Rafael Nadal umatras na sa semis ng Wimbledon dahil sa injury

TULUYAN  nang  umatras si tennis star Rafael Nadal sa semifinals ng Wimbledon.

Ito ay dahil sa dinararanas niyang abdominal injury.

Dahil dito ay tiyak na ang pagpasok sa finals ng kanyang katunggali na si Nick Kyrgios na makakaharap sa sinumang manalo sa pagitan nina Novak Djokovic at Cameron Norrie ng Britanya.

Ang 22-time Grand Slamp Champion na si Nadal ay dumanas ng nasabing injury sa five-set win nito laban kay Taylor Fritz ng US.

Magugunitang nadiskubre ang seven-millimeter na sugat sa kaniyang tiyan matapos ang quarterfinals win kung saan tiniyak pa nito na makakalaro siya sa semifinals.

Pinayuhan siya ng kaniyang medical staff na huwag ng maglaro para hindi lumala pa ang injury.