ROAD RE-BLOCKING SINUSPINDE NG DPWH

SINUSPINDE ni DPWH Secretary Vince Dizon ang lahat ng ginagawa o gagawin para sa road reblocking.

Sinabi ni Dizon na ito ay para malaman kung ano ang batayan ng reblocking sa gitna na rin ng matinding galit ng publiko sa ganitong aktibidad.

Ayon sa kalihim, kanila na ring iimbestigahan ang road reblocking at kakasuhan din nila ang mga sangkot sakaling may lalabas na anomalya.

Aniya, maglalabas sila ng bagong Department Order na sasaklaw sa pagpapatupad ng reblocking upang mas maipaliwanag ito ng maayos sa publiko.

Hinikayat pa ni Dizon ang publiko na magsumbong sa social media account ng DPWH para agad nilang matugunan.

Kasama sa dalawang ipinatigil na agad ng kalihim ang reblocking sa Bocaue Bulacan na kita umano na hindi naman sira ang kalsada gayundin sa Tuguegarao City sa Cagayan. ( Gene Adsuara)