QUIBOLOY, nananatiling nagtatago sa Pinas- DOJ

Sa press briefing sa Malakanyang, sinabi ni Department of Justice (DOJ) Assistant Secretary at spokesman Mico Clavano na ipinapakita ng kanilang impormasyon na si Quiboloy, nahaharap sa asunto para sa child abuse at qualified trafficking, ay nananatiling “at large” sa Pilipinas maliban na lamang kung may bagong development mula sa mga awtoridad.

“The respondent, or the accused [Quiboloy] has to submit his person to the court for the court to be able to assert its jurisdiction and to subject him to other processes under the law,”ayon kay Clavano.

“Obviously he’s still at large so the law enforcement is still on the lookout and they’ve continued the operations to be able to arrest on the basis of the warrants that have been issued by the court,” dagdag na pahayag ni Clavano.

At nang hingan ng komento ukol sa requests o kahilingan para sa pagpapalabas ng hold departure order (HDO) laban kay Quiboloy, sinabi ni Clavano na napag-usapan na ito kung saan naghain na ang prosekusyon ng kanilang mosyon para magpalabas ng HDO laban kay Quiboloy.

“So, once you have a respondent or an accused, that is a flight risk especially given the resources that this person has, then the prosecutors are very diligent in making sure that that doesn’t happen ‘no – that the accused is able to leave the country without actually facing the allegations in the proper forum,” aniya pa rin.

Tinuran pa ni Clavano na inilagay na ng Bureau of Immigration si Quiboloy sa ‘lookout list.’

Samantala, sa nasabi pa ring press briefing, muling nanawagan si Clavano kay Quiboloy na sumuko na. (Daris Jose)