Saso balik sa world No. 76 ranking

BINAWI ni Philippine rookie professional golfer Yuka Saso ang No. 76 sa Rolex women’s golf world rankings makalipas makihanay sa eighth place sa katatapos na 51st Descente Tokai Classic Aichi 2020 nitong Linggo sa Aichi Prefecture, Japan.

Inupuan na dati ang silyang iyon ng 19-anyos na Fil-Japanese na tubong San Ildefonso, Bulacan mula sa No. 221 sa umpisa ng taong ranggo. Pero sanhi ng kambal na pagre-reyna sa NEC Karuizawa at Nitori Ladies nitong Agosto sa 53rd Japan Ladies Professional Golf Association (JLPGA) 2020 nakuha ang ika-76 na katayuan.

Nalaglag siya sa No. 78 kamakailan nang lumapag sa ika- 29 na puwesto sa Golf5 Ladies at ika-13 sa JLPGA Championship. Pero nakakuha siya ng 2.43 ranking points pa-total 51.91 sa 16 world-rated golfest upang makabalik sa 76th spot. (REC)