QC, binuksan ang FIFA-grade football field sa Amoranto Sports Complex

BINUKSAN na ng Quezon City ang isang FIFA-grade football field sa Amoranto Sports Complex.
Kasabay nito ay maaari nang magamit ng mga football enthusiasts ang world-class sports facility para sa training, football competition, at tournament.
Kabilang sa mga feature ng bagong-bukas na pasilidad ay ang high-quality na turf grass na may FIFA-compliant markings, modernong trench drain at drainage system, kalidad na bleachers, atbpa.
Ayon sa city local government, ang bagong proyekto ay bahagi ng inisyatiba ng Quezon City na pag-upgrade sa public sports facilities at isulong ang aktibong lifestyles, grassroots sports development, at samahan ng mga komunidad sa pamamagitan ng sports.
Inaasahang magagamit ang bagong pasilidad sa iba’t ibang turneyo tulad ng mga local league, school tournament, at community sports programs.
Kasabay din nito ay maglalaan ang QC ng libreng football clinics tuwing araw ng Sabado mula alas-7:00 hanggang alas-11:00 ng umaga.