Sakaling matuloy sa pagtakbong gobernador: VG MARK, siguradong mababawasan na ang oras para kay KRIS

NAKABALIK na sa Pilipinas ang bagong kasal at butihing Gobernador ng Batangas na si Dodo Mandanas, matapos ang Italian honeymoon nila ng 32 anyos na asawa.

Matunog pa rin ang balita na isa ang 80-year old governor sa mga kinokonsidera bilang bagong Executive Secretary ng Marcos Administration kapalit ni ES Lucas Bersamin.

Bali-balitang magaganap daw ang rigodon ngayong Hunyo, kahit na todo deny si Gov dito.

Ayon pa sa kanya, “you are never too old for marriage or politics”.

Dito raw papasok sa eksena ang Vice Governor ng Batangas na si Mark Leviste dahil siya na ang next-in-line sa posisyon.

Usap-sapan din ang pagkikita ng dalawa kamakailan. Makikita nga sa latest post ni VG Leviste ang pakikipagkamay kay Gov. Mandanas sabay ang mga salitang “sealed with a handshake.”

Mukhang nagkakamabutihan na sila sa mga susunod na hakbang para sa 2025 midterm election.

Ang tanong lang ngayon, kung matuloy ang pagtakbo ni VG Mark bilang susunod na Gobernador ng Batangas paano na kaya sila ni Kris Aquino?

Magkaka-oras pa ba siya sa tuwing kakailanganin siya ni Kris na kasalukuyan pa ring nagpapagamot sa Amerika?

Well, abangan na lang natin ang mga susunod na kaganapan sa love story nina VG Mark at Kris.

(ROHN ROMULO)