Ravena, Kouame swak na sa ‘Calambubble’

PUMASOK na ang 12 basketbolista sa Inspire Sports Academy sa Calamba City, Laguna nitong Linggo, Enero 10 para sa Gilas Pilipinas training pool bubble.

Ang hakbang ng Samahang Basketbol ng Pilipinas Inc. (SBPI) ay kaugnay sa paghahanda sa national men’s basketball team para sa 30th International Basketball Federation (FIBA) Asia Cup 2021 third & final window qualifier sa Angeles City, Pampanga sa darating na Pebrero 18-22.

Pinangunahan ni Philippine Basketball Association (PBA) star Kiefer Isaac Ravena ng Nnorth Luzon Expressway, at  naturalized player candidate Angelo Kouame ang grupo.

Pero susundan pa sila ng ikalawang ng PBA stars second batch para rin sa Calambubble sa Enero 22.

Swak na rin sa first batch sa pasilidad ng National University ng Pamilyang Sy sina Gilas Cadet members Isaac Go, magkapatid na Matt at Mike Nieto, at Rey Suerte.

Gayundin sina Javi Gomez de Liano, Dave Ildefonso, Justine Baltazar, Calvin Matetikaana, William Navarro, at Kenmark Carino.

Isa kinausap ng PBA at SBP si Fil-Canadian Matthew Wright ng Phoenix Super LPG ang tumanggi na mas pinili pa ang magliwalis sa Atlanta, Goergia, USA.

Tinapik din sina PBA mentors Norman Black ng Meralco at Carlos Garcia ng Rain or Shine bilang assistant coaches ng national squad. (REC)