Serena vs Venus sa Top Seed Open

Nagbalik si Serena Williams sa paglalaro matapos mamahinga dahil sa COVID-19 outbreak at talunin si Bernarda Pera upang maikasa ang ikalawang laban kontra sa kanyang kapatid na si Venus sa Top Seed Open sa Lexington, Kentucky.

Haharapin ng top seed na si Serena si Venus matapos naman nitong talunin si dating world number one Victoria Azarenka 6-3 6-2 sa first-round match.

Medyo hindi maganda ang simula ni Serena sa unang set kontra sa kapwa American na si Pera, pero agad din nitong nakuha ang kanyang kumpiyansa at kumana ng pitong aces at sumagip ng 11 sa 13 break points upang manalo sa iskor ng  4-6 6-4 6-1.

“It’s good just in general because I haven’t played. A lot of players have been playing – little things and little matches and playing against other players – but I’ve only been training so this was really good for me,” ani Serena na nangakong lalaro rin sa US Open sa Aug. 31 hanggang Sept. 13