Sa gitna ng tensyon sa Middle East … PBBM, nanawagan sa taumbayan na magtipid sa paggamit ng enerhiya

INATASAN ni Pangulong Ferdinand Marcos Jr., ang lahat ng opisyal ng gobyerno at taumbayan na maghanap ng paraan para makatipid sa paggamit ng enerhiya sa gitna ng matinding tensyon sa Middle East.
“Maghanap tayo ng paraan upang mabawasan ang ating paggamit ng lahat ng mga sources of energy natin. Kagaya ng sabi ko, sapat naman ang supply natin. Ngunit baka sakali, ito ay kakailanganin nating gawin ito upang mabawasan nga ang pagbayad dahil tataas nga ang presyo,” ayon sa Pangulo sa press conference na isinagawa Kalayaan Hall, Malakanyang, araw ng Martes.
“At hindi lamang sana sa government offices but we have issued a directive to all the government offices to find ways to save energy in every ways,” ibinigay na halimbawa ng lupa ang mga unnecessary travel, carpooling at iba pa.
“These are things that the general public can do,” anito.
Sa kabilang dako, hinikayat naman ng Punong Ehekutibo ang publiko na gumamit ng public transport.
“You know, private vehicles. Punuin naman ninyo ‘yung sasakyan ninyo. Huwag ‘yung iisang tao lang ang gumagamit,” ani Pangulong Marcos.
“All of these things can come together. We will give further guidance in terms of that. We will give further guidance. We will make public service announcements to make suggestions to people kung ano ‘yung puwede pa nilang gawin para mabawasan ang kanilang paggamit ng energy,” ang pahayag ng Pangulo.
“So that is the… That is the situation as we have it right now,” aniya pa rin. (DARIS JOSE)