban kay Joice, ay darating din ang iba pang mga alaga ni John Rey, upang sorpresahin sa kanyang birthday, na gaganapin sa October 22 sa kilalang venue sa may Panay Avenue, Quezon City.
Siyempre dadalo rin ang mga kaibjgan nito at mga kasamahan sa trabaho.
Advance happy birthday John Rey Malto. God bless you more projects!

(PETER S. LEDESMA)